Jeremaia 51:6 - Vakavakadewa Makawa

⁶ Dou dro tani mai na loma i Papiloni, ia dou dui drotaka yadua na nona bula: dou kakua ni muduki tani e na vuku ni nona caka cala; ni sa gauna oqo ni nona cudru ko Jiova; ena ia vua ko koya na veisausaumi.

Ai Vola Tabu (Vakadewa Makawa Vakavoutaki 2021)

⁶ “Dou dro tani mai na loma i Papiloni, ia dou dui drotaka yadua na nona bula! Dou kakua ni muduki tani e na vuku ni nona caka cala, ni sa gauna oqo ni nona cudru ko Jiova; ena ia vua ko koya na veisausaumi.

AI VOLA TABU

⁶ Dou dro tani mai na loma i Papiloni, ia dou dui drotaka yadua na nona bula: dou kakua ga ni muduki tani e na vuku ni nona caka cala; ni sa gauna ni veisaumi nei Jiova o qo; na veisaumi ena sauma kina vua ko koya.

Vakavakadewa Vou kei na iVola tale eso

⁶ Ni dro tani mai Papiloni! Ni dui drotaka na nona bula! Ni kakua ni mai mate ena vuku ni nodra i valavala ca na kai Papiloni me vaka na i sau ni nodra i valavala.

Ai Vola Tabu Ena Vakavakadewa Vou

⁶ Ni dro tani mai Papiloni! Ni dui drotaka na nona bula! Ni kakua ni mai mate ena vuku ni nodra i valavala ca na kai Papiloni me vaka na i sau ni nodra i valavala.

Jeremaia 51:6 Iomraidhean Croise

NA SAME 94:1

I Jiova na Kalou, sa nomuni tavi na veisaumi; Na Kalou, sa nomuni na veisaumi, mo ni vakatakilai kemuni mai.

Vosavakaibalebale 13:20

Ena vuku mai ko koya sa malele vata kei ira na vuku: Ia ko koya era veitokani vata kei na lialia ena rusa.

Aisea 48:20

Dou lako tani e Papiloni, dro tani mai vei ira na kai Kalitia, e na domo ni marau dou tukuna yani na ka oqo; dou vakarogoya, vakauta nai rogorogo ki nai yalayala kei vuravura; dou kaya, Sa vakabula ko Jiova na nona tamata ko Jekope:

Aisea 63:4

Ni'u sa nakita na siga ni veisausaumi, ia sa qai yaco na nodra yabaki na tamata, ka'u sa vakabula.

Jeremaia 25:14

Ni ra na qali talega ki na veimatanitu e vuqa vei ira talega na turaga levu eso: ia ka'u na sauma vei ira me vaka na nodra i valavala, kei na cakacaka ni ligadra.

Jeremaia 25:16

me ra gunuva, ka yatayata, ka lialia, e na vuku ni seleiwau ka'u na vakayacora vei ira.

Jeremaia 27:7

ia na veivanua kecega, ena qaravi koya, kei na luvena, kei na makubuna, ka me yaco dina mada na kena gauna ni nona vanua: io ko koya tale, ena qai qarava ga na veivanua e vuqa kei na tui lelevu eso.

Jeremaia 46:10

Oqo na nona siga na Turaga ko Jiova ni lewe vuqa, na siga ni veisausaumi, me cudruvi ira kina na nona meca: ia ena kana ga nai seleiwau, ena mamau ka mateni e na kedra dra: ni sa dua na nonai madrali na Turaga ko Jiova ni lewe vuqa mai na vanua ki na tokalau, e na bati ni uciwai ko Uferetisi.

Jeremaia 48:6

Dou dro, drotaka na nomudou bula, mo dou vaka na luveniyali mai veikau.

Jeremaia 50:15

Dou kailataki koya mai na veiyasana: Sa gu ca mai ko koya: sa bale na kena bai kaukauwa, sa talaraki sobu na kena bai: ni sa ia na veisausaumi ko Jiova: dou saumi koya; me vaka na ka sa cakava ko koya, dou cakava vakakina vua:

Jeremaia 50:28

A domodra era sa dro ka se tani mai na vanua vaka-Papiloni, me tukuna yani ki Saioni na veisausaumi ka ia ko Jiova na noda Kalou, na veisausaumi ni nona vale tabu!

Jeremaia 50:31

Raica, edaru sa veimecaki kei iko na yaloviavialevu, sa kaya na Turaga ko Jiova ni lewe vuqa: ni sa yaco mai na nomu siga, na gauna ka'u na cudruvi iko kina.

Jeremaia 50:8

Dou dro tani mai na loma i Papiloni, ka mo dou lako tani mai na nodra vanua na kai Kalitia, mo dou vaka ga na me tagane sa liutaka na qele ni me.

Jeremaia 51:11

Dou vagatara na gasau; kumuna vata nai sasabai: sa vakauqeta ko Jiova na yalodra na tui Mitia: ni sa nanumi Papiloni ko koya, me vakarusa; ni sa kena veisausaumi i Jiova oqo, na nona cudrutaka na nona vale tabu.

Jeremaia 51:36

O koya oqo sa kaya kina ko Jiova; Raica, au na totaki iko e na veilewai, ka tara na kemui sau, ia ka'u na vakadiva na nona wasawasa, ka vakayalia na wai ni nonai vurevure.

Jeremaia 51:45

Dou lako tani mai vua, koi kemudou na noqu tamata, ia dou dui drotaka yadua na nona bula mai na cudru katakata i Jiova.

Jeremaia 51:50

Koi kemudou sa dro bula rawa mai nai seleiwau, dou lako tani, dou kakua ni tu vakadua: ni dou sa tiko vakayawa, dou vakananumi Jiova; ia mo dou nanumi Jerusalemi, e na lomamudou.

Jeremaia 51:56

ni sa yaco vua, ko koya na dauvakacaca, io ki Papiloni, a ra sa tauri na nona qaqa, ka sa dui ramusu na nodra dakai yadua: ni na ia vakaidina na veisaumi ko Jiova na Kalou sa dauveisausaumi.

Jeremaia 51:9

Ia eda a via vakabulai Papiloni, ka sa sega ni bula rawa: dou laiva ga, me da dui lako yadua ki na noda vanua: ni sa yala ki lomalagi na nona cudruvi, ia sa laveti cake sara ki na o ni lomalagi.

Lele i Jeremaia 3:64

Ko ni na sauma vei ira, Jiova, me vaka na cakacaka ni ligadra.

Tiko mai na Lekutu 16:26

A sa vosa ko koya vei ira nai soqosoqo, ka kaya, Dou lako tani mada mai na nodra veivale laca na tamata ca oqo, ka kakua ni tara e dua na nodra ka, de dou vakarusai e na vuku ni nodra i valavala ca.

Vakarua 32:25

Ai seleiwau e tautuba, Kei na rere levu eloma, Ena vakamatea na cauravou kei na goneyalewa, Na gone sa sucu tiko, kei na tamata e sika na uluna.

Vakarua 32:41

Kevaka ka'u sa vagatara na noqu i seleiwau e makamakalivata, A sa taura na lewa na ligaqu; Au na qai vakayacora na noqu cudru vei ira na noqu meca, K a sauma vei ira era cati au.

Vakarua 32:43

Dou reki vata, na veimatanitu, kei ira na nona tamata: Ni sa cudruvaka ko koya na nodra dra na nonai talatala; Ka na saumi ira na nona meca, Ka vakadonuya nai bulubulu e na vuku ni nona vanua, io ko ira na nona tamata.

1 Timoci 5:22

Kakua ni tabaka vakasauri e dua e na ligamu; mo kakua ni kauwai e na nodra i valavala ca na tamata tani: maroroi iko mo savasava tiko.

Vakatakila 16:19

A sa tawase vakatikitolu na koro levu, ia sa bale na veikoro e na veivanua; a sa mai vakananumi ko Papiloni na koro levu e na mata ni Kalou, me soli kina na bilo ni waini ni nona cudru waqawaqa.