Jeremaia 5:7 - Vakavakadewa Makawa

⁷ Me'u na sega ni cudruvi iko vakacava e na vuku ni ka oqo? a luvemu era sa biuti au, a ra sa bubului vei ira sa sega ni kalou: ni'u a vakani ira me ra mamau sara, era sa qai ia na dauyalewa, ia e na vale ni yalewa dautagane era sa soqoni levu kina.

Ai Vola Tabu (Vakadewa Makawa Vakavoutaki 2021)

⁷ “Me'u na sega ni cudruvi iko vakacava e na vuku ni ka oqo? A luvemu era sa biuti au, a ra sa bubului vei ira sa sega ni kalou. Ni'u a vakani ira me ra mamau sara, era sa qai ia na veibutakoci, kei na vale ni yalewa dautagane era sa soqoni vakalevu kina.

AI VOLA TABU

⁷ Au na tawa cudruvi iko vakacava e na vuku ni ka o qo? a luvemu era sa biuti au, a ra sa vosavavakini vei ira sa sega ni kalou: niʼu a vakani ira me ra mamau, era sa qai ia na dauyalewa, ia e na vale ni alewa dauyatagane era sa soqoni levu kina.

Vakavakadewa Vou kei na iVola tale eso

⁷ A sa kaya o Jiova, “A cava me'u vosota kina Na nodra i valavala ca na noqu tamata? Era sa biuti au na luvedra, Ka ra bubului ki na veika sa sega ni kalou. Au a vakani ira na noqu tamata Me yacova ni ra sa mamau, Ia era sa ia na veibutakoci, Ka vakaotia na nodra gauna Vata kei ira na yalewa dautagane.

Ai Vola Tabu Ena Vakavakadewa Vou

⁷ A sa kaya ko Jiova, “A cava me'u vosota kina Na nodra i valavala ca na noqu tamata? Era sa biuti au na luvedra, Ka ra bubului ki na veika sa sega ni kalou. Au a vakani ira na noqu tamata Me yacova ni ra sa mamau, Ia era sa ia na veibutakoci, Ka vakaotia na nodra gauna Vata kei ira na yalewa dautagane.

Jeremaia 5:7 Iomraidhean Croise

2 Veigauna 13:9

Dou sa sega li ni biuti ira tani na bete i Jiova, ko ira na luve i Eroni, kei ira na Livai, ka lesia na nomudou bete me vaka na veimatanitu ni veivanua? sa yaco me bete vei ira era sa sega ni kalou, ko ira yadua sa la'ki kauta e dua na luve ni pulumokau, ka vitu na sipi tagane, me vakatabui koya kina.

Jope 31:12

Ni sa bukawaqa oqori sa katia me yacova na rusa, Sa na cavuivuvu kina na noqu i yau kecega.

NA SAME 50:18

Ni ko a kunea na daubutako, ko a qai lomavata kaya, Ka sa votai vata kei ira na dauyalewa.

Jeremaia 12:16

Ia kevaka era na gumatua ni vulica nai valavala ni noqu tamata, me ra bubului e na yacaqu, ka vaka, Sa bula ko Jiova; me vaka era sa dauvakavulici ira na noqu tamata me ra bubului vei Peali; era na qai vakataudeitaki e na kedra maliwa na noqu tamata:

Jeremaia 13:27

A nomu veibutakoci, kei na nomu daugagano, kei na levu ni nomu dautagane io na nomu i valavala vakasisila e na veiyasana cecere ni vanua, ka'u sa raica oti. Ena ca vei iko, Jerusalemi! ko na sega li ni vakasavasavataki? ena yaco ga ninaica?

Jeremaia 16:11

ia mo kaya vei ira, E na vukudra na nomudou qase ni ra sa biuti au, sa kaya ko Jiova, ka ra sa muria na kalou tani, ka qaravi ira, ka sorovi ira, ia era sa biuti au, ka ra sa sega ni vakabauta na noqu vunau;

Jeremaia 16:20

Sa na dua beka na tamata me cakava me nona kalou na ka sa sega ni kalou?

Jeremaia 2:11

Sa dua li na matanitu sa vakaisosomitaka na kena kalou, e na ka sa sega ni kalou? ia ko ira na noqu tamata era sa vakaisosomitaki koya sa nodra i ukuuku e na ka sa sega ni yaga.

Jeremaia 2:31

Kemudou nai tabatamata, dou kila mada na vosa i Jiova. Ka'u a vaka beka na veikau vei Isireli; se na vanua butobuto loaloa? a cava era sa kaya kina na noqu tamata, Keimami sa veitalia ga; keimami na sega ni lako tale vei iko?

Jeremaia 23:10

Ni sa oso na vanua e na dauyalewa; ni sa tagi na vanua e na vuku ni ruru; sa dravuisiga mai na veiyasana vinaka ni veikau, ka sa ca na nodra i valavala, ka sa sega ni dodonu na nodra lewa kaukauwa.

Jeremaia 3:19

Ia ka'u a kaya, Au na vakatikori iko vata vakaevei kei ira na luvequ, ka solia vei iko na vanua sa vinakati sara, na nodra i votavota vinaka na lewe vuqa ni veimatanitu? ka'u a vaka, Ko na kaya mai vei au, Kemuni na Tamaqu; ia ko na sega tale ni vuki tani vei au.

Jeremaia 3:8

Ia ka'u a raica, ni sai koya dina oqo ni sa dautagane ko Isireli na dauvuki, ka'u a biuti koya tani ka solia vua nai vola ni veibiu, ka sa sega ni rere kina na daulawaki ko Juta na tacina, ia sa lako talega ko koya ka ia na dautagane.

Jeremaia 7:9

Mo dou butako li, ka laba, ka ia na veibutakoci, ka bubului vakailasu, ka vakama na ka boi vinaka vei Peali, ka muria na kalou tani dou sa sega ni kila;

Jeremaia 9:1

Me sa wai mada na uluqu, kei nai vurevure ni wai na mataqu, me'u tagi kina e na siga kei na bogi e na vukudra na nona vuetaki na goneyalewa ni noqu tamata!

Jeremaia 9:2

Me sa noqu mada mai na veikau e dua na bure ni vulagi; me'u vakalaivi ira tu na noqu tamata, ka lako tani vei ira! ni ra sa tamata dauyalewa kecega, nai soqosoqo ni daulawaki.

Lele i Jeremaia 3:42

Koi keimami, keimami a talaidredre ka sa yalovakatani: koi kemuni ko ni a sega ni ia na veivakadonui.

Isikeli 22:11

Ia e dua sa kitaka na ka vakasisila kei na wati ni kai nona; ka dua tale sa vakadukadukalitaka vakaca na vugona yalewa; ka dua tani tale e na kemu maliwa sa kucuva na ganena, na luve ni tamadrau:

Osea 11:8

Au na laivi iko vakaevei, Ifireimi? au na soli iko yani vakaevei, Isireli? au na soli iko vakaevei mo tautauvata kei Atima? au na cakavi iko vakaevei mo tautauvata kei Sepoimi? sa dua tani mai na yaloqu e lomaqu, sa tubu sara mai na noqu dauloloma.

Osea 13:6

Me vaka na nodra vakani, sa ra mamau vakakina; sa ra mamau, ka ra yaloviavialevu mai; o koya oqo sa ra guilecavi au kina.

Osea 4:2

A ruru, kei na vosa lasu, kei na laba, kei na butako, kei na veibutakoci, sa ia tiko, ia na vakadave dra sa veitaravi tiko.

Osea 7:4

O ira kece era sa ia na veibutakoci, era sa vaka na lovo sa vakatakatataka na dauvavi madrai, o koya sa cegu ni vakatakatataka ni sa natuka oti na madrai, ka me vakalevenitaki mada.

Vunau ni Soro 20:10

A tagane talega sa veibutakoci kei na watina na tani, io sa veibutakoci kei na wati ni kai nona, erau na vakamatei vakaidina ruarua, na tagane sa dauyalewa kei na yalewa sa dautagane.

Emosi 8:14

ko ira era sa bubului, ka cavuta na ka era cala kina na kai Samaria, ka kaya, Sa bula na nomu kalou, ko iko Tani; ia, Sa bula nai valavala vaka-Pieri-sepa; era na bale talega, ka sega ni tu cake tale.

Sefanaia 1:5

kei ira era sa soro e na dela ni veivale ki na kalokalo ni lomalagi; kei ira era sa soro ka bubului vei Jiova, ka bubului vei Malikami;

Malakai 3:5

Ia ka'u na toro voleka vei kemudou me ia na veilewai, ia ka'u na kusarawa ni tukuna na nodra ca na daucakaisausau, kei na dauveibutakoci, kei na daububului vakailasu, kei ira era butakoca nai voli ni tamata cakacaka, kei na yada, kei na luveniyali, kei ira era bureitaka vua na vulagi na ka sa dodonu me nona, ka ra sega ni rerevaki au, sa kaya ko Jiova ni lewe vuqa.

1 Korinica 6:9

Dou sa sega beka ni kila, ni na sega ni rawata na matanitu ni Kalou ko ira sa sega ni yalododonu? Dou kakua ni vakaisini kemudou: o ira na daudara, kei ira na dausoro ki na matakau, kei ira na dauyalewa, kei ira na viavia vaka na yalewa, kei ira na veimoceri vakatagane,

1 Korinica 8:4

E na vuku ni kana ka sa vakacabori ki na veimatakau, eda sa kila sa ka wale duaduaga e vuravura na matakau, a sa dua bauga na Kalou ka sega tale e dua tani.

Kalatia 4:8

Ia eliu, ni dou a sega ni kila na Kalou, dou a dauqaravi ira sa sega ni nodra i tovo me kalou.

Vakarua 32:15

Ia sa levulevu mai ko Jesuruni, ka caqe: O ni sa levulevu mai, ko ni sa yagolevu, ko ni sa tabonaki e na uro; Era sa qai biuta na Kalou ka buli ira, Ka ra beci koya na Uluvatu era sa bula kina.

Vakarua 32:21

Era sa vakavuvutaki au e na vuku ni ka sa sega ni Kalou; Era sa vakacudrui au e na nodra veika vakailasu: Ia ka'u na vakavuvutaki ira e na vukudra era sega ni noqu tamata: Au na vakacudrui ira e na matanitu sesewa.

Iperiu 13:4

Sa kilikili kei ira na tamata kece na vakawati, kei nai mocemoce e sega ni veibutakoci: ia ko ira na daudara kei ira na dauyalewa ena lewai ira na Kalou.

Jemesa 4:4

Oi kemudou na dauyalewa kei na dautagane, dou sa sega beka ni kila, ni sa veicati kei na Kalou na veivinakati kei vuravura? ia sa veimecaki kei na Kalou ko koya sa via veiwekani kei vuravura.

Josua 23:7

mo ni kakua ni la'ki tiko e na kedra maliwa na veimatanitu oqo, ko ira sa vo tiko vei kemuni; mo ni kakua talega ni cavuta na yaca ni nodra veikalou, se ia kina na bubului, se qaravi ira, se cuva vei ira: