Jeremaia 51:41 - Vakavakadewa Makawa

⁴¹ Na kena kabai ko Sesaki! na kena rawai ko koya ka rogo e vuravura taucoko! na kena yaco ko Papiloni me ka e veivakidacalataki e na veivanua!

Ai Vola Tabu (Vakadewa Makawa Vakavoutaki 2021)

⁴¹ “Na kena kabai ko Sesaki! Na kena rawai ko koya ka rogo e vuravura taucoko! Na kena yaco ko Papiloni me ka e veivakidacalataki e na veivanua!

AI VOLA TABU

⁴¹ Na kena kabai ko Sesaki! na kena rawai ko koya ka rogo e vuravura kecega! na kena yaco ko Papiloni me ka e kidacalataki e na veivanua!

Vakavakadewa Vou kei na iVola tale eso

⁴¹ Sa vakavuai o Papiloni na koro sa vakacaucautaka o vuravura taucoko. Sa veivakurabuitaki na kena i rairai vei ira na veimatanitu.

Ai Vola Tabu Ena Vakavakadewa Vou

⁴¹ Sa vakavuai o Papiloni na koro sa vakacaucautaka o vuravura taucoko. Sa veivakurabuitaki na kena i rairai vei ira na veimatanitu.

Jeremaia 51:41 Iomraidhean Croise

2 Veigauna 7:21

Ia na vale oqo, sa cecere tu, ena ka ni veivakurabuitaki vei ira na tamata yadua era lako voleka kina; era na kaya kina ko ira, E na vuku ni cava beka e kitaka kina vakaoqo ko Jiova ki na vanua oqo, kei na vale oqo?

Aisea 13:19

Ia ko Papiloni, ka rogo vei ira na veimatanitu, na nodra ka lagilagi era dokai ira kina na kai Kalitia, ena tautauvata kei Sotoma kei Komora ni sa vukica na Kalou.

Aisea 14:4

Ko na qai taurivaka nai bole oqo kei na tui Papiloni, ka kaya. Sa qai mudu ko koya ka ia na dauveivakasaurara! na kena mudu tu na koro koula!

Jeremaia 25:26

kei ira kece na tui mai na mata ni tokalau, ko ira sa tiko vakayawa, kei ira sa tiko voleka, na tamata kei na kai nona, kei ira kecega na veimatanitu kei vuravura, era sa tiko e na dela ni vanua: ia ko tui Sesaki ena qai gunu emuri.

Jeremaia 49:25

A cava sa sega ni biu tu kina na koro daudokai, na koro ka'u sa marautaka!

Jeremaia 50:23

Sa tamusuki vakaidina, ia sa musuki nai tukituki kei vuravura taucoko! sa vakalalataki vakaidina mai ko Papiloni e na kedra maliwa na veimatanitu!

Jeremaia 50:46

Ni sa rogo sa kabai ko Papiloni, sa yavavala ko vuravura; ia na nodra tagi, sa rogo yani ki na veimatanitu.

Jeremaia 51:37

Ia ko Papiloni, ena dua na koro rusa, ena qara ni gata lelevu, me ka e veivakidacalataki, ka vakasiusiutaki, me sega e dua e tiko kina.

Isikeli 27:35

O ira kece na lewe ni veiyanuyanu era sa kidacalataki iko, o ira talega na nodra tui era sa rere vakalevu sara, era sa vakaveveku mata.

Taniela 2:38

Ia na vanua kecega era tiko kina na luve ni tamata, na manumanu ni vanua, kei na manumanu vuka, sa solia ko koya ki na ligamuni, a sa lesi kemuni mo ni lewai ira kecega. Sai kemuni na ulu koula oqo.

Taniela 4:22

sai kemuni na tui, ka sa tubu me kaukauwa mai: ni sa tubu na kemu levu, ka sa yala ki lomalagi, kei na nomuni lewa, sa yaco ki nai yalayala kei vuravura.

Taniela 4:30

Ka sa kaya na tui, Sa sega beka ni ko Papiloni levu oqo, ka'u sa tara koi au me vale levu ni matanitu e na noqu kaukauwa levu, ka me sa rogo kina na noqu lagilagi?

Vakarua 28:37

Ia ko ni na yaco me ka ni veivakurabuitaki, nai bole ca, kei na ka e dredrevaki, e na kedra maliwa na matanitu kecega sa kauti kemuni kina ko Jiova.