Jeremaia 6:10 - Vakavakadewa Makawa

¹⁰ Me'u vosa vei cei, ka ia kina na vakatusa, me ra rogoca? raica, sa sega ni cilivi na daligadra, a ra sa sega ni vakarorogo rawa: raica, na vosa i Jiova sai tukutuku ca vei ira; era sa sega ni vinakata.

Ai Vola Tabu (Vakadewa Makawa Vakavoutaki 2021)

¹⁰ Me'u vosa vei cei, ka ia kina na veivakasalataki, me ra rogoca kina? Raica, sa sega ni cilivi na daligadra, a ra sa sega ni vakarorogo rawa; raica, na vosa i Jiova sai tukutuku ca vei ira; era sa sega ni vinakata.

AI VOLA TABU

¹⁰ Meʼu vosa vei cei, ka ia kina na vakatusa, me ra rogoca? raica, sa tawa cilivi na daligadra, a ra sa tawa vakarorogo rawa: raica, na vosa i Jiova sai rogo ca vei ira; era sa sega ni vinakata.

Vakavakadewa Vou kei na iVola tale eso

¹⁰ Au qai kaya, “O cei ena via vakarorogo vei au, Ke'u vosa vei ira ka vunauci ira? Era sa sogota na daligadra Ka ra sega ni rogoca. Era bese ni rogoca na nomuni vosa; Ka beca na ka o ni sa tukuna.

Ai Vola Tabu Ena Vakavakadewa Vou

¹⁰ Au a qai kaya, “O cei ena via vakarorogo vei au ke'u vosa vei ira ka vunauci ira? Era sa sogota na daligadra ka sega ni via rogoca. Era sa beca ka veiwalitaka na i tukutuku o ni vakarota vei au meu tukuna.

Jeremaia 6:10 Iomraidhean Croise

NA SAME 1:2

Ia ka sa marau tiko e na vunau i Jiova; A sa vakananuma tiko na nona vunau e na siga kei na bogi.

NA SAME 119:16

Au na reki sara e na vuku ni nomuni vunau: Au na sega ni guilecava na nomuni vosa.

NA SAME 119:174

Au sa daugadreva na bula maivei kemuni, Jiova; Au sa rekitaka talega na nomuni vunau.

NA SAME 119:24

A nomuni tukutuku talega na ka ka'u sa marautaka, Ka sa noqu i vakavuvuli.

NA SAME 119:35

Mo ni kauti au e na sala ni nomuni vakaro; Ni'u sa rekitaka.

NA SAME 119:70

Sa vaka dina na uro na yalodra; Ia koi au ka'u sa rekitaka na nomuni vunau.

NA SAME 119:77

Me yacovi au na nomuni loloma levu, me'u bula kina: Ni sa noqu vu ni reki na nomuni vunau.

NA SAME 40:8

Au sa reki me'u kitaka na ka ko ni sa vinakata, noqu Kalou: Io, na nomuni vunau sa tu e na vu ni yaloqu.

Lako Yani 6:12

A sa vosa e na mata i Jiova ko Mosese, ka kaya, Raica, ko ira na Isireli era sa sega ni vakarorogo vei au; ka na rogoci au vakacava ko Fero, ni'u sa tebenigusu berabera?

Aisea 42:20

Sa levu na ka ko sa raica, ka sa sega ni ko vakasama kina; sa basu na daligana, ia ka sa sega ni rogoca ko koya.

Aisea 53:1

Ko cei sa vakabauta na neitou i tukutuku? ia sa vakatakilai vei cei na liga i Jiova?

Jeremaia 35:13

Sa kaya vakaoqo ko Jiova ni lewe vuqa, na Kalou ni Isireli; mo la'ki kaya vei ira na Juta kei na lewe i Jerusalemi, Dou na bese li ni vakavulici mo dou vakarorogo ki na noqu vosa? sa kaya ko Jiova.

Jeremaia 4:4

Dou cilivi kemudou mo dou nei Jiova, ka kauta tani na vuso ni yalomudou, koi kemudou na kai Juta kei na lewe i Jerusalemi: de lako yani me vaka na bukawaqa na noqu cudru, ka waqa me sega e dua e bokoca rawa, e na vuku ni kena ca ni nomudou i valavala.

Jeremaia 5:21

Dou rogoca mada na ka oqo, koi kemudou na tamata lialia, ka sega ni vuku; sa vakamatana, ka sega ni rai; sa vakadaligana, ka sega ni rogo:

Jeremaia 7:13

Ia oqo, ni dou sa cakava na cakacaka kece oqo, sa kaya ko Jiova, io, ka'u a vosa tikoga vei kemudou, ka sou e na mataka me'u vosa vei kemudou, dou a sega ga ni goleva; ia ka'u a kaci yani, ka dou a sega ni rogo mai;

Jeremaia 7:26

ia era sa sega ni vakarorogo vei au, se vakatu daligadra, era vakadomoqataki ira ga: era sivi ira na nodra qase e na caka ca.

Jeremaia 9:26

ko Ijipita, kei Juta, kei Itomi, kei na kawa i Amoni, kei Moapi, kei ira kece mai na veiyalayala, era sa tiko ga mai na veikau: ni ra sa sega ni cili ko ira na veimatanitu kecega oqori, ia na mataqali kece ni Isireli sa sega ni cili na yalodra.

Isikeli 3:7

Ia na mataqali i Isireli era na sega ni vakarorogo vei iko; ni ra na sega ni vakarorogo vei au: ni ra sa mataviavialevu ga ka yalokaukauwa ko ira kece na mataqali i Isireli.

Isikeli 33:3

ke sa raica ko koya nai seleiwau ni sa lako tiko mai ki na vanua, ka sa uvuca na davui, ka vakasalataki ira na tamata;

Isikeli 33:9

Ia ko iko, kevaka ko sa vakasalataka na tamata ca e na vuku ni nonai tovo ca me sa biuta sara: ke sega ni biuta ko koya na nonai tovo, ena mate ga ko koya e na nonai tovo ca; ia ko iko, ko sa vakabula na yalomu.

Emosi 7:10

Sa qai talaki ko Amasaia na bete mai Peceli vei Jeropoami na tui Isireli, ka kaya, Sa bukia na kemu vere ko Emosi e na kedra maliwa na mataqali i Isireli: sa sega ni vosota rawa na vanua na nona vosa kecega.

Maciu 3:7

Ia ni sa raica ko koya era sa lewe vuqa na Farisi kei nai tokani i Setoki, era sa lako mai ki na nona papitaiso, sa kaya vei ira, Oi kemudou na kawa ni gata, ko cei sa vakasalataki kemudou mo dou dro tani mai na cudru sa lako tiko mai?

Luke 11:45

Sa qai vosa vei koya e dua na vu-ni-vunau, ka kaya, Vakavuvuli, ni ko sa vosa vakaoqo ko sa beitaki keitou talega.

Luke 20:19

A ra sa vakatovolea ko ira na bete levu kei ira na vunivola, me ra taura e na tiki-ni-siga ko ya, a ra sa rerevaki ira na tamata: ni ra sa kila sa vosataki ira ko koya e na vosa vakatautauvata ko ya.

Joni 7:7

Sa sega ni cati kemudou rawa ko ira na kai vuravura: ia era sa cati au, ni kau sa vakatakila ni sa ca na nodrai valavala.

Joni 9:40

Ko ira na Farisi ka tiko kaya era sa rogoca na veika oqo, a ra sa kaya vua, Sa mataboko beka koi keitou talega?

Cakacaka 7:51

Oi kemudou na yalokaukauwa, ka sega ni cili na yalomudou, kei na daligamudou, dou sa dauvorata tikoga na Yalo Tabu; ia koi kemudou dou sa kitaka me vakataki ira na nomudou qase.

Cakacaka 7:60

A sa tekiduru sobu ko koya, a sa kaci e na domo levu, Kemuni na Turaga, kakua ni cudruvi ira e nai valavala ca oqo. Ia ni sa vosa oti vakaoqo, sa qai moce.

Roma 7:22

Ni'u sa vinakata na vunau ni Kalou e na lomaqu dina:

Vakarua 29:4

ia ka sa sega ni solia vei kemuni ko Jiova na loma e kila ka, kei na mata rai, kei na daliga rogo, ka yacova na siga oqo.

Kolosa 1:28

o koya keitou sa vunautaka, ni keitou sa vakasalataka tiko na tamata yadua, ka vakavulica na tamata yadua e na vuku kecega; me keitou vakaraitaka kina na tamata yadua ni sa vinaka sara e na vuku i Karisito:

2 Timoci 4:3

Ni na yaco na gauna era na sega ni vosota kina nai vakavuvuli dodonu; ia ena vaka na nodra gagadre ca, era na vakalewevuqataki ira kina na nodra i vakavuvuli, ni sa qasikanunu na daligadra;

Iperiu 11:7

Ni sa vakabauta sa rere kina ko Noa, ni sa vakasalataka oti na Kalou e na vuku ni veika sa bera ni rairai mai, a sa taya e dua na waqa ko koya me vakabulai ira kina na nona lewe-ni-vale; a sa vakalewai ira kina na kai vuravura, ka yaco mei taukei ni veivakadonui sa yaco e na vakabauta.