Jeremaia 51:13 - Vakavakadewa Makawa

¹³ Ko iko sa tiko e dela ni wai levu, ka sa vutuniyau, sa qai yaco na kemui otioti, sa yalani na nomu kocokoco.

Ai Vola Tabu (Vakadewa Makawa Vakavoutaki 2021)

¹³ Ko iko sa tiko e dela ni wai levu, ka sa vutuniyau, sa qai yaco oqo na nomu i cavacava, sa yalani na nomu kocokoco.

AI VOLA TABU

¹³ 0 iko sa tiko e dela ni wai levu, ka sa vutuniyau, sa qai yaco na kemui otioti, nai yalayala ni nomu kocokoco.

Vakavakadewa Vou kei na iVola tale eso

¹³ Sa levu na uciwai kei Papiloni kei na kena i yaya talei, ia sa yaco mai na gauna me sa muduki kina na wa ni nona bula.

Ai Vola Tabu Ena Vakavakadewa Vou

¹³ Sa levu na uciwai kei Papiloni kei na kena i yaya talei, ia sa yaco mai na gauna me sa muduki kina na wa ni nona bula.

Jeremaia 51:13 Iomraidhean Croise

Vakatekivu 6:13

A sa kaya vei Noa na Kalou, Sa rairai mai ki vei au nai otioti ni tamata kecega; ni ra sa vakasinaiti vuravura e nai valavala kaukauwa; ka raica, ka'u na vakarusai ira vata kei vuravura.

NA SAME 137:1

Mai na uciwai mai Papiloni, Eda a tiko sobu; io, eda a tagi, Ni da a nanumi Saioni.

Aisea 43:14

Sa kaya vakaoqo ko Jiova, na nomudou i Vakabula, na Yalosavasava ni Isireli; E na vukumudou ka'u a talaki ki Papiloni, ka vakauti ira kece sara ga era sa dro; io kei ira na kai Kalitia, era daukaila e na waqa.

Aisea 45:3

ka'u na solia vei iko na ka sa kumuni tu e na butobuto, kei nai yau vuni sa no e na yasana tabogo; mo kila kina ni sai au, ko Jiova, sa kacivi iko e na yacamu, ka'u sa Kalou ni Isireli.

Aisea 57:17

E na vuku ni nona ca ni sa daukocokoco ka'u sa cudru, ka'u sa yaviti koya kina; ka'u sa vunitaki au, ka'u sa cudru ga; ka sa vuki tani tiko ko koya ki na sala sa yalona kina.

Jeremaia 17:11

Me vaka na toa ni veikau sa saulaka na yaloka sa sega ni vakalutuma; sa vakakina ko koya sa kumuna nai yau, ka segai e nai valavala dodonu, ena laiva ga ko koya e na veimama ni nona bula, ia e na kenai otioti ena tamata lialia ga.

Jeremaia 50:27

vakamatea kece na nona pulumokau; me ra lako sobu ga me ra vakamatei: Ulei ko ira! ni sa yaco mai na kedra siga, na gauna me ra cudruvi kina.

Jeremaia 50:31

Raica, edaru sa veimecaki kei iko na yaloviavialevu, sa kaya na Turaga ko Jiova ni lewe vuqa: ni sa yaco mai na nomu siga, na gauna ka'u na cudruvi iko kina.

Jeremaia 50:37

Sa tau nai seleiwau ki na nodra ose, kei na nodra qiqi-ni-valu, kei ira kece na tamata era dui kaikai era tiko kaya; a ra na yalovakayalewa mai: Sa tau nai seleiwau ki na nonai yau; ia era na vakayanaka.

Jeremaia 51:36

O koya oqo sa kaya kina ko Jiova; Raica, au na totaki iko e na veilewai, ka tara na kemui sau, ia ka'u na vakadiva na nona wasawasa, ka vakayalia na wai ni nonai vurevure.

Lele i Jeremaia 4:18

Era sa cicimuria na we ni yavada, eda dredre kina ni lako voli e na sala ni noda koro: Sa voleka mai na kedai vakataotioti, sa oti na noda gauna; ni sa yaco na kedai otioti.

Taniela 5:26

Oqo na kenai balebale: MINI; Sa wilika na nomuni matanitu na Kalou, ka sa qai vakaotia.

Emosi 8:2

A sa tarogi au ko koya, A cava ko sa raica, Emosi? Au a kaya, E dua na sova vuata dreu. Sa qai kaya vei au ko Jiova, Sa yaco mai nai vakataotioti vei ira na noqu tamata na Isireli; au na sega sara ni vosoti ira tale.

1 Pita 4:7

Ia ka sa voleka nai vakataotioti ni ka kecega: dou yalomatua kina, ka dauyadrava na masumasu.

2 Pita 2:3

Ia ni ra sa daukocokoco era na vakaiyau voli e na vukumudou e na vosa e dauveivakaisini: ia na lewa makawa me ra ca sa sega so ni berabera, a sa sega ni moce na nodra rusa.

Vakatakila 17:1

A sa lako mai e dua vei iratou na agilose e le vitu sa taura na bilo e vitu, ka keirau veivosaki, ka kaya vei au, Lako mai ki ke; au na vakatakila vei iko na nona cudruvi na yalewa oqo sa dautagane vakalevu sa tiko e na bati ni wai levu:

Vakatakila 17:15

A sa kaya vei au ko koya, Na veiwai ko a raica, sa tiko kina na yalewa dautagane, oqori na veivanua kei na mataqali e vuqa, kei na veimatanitu, kei na duivosavosa.

Vakatakila 18:19

A ra sa kabua ki na uludra na kuvu ni soso, ka qoqolou, ka tagi, ka yaso, ka kaya, Isa! Isa! na koro levu ko ya! sa vakavutuniyautaki e na vukuna ko ira kecega nai taukei ni waqa sa soko voli e loma ni wasawasa e na vuku ni nona ka vakaturaga! a sa vaqeavutaki e na dua bauga na aua.