Jeremaia 50:9 - Vakavakadewa Makawa

⁹ Ni sai au, raica, ena vakauqeti ira me ra lako cake ki Papiloni e dua nai vavakoso matanitu lelevu mai na vanua ki na tokalau: a ra na tuvai valu vua, ka la'ki kaba sara: a nodra gasau, ena vaka na nona na kena dau sa qaqa; ena sega sara ni cala e dua.

Ai Vola Tabu (Vakadewa Makawa Vakavoutaki 2021)

⁹ Ni sai au, raica, ena vakauqeti ira me ra lako cake ki Papiloni e dua nai vavakoso matanitu lelevu mai na vanua ki na vualiku; a ra na tuvai valu vua, ka la'ki kaba sara. A nodra gasau ena vaka na nona na kena dau sa qaqa; ena sega sara ni cala e dua.

AI VOLA TABU

⁹ Ni sai au, raica, ena vakatura ka vakalakova cake ki Papiloni nai vavakoso matanitu lelevu mai na vanua mai na tokalau: a ra na tuvai valu vua, ka laʼki kaba sara: a nodra gasau, ena vaka na nona na daudakai matua; ena tabu cala sara e dua.

Vakavakadewa Vou kei na iVola tale eso

⁹ Au na vakayavalati ira e dua na i lawalawa matanitu mai na yasana vaka ki na vualiku ka cakava me ra valuti Papiloni. Era na tuva na i valu me ravuta na koro ka ra vakamalumalumutaka. Era sa vanataka na nodra gasau ni dakaititi me vakataki ira na dauvakasasa era sega ni suka ligalala mai.

Ai Vola Tabu Ena Vakavakadewa Vou

⁹ Au na vakayavalati ira e dua na i lawalawa matanitu mai na yasana vaka ki na vualiku ka cakava me ra valuti Papiloni. Era na tuva na i valu me ravuta na koro ka ra vakamalumalumutaka. Era sa vanataka na nodra gasau ni dakaititi me vakataki ira na dauvakasasa era sega ni suka ligalala mai.

Jeremaia 50:9 Iomraidhean Croise

2 Samuela 1:22

Mai na nodra dra era sa moku, mai na nodra uro na qaqa, Sa sega ni gole tani na dakai i Jonacani, Ka sega ni lesu wale nai seleiwau i Saula

Sere i Solomoni 3:8

Era dui taura kecega nai seleiwau, ka ra vuku e nai valu: Sa lili na nodra i seleiwau yadua e na dibidra Ni ra sa rere e na bogi.

Aisea 21:2

A raivotu rarawa sa vakavotui mai vei au; sa butako na daubutako, ka sa vakacaca na dauvakacaca. Ko iko Ilama, mo lako cake, Ko iko Mitia Mo la'ki kaba; a nona dauveivakararawataki kecega ka'u sa muduka.

Aisea 41:25

Au a vakauqeta e dua mai na mata ni tokalau, ka sa lako mai; mai na vanua sa cadra kina na mata-ni-siga ena masuta na yacaqu ko koya: ia ena lako mai vei ira na turaga me vaka ki na drega ni vale, ka vaka na dautuli kuro ni sa butuka na tete.

Jeremaia 15:14

ia ka'u na vakauti kemudou kei na nomudou meca ki na vanua dou sa sega ni kila: ni sa dua na buka sa tutuvaki e na noqu cudru, ena kati kemudou.

Jeremaia 25:14

Ni ra na qali talega ki na veimatanitu e vuqa vei ira talega na turaga levu eso: ia ka'u na sauma vei ira me vaka na nodra i valavala, kei na cakacaka ni ligadra.

Jeremaia 25:26

kei ira kece na tui mai na mata ni tokalau, ko ira sa tiko vakayawa, kei ira sa tiko voleka, na tamata kei na kai nona, kei ira kecega na veimatanitu kei vuravura, era sa tiko e na dela ni vanua: ia ko tui Sesaki ena qai gunu emuri.

Jeremaia 50:14

Dou tuvai valu ki Papiloni ka vakavolivolita: koi kemudou kece sa dauyavia na dakai, dou vanai koya, kakua ni maninitaka na gasau: ni sai valavala ca vei Jiova ko koya.

Jeremaia 50:21

Ia mo lako cake vakaivalu ki Mereceimi, ko koya kei na lewe i Pekoti: mo vakarusa ka vakawabokotaka sara, sa kaya ko Jiova, ia mo cakava ga me vaka na ka kece ka'u sa vakarota vei iko.

Jeremaia 50:26

Dou lako vakaivalu mai vei koya mai na veiyalayala, dolava na nona lololo: binia me vaka nai binibini, ka vakawabokotaki koya sara: me kakua na nona ka e vo:

Jeremaia 50:29

Kacivi ira mai ki Papiloni era dauvanavana: koi kemudou kece sa yavia na dakai, dou mai buku na kena lawa; me kakua e dro bula: dou sauma vua me vaka na nona cakacaka; me vaka na ka kece sa cakava, dou cakava vakakina vua: ni sa yaloviavialevu vei Jiova ko Koya, io vei koya na Yalosavasava ni Isireli.

Jeremaia 50:3

Ni sa lako cake mai vei koya e dua na matanitu mai na mata ni tokalau, ka na vakalalataka ko koya na nona vanua, ia ena sega e dua me tiko kina: ko ira na tamata kei na manumanu talega era na yavalati, era na lako tani yani.

Jeremaia 51:11

Dou vagatara na gasau; kumuna vata nai sasabai: sa vakauqeta ko Jiova na yalodra na tui Mitia: ni sa nanumi Papiloni ko koya, me vakarusa; ni sa kena veisausaumi i Jiova oqo, na nona cudrutaka na nona vale tabu.