Jeremaia 6:16 - Vakavakadewa Makawa

¹⁶ Sa kaya vakaoqo ko Jiova, Dou tu e na sala, ka vakararai, ka taroga nai lakolako makawa, se sa evei na sala vinaka, ia dou lako ga kina, dou na qai kunea kina na vakacegu ni yalomudou. A ra sa kaya, Keimami na sega ni lako kina.

Ai Vola Tabu (Vakadewa Makawa Vakavoutaki 2021)

¹⁶ Sa kaya vakaoqo ko Jiova, “Dou tu e na sala, ka vakararai, ka taroga nai lakolako makawa, se sa evei na sala vinaka; ia dou lako ga kina, dou na qai kunea kina na vakacegu ni yalomudou. Ia era sa kaya, ‘Keimami na sega ni lako kina.’

AI VOLA TABU

¹⁶ Sa vosa vakaoqo ko Jiova, Dou tu e na sala, ka vakararai, ka taroga nai lakolako makawa, se evei na sala vinaka, ia dou lako ga kina, dou na qai kunea kina na vakacegu ni yalomudou. A ra sa kaya, Keimami na sega ni lakova.

Vakavakadewa Vou kei na iVola tale eso

¹⁶ A sa kaya o Jiova vei ira na nona tamata, “Ni tu ena veibasoga ni sala ka vakararai; taroga na veigaunisala makawa e liu. E vei na sala e uasivi? Lako kina o na kune vakacegu.” Ia era a qai kaya, “Keimami na sega ni lako kina!”

Ai Vola Tabu Ena Vakavakadewa Vou

¹⁶ A sa kaya ko Jiova vei ira na nona tamata, “Ni tu ena veibasoga ni sala ka vakararai; taroga na veigaunisala makawa e liu. E vei na sala e uasivi? Lako kina o na kune vakacegu.” Ia era a qai kaya, “Keimami na sega ni lako kina!”

Jeremaia 6:16 Iomraidhean Croise

1 Tui 8:36

mo ni qai rogoca mai lomalagi, ka kakua ni cudruvi ira e na vuku ni nodra i valavala ca na nomuni tamata, io, na nomuni tamata na Isireli, mo ni vakavulici ira kina e na sala vinaka me ra lako kina, ka solia na uca ki na nomuni vanua, ko ni a solia vei ira na nomuni tamata mei votavota.

2 Veigauna 19:11

Ka raica, sa lewai kemudou e na ka sa qaravi kina ko Jiova ko Amaraia na bete levu; ia ko Sepataia na luve i Isimeli, o koya sa lewa na mataqali i Juta, sa na lewa e na ka kecega sa baleta na tui; ena veivuke ko ira talega na Livai e matamudou. Mo dou ia vakadoudou, ka na tiko vata ko Jiova kei koya sa vinaka.

NA SAME 116:7

Mo lesu tale ki na nomu i vakavakacegu, na yaloqu: Ni sa caka vinaka sara vei iko ko Jiova.

Aisea 2:5

Koi kemudou na mataqali i Jekope me da mai lako voli tu e na rarama i Jiova.

Aisea 28:12

O ira oqo ka kaya kina ko koya, Oqo nai vakavakacegu; dou vakacegui ira kina era sa oca: ia oqo na ka ni veivakacegui: a ra sa bese ga ni rogoca.

Aisea 30:21

Ia ni dou gole tani vaka ki nai matau se ki nai mawi, dou na qai rogoca e dua na vosa mai dakumudou ka vaka, oqo na sala, dou mai lako tu ga kina.

Aisea 46:9

Dou vakananuma na ka makawa eliu ni sai au na Kalou, ka sa sega tale e dua: sai au na Kalou, ka sa sega e dua me keirau tautauvata kaya,

Aisea 57:2

Ena curu ki nai vakavakacegu ko koya; era na vakacegu no e na nodra i kotokoto, ko ira yadua era sa lako vakadodonu.

Aisea 8:20

Qara mada e na vunau kei nai tukutuku: kevaka era sa sega ni vosa me vaka na vosa oqo, sa ka ga ni sa sega dina vei ira na rarama.

Jeremaia 12:16

Ia kevaka era na gumatua ni vulica nai valavala ni noqu tamata, me ra bubului e na yacaqu, ka vaka, Sa bula ko Jiova; me vaka era sa dauvakavulici ira na noqu tamata me ra bubului vei Peali; era na qai vakataudeitaki e na kedra maliwa na noqu tamata:

Jeremaia 18:12

A ra sa kaya, Sa sega sara ni rawa: keimami na muria ga na neimami lewa, ia na nanuma ni lomaimami ca keimami na dui cakava.

Jeremaia 18:15

ka ni ra sa guilecavi au na noqu tamata, ia era sa vakama kina na ka boi vinaka ki na ka lasu, ka ra sa vakatarabetaki ira e na nodra sala, ka sa biu ga nai lakolako makawa, me ra lako vakatikitiki e na sala sa sega ni buluti;

Jeremaia 2:25

Me kua mada ni tawa vakaivava na yavamu; ka tarova na nomu i tilotilo, mo kakua ni viagunu: ia ko a kaya, Sa sega vei au nai nuinui: sa segai sara; ni'u a lomani ira na kai tani, ia ka'u na muri ira ga.

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 31:21

Mo vakaduria na nomu i vakatakilakila ni sala, mo cakava na nomu i tuvatuva cecere: mo vakasara na lomamu ki na salatu, na sala ko a lako yani kina: mo lesu mai, na goneyalewa ni Isireli, mo lesu mai ki na nomu veikoro oqo.

Jeremaia 42:3

ka me vakatakila vei keimami ko Jiova na nomu Kalou na sala me keimami lako kina, kei na ka me keimami cakava.

Jeremaia 44:16

Keimami na sega ni vakarorogo ki na vosa, ko sa mai tukuna vei keimami e na yaca i Jiova:

Jeremaia 50:5

Era na taroga na sala ki Saioni, ni ra vakanamata kina, ka kaya, Me da mai la'ki ia na veiyalayalati kei Jiova e na veiyalayalati e sega ni mudu ka na sega ni guileca.

Jeremaia 7:23

ia na ka ga oqo ka'u a vakarota vei ira, ka kaya, Dou vakarorogo ki na noqu vosa, ka'u na qai nomudou Kalou, ia dou na vakabau mo dou noqu tamata: dou muria kece talega nai valavala ka'u a vakarota vei kemudou, mo dou vinaka kina:

Jeremaia 7:24

ka ra sa sega ni vakarorogo, se vakatu daligadra, era sa muria ga na nodra lewa kei na nodra yalokaukauwa, era sa suka ki muri, ka sega ni lako ki liu.

Jeremaia 7:3

Sa kaya vakaoqo ko Jiova ni lewe vuqa, na Kalou ni Isireli, Dou cakava me vinaka na nomudou i tovo kei na nomudou i valavala, ka'u na qai lesia mo dou tiko ga e na yasana oqo:

Malakai 4:4

Dou nanuma na vunau i Mosese na noqu tamata, ko ya ka'u a vakarota vua mai Orepi me nodra kecega na Isireli, io, nai lesilesi kei na lewa.

Luke 16:29

Sa kaya vua ko Eparaama, Sa tu ga vei iratou ko Mosese kei ira na parofita; me ratou rogoci ira.

Joni 12:35

Sa qai kaya vei ira ko Jisu, Sa tiko vakalailai ga vei kemudou na rarama: dou lako ni sa tu vei kemudou na rarama, de yacovi kemudou na butobuto: ia ko koya sa lako e na butobuto, sa sega ni kila se sa lako kivei.

Joni 13:17

Kevaka dou sa kila na veika oqo, dou sa kalougata kevaka dou sa kitaka.

Joni 5:39

Dou sa vakasaqaqara e nai Vola Tabu; ni dou sa nanuma dou sa rawata kina na bula tawa mudu: ia nai vola oqo sa tukuni au.

Cakacaka 17:11

A ra sa uasivi vei ira na kai Cesalonaika ko ira oqo e na yalo vakaturaga, ni ra sa vakarogoca na vosa e na loma e vinakata sara, a ra sa dauvakasaqaqara e nai Vola Tabu e na veisiga, se sa vakakina na ka oqori, se segai.

Roma 4:12

me tamadra talega era sa cili, vei ira era sa sega ni cili walega, era sa muria talega nai vakarau ni vakabauta ko ya sa nei Eparaama, na tamada ni sa bera ni cili.

Vakarua 32:7

Nanuma na gauna eliu sara, Mo ni vakasama na yabaki ni tabatamata e vuqa: Taroga na tamamuni, ka na vakatakila vei kemuni ko koya; Ko ira na nomuni qase, ka ra na tukuna vei kemuni.

Kolosa 2:6

Ia ni dou sa vakabauti Karisito Jisu na Turaga, mo dou ia tiko nai valavala sa vinaka vua:

Iperiu 11:2

Ni sa ka oqo sa rogo vinaka kina eliu ko ira na qase.

Iperiu 6:12

mo dou kakua ni vucesa, mo dou muri ira ga era sa qai taukei ni veika ka yalataki ni ra a vakabauta ka vosota vakadede.

Dauveilewai 2:17

Ia era sa sega ga ni vakarorogo kivei ira na nodra dauveilewai, ka ra sa lako vakatani ga ka muria eso na kalou tani, a ra sa cuva vei ira: era sa vuki kusarawa mai na sala era a lako kina ko ira na nodra qase, era a talairawarawa ki na vunau i Jiova: ia era sa sega ni cakacaka vakakina.