Jeremaia 51:11 - Vakavakadewa Makawa

¹¹ Dou vagatara na gasau; kumuna vata nai sasabai: sa vakauqeta ko Jiova na yalodra na tui Mitia: ni sa nanumi Papiloni ko koya, me vakarusa; ni sa kena veisausaumi i Jiova oqo, na nona cudrutaka na nona vale tabu.

Ai Vola Tabu (Vakadewa Makawa Vakavoutaki 2021)

¹¹ “Dou vagatara na gasau! Kumuna vata nai sasabai! Sa vakauqeta ko Jiova na yalodra na tui Mitia, ni sa nanumi Papiloni ko koya, me vakarusa; ni sa kena veisausaumi i Jiova oqo, na nona cudruvaka na nona vale tabu.

AI VOLA TABU

¹¹ Dou vakatawa na taga ni gasau; kumuna vata nai sasabai: sa vakauqeta ko Jiova na yalodra na tui Metia: ni sa nanumi Papiloni ko koya, me vakarusa; e na vuku ni sa veisaumi i Jiova o qo, na veisaumi ni nona vale tabu.

Vakavakadewa Vou kei na iVola tale eso

¹¹ Sa yavalata o Jiova na yalodra na tui Mitia baleta ni sa nakita me vakarusai Papiloni. Ena vakaoqo na nona sauma na kena vakarusai na nona Valenisoro. Era sa vakarota na turaganivalu, “Ni vagatara na nomuni gasau ni dakaititi! Ni vakarautaka na nomuni sasabai.

Ai Vola Tabu Ena Vakavakadewa Vou

¹¹ Sa yavalata ko Jiova na yalodra na tui Mitia baleta ni sa nakita me vakarusai Papiloni. Ena vakaoqo na nona sauma na kena vakarusai na nona Valenisoro. Era sa vakarota na turaganivalu, “Ni vagatara na nomuni gasau ni dakaititi! Ni vakarautaka na nomuni sasabai.

Jeremaia 51:11 Iomraidhean Croise

1 Tui 11:14

A sa vakauqeta ko Jiova e dua na meca vei Solomoni, ko Etati na kai Itomi: e dua vei ira na kawa ni tui Itomi.

1 Tui 11:23

Sa vakauqeta na Kalou e dua tale na nona meca, ko Risoni na luve i Elaiata, o koya ka dro tani mai na nona turaga ko Etateseri na tui Sopa:

1 Veigauna 5:26

Ia na nodra Kalou na Isireli sa vakauqeta na yalo i Puli na tui Asiria, kei na yalo i Tikilaci-pilineseri na tui Asiria, a sa kauti ira tani, io ko ira na Rupeni, kei ira na Kata, ka dua na wase ni mataqali i Manasa, ka kauti ira ki Ela, kei Apori, kei Ara, kei na uciwai mai Kosani, ka yacova na gauna oqo.

2 Veigauna 36:22

Ia e na kenai matai ni yabaki i Sairusi na tui Perisia, me vakayacori kina na vosa i Jiova e na gusu i Jeremaia, sa vakauqeta na yalo i Sairusi na tui Perisia ko Jiova, me kacivaki yani e na veiyasana kecega ni nona matanitu, ka sa vola talega ko koya ka vaka,

Esera 1:1

Ia e nai matai ni yabaki i Sairusi na tui Perisia, me vakayacori kina na vosa i Jiova e na gusu i Jeremaia, sa vakauqeta na yalo i Sairusi na tui Perisia ko Jiova, me sa kacivaki yani kina na vosa e na veiyasana kecega e na nona matanitu, a sa vola talega, ka vaka,

Aisea 10:26

Ia ko Jiova ni lewe vuqa ena vakauqeta na kuita me kena me vaka na nodra yaviti na kai Mitiani mai na uluvatu ko Orepi; a nonai titoko ena tauca na wasawasa, ia ena dodoka tale ko koya me vaka mai Ijipita.

Aisea 21:2

A raivotu rarawa sa vakavotui mai vei au; sa butako na daubutako, ka sa vakacaca na dauvakacaca. Ko iko Ilama, mo lako cake, Ko iko Mitia Mo la'ki kaba; a nona dauveivakararawataki kecega ka'u sa muduka.

Aisea 21:5

Vakarautaka na tepeli, lesia nai vakatawa, kana, gunu: dou tu cake, na turaga, dou lumuta nai sasabai!

Aisea 41:25

Au a vakauqeta e dua mai na mata ni tokalau, ka sa lako mai; mai na vanua sa cadra kina na mata-ni-siga ena masuta na yacaqu ko koya: ia ena lako mai vei ira na turaga me vaka ki na drega ni vale, ka vaka na dautuli kuro ni sa butuka na tete.

Aisea 45:1

Sa kaya vakaoqo ko Jiova vua sa lumuta ko koya, io vei Sairusi, sa ligana i matau ka'u sa taura, me'u vakamalumalumutaka na veimatanitu vua; ia ka'u na sereka nai vau ni tolodra na tui; me'u dolava vua nai sogo sa drua, ia na matamata-ni-koro ena sega ni sogo:

Aisea 45:5

Koi au ko Jiova, ka sa sega e dua tani, sa sega tale na Kalou, sai au ga: ko a sega ni kilai au, ia ka'u sa vauci iko:

Aisea 46:11

ka'u sa kaciva na ikeli mai na tu-i-cake, kei na tamata sa na vakayacora na noqu i naki, mai na vanua yawa: ka'u sa cavuta, ka'u na vakayacora talega: ka'u sa nakita, ka'u na cakava talega.

Jeremaia 25:25

kei ira kece na tui mai Simirai, kei ira kece na tui mai Ilama, kei ira kece na nodra tui na Mitia;

Jeremaia 46:3

Dou vakarautaka nai sasabai kei nai vakaruru, ka toro voleka me ia nai valu.

Jeremaia 46:4

Vauca na kedrai yaya ki na ose; ka vodo, koi kemudou sa dauvodo ose, ka dou tu yani ka vakaisala vakaivalu tu; dou solota na moto, sulumaka nai sulu ni valu.

Jeremaia 46:9

Dou lako cake mai, na ose; ka dou cici vakaca voli, na qiqi-ni-valu; ka dou cabe mai, na qaqa; koi kemudou na kai Kusi kei na kai Lipea, sa dauvakasasabai; kei kemudou na kai Litia, sa dauyavia na dakai.

Jeremaia 50:25

Sa dolava ko Jiova na vale ni nonai yaragi, a sa kauta mai nai yaragi ni nona cudru: oqo na cakacaka ni Turaga ko Jiova ni lewe vuqa, e na nodra vanua na kai Kalitia.

Jeremaia 50:3

Ni sa lako cake mai vei koya e dua na matanitu mai na mata ni tokalau, ka na vakalalataka ko koya na nona vanua, ia ena sega e dua me tiko kina: ko ira na tamata kei na manumanu talega era na yavalati, era na lako tani yani.

Jeremaia 50:45

O koya oqo dou rogoca kina na lewa i Jiova, sa bosea ko koya me yacovi Papiloni; kei na ka sa nakita, sa nakita ko koya me yacova na nodra vanua na kai Kalitia: Ko ira era na yarataki ira dina era lalai sara e na qele ni sipi: ena cakavi ira dina ko koya me vakalalataka na nodra i tikotiko.

Jeremaia 50:9

Ni sai au, raica, ena vakauqeti ira me ra lako cake ki Papiloni e dua nai vavakoso matanitu lelevu mai na vanua ki na tokalau: a ra na tuvai valu vua, ka la'ki kaba sara: a nodra gasau, ena vaka na nona na kena dau sa qaqa; ena sega sara ni cala e dua.

Jeremaia 51:12

Dou vakarewataka na kuila e dela ni bai kei Papiloni, vakaukauwataka na mataivakatawa, lesi ira nai vakatawa, vakarautaka na lawa ni valu: ni sa nakita ko Jiova ka cakava talega na ka sa vosataka me yacovi ira na kai Papiloni.

Jeremaia 51:24

Ia ka'u na qai sauma ki Papiloni, vei ira kece talega na kai Kalitia na nodra ca kecega era sa cakava ki Saioni e na matamudou, sa kaya ko Jiova.

Jeremaia 51:35

A noqu vakacacani kei na vakacacani ni lewequ, me tu ga ki Papiloni, ena kaya na kai Saioni; kei na noqu dra, me tu ga vei ira na kai Kalitia, ena kaya ko Jerusalemi.

Jeremaia 51:36

O koya oqo sa kaya kina ko Jiova; Raica, au na totaki iko e na veilewai, ka tara na kemui sau, ia ka'u na vakadiva na nona wasawasa, ka vakayalia na wai ni nonai vurevure.

Taniela 5:30

E na bogi ga ko ya sa vakamatei ko Pelisasari na tui ni kai Kalitia.

Joeli 3:10

dou tukitukia na bati ni nomudou i siviyara mei seleiwau, kei na nomudou i sele ni samaki me moto: me kaya ko koya sa malumalumu, Au sa kaukauwa.

Joeli 3:9

Dou kacivaka na ka oqo e na veimatanitu; Dou vakarautaka nai valu; vakauqeti ira na qaqa; me ra toro mai, me ra lako cake mai ko ira na tamata i valu kecega:

Vunau ni Soro 26:25

ia ka'u na vakayacora vei kemudou nai seleiwau, sa na cudrutaka na veiyalayalati, ka dou na soqoni vata kina e na nomudou loma ni veikoro; ia ka'u na tala na mate ca vei kemudou; ia dou na soli ki na ligadra na meca.

Sakaraia 14:12

Ia na mate levu oqo ena vakayacora ko Jiova ki na veimataqali kece erai valu ki Jerusalemi; ena vuca ga yani na lewedra ni ra wavu tu e na yavadra, a matadra talega ena vuca laivi e na dreke-ni-matadra, a yamedra talega ena vuca sara e na gusudra.

Sakaraia 14:2

Ni'u na vakasoqona kece na veimatanitu ki Jerusalemi, me ra kaba; ena rawa talega na koro, ka na vakayanaki na veivale, ia na yalewa era na vakacacani; ena vakabobulataki talega e dua na kena wase ni koro, ia na kena vo ni tamata era na sega ni muduki tani mai na koro.