Jeremaia 6:21 - Vakavakadewa Makawa

²¹ O koya sa kaya kina ko Jiova, Raica, ka'u na tauca vei ira na tamata oqo na ka me ra toqi kina, ka ra na bale vata kina na qase kei na luvedra; na tamata kei na wekana erau na rusa.

Ai Vola Tabu (Vakadewa Makawa Vakavoutaki 2021)

²¹ O koya sa kaya kina ko Jiova, ‘Raica, ka'u na tauca vei ira na tamata oqo na ka me ra toqi kina, ka ra na bale vata kina; na qase kei na luvedra, na tamata kei na wekana era na rusa.’ ”

AI VOLA TABU

²¹ O koya sa vosa vakaoqo kina ko Jiova, Raica, kaʼu na tauca vei ira na tamata o qo na ka me ra toqi kina, a ra na bale vata kina na qase kei na luvedra; na tamata kei na wekana erau na rusa.

Vakavakadewa Vou kei na iVola tale eso

²¹ O koya oqo sa kaya kina o Jiova, au na vakavuna me ra tarabe na tamata oqo ka bale era na mate na tama kei ira na luvedra, ka vakakina na wekadra kei ira na nodra i tokani.”

Ai Vola Tabu Ena Vakavakadewa Vou

²¹ O koya oqo sa kaya kina ko Jiova, au na vakavuna me ra tarabe na tamata oqo ka bale era na mate na tama kei ira na luvedra, ka vakakina na wekadra kei ira na nodra i tokani.”

Jeremaia 6:21 Iomraidhean Croise

2 Veigauna 36:17

E na vuku ni ka oqo, sa kauta mai vei ira ko koya na nodra tui na kai Kalitia, o koya ka vakamatea e nai seleiwau na nodra cauravou e na nodra vale tabu, ka sega ni lomana na cauravou se na goneyalewa, na tagane qase se koya sa roko lako ni sa qase sara: sa soli ira kecega ki na ligana.

Aisea 8:14

Ia sa na yaco ko koya me vale tabu; ka na yaco talega me vatu era na tarabe kina, kei na vatu era na bale kina na mataqali ruarua i Isireli; ka mei cori talega ka tudai kivei ira na kai Jerusalemi.

Aisea 8:15

Ia ena tarabe kina na lewe vuqa, era na bale, ka ramusu, ka coriti, ka tauri.

Jeremaia 13:14

ka'u na botobotolaki ira vata na tamata kei na kai nona, io ko ira vata na qase kei na luvedra, sa kaya ko Jiova: ka'u na sega ni lomana, se vosota, se yalololoma kina, ka'u na vakarusai ira ga.

Jeremaia 13:16

Dou vakarokorokotaki Jiova na nomudou Kalou, ni sa bera ni vakayacora na butobuto, ni sa bera talega ni tarabe na yavamudou e na veiulu-ni-vanua loaloa; ka dou sa yadrava na rarama, ka sa vukica ga ko koya me yaloyalo ni mate, ka cakava me butobuto sara.

Jeremaia 18:21

O koya mo ni solia kina na luvedra me ra viakana, ka vakadavea na kedra dra e na kaukauwa ni seleiwau; ia me yali vei ira na watidra na luvedra, ka me ra yada talega; ka me ra vakamatei na nodra tagane; ia na nodra cauravou, me ra mate e nai seleiwau e nai valu.

Jeremaia 18:23

Io koi kemuni, Jiova, ko ni sa kila kece na nodra veretaki au me'u mate: mo ni kakua ni buluta na nodra caka cala, ia na nodra i valavala ca mo ni kakua ni bokoca tani mai na matamuni, ia me ra vakabalei sobu ga e matamuni; mo ni vakayacora vei ira e na gauna ni nomuni cudru.

Jeremaia 21:7

ni sa oti oqori, sa kaya ko Jiova, ka'u na soli Setekaia na tui Juta, kei ira na nona tamata, kei ira na lewe ni vanua, kei ira sa vo e na koro oqo mai na mate dauveiveitauvi, kei nai seleiwau, kei na viakana, ki na liga i Nepukatiresa na tui Papiloni, kei na ligadra na nodra meca, kei na ligadra era sagai ira me ra vakamatea: ia ena yaviti ira ko koya e nai seleiwau; ena sega ni vosoti ira, ena sega talega ni yalovinaka, se yalololoma.

Jeremaia 8:12

Era sa madua beka ni ra sa kitaka na ka vakasisila? e segai, era sa sega sara ni madua, ka sa sega sara talega ni ra mata madua rawa: o koya oqo era na bale vata kina kei ira era sa bale: e na gauna ka'u na cudruvi ira kina, era na vakabalei sobu, sa kaya ko Jiova.

Isikeli 3:20

Ia ni sa vuki tani na tamata yalododonu mai na nonai valavala dodonu, ka sa caka cala, ni'u sa tauca e matana na ka e tarabe kina, ena mate ko koya: ni ko sa sega ni vakasalataki koya, ena mate ga e na nonai valavala ca, ia ena sega ni nanumi na nonai valavala dodonu sa cakava ko koya; ia na nona mate ka'u na taroga vei iko.

Isikeli 5:10

io ko ira na tama ni gone era na kania na luvedra e na kemudou maliwa, o ira talega na gone era na kania na tamadra; ia ka'u na cudruvi iko, ka dui cagina kece tani na kemudou vo ki na mata ni cagi kecega.

Vunau ni Soro 26:37

a ra na veibaleti, me vaka sa muri ira nai seleiwau, ni sa sega e vakasava: ia ena sega vei kemudou na kaukauwa mo dou tu kina e na matadra na nomudou meca.

Roma 11:9

Sa kaya talega ko Tevita, Me yaco na nodra tepeli me kedrai cori, kei na tudai, Kei na ka me ra tarabe kina, me kedrai sau talega ni ca.

Roma 9:33

me vaka na ka sa volai, Raica, au sa tauca mai Saioni na vatu e dauveivakatarabetaki kei na vatu ni veivakalomacataki: Ia ko koya yadua sa vakabauta ena sega ni vakamaduataki.

1 Pita 2:8

kei Na vatu era sa tarabe kina, kei na vatu era sa bale kina; ni ra sa tarabe e na vosa, ni ra sa talaidredre: era sa lesi talega me ra vakakina.