Jeremaia 6:13 - Vakavakadewa Makawa

¹³ Ni ra sa daukocokoco kecega ko ira na tamata wale kei ira talega na turaga; a ra sa cakacaka vakailasu kecega na parofita ka yacovi ira talega na bete:

Ai Vola Tabu (Vakadewa Makawa Vakavoutaki 2021)

¹³ “Ni ra sa daukocokoco kecega ko ira na tamata wale kei ira talega na turaga; a ra sa cakacaka vakailasu kecega na parofita ka yacovi ira talega na bete.

AI VOLA TABU

¹³ Ni ra sa daukocokoco kecega na kaisi ka yacovi ira talega na turaga; a ra sa cakacaka vakailasu kecega na parofita ka yacovi ira talega na bete:

Vakavakadewa Vou kei na iVola tale eso

¹³ Na tamata kece, mai vei ia na cecere kei ira na tamata wale era sa via rawa ka ena sala ca; o ira talega na parofita kei ira na bete era sa bau ia na veivakaisini.

Ai Vola Tabu Ena Vakavakadewa Vou

¹³ Na tamata kece, o ira na sa cecere kei ira na tamata wale, era sa via rawa ka ena sala cala; o ira talega na parofita kei ira na bete era sa bau ia na veivakaisini.

Jeremaia 6:13 Iomraidhean Croise

Aisea 28:7

Io ko ira talega oqo sa vakacalai ira na waini, ka sa vakasesei ira na yaqona: koi rau na bete kei na parofita, erau sa vakacalai e na yaqona; sa rawai rau na waini; erau sa vakasesei e na yaqona; erau sa cala e na raivotu, erau sa yatayata e na lewa.

Aisea 57:17

E na vuku ni nona ca ni sa daukocokoco ka'u sa cudru, ka'u sa yaviti koya kina; ka'u sa vunitaki au, ka'u sa cudru ga; ka sa vuki tani tiko ko koya ki na sala sa yalona kina.

Jeremaia 14:18

Kevaka ka'u sa lako yani ki na were, raica, era sa koto no ko ira na vuetaki e nai seleiwau! kevaka ka'u sa curu yani ki na koro, raica, era sa koto no ko ira na mate e na viakana! io, ko ira vata na parofita kei na bete era sa lako voli ga ki na dua na vanua era sa sega ni kila.

Jeremaia 17:11

Me vaka na toa ni veikau sa saulaka na yaloka sa sega ni vakalutuma; sa vakakina ko koya sa kumuna nai yau, ka segai e nai valavala dodonu, ena laiva ga ko koya e na veimama ni nona bula, ia e na kenai otioti ena tamata lialia ga.

Jeremaia 2:26

Me vaka sa madua na butako ni sa kune, sa madua vakakina na mataqali i Isireli; ko ira, kei na nodra tui, kei na nodra turaga, kei na nodra bete, kei na nodra parofita,

Jeremaia 2:29

A cava dou na mai kaya vei au? koi kemudou kecega dou sa vuki tani vei au, sa kaya ko Jiova.

Jeremaia 2:8

Era sa sega ni kaya na bete, Evei ko Jiova? ko ira talega na vu-ni-vunau era sa sega ni kilai au: ko ira nai vakatawa era sa vuki tani vei au, ko ira talega na parofita era sa daucavuti Peali, ka muria na ka sa sega ni yaga.

Jeremaia 22:17

Ia na matamu kei na lomamu sa goleva ga na nomu kocokoco, kei na vakadave dra sa sega ni cala, kei na veivakasaurarataki, kei nai valavala kaukauwa, mo cakava.

Jeremaia 23:10

Ni sa oso na vanua e na dauyalewa; ni sa tagi na vanua e na vuku ni ruru; sa dravuisiga mai na veiyasana vinaka ni veikau, ka sa ca na nodra i valavala, ka sa sega ni dodonu na nodra lewa kaukauwa.

Jeremaia 23:11

Ko ira na parofita kei na bete talega era sa tamata ca, io, e na noqu vale ka'u sa kunea na nodra ca, sa kaya ko Jiova.

Jeremaia 27:15

ni'u a sega ni talai ira, sa kaya ko Jiova, ka ra sa parofisaitaka na ka lasu e na yacaqu; me'u vakasevi kemudou tani kina, mo dou rusa, koi kemudou, kei ira na parofita era sa ia na parofisai vei kemudou.

Jeremaia 32:32

e na vuku ni nodra ca kece na Isireli kei na Juta, era sa cakava me ra vakacudrui au, ko ira, kei ira na nodra tui, kei na nodra turaga, kei na nodra bete, kei na nodra parofita, kei ira na Juta, kei ira na lewe i Jerusalemi.

Jeremaia 42:1

Era sa qai toro mai na kapiteni kecega ni valu, kei Joenani na luve i Karea, kei Jisanaia na luve i Osaia, kei ira na tamata kecega, na tamata wale kei ira talega na turaga,

Jeremaia 5:31

ko iratou na parofita eratou sa parofisai vakailasu, ko ira na bete era sa lewa e na vukudratou, ia ko ira na noqu tamata era sa vinakata me vakakina: ia ka cava dou na qai cakava e na kenai tinitini?

Jeremaia 8:10

E na vuku ni ka oqo ka'u na solia na watidra vei ira na tani, kei na nodra veiwere vei ira era na taukena: ni ra sa daukocokoco kecega ko ira na tamata wale ka yacovi ira talega na turaga, ka ra sa cakacaka vakailasu kecega na parofita ka yacovi ira talega na bete:

Lele i Jeremaia 4:13

E na vuku ni valavala ca ni nona parofita, kei na caka cala ni nona bete, Era sa vakadavea e lomana na kedra dra na yalododonu,

Isikeli 22:12

ka so era taura nai yau me kenai sau ni nodra vakadave dra; ka ko sa taura nai voli ni ka e kerei kei na kenai kere; ia e na nomu yalokocokoco ko sa taura vakaukauwa na nodra i yau na kai nomu, ka ko sa guilecavi au, sa kaya na Turaga ko Jiova.

Isikeli 33:31

Ka ra sa lako mai vei iko me vaka ni ra curu mai ko ira na tamata, ka ra sa mai tiko e matamu me vakataki ira na noqu tamata, ka ra rogoca na nomu vosa, ka ra sa sega ni cakava: ni sa tiko e na gusudra na vosa vakayalololoma, ia na lomadra sa muria na nodra daukocokoco ga.

Maika 3:11

o ira na nodra turaga era sa ia na veilewai me ra vakaisolisoli kina, kei ira na nodra bete era sa ia nai vakavuvuli me ra vakaivoli kina, kei ira na nodra parofita era sa ia na caka mana vakailasu me ra vakailavo kina: ia era na vakararavi ga vei Jiova, ka kaya, Sa sega li ni tiko vata kei keda ko Jiova? ena sega ni yacovi keda e dua na ca.

Maika 3:5

Sa kaya vakaoqo ko Jiova e na vukudra na parofita era vakacalai ira na noqu tamata, ka ra katia e na batidra, ka kacivaka, Na vakacegu; ia ko koya sa sega ni solia na kakana ki na gusudra, era sa vakarau me ra vala kaya.

Luke 16:14

Ia na Farisi, era sa daulomana nai lavo, ni ra sa rogoca na ka kecega oqo, era sa vakalialiai koya.

1 Timoci 3:3

me kakua ni daugunu waini, me kakua ni dauveivala, me kakua ni daugarova nai yau vakasisila: me yalomalua, me kakua ni daucudrucudru, me kakua ni daukocokoco;

2 Pita 2:1

Ia sa tiko vei ira na kai noda eliu na parofita vakailasu eso, me vaka ni na tiko talega vei kemudou nai vakavuvuli vakailasu eso, era na kauta vuni mai na veisei e veivakarusai, ni ra sa cakitaka na Turaga sa voli ira, a ra sa vakayacora vakasauri mai na nodra rusa.

2 Pita 2:3

Ia ni ra sa daukocokoco era na vakaiyau voli e na vukumudou e na vosa e dauveivakaisini: ia na lewa makawa me ra ca sa sega so ni berabera, a sa sega ni moce na nodra rusa.