Jeremaia 51:5 - Vakavakadewa Makawa

⁵ Ni sa sega ni biuti ira na Isireli, se ko ira na Juta ko koya na nodra Kalou, ko Jiova ni lewe vuqa; ia sa dina sa sinai na nodra vanua e na nodra caka cala vei Koya na Yalosavasava nei Isireli.

Ai Vola Tabu (Vakadewa Makawa Vakavoutaki 2021)

⁵ Ni sa sega ni biuti ira na Isireli, se ko ira na Juta ko koya na nodra Kalou, ko Jiova-ni-lewevuqa; ia sa dina sa sinai na nodra vanua e na nodra caka cala vei Koya na Yalosavasava nei Isireli.

AI VOLA TABU

⁵ Ni ra sa sega ni biu laivi na Isireli, se ko ira na Juta vua na nodra Kalou, ko Jiova ni lewe vuqa; ia na nodra vanua, sa sinai ga e na caka cala vei Koya na Yalosavasava nei Isireli.

Vakavakadewa Vou kei na iVola tale eso

⁵ Ni sa sega sara ni laivi Isireli kei Juta na Turaga na Kalou Kaukauwa o Jiova ni lewevuqa, e dina ga era sai valavala ca vei au na Lewe Dua Bau Yalo Savasava ni Isireli.

Ai Vola Tabu Ena Vakavakadewa Vou

⁵ Ni sa sega sara ni laivi Isireli kei Juta na Turaga na Kalou Kaukauwa ko Jiova ni lewevuqa, e dina ga era sai valavala ca vei au na Lewe Dua Bau Yalosavasava ni Isireli.

Jeremaia 51:5 Iomraidhean Croise

1 Tui 6:13

ia ka'u na tiko ga e na kedra maliwa na Isireli, ka sega ni biuti ira na noqu tamata na Isireli.

2 Tui 21:16

A sa vakadavea talega ko Manasa na kedra dra na lewe vuqa sara era sega ni cala, ka me sinai mada kina ko Jerusalemi e na veiyasana kecega: ia oqo sa kenai kuri ni nonai valavala ca sa vakaivalavalacataki ira kina na Juta, ni ra cakava na ka ca e na mata i Jiova.

Esera 9:9

Ni keimami a tamata bobula; ia sa sega ni biuti keimami na neimami Kalou e na neimami vakabobulataki, ka sa vakayacora vei keimami na yalololoma e na matadra na tui Perisia, me vakaukauwataki keimami, me tara na vale ni neimami Kalou, ka me vakavinakataka na tikina sa ca tu, me solia talega vei keimami e dua na bai e Juta kei Jerusalemi.

NA SAME 94:14

Ni na sega ni biuta na nona tamata ko Jiova, Ka na sega ni laivi ira na nonai votavota.

Aisea 44:21

Mo nanuma na ka oqo, ko iko Jekope, kei Isireli, ni ko sa noqu tamata; ka'u a buli iko, sai iko na noqu tamata; i Isireli, ka'u na sega ni guilecavi iko.

Aisea 51:15

Ni sai au ko Jiova na nomu Kalou, ka vakamaravutaka na wasawasa, ni sa vadugu na kena biau: ko Jiova ni lewe vuqa na yacana.

Aisea 62:12

A ra na vakatokai ira, Na mataqali yalosavasava, Ko ira sa vakabula ko Jiova: ia ko na vakatokai, Ko koya sa Domoni, na Koro sa sega ni biu.

Jeremaia 14:19

Ko ni sa biuti ira sara beka na Juta? sa vakasisilataki ira beka na Saioni na yalomuni? ena cava ko ni sa cudruvi keimami, ka keimami sa sega ni vakabulai tale rawa? keimami a yadrava na vakacegu, ka sa sega ni yaco e dua na ka vinaka; keimami kaya me yaco na gauna ni veivakabulai, ka raica, sa yaco na ka rarawa ga?

Jeremaia 14:9

E na cava ko ni sa vaka na tamata sa taqaya, ka vaka na qaqa sa sega ni ia rawa na veivakabulai? ia koi kemuni, Jiova, ko ni sa tiko kei keimami, na yacamuni talega keimami sa vakayacani kina; mo ni kakua ga ni biuti keimami.

Jeremaia 16:18

Ia ka'u na sauma eliu me rauta vakarua na nodra caka cala kei na nodra i valavala ca; ni ra sa vakadukadukalitaka na noqu vanua e na yago mate ni nodra ka velavela, io ena nodra ka vakasisila era sa vakasinaita kina na noqu i tikotiko.

Jeremaia 19:4

ka ni ra sa biuti au, ka ra sa vakacacataka na tikina oqo, ka ra sa vakama kina na ka boi vinaka vei ira na kalou tani, era sega ni kila, se ko ira, se na nodra qase, se ko iratou na tui Juta, ka ra sa vakasinaita na yasana oqo e na kedra dra era sega ni cala;

Jeremaia 23:15

O koya oqo sa kaya kina ko Jiova ni lewe vuqa e na vukudra na parofita; Raica, au na vakani ira e na kau gaga, ka vagunuvi ira e na wai gaga: ni sa lako yani na ka ca maivei ira na parofita ni Jerusalemi ki na vanua taucoko.

Jeremaia 31:37

Sa kaya vakaoqo ko Jiova, Ke sa vakarauti rawa na lomalagi maicake, ka vakadikevi rawa na yavu kei vuravura e ra, ke sa qai rawa talega me'u biuta tani na kawa i Isireli kecega e na vuku ni ka kece era sa cakava, sa kaya ko Jiova.

Jeremaia 46:28

Mo kakua ni rere, ko iko Jekope na noqu tamata, sa kaya ko Jiova; ni'u sa tiko vata kei iko: ni'u na vakaotia sara na veimatanitu kecega ka'u sa vakasevi iko kina, ia ko iko, ka'u na sega ni vakaotia sara: ka'u na vakanakuitataki iko vakavinaka ga, ni ko na sega ni dro bula sara.

Jeremaia 50:20

E na veisiga ko ya, kei na gauna ko ya, sa kaya ko Jiova, ena qaqai na nodra caka cala na Isireli, ia ena sega ga; kei na nodra i valavala ca na Juta, ia ena sega ni kune: ni'u na sega ni cudruvi ira ka'u sa vakavoca.

Jeremaia 51:19

Sa sega ni vakakina na nodra i votavota na Jekope; ni sa bulia na ka kecega ko koya: ia ko ira na Isireli, era sa mataqali sa taukena ko koya: ko Jiova ni lewe vuqa na yacana.

Isikeli 8:17

Sa qai kaya vei au ko koya, Ko sa kunea li na ka oqo, ko iko na luve ni tamata? Sa ka wale beka vei ira na mataqali i Juta, ni ra cakava na ka vakasisila era sa cakava tiko eke? ni ra sa vakasinaita na vanua e nai valavala kaukauwa, a ra qai lesu tale me ra mai vakacudrui au: ka raica, era sa kauta na taba ni kau kina ucudra.

Isikeli 9:9

Sa qai kaya vei au ko koya, A nodra caka cala na mataqali i Isireli kei Juta sa ka levu vakaidina sara, ka sa robota na vanua na dra, ia na koro sa sinai tu e na veivakaucacataki: ni ra sa kaya, Sa biuti vuravura ko Jiova, ia sa sega ni raica ko Jiova.

Osea 1:10

Ia na kedrai wiliwili na Isireli ena vaka na mata ni nuku ni waitui, sa sega ni vakarauti se wili rawa; ia ena yaco, e na yasana ka kainaki kina vei ira, Dou sa sega ni noqu tamata, ena kainaki kina vei ira, Dou sa luve ni Kalou bula.

Osea 2:1

Dou kaya vei ira na tacimu, ko iko Ami; kei ira na tacimu yalewa, ko iko Ruama.

Osea 2:3

de'u vakaluvawaletaki koya, ka vakavotui koya me vaka e na siga ka sucu kina, ka cakava me vaka na veikau, ka soli koya me tautauvata kei na vanua dravuisiga, ka vakamatei koya e na viagunu.

Osea 4:1

Dou rogoca na vosa i Jiova, koi kemudou na Isireli: ni sa dua na veileti i Jiova kei ira na lewe ni vanua, ni sa sega na vosa dina, se na loloma, ka sa sega ni kilai na Kalou e na vanua.

Osea 4:2

A ruru, kei na vosa lasu, kei na laba, kei na butako, kei na veibutakoci, sa ia tiko, ia na vakadave dra sa veitaravi tiko.

Maika 7:18

O cei na Kalou me tautauvata kei kemuni, ka bokoca na caka cala, ka sa buluta na nodra talaidredre na kena vo ni nonai votavota? ka sa sega ni cudru tiko me sega ni mudu, ni sa vinakata ko koya me yalololoma.

Maika 7:20

O na vakayacora na ka dina vei Jekope, kei na yalololoma vei Eparaama, na ka ko a bubului kina vei ira na neimami qase mai na gauna eliu.

Sakaraia 12:6

E na siga ko ya ka'u na cakava na turaga ni Juta me ra tautauvata kei na miqa bukawaqa e na loma ni buka droka, ka tautauvata kei na cina e waqa tu e na loma ni veivau sila, a ra na kani ira na veimatanitu era tiko volita ki nai matau kei nai mawi: ena qai tawa tale ko Jerusalemi e na kenai tikotiko dina mai Jerusalemi.

Sakaraia 12:8

E na siga ko ya ena vakarurugi ira na kai Jerusalemi ko Jiova; ia ko koya sa malumalumu vei ira e na siga ko ya ena tauvata kei Tevita; ia na mataqali i Tevita ena vaka na Kalou, io, ena vakataki koya na agilose i Jiova ka liutaki ira.

Sakaraia 2:12

Ia ko Jiova ena taukeni Juta me sa nonai votavota e na vanua tabu, ka na digitaki Jerusalemi tale.

1 Samuela 12:22

Ni na sega ni laivi ira na nona tamata ko Jiova e na vuku ni yacana levu; ni sa vinakata ko Jiova me qisi kemuni mo ni nona tamata.