Jeremaia 50:2 - Vakavakadewa Makawa

² Dou tukuna e na veimatanitu, ka vakarogoya, ka vakarewataka na kuila; dou vakarogoya, kakua ni vunia; dou kaya, Sa kabai ko Papiloni, sa taqaya ko Peli, sa ramusu sara ko Merotaki; sa taqaya na nona kalou lasu, sa ramusu sara na nona matakau.

Ai Vola Tabu (Vakadewa Makawa Vakavoutaki 2021)

² “Dou tukuna e na veimatanitu, ka vakarogoya, ka vakarewataka na kuila; dou vakarogoya, kakua ni vunia, dou kaya: ‘Sa kabai ko Papiloni, sa vakamaduataki ko Peli, sa ramusu sara ko Merotaki; sa taqaya na nona kalou lasu, sa ramusu sara na nona matakau.’

AI VOLA TABU

² Dou tukuna e na veimatanitu, ka vakarogotaka, ka vakaduria na drotini; dou vakarogotaka, kakua ni vunia: dou kaya, Sa kabai ko Papiloni, sa taqaya ko Peli, sa ramusu sara ko Mirotaki; sa taqaya na nona ka veivakaocataki, sa ramusu sara na nona matakau.

Vakavakadewa Vou kei na iVola tale eso

² Tukuna yani na i tukutuku ki na veimatanitu! Kacivaka yani! Vakaraitaka na i vakatakilakila Ka vunautaka na kena I tukutuku! Kakua ni vunitaka lo tiko! Sa bale o Papiloni! Sa vorolaki na kena kalou o Merotaki! Sa vakamaduataki o Bele na matakau ni Papiloni, Ka vakavurumemeataki na kena veimatakau.”

Ai Vola Tabu Ena Vakavakadewa Vou

² Tukuna yani na i tukutuku ki na veimatanitu! Kacivaka yani! Vakaraitaka na i vakatakilakila Ka vunautaka na kena I tukutuku! Kakua ni vunitaka lo tiko! Sa bale o Papiloni! Sa vorolaki na kena kalou o Merotaki! Sa vakamaduataki o Bele na matakau ni Papiloni, Ka vakavurumemeataki na kena veimatakau.”

Jeremaia 50:2 Iomraidhean Croise

NA SAME 64:9

Ka ra na rere na tamata kecega; Ka tukuna na cakacaka ni Kalou; Ka ra na nanuma vakavuku ki na nona cakacaka.

NA SAME 96:3

Dou tukuna na nona lagilagi ki na veimatanitu, Na nona cakacaka mana vei ira na veimataqali kecega.

NA SAME 97:7

Me ra vakamaduataki ko ira kecega era sa qarava na matakau ceuceu, O ira sa daudokai ira e na matakau: Dou cuva vua, na kalou kecega.

Aisea 12:4

Ia dou na kaya e na siga ko ya, Dou vakavinavinaka vei Jiova; masuta na yacana; vakatakila vei ira na lewe ni veivanua na nona cakacaka, dou tukuna ni sa cecere na yacana.

Aisea 13:2

Dou vakarewataka na drotini e na ulu-ni-vanua cecere; tabalaka na kaci vei ira; yalovaka na ligamudou; me ra curuma na nodra matamata-ni-koro na turaga.

Aisea 21:9

ka raica, sa lako mai oqo e dua na mataivalu sa vodo tu, ka yayarua lako. A sa vosa mai ko koya, ka kaya, Sa bale, sa bale, ko Papiloni; ia na matakau ceuceu kece ni nona kalou sa basuraka sobu ki na qele ko koya.

Aisea 37:19

a ratou sa biuta ki na bukawaqa na nodra kalou: ni ra sa sega ni kalou, na cakacaka walega ni liga ni tamata, na kau kei na vatu: ia eratou sa vakarusai ira kina.

Aisea 39:1

E na gauna ko ya ni sa rogoca ko Merotaki-paletani na tui Papiloni, na luve i Paletani, ni sa tauvi mate ko Esekaia, ka sa bula tale, sa qai vakauta vua nai vola kei na ka-ni-loloma.

Aisea 46:1

Sa cuva sobu ko Peli, sa vakalairoro ko Nipo; a kedrau matakau sa toka e na daku ni manumanu, kei na daku ni pulumokau; sa vakavodoki tu na nomudou i kaukau, sai colacola bibi ki na manumanu sa oca.

Aisea 48:20

Dou lako tani e Papiloni, dro tani mai vei ira na kai Kalitia, e na domo ni marau dou tukuna yani na ka oqo; dou vakarogoya, vakauta nai rogorogo ki nai yalayala kei vuravura; dou kaya, Sa vakabula ko Jiova na nona tamata ko Jekope:

Aisea 48:6

Ko sa rogoca oti, ia mo raica mada na ka kece oqo; ia dou na sega beka ni via tukuna talega? ka'u sa qai vakatakila vei iko na ka vou, io na ka vuni, ko a sega ni kila.

Jeremaia 10:11

Mo dou kaya vei ira vakaoqo, A kalou, era sa sega ni bulia na lomalagi kei na vuravura, era na rusa tani yani mai na dela i vuravura, ka mai na ruku i lomalagi talega.

Jeremaia 10:15

Sa ka lasu ga oqori, na cakacaka dauveivakalialiai: e na gauna era cudruvi kina era na rusa.

Jeremaia 31:10

Dou rogoca na vosa i Jiova, na veimatanitu, ka tukuna yani ki na veiyanuyanu sa yawa, ka kaya, Ko koya sa vakasevi Isireli ena vakasoqoni koya tale, ka maroroi koya, me vaka nai vakatawa na nona qele ni sipi.

Jeremaia 4:16

Mo dou tukuna vei ira na veimatanitu; raica, vakarogoya ki Jerusalemi, ni ra sa lako mai nai valu i vakatawa mai na vanua vakayawa, ka ra na bolebole ki na veikoro vaka-Juta.

Jeremaia 4:6

Dou vakarewataka na kuila vaka ki Saioni: dou dro, kakua ni berabera: ni'u na vakayacora mai na tokalau, na ka ca kei na veivakarusai levu.

Jeremaia 46:14

Dou tukuna ki Ijipita, ka vakarogoya ki Mikitoli, kei Nofi kei Tapanesi: dou kaya, Mo tu dei ga, ka vakarau tu; ni sa kana tu nai seleiwau ka sa vakavolivoliti iko.

Jeremaia 50:46

Ni sa rogo sa kabai ko Papiloni, sa yavavala ko vuravura; ia na nodra tagi, sa rogo yani ki na veimatanitu.

Jeremaia 51:12

Dou vakarewataka na kuila e dela ni bai kei Papiloni, vakaukauwataka na mataivakatawa, lesi ira nai vakatawa, vakarautaka na lawa ni valu: ni sa nakita ko Jiova ka cakava talega na ka sa vosataka me yacovi ira na kai Papiloni.

Jeremaia 51:27

Dou vakarewataka na kuila e na vanua, uvuca na davui e na veivanua, vakarautaka na veivanua me ra vala kaya, kacivi ira na lewe ni veimatanitu ni Ararata, kei Mini, kei Asikenasi, me ra mai la'ki kabai koya; lesia e dua me kena kapiteni ni valu; me vakauti ira cake mai na ose me vaka na nuve cocogaigai.

Jeremaia 51:31

E dua na daucici ena sota kaya e dua tale na daucici, ka dua na dautukutuku ena sota kaya e dua tale na dautukutuku, me tukuna vei tui Papiloni ni sa kabai na nona koro e na kena veiyasana,

Jeremaia 51:44

Ia ka'u na cudruvi Peli mai Papiloni, ka kauta tani tale mai na gusuna na ka sa tiloma: ka ra na sega ni drodro vata tale vei koya na lewe ni veivanua: io na bai kei Papiloni ena bale.

Jeremaia 51:47

O koya oqo, raica, ena yaco na gauna, ka'u na cudruva kina na veimatakau ceuceu ni Papiloni: ia na kena vanua taucoko, ena taqaya; kei na kena moku kece, ena bale ga kina.

Jeremaia 51:52

O koya oqo, raica, sa kaya ko Jiova, ena yaco na gauna, ka'u na cudruva kina na kena veimatakau: io era na vutugu na vuetaki e na nona vanua taucoko.

Jeremaia 51:8

Sa vakasauri na kena bale ko Papiloni, ka sa rusa: dou qolouvaki koya; ia dou kauta na mena wai ni vutu, de sa na bula beka kina.

Jeremaia 52:31

Ia e nai katolusagavulu ka vitu ni yabaki ni nona vakabobulataki ko Jioiakini na tui Juta, e nai katinikarua ni vula, e nai karuasagavulu ka lima ni siga ni vula, sa qai vueti Jioiakini na tui Juta ko Ivili-mirotaki na tui Papiloni, e nai matai ni yabaki ni nona lewa, ka kauti koya mai na vale ni veivesu:

Jeremaia 6:18

O koya oqo dou rogoca kina, na lewe ni veivanua, ka kila, koi kemudou nai soqosoqo, na ka sa tu vei ira.

Taniela 1:2

Ia na Turaga sa soli Jioiakimi na tui Juta ki na ligana, ka so nai yaya ni vale ni Kalou: ka sa kauta ko koya ki na vanua ko Saina ki na nona bure kalou; ka sa kauta nai yaya ki na vale ni yau ni nona kalou.

Taniela 3:14

Sa qai kaya vei iratou ko Nepukanesa, Sa ka dou a nakita, Setareki, kei Mesaki, kei Apeti-niko, ni dou a sega ni qarava na noqu kalou, ka ni dou a sega ni vakarokoroko ki na matakau koula ka'u sa vakaduria?

Sefanaia 2:11

Sa na daurerevaki vei ira ko Jiova, ni na vakawaletaki ira kecega na kalou kei vuravura; ka ra na dui cuva vua ko ira na tamata yadua mai na nona yasana, io, na lewe ni veiyanuyanu kecega e na veimatanitu.

Vakatakila 18:2

A sa kaci e na domo levu sara ko koya, ka kaya, Sa bale ko Papiloni na koro levu, sa bale, a sa yaco me nodra i tikotiko na tevoro, kei na qara ni yalo velavela kecega, kei na qara ni manumanu vuka kecega sa tawa-savasava ka sevaki.