Jeremaia 6:19 - Vakavakadewa Makawa

¹⁹ Rogoca mada, na vuravura: raica, ka'u na vakayacora na ca vei ira na tamata oqo, io na vua ni nodra nanuma, ni ra sa sega ni rogoca na noqu vosa, se na noqu vunau; era sa biuta ga.

Ai Vola Tabu (Vakadewa Makawa Vakavoutaki 2021)

¹⁹ Rogoca mada, na vuravura; raica, ka'u na vakayacora na ca vei ira na tamata oqo, io na vua ni nodra nanuma, ni ra sa sega ni rogoca na noqu vosa, se na noqu vunau; era sa biuta ga.

AI VOLA TABU

¹⁹ Rogoca, vuravura: raica, kaʼu na vakayacora na ca vei ira na tamata o qo, io na vua ni nodra nanuma, e na vuku ni ra sa sega ni rogoca na noqu vosa, se na noqu vunau; era sa biuta ga.

Vakavakadewa Vou kei na iVola tale eso

¹⁹ Rogoca mada o iko na vuravura! Au sa kauta mai na rusa vei ira na tamata oqo, na i sau ni nodra i valavala; baleta ni ra sega ni muria na noqu vosa, ka vakanadakuya na noqu i vakaro.

Ai Vola Tabu Ena Vakavakadewa Vou

¹⁹ Rogoca mada o iko na vuravura! Au sa kauta mai na rusa vei ira na tamata oqo, na i sau ni nodra i valavala; baleta ni ra sega ni muria na noqu vosa, ka vakanadakuya na noqu i vakaro.

Jeremaia 6:19 Iomraidhean Croise

Vosavakaibalebale 15:26

A ka vakasisila vei Jiova na ka era nanuma ko ira nai valavala ca: Ia sa vosa kamikamica na nodra vosa na yalosavasava.

Vosavakaibalebale 28:9

O koya sa vaqara tani na daligana me kakua ni rogoca na vunau, Ena ka vakasisila na nona masumasu.

Aisea 1:2

Dou rogoca, na lomalagi, ka vakatu daliga, na vuravura, ni sa kaya mai ko Jiova, Ka'u a susuga ka vakalevulevui ira na luvequ, ia ko ira, era sa vuki tani vei au.

Aisea 5:24

Ia me vaka sa kama na vu-ni-sila e na yameyame ni bukawaqa, ka sa yavu sara na co madu ni sa caucaudre, ena vuca sara vakakina na wakadra, ia na sedra ena vuka cake me vaka na kuvu-ni-soso: ka ni ra sa biuta tani na vunau i Jiova ni lewe vuqa, ka beca na vosa i Koya na Yalosavasava ni Isireli.

Aisea 59:7

a yavadra sa ciciva na ka ca, ka ra sa kusarawa me ra vakadavea na dra sa sega ni cala; a nodra vakanananu na vakanananu ca; na rusa kei na rarawa sa tu e na nodra sala.

Aisea 66:18

Ia koi au ka'u sa kila na nodra cakacaka kei na nanuma ni lomadra: ia, ka'u na vakasoqoni ira vata na lewe ni veivanua kecega kei na dui vosavosa; ka ra na lako mai ka raica na noqu totoka.

Jeremaia 11:11

O koya oqo sa kaya kina ko Jiova, Raica, au na vakayacora vei ira na ca, ka ra na sega ni dro tani rawa maikina, era na qai tagi vei au, ia ka'u na sega ga ni rogoci ira.

Jeremaia 15:6

Ko iko ko sa biuti au, sa kaya ko Jiova, ko sa lako ki muri: o koya oqo ka'u na dodoka kina na ligaqu vei iko, ka vakarusai iko; au sa oca e na veivutuni.

Jeremaia 17:10

Koi au ko Jiova ka'u sa dikeva na loma ni tamata, ka'u sa vakatovolea na kenai ivi, me'u solia ki na tamata yadua me vaka na nonai valavala, me vaka na vua ni nona cakacaka.

Jeremaia 19:15

Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.

Jeremaia 19:3

ka kaya, Dou rogoca na vosa i Jiova, koi kemudou na tui Juta, kei na kai Jerusalemi; Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora na ca ki na tikina oqo, ia ko ira kecega era rogoca, ena qasikanunu kina na daligadra:

Jeremaia 21:14

Ia ka'u na cudruvi kemudou me vaka na nomudou i valavala, sa kaya ko Jiova: ia ka'u na tutuvaka na buka e na kena veikau, ena kania na ka kecega sa tu vakavolivolita.

Jeremaia 22:29

Ko iko, Na vanua, na vanua, na vanua, mo rogoca na vosa i Jiova.

Jeremaia 29:19

ka ni ra sa sega ni rogoca na noqu vosa, sa kaya ko Jiova, o koya ka'u sa talai ira na noqu i talatala na parofita me ra tukuna, ka'u sa sou e na mataka ka tala, ia dou a sega ni vakarogoca, sa kaya ko Jiova.

Jeremaia 4:14

Mo vuya tani na ca mai na lomamu, Jerusalemi, mo bula kina. A cava na kena dede me tiko e lomamu na nanuma ca?

Jeremaia 4:16

Mo dou tukuna vei ira na veimatanitu; raica, vakarogoya ki Jerusalemi, ni ra sa lako mai nai valu i vakatawa mai na vanua vakayawa, ka ra na bolebole ki na veikoro vaka-Juta.

Jeremaia 4:4

Dou cilivi kemudou mo dou nei Jiova, ka kauta tani na vuso ni yalomudou, koi kemudou na kai Juta kei na lewe i Jerusalemi: de lako yani me vaka na bukawaqa na noqu cudru, ka waqa me sega e dua e bokoca rawa, e na vuku ni kena ca ni nomudou i valavala.

Jeremaia 49:37

Ni'u na vakataqayataki ira na Ilama e na matadra na nodra meca, kei na matadra era segata me ra vakamatei ira: ia ka'u na vakayacora vei ira na ca, io na noqu cudru waqawaqa, sa kaya ko Jiova; ia ka'u na vakayacora vei ira nai seleiwau, ka me'u vakaoti ira sara:

Jeremaia 6:10

Me'u vosa vei cei, ka ia kina na vakatusa, me ra rogoca? raica, sa sega ni cilivi na daligadra, a ra sa sega ni vakarorogo rawa: raica, na vosa i Jiova sai tukutuku ca vei ira; era sa sega ni vinakata.

Jeremaia 6:18

O koya oqo dou rogoca kina, na lewe ni veivanua, ka kila, koi kemudou nai soqosoqo, na ka sa tu vei ira.

Jeremaia 8:5

A cava beka era sa qai vuki tani kina na kai Jerusalemi oqo e na dauvuki sa sega ni mudu? era taura matua na ka lasu, era bese ni lesu mai.

Jeremaia 8:9

Era sa madua mai ko ira na tamata vuku, era sa taqaya ka tacori: raica, era sa biuta na vosa i Jiova; ia na vuku cava sa tu vei ira?

Taniela 9:11

Ia ko ira kece na Isireli era sa talaidredre ga ki na nomuni vunau, ni ra sa gole tani, me ra kakua ni vakarorogo ki na nomuni vosa; o koya oqo sa sovaraki kina vei keimami na cudru kei na vosa ni bubului sa volai e na vunau i Mosese nai talatala ni Kalou, ni keimami sai valavala ca vua.

Osea 10:13

Dou a ia na cukicuki ca, dou a tamusuka kina nai valavala ca; dou a kania na vua ni lasu: ni dou a vakararavi ki na nomudou i valavala, ni ra lewe vuqa na nomudou qaqa.

Osea 4:6

Era sa rusa ko ira na noqu tamata ni sa yali vei ira na vuku: ni ko sa biuta na vuku, au na biuti iko talega, mo kakua ni bete tiko vei au: ni ko sa guilecava na vunau ni nomu Kalou, koi au talega, ka'u na guilecavi ira na luvemu.

Emosi 2:4

Sa kaya vakaoqo ko Jiova, Ni sa qai vakatolu na nodra talaidredre na Juta, io, ni sa vakava, ka'u na sega kina ni vakadaroya na nodra cudruvi; ka ni ra sa beca na vunau i Jiova, ka sega ni vakabauta na nonai lesilesi, ka sa vakacalai ira na nodra ka lasu, o koya era muria ko ira na nodra qase:

Maika 1:2

Oi kemudou na veimataqali kecega dou rogoca; ka mo vakarorogo, na vuravura, kei na ka kecega sa tu kina: ia me vakadinadina ki na nomudou ca na Turaga ko Jiova, io na Turaga, mai na nona vale tabu.

Maika 6:2

Dou rogoca, na veiulu-ni-vanua, na ka e veiletitaka ko Jiova, oi kemudou talega, na yavu kaukauwa kei vuravura: ni sa dua na ka e veiletitaka ko Jiova kei ira na nona tamata, io, ena ia na veilewai ko koya kei ira na Isireli.

Joni 12:48

Sa dua sa lewai koya sa biuti au, ka sega ni vakabauta na noqu vosa: a vosa kau sa vosataka, sai koya oqo ena lewai koya e na siga maimuri.

Cakacaka 8:22

O koya oqo mo qai veivutunitaka na nomui valavala ca oqo, ka masu vua na Kalou, de sa rawa beka mo sega ni cudruvi e na nanuma ni yalomu.

Vakarua 30:19

Au sa cavuti lomalagi kei vuravura edaidai me kila, ni'u sa tauca e matamuni na bula kei na mate, na veivakalougatataki kei na veicudruvi: ia mo ni digitaka mada na bula, mo ni bula kina, koi kemuni kei na nomuni kawa:

Vakarua 32:1

Mo ni vakatu daliga, na lomalagi, ia ka'u na vosa; Ia me rogoca ko vuravura, na vosa ni gusuqu.

Vakarua 4:26

au sa kacivi lomalagi kei vuravura edaidai me kila e na vukumuni, ni kemuni na kawayali vakusakusa mai na vanua kemuni sa qalo-kosova na Joritani mo ni taukena; ena sega ni balavu kina na nomuni bula, ia kemuni na kawayali vakaidina ga.

1 Samuela 15:23

Ni sa tautauvata na kena ca ni talaidredre kei na cakai sausau, ia na yalokaukauwa sa ka ca, ka vaka na dauqarava na matakau. Ni ko sa beca na vosa i Jiova, sa beci iko talega ko koya, mo kakua ni tui tiko.

1 Samuela 15:26

A sa kaya vei Saula ko Samuela, Au na sega ni lesu vata kei iko: ni ko sa beca na vosa i Jiova, sa beci iko ko Jiova, mo kakua ni tui tiko vei ira na Isireli.