Jeremaia 6:23 - Vakavakadewa Makawa

²³ era na lukuta na dakai kei na moto; era sa yalokaukauwa, ka sega ni kila na loloma; a domodra ena vadugu me vaka na wasawasa; era sa vodo ose, ka lautuva me vaka na tamata me ia nai valu kivei iko, na goneyalewa ni Saioni.

Ai Vola Tabu (Vakadewa Makawa Vakavoutaki 2021)

²³ Era na lukuta na dakai kei na moto; era sa yalokaukauwa, ka sega ni kila na loloma; a domodra ena vadugu me vaka na wasawasa; era sa vodo ose, ka tuvai me vaka na tamata me ia nai valu kivei iko, na goneyalewa ni Saioni.”

AI VOLA TABU

²³ a dakai kei na moto era na lukuta; era sa yalokaukauwa, ka tawa kila loloma; a domodra ena vadugu me vaka na Wasawasa; i era sa vodo tu e na ose, ka lautuva me vaka na tamata me ia nai valu vei iko, na gonealewa ni Saioni.

Vakavakadewa Vou kei na iVola tale eso

²³ Era sa kauta na nodra dakaititi kei na i seleiwau; era i tovo kaukauwa ka tawa loloma. Na domodra sa vadugu me vaka na wasawasa, ni ra sa vodoka na nodra ose. Era sa vakarau tu me vala kei Saioni.”

Ai Vola Tabu Ena Vakavakadewa Vou

²³ Era sa kauta na nodra dakaititi kei na i seleiwau; era i tovo kaukauwa ka tawa loloma. Na domodra sa vadugu me vaka na wasawasa, ni ra sa vodoka na nodra ose. Era sa vakarau tu me vala kei Saioni.”

Jeremaia 6:23 Iomraidhean Croise

Aisea 10:32

Sa bogi dua ga mai Nopi ko koya: ena qai dodoka na ligana ki na ulu-ni-vanua ni goneyalewa ni Saioni, ki na ulu-ni-koro ko Jerusalemi.

Aisea 13:18

A nodra dakai titi ena vakabalei ira na cauravou ki na vatu; na vua ni kete era na sega ni lomana; ena sega ni loloma na matadra vei ira na gone.

Aisea 17:12

Ulei! na domo ni veimatanitu e vuqa! era rorogo me vaka na vadugu ni wasawasa; kei na nodra cici vakaivalu na veimataqali! era sa ue me vaka na vadugu ni wai kaukauwa!

Aisea 19:4

Ia ka'u na soli Ijipita ki na ligana e dua na turaga yaloca; ena lewai ira e dua na tui yalokaukauwa, sa kaya na Turaga, ko Jiova ni lewe vuqa.

Jeremaia 25:32

Sa kaya vakaoqo ko Jiova ni lewe vuqa, Raica, na ca ena lako voli yani mai na matanitu ki na matanitu, ia na cava levu ena vakatuburi mai nai yalayala kei vuravura.

Jeremaia 25:9

raica, au na talaki ka kauti ira kecega na veimataqali mai na mata ni tokalau, kei Nepukanesa na tui Papiloni na noqu tamata, sa kaya ko Jiova, ia ka'u na kauti ira vakaivalu mai ki na vanua oqo, kei na lewena, kei na veimatanitu kecega oqo sa tiko vakavolivolita, ia ka'u na vakarusai ira sara, ka cakavi ira me ra vakurabuitaki, ka vakasiusiutaki, ka me vanua rusa ka sega ni mudu.

Jeremaia 30:14

Ko ira kece ka lomani iko era sa guilecavi iko; era sa sega ni mai raici iko; ni ka'u sa vuetaki iko e na kuita ni vakatawaloloma, me vaka ka'u sa nomu meca e na vuku ni kena levu ni nomu caka cala: ni sa vuqa tiko na nomu i valavala ca.

Jeremaia 4:13

Raica, ena lako mai ko koya me vaka na o, ka vaka na covulaca na nona qiqi-ni-valu: sa totolo na nona ose ka bera na ikeli. Ulei koi keda! ni da sa vakarusai.

Jeremaia 4:16

Mo dou tukuna vei ira na veimatanitu; raica, vakarogoya ki Jerusalemi, ni ra sa lako mai nai valu i vakatawa mai na vanua vakayawa, ka ra na bolebole ki na veikoro vaka-Juta.

Jeremaia 4:29

Ena dro na lewe ni koro taucoko e na vuku ni domodra era vodo ose kei na domodra era vakadakai; era na lako ki loma ni veikau, ka kaba cake ki na vatu: ena biu na veikoro kecega, ka na sega e dua na tamata me tiko kina.

Jeremaia 5:16

a nodra taga ni gasau sa vaka nai bulubulu sa dola tu, era tamata qaqa kecega:

Jeremaia 50:41

Raica, ena lako mai na mata ni tokalau e dua na mataqali; ia e dua na matanitu levu, kei na tui e lewe vuqa, ena vakaturi cake mai nai yalayala kei vuravura:

Jeremaia 50:42

a nodra i yaragi na dakai kei na moto; era sa yalokaukauwa, a ra na sega ni yalololoma: a domodra, ena vadugu me vaka na wasawasa; era na vodo ose, ka lautuva vakaivalu, me ia nai valu vei iko, na goneyalewa ni Papiloni.

Jeremaia 6:4

Dou vakarau i valu vua; dou tu, me da lako cake kei na siga levu. Ulei koi keda! ni sa kala na siga, ni sa balavu mai na yaloyalo ni yakavi:

Jeremaia 8:16

Sa rogo mai Tani na kedra suru na nona ose: ni sa rogo mai na kedra suru na nona ose kaukauwa, sa sautaninini na vanua taucoko; ni ra sa lako ga mai, ka ra sa kania na vanua, kei na ka kecega sa tu kina; na koro, kei ira era tiko kina.

Isikeli 21:31

Ia ka'u na sovaraka vei iko na noqu cudru, ka'u na uvuci iko e na bukawaqa ni noqu cudru, ka soli iko ki na ligadra na dauvakacaca, era daukila na veivakarusai.

Vakarua 28:49

Ena kauta mai ko Jiova e dua na matanitu mai na vanua yawa me vala kei kemuni, io mai nai yalayala kei vuravura, me vaka na vuka ni ikeli; a matanitu ko ni sa sega ni kila na kena vosa;