Jeremaia 5:5 - Vakavakadewa Makawa

⁵ ka'u na lako mada kivei ira na turaga, ka vosa vei ira; ni ra sa kila na sala i Jiova, kei na lewa ni nodra Kalou: ia ko ira talega oqo era sa musuka vata nai vua, ka drutia nai vau.

Ai Vola Tabu (Vakadewa Makawa Vakavoutaki 2021)

⁵ Ka'u na lako mada kivei ira na turaga, ka vosa vei ira; ni ra sa kila na sala i Jiova, kei na lewa ni nodra Kalou.” Ia ko ira talega oqo era sa musuka vata nai vua, ka drutia nai vau.

AI VOLA TABU

⁵ kaʼu na lako kivei ira na turaga, ka vosa vei ira; ni ra sa kila na sala i Jiova, na lewa ni nodra Kalou: ia ko ira talega o qo era sa musuka vata ga nai vua, ka drutia nai vau.

Vakavakadewa Vou kei na iVola tale eso

⁵ Au na lako vei ira era vakaitutu cecere, Ka veivosaki kei ira. Era kila dina na loma i Jiova; Ka ra kila na ka e vinakata na nodra Kalou.” Ia era sa vakanadakuya kecega na Kalou; Ka ra bese ni muri koya.

Ai Vola Tabu Ena Vakavakadewa Vou

⁵ Au na lako vei ira era vakaitutu cecere, Ka veivosaki kei ira. Era kila dina na loma i Jiova; Ka ra kila na ka e vinakata na nodra Kalou.” Ia era sa vakanadakuya kecega na Kalou; Ka ra bese ni muri koya.

Jeremaia 5:5 Iomraidhean Croise

2 Veigauna 36:14

Ka ra sa caka cala vakalevu ko ira kecega sa liu vei ira na bete, kei ira na tamata, me vaka nai valavala vakasisila ni veimatanitu tani; a ra sa vakavelavelataka na vale i Jiova ka vakatabuya ko koya mai Jerusalemi.

Lako Yani 32:25

A sa kunei ira na tamata ko Mosese ni ra sa sereki tu; (ni sa vakasereki ira ko Eroni, ka me ra vakamaduataki e na kedra maliwa na nodra meca):

Aisea 1:23

Ko ira na nomu turaga era sa dautalaidredre, a ra sa nodra i tokani na daubutako: era dui dauvinakata nai solisoli, ka daugu me saumi: Era sa sega ni ia na veilewai dodonu, e na vuku ni luveniyali, kei na kena lewa e na vuku ni yada sa sega ni yaco kivei ira.

Jeremaia 2:20

Ka'u a musuka mailiu na kemui vua, ka drutia na kemui vau; ia ko a kaya, Au na sega ni talaidredre; ia e na ulu-ni-koro cecere kecega kei na ruku ni kau bulabula kecega ko sa lako sese kina, ka ia na dautagane.

Jeremaia 2:31

Kemudou nai tabatamata, dou kila mada na vosa i Jiova. Ka'u a vaka beka na veikau vei Isireli; se na vanua butobuto loaloa? a cava era sa kaya kina na noqu tamata, Keimami sa veitalia ga; keimami na sega ni lako tale vei iko?

Jeremaia 30:14

Ko ira kece ka lomani iko era sa guilecavi iko; era sa sega ni mai raici iko; ni ka'u sa vuetaki iko e na kuita ni vakatawaloloma, me vaka ka'u sa nomu meca e na vuku ni kena levu ni nomu caka cala: ni sa vuqa tiko na nomu i valavala ca.

Jeremaia 6:13

Ni ra sa daukocokoco kecega ko ira na tamata wale kei ira talega na turaga; a ra sa cakacaka vakailasu kecega na parofita ka yacovi ira talega na bete:

Jeremaia 8:7

Io, na belo ka vuka voli e cake sa kila na kena vula; kei na ruve, kei na belo loa, kei na kakabace, eratou sa nanuma na kedratou gauna me lako mai kina; ia na noqu tamata era sa sega ni kila na lewa i Jiova.

Jeremaia 9:3

A ra sa lokata na yamedra me nodra dakai ni vosa lasu: ka sa sega ni qaqa me ra totaka na ka dina e vuravura; ni ra sa vakaikuritaka na ca e na ca, ia era sa sega ni kilai au, sa kaya ko Jiova.

Isikeli 11:2

A sa kaya vei au ko koya, Ko iko na luve ni tamata, koi rau na tamata oqo erau bosea na caka ca, ka vakavuvulitaka nai vakavuvuli ca e na koro oqo:

Emosi 4:1

Dou rogoca na vosa oqo, oi kemudou na pulumokau yalewa ni Pasani, sa tiko e na ulu-ni-vanua ni Samaria, oi kemudou sa dauvakasaurarataki ira na dravudravua, ka butuqaqi ira na luveniyali, ka kaya vei ira na nodra turaga, Kauta mai, me da mai gunu.

Emosi 6:1

E ca vei ira sa tiko vakacegu wale mai Saioni, ka vakararavi ki na ulu-ni-vanua ni Samaria, era tamata kilai e na matanitu sa liu, ka sa daulakovi ira ko ira na mataqali i Isireli!

Maika 3:11

o ira na nodra turaga era sa ia na veilewai me ra vakaisolisoli kina, kei ira na nodra bete era sa ia nai vakavuvuli me ra vakaivoli kina, kei ira na nodra parofita era sa ia na caka mana vakailasu me ra vakailavo kina: ia era na vakararavi ga vei Jiova, ka kaya, Sa sega li ni tiko vata kei keda ko Jiova? ena sega ni yacovi keda e dua na ca.

Malakai 2:7

Ia sa dodonu me tiko e na gusuna na bete na vuku, ka me tarogi ga mai na gusuna na vunau: ni sai talatala i Jiova ni lewe vuqa ko koya.

Luke 18:24

Ia ni sa raica ko Jisu ni sa rarawa sara na lomana, sa kaya, E dredre sara vei ira sa vutuniyau me curu ki na matanitu ni Kalou!

Luke 19:14

Ia ko ira na nona lewe ni koro era sa cati koya, a ra sa tala na mata me muri koya yani me kaya, Keitou sa sega ni vinakata me lewai keitou ko koya oqo.