Jeremaia 6:26 - Vakavakadewa Makawa

²⁶ Ko iko, na goneyalewa ni noqu tamata, vauci iko e nai sulu taga, ka qiqi e na dravusa: mo ia na tagi, me vaka e dua sa tagicaka na luvena e dua bau ga, na tagi rarawa sara: ni na vakidacala na nona lako mai vei keda na dauvakacaca.

Ai Vola Tabu (Vakadewa Makawa Vakavoutaki 2021)

²⁶ Ko iko, na goneyalewa ni noqu tamata, vauci iko e nai sulu taga, ka qiqi e na dravusa; mo ia na tagi, me vaka e dua sa tagicaka na luvena e duabau ga, na tagi rarawa sara, ni na vakidacala na nona lako mai vei keda na dauvakacaca.

AI VOLA TABU

²⁶ O iko, na gonealewa ni noqu tamata, vauci iko o nai sulu taqarotu, ka qiqi o na dravusa: mo ia na tagi, me vaka e dua sa tagicaka na luvena e dua bau ga, na tagi rarawa sara: ni na vakidacala na nona lako mai na dauvakacaca vei keda.

Vakavakadewa Vou kei na iVola tale eso

²⁶ A sa kaya o Jiova, “Kemuni na noqu tamata, ni vakaisulu ena i sulu taga, ka vaqiqiqi ena dravusa. Mo ni ia na tagi me vaka e dua sa tagicaka na luvena e duabau ga ena tagi rarawa sara; o koya sa lako mai me vakarusai kemuni ena ravuravu sara vakidacala.

Ai Vola Tabu Ena Vakavakadewa Vou

²⁶ A sa kaya ko Jiova, “Kemuni na noqu tamata, ni vakaisulu ena i sulu taga, ka vaqiqiqi ena dravusa. Mo ni ia na tagi me vaka e dua sa tagicaka na luvena e duabau ga ena tagi rarawa sara; o koya sa lako mai me vakarusai kemuni ena ravuravu sara vakidacala.

Jeremaia 6:26 Iomraidhean Croise

Vakatekivu 21:16

a sa la'ki tiko me donuya, sa vakabeka na kena yawa sa vanataki e dua na gasau: ni sa kaya ko koya, Me'u kakua ni raica ni ciba na gone. A sa tiko donuya, a sa tabalaka na domona, ka tagi.

Jope 15:21

Sa rorogo tu e daligana na ka rerevaki: Ni sa sautu tiko, ena yacovi koya na dauveivakarusai.

Jope 2:8

A sa taura ko koya nai caca ni bilo me kari koya kina; ka sa la'ki tiko ki loma ni dravusa.

Aisea 22:12

Ia e na siga ko ya sa kacivi kemudou na Turaga ko Jiova ni lewe vuqa mo dou mai tagi ka tagi yaso, ka tasi ulu, ka vakaisulu e nai sulu taga:

Aisea 22:4

O koya ka'u a kaya kina, Dou rai tani vei au; ena ka rarawa na noqu tagi; dou kakua ni gu me vakacegui au, e na vuku ni kena vakacacani na goneyalewa ni noqu tamata.

Aisea 3:24

Ia ena yaco mei sosomi kei nai saluaki na ka e bona; ka mei sosomi ni vau vakaiukuuku na dali; kei nai sosomi ni ulu sa talitali vinaka na ulu cou; kei nai sosomi ni curucuru nai sulu taga; kei na vakamai mei sosomi ni matavinaka.

Aisea 30:13

ia nai valavala ca oqo ena sa tautauvata kina vei kemudou kei na tiki ni bai vatu cecere sa ca, ka voleka ni bale, ka vakalakala tu, ena sa kabasu vakasauri mai.

Aisea 32:11

Dou taqaya, na yalewa dautiko wale; dou kidroa, oi kemudou sa wele tiko: dou luvawale mada, ka vauca nai sulu ca ki na tolomudou,

Jeremaia 12:12

era sa lako mai ki na veitikina cecere kecega mai veikau ko ira na dauvakacaca: ia nai seleiwau i Jiova sa kana voli mai nai yalayala ni vanua e dua ki nai yalayala ni vanua kadua: ena sega e dua na tamata me vakacegu.

Jeremaia 13:17

Ia kevaka dou na sega ni rogoca, ena tagi na yaloqu e na tikina vuni e na vuku ni nomudou viavialevu; ena tagi vakalevu na mataqu, ia ena dave maikina na wai, ni sa vakabobulataki na qele ni sipi i Jiova.

Jeremaia 14:17

Ia mo kaya vei ira na vosa oqo; Me dave sobu na wai mai na mataqu e na siga kei na bogi, ia me kakua ni cegu: ni sa ramusu na goneyalewa ni noqu tamata e na dua na rusa levu, ka sa yaviti vakaca sara.

Jeremaia 15:8

Sa ka levu tu na nodra yada, ka lailai na mata ni nuku ni wasawasa; au sa vakayacora vei ira, io, vua na tinadra na cauravou e dua na dauvakacaca e na siga levu: au sa vakavuna na nona sikiti koya vakidacala, kei na ka ni veivakarerei ki na koro.

Jeremaia 18:22

Me rogo mai na nodra veivale na tagi, ni kemuni sa vakauta nai valu me sikiti ira: ni ra sa kelia nai keli me rawai au; ia era sa vunia nai cori me tacori kina na yavaqu.

Jeremaia 30:5

Ni sa kaya vakaoqo ko Jiova; Na domo ni sautaninini keitou sa rogoca, sa yaco na rere, ka segai na vakacegu.

Jeremaia 4:11

E na gauna ko ya ena tukuni vei ira na tamata oqo, kei Jerusalemi, E dua na cagi todra sa liwa mai na veitikina cecere ni veikau, vaka ki na gone yalewa ni noqu tamata, ka sega me iriva na sila, se vakasavasavataka,

Jeremaia 4:20

Sa kacivaki na veivakarusai sa tarava na veivakarusai; ni sa vakacacani na vanua taucoko: sa vakacacani vakasauri na noqu vale laca, ka vakidacala na noqu i lati.

Jeremaia 4:8

E na vuku ni ka oqo dou vauca vei kemudou nai sulu taga, dou tagi ka qoqolou: ni sa sega ni suka tani vei keda na cudru waqawaqa i Jiova.

Jeremaia 6:14

ka ra sa vakamavotaka vakaca ga na nona mavoa na goneyalewa ni noqu tamata, ni ra kaya, Dou vakacegu; dou vakacegu; ni sa sega na vakacegu.

Jeremaia 8:19

Raica, na domo ni nona tagi na goneyalewa ni noqu tamata e na vukudra era tiko e na vanua vakayawa; Sa sega beka ni tiko mai Saioni ko Jiova? sa sega beka ni tiko maikina na nona tui? A cava era sa vakacudrui au kina e na nodra matakau ceuceu, kei na nodra ka lasu na kai tani?

Jeremaia 8:21

E na vuku ni nona mavoa na goneyalewa ni noqu tamata ka'u sa mavoa; au sa vakaveveku mata mai; au sa kidacala sara mai.

Jeremaia 9:1

Me sa wai mada na uluqu, kei nai vurevure ni wai na mataqu, me'u tagi kina e na siga kei na bogi e na vukudra na nona vuetaki na goneyalewa ni noqu tamata!

Jeremaia 9:10

E na vuku ni veiulu-ni-vanua ka'u na ia na tagi kei na qoqolou, kei na lele e na vuku ni veikoro ni veikau, ni sa kama, me sega e dua e lakova; ena sega ni rogoci kina na tagi ni manumanu; a manumanu vuka kei na manumanu ni vanua sa dro; sa ra yali.

Lele i Jeremaia 1:16

E na vuku ni ka oqo ka'u sa tagi kina; mai na mataqu, io mai na mataqu sa dave sobu na wai, Ni sa yawa vei au ko koya na dauveivakacegui me na vakabulabulataka na yaloqu: Era sa luveniyali ko ira na luvequ, ni sa gumatua na meca.

Lele i Jeremaia 1:2

Sa tagi vakalevu ko koya e na bogi, Sa tiko ga e baluna na wai ni matana; Sa sega e dua vei ira kecega na wekana me vakacegui koya: Ko ira kece na nonai tokani era sa lawakitaki koya, Era sa vuki tale me nona meca.

Lele i Jeremaia 2:11

Sa malumalumu na mataqu ni sa vakawai, sa rise na bati ni ketequ, Sa sova ki na qele na yatequ, e na vuku ni nona rusa na goneyalewa ni kai noqu; Ni ra sa matabuto mai e na sala ni koro ko ira na gone lalai kei na gone sa sucu tiko.

Lele i Jeremaia 3:16

Sa vorota talega na batiqu e na laqere, sa buluti au e na dravusa.

Lele i Jeremaia 3:48

Sa dave tu mai na mataqu na uciwai levu, e na vuku ni kena rusa na goneyalewa ni kai noqu.

Lele i Jeremaia 4:10

A ligadra na yalewa dauyalololoma, sa vakasaqa na luvedra dina; Era sa kedra kakana ni sa vakacacani na goneyalewa ni kai noqu.

Lele i Jeremaia 4:3

Io na tavuto, era sa ucuna na mata-ni-sucudra, era sa vakasucuma na luvedra: Ko koya na goneyalewa ni kai noqu, sa lomaqa mai, ka vaka na ositereji ni veikau.

Lele i Jeremaia 4:6

Ni sa ka levu na caka cala ni goneyalewa ni kai noqu, ka sa ka lailai nai valavala ca i Sotoma, ko koya ka vukici vakasauri sara, ka sega na liga e tarai koya.

Emosi 8:10

au na vukica talega na nomudou so levu me soqoni ni tagi, kei na nomudou sere kecega ena vuki me lele; ia ka'u na lewa mo dou sulumaka nai sulu taga, ka na cou mai na ulumudou kecega ia ka'u na cakava na ka oqori me tautauvata kei na so mate sa ia e na vuku ni gone tagane sa dua bauga, kei na kenai otioti me tautauvata kei na dua na siga rarawa sara.

Jona 3:6

Ni sa rogo vei tui Ninive na vosa oqori, ka sa tu cake ko koya mai na nonai tikotiko vakaturaga, ka luvata tani na nonai sulu vakatui, ka sa vakaisulutaki e nai sulu taga, ka la'ki tiko e na dravusa.

Sakaraia 12:10

Au na sovaraka talega ki na mataqali i Tevita, kei na kai Jerusalemi, na yalo sa tubu kina na loloma kei na vakamamasu: ka ra na vakaraici au era sa coka, ka ra na tagicaki koya, me vaka e dua sa tagicaka na luvena e dua bauga, ka ra na rarawa sara e na vukuna, me vaka e dua sa rarawa sara e na vuku ni nona ulumatua.

Luke 7:12

Ia ni sa toro voleka ki na matamata-ni-koro, raica, sa dua na mate sa colati ki nai bili, a luve i tinana e dua bauga, a sa yada ko koya: a ra sa lewe vuqa sara na lewe ni koro era lako vata kaya.

Jemesa 4:9

Dou mai rarawa, ka qoqolou, ka tagi: me vuki na nomudou dredre me qoqolou, kei na nomudou marau me mataveveku.

Jemesa 5:1

Dou lako mai, oi kemudou na tamata vutuniyau, dou tagi ka qoqolou e na vuku ni nomudou ka rarawa ena yaco mai.