Jeremaia 5:6 - Vakavakadewa Makawa

⁶ O koya oqo ena vakamatei ira e dua na laioni mai veikau, na wolifa ni lekutu ena vakacacani ira, e dua na lepate ena yadrava na nodra veikoro: ko ira kecega era sa lako ki nai bili era na basuraki: ni sa ka levu na nodra talaidredre, ka sa tubu tiko na nodra dauvuki.

Ai Vola Tabu (Vakadewa Makawa Vakavoutaki 2021)

⁶ O koya oqo ena vakamatei ira e dua na laione mai veikau, na wolifa ni vanua dravuisiga ena vakacacani ira. E dua na lepate ena yadrava na nodra veikoro; ko ira kecega era sa lako ki nai bili era na basuraki— ni sa ka levu na nodra talaidredre, ka sa levu sara na nodra dauvuki lesu.

AI VOLA TABU

⁶ O koya o qo ena labati ira kina na laioni mai na veikau, na wolifa ni lekutu ena vakacacani ira, na leparite ena yadrava na nodra Veikoro: o ira kecega sa lako ki nai bili era na dresulaki: ni sa levu mai na nodra talaidredre, a sa tubu mai na nodra dauvuki.

Vakavakadewa Vou kei na iVola tale eso

⁶ Oqo na vuna ena vakamatei ira kina E dua na laioni ni veikau; Ena vakarusai ira E dua na oliva ni lekutu, Ka na vakacuruma na nodra veikoro E dua na leopate Kevaka e dua ena lako ki taudaku ni koro Ena basuraki, Baleta ni sa rui levu Na nodra i valavala ca, Ka ra sa gole tani vakavuqa Mai vua na nodra Kalou.

Ai Vola Tabu Ena Vakavakadewa Vou

⁶ Oqo na vuna ena vakamatei ira kina E dua na laioni ni veikau; Ena vakarusai ira E dua na oliva ni lekutu, Ka na vakacuruma na nodra veikoro E dua na leopate Kevaka e dua ena lako ki taudaku ni koro Ena basuraki, Baleta ni sa rui levu Na nodra i valavala ca, Ka ra sa gole tani vakavuqa Mai vua na nodra Kalou.

Jeremaia 5:6 Iomraidhean Croise

2 Veigauna 36:14

Ka ra sa caka cala vakalevu ko ira kecega sa liu vei ira na bete, kei ira na tamata, me vaka nai valavala vakasisila ni veimatanitu tani; a ra sa vakavelavelataka na vale i Jiova ka vakatabuya ko koya mai Jerusalemi.

Esera 10:10

A sa tu cake ko Esera na bete, ka sa kaya vei ira, Kemuni sa talaidredre, ni kemuni sa kauta na yalewa tani me watimuni, me vakalevutaka na nodra talaidredre na Isireli.

Esera 9:6

ka kaya, Kemuni na noqu Kalou, au sa madua ka velavela ni'u tacake vei kemuni na noqu Kalou: ni sa tubu cake na neimami caka cala ka sa sivia na uluimami, a sa tubu na neimami talaidredre me yala ki lomalagi.

Jope 10:16

Ni sa tubu ga, ko ni sa vakasavi au me vaka na laioni daukata: Ia ko ni sa baci lesu vakidacala tale mai vei au.

NA SAME 104:20

O ni sa cakava na butobuto, ka sa bogi kina; Sa qai lako voli kina na manumanu kecega ni veikau:

NA SAME 80:13

Sa vakacacana na vuaka ni veikau, Ka sa kana kina na manumanu kila ni vanua.

Aisea 1:23

Ko ira na nomu turaga era sa dautalaidredre, a ra sa nodra i tokani na daubutako: era dui dauvinakata nai solisoli, ka daugu me saumi: Era sa sega ni ia na veilewai dodonu, e na vuku ni luveniyali, kei na kena lewa e na vuku ni yada sa sega ni yaco kivei ira.

Aisea 59:12

Ni sa levu cake e matamuni na neimami talaidredre, ia na neimami valavala ca sa tukuni keimami: ni sa tiko kei keimami na neimami talaidredre, ia na neimami caka cala, keimami sa kila ga:

Jeremaia 14:7

Kemuni Jiova, ko ni sa beitaki keimami dina e na neimami caka cala, ia mo ni cakacaka e na vuku ni yacamuni ga: ni sa ka levu na neimami dauvuki; keimami sai valavala ca vei kemuni.

Jeremaia 2:15

a luve ni laioni era sa tagici koya, era sa tabalaka na domodra, ka vakalalataka na nona vanua: na nona veikoro sa kama, sa sega e tiko kina.

Jeremaia 2:17

A ka oqo ko sa vakayacora vei iko, se segai, ni ko sa biuti Jiova na nomu Kalou, ni sa tuberi iko e na sala?

Jeremaia 2:19

Ena kemu kuita na nomu ca, ia na nomu vuki tani ena vunauci iko: mo kila ga ka raica ni sa ka ca ka ka gaga na nomu biuti Jiova na nomu Kalou, ni sa sega talega vei iko na rerevaki au, sa kaya na Turaga ko Jiova ni lewe vuqa.

Jeremaia 2:31

Kemudou nai tabatamata, dou kila mada na vosa i Jiova. Ka'u a vaka beka na veikau vei Isireli; se na vanua butobuto loaloa? a cava era sa kaya kina na noqu tamata, Keimami sa veitalia ga; keimami na sega ni lako tale vei iko?

Jeremaia 25:38

sa biuta laivi ko koya, me vaka na laioni, na nonai kotokoto: ni sa rusa na nodra vanua e na vuku ni nona yalokatakata na dauvakacaca, e na vuku talega ni nona cudru waqawaqa.

Jeremaia 30:14

Ko ira kece ka lomani iko era sa guilecavi iko; era sa sega ni mai raici iko; ni ka'u sa vuetaki iko e na kuita ni vakatawaloloma, me vaka ka'u sa nomu meca e na vuku ni kena levu ni nomu caka cala: ni sa vuqa tiko na nomu i valavala ca.

Jeremaia 30:15

A cava ko sa tagicaka kina na nomu mavoa? sa sega ni malumu rawa na nomu rarawa e na vuku ni kena levu ni nomu caka cala: ni sa vuqa tiko na nomu i valavala ca, ka'u sa kitaka kina vei iko na ka oqo.

Jeremaia 30:24

Ena sega ni malumu na cudru katakata i Jiova, ena cakava mada ga, ka vakayacora dina na ka sa nakita ko koya: ena kena gauna maimuri, dou na qai vakananuma kina.

Jeremaia 4:7

Sa lako cake mai na kena veikau e dua na laioni, io sa lako tu mai ko koya sa dauvakacacana na veimatanitu; sa lako yani mai na nona yasana me vakalalataka na nomu vanua; na nomu veikoro ena vakalalataki, me sega e dua e tiko kina.

Jeremaia 49:19

Raica, ena lako cake mai ko koya, me vaka na laioni mai na Joritani ni sa vuabale, ki nai tikotiko i koya sa kaukauwa: ia ka'u na sauriva walega ka vakasevi koya me dro tani maikina: ia ko cei na tamata digitaki me'u lesia me kena turaga? ko cei me sa tautauvata kei au? se ko cei me na lokuca vei au na kena gauna? se ko cei nai vakatawa ko ya ena mai tu e mataqu?

Jeremaia 8:5

A cava beka era sa qai vuki tani kina na kai Jerusalemi oqo e na dauvuki sa sega ni mudu? era taura matua na ka lasu, era bese ni lesu mai.

Jeremaia 8:7

Io, na belo ka vuka voli e cake sa kila na kena vula; kei na ruve, kei na belo loa, kei na kakabace, eratou sa nanuma na kedratou gauna me lako mai kina; ia na noqu tamata era sa sega ni kila na lewa i Jiova.

Lele i Jeremaia 1:5

Ko ira sa vakacacani koya era sa liu; ko ira na nona meca era sa tiko vinaka; Ni sa vakararawataki koya ko Jiova e na vuku ni nona cala sa vuqa: Ko ira na nona gone lalai, era sa kauta tani vakabobula ko ira na meca.

Isikeli 16:25

E na mua ni sala kecega ko sa tara na nomu yasana cecere, ka vakasisilataka na nomu matavinaka me cati, ka vakarawarawataka na yavamu vei ira yadua sa lako voli yani, ka vakalevutaka na nomu dautagane.

Isikeli 22:27

O ira na kena turaga era sa vaka na wolifa e dresulaka na kedra, me ra vakadavea na dra, me vakarusa na yalo, me ia na veikoveraki.

Isikeli 23:19

Ia ka sa vakalevutaka tiko na nona dautagane, ni sa vakananuma ko koya na gauna sa goneyalewa kina, ka ia na dautagane mai na vanua ko Ijipita.

Taniela 7:4

A kenai matai sa vaka na laioni, a sa vakatabana vakaikeli: au a raica tiko ni sa vuti mai na lawe ni tabana, a sa vakaduri cake mai na qele, ka sa vakatudonutaki e na yavana me vaka na tamata, ka sa soli vua na yalo ni tamata.

Taniela 7:6

Ka oti oqori, ka'u a vakaraica, ka raica, sa dua tani tale, e vaka na lepate, ka sa va na tabana vakamanumanu vuka e dakuna; sa va talega na uluna na manumanu oqori; ia sa soli kina na lewa.

Osea 5:14

Ni'u na vaka na laioni vei ira na Ifireimi, ka vaka na laioni sa gone vei ira na mataqali i Juta: oi au, io koi au, ka'u na ia na veidresulaki ka lako tani; au na kauta tani, ka sega e dua me na kaliraki koya.

Apakuki 1:8

Sa totolo na nodra ose ka bera na lepate; ka gu ni daukata vakalevu cake e na wolifa ni bogi: sa kabuacara na nodra i valu e vodo ose, io, era na lako vakayawa mai ko ira na nodra i valu era vodo ose; era sa vuka me vaka na ikeli sa kusakusa yani me kana.

Sefanaia 3:3

Era sa laioni dautagi ko ira na nona turaga; ko ira na nona turaga ni lewa era sa wolifa ni yakavi; ni ra quru sui, era sega ni sigavaka.

Tiko mai na Lekutu 32:14

Ka raica, kemuni sa tubu cake me kedrai sosomi na nomuni qase, na kawa ni tamata ca, me vakalevutaka tiko na cudru katakata i Jiova kivei ira na Isireli.

Vakatakila 13:2

Ia na manumanu ka'u a raica sa vaka na lepate, a yavana sa vaka na yava ni pera, a gusuna e vaka na gusu ni laioni: a sa solia vua na nona kaukauwa dina na gata levu, kei na nonai tikotiko-vakaturaga, me mai turaga levu.