Jeremaia 5:3 - Vakavakadewa Makawa

³ Kemuni Jiova, sa sega beka ni qara ki na ka dina na matamuni? ko ni sa cudruvi ira, ka ra sa sega ni rarawa; ko ni sa vakarusai ira, ka ra sa bese ni vakavulici: era sa vaqaqataka na matadra ka sa malumalumu na vatu; era sa bese ni lesu mai.

Ai Vola Tabu (Vakadewa Makawa Vakavoutaki 2021)

³ Kemuni Jiova, sa sega beka ni dauvagolei ki na ka dina na matamuni? Ko ni sa cudruvi ira, ia era sa sega ga ni rarawa; ko ni sa vakarusai ira, ia era sa bese ga ni vakavulici. Era sa vakaukauwataka na matadra ka sa malumalumu na vatu; era sa bese ni lesu mai.

AI VOLA TABU

³ I Jiova, na matamu sa qara ki na ka dina, se segai? o sa yaviti ira, a ra sa sega ni rarawa; o sa vakarusai ira, a ra sa bese ni vakavulici: era sa cakava na matadra me qaqa ka malumalumu na vatu; era sa bese ni lesu mai.

Vakavakadewa Vou kei na iVola tale eso

³ E dina sa vaqara na yalodina o Jiova. Sa mokuti kemuni, Ia o ni sa sega ni via vakadodonutaki. O ni sa rui yalo kaukauwa Ka bese ni gole tani Mai na nomuni valavala ca.

Ai Vola Tabu Ena Vakavakadewa Vou

³ E dina sa vaqara na yalodina ko Jiova. Sa mokuti kemuni, Ia o ni sa sega ni via vakadodonutaki. O ni sa rui yalo kaukauwa Ka bese ni gole tani Mai na nomuni valavala ca.

Jeremaia 5:3 Iomraidhean Croise

Vakatekivu 19:34

Ia e na mataka, sa kaya na ulumatua vua sa gone, Raica, ka'u a moce vata kei tamaqu e na bogi e na noa: daru vagunuva e na waini e na bogi talega oqo; ia mo curu vua, mo moce vata kaya, me daru vakaivakawa vua na tamadaru.

1 Tui 13:33

Ni sa oti na ka oqo sa sega ni biuta tani ko Jeropoami na nonai valavala ca, ka sa lesia tale me ra bete ni veitikina cecere na tamata wale: o koya sa vinakata, sa bulia ko koya me bete ni veitikina cecere.

2 Tui 1:13

A sa qai tala tale ko koya na turaga ni kenai katolu ni le limasagavulu, kei ira vata kaya na nona le limasagavulu. A sa lako cake na kenai katolu ni turaga ni le limasagavulu, ka la'ki vakatekiduru e na mata i Ilaija, ka vakamamasu vua, ka kaya vua, O iko na tamata ni Kalou, me ka talei e matamu na noqu bula, kei na nodra bula na nomu tamata e le limasagavulu oqo:

2 Veigauna 16:9

Ni sa veiraiyaki na mata i Jiova e vuravura taucoko, me totaki ira vakaidina sa dodonu na lomadra vua. O ni sai valavala vakalialia e na ka oqo: ia e na gauna emuri ena ia vei kemuni nai valu.

2 Veigauna 28:22

Ia e na gauna ni nona rarawa, sa caka cala vakalevu cake vei Jiova: io, ko Easi na tui oqo.

NA SAME 51:6

Raica, ko ni sa vinakata na ka dina mai na vu ni yalo: Ia mo ni vakavukui au e na tikina eloma.

NA SAME 51:8

Vakayacora vei au me'u rogoca na ka ni marau kei na reki; Me reki rawa kina na suiqu ko ni sa musulaka.

NA SAME 55:20

Sa dodoka na ligana ko koya vei ira era tiko sautu kaya: Sa vakacataka ko koya na nona vosa ni yalayala.

Vosavakaibalebale 21:29

A tamata ca sa vaqaqataka na matana: Ia na yalododonu, sa vakarautaka ko koya na nona sala.

Vosavakaibalebale 22:12

A mata i Jiova sa maroroya na lomavuku, A sa vukica ko koya na nona vosa nai valavala ca.

Vosavakaibalebale 23:35

Ko na kaya, Era a vacuki au, ia ka'u sa sega ni rarawa kina; Era sa mokuti au, ka'u a sega ga ni kila: Ka'u na yadra li ninaica? ka'u na baci qara tale.

Vosavakaibalebale 27:22

Kevaka sa lauvutu e na sedre kei nai vutu e dua na tamata lialia kei na sila, Ena dredre ni takali vua na nona lialia.

Aisea 26:11

Kemuni Jiova, sa dulaki cake na ligamuni, a ra sa bese ni raica; ia era na raica ga na nomuni lomakatakata e na vukudra na nomuni tamata, ka madua; io, na bukawaqa ena kani ira na nomuni meca.

Aisea 42:25

A sa sova kina vei koya na nona cudru katakata, kei nai valu kaukauwa: ka sa vakama vakavolivoliti koya, ka sa sega ni kila ko koya; a sa kati koya, ia sa sega ni vakasara ki na lomana.

Aisea 48:4

Ni'u a kila ni ko sa yalokaukauwa, ni sa dali aironi na domomu, ka parasa na yadremu;

Aisea 9:13

Ia ko ira na tamata era sa sega ni lesu kivei koya sa yaviti ira, a ra sa sega talega ni qaravi Jiova ni lewe vuqa:

Jeremaia 15:7

Ia ka'u na irivi ira e nai iri e na matamata-ni-koro ni vanua; ka'u na vakawayalitaki ira, ka'u na vakarusai ira na noqu tamata, ni ra sa sega ni saumaki mai na nodra i valavala.

Jeremaia 17:23

ia era sega ni talairawarawa, se vakatu daligadra, era sa vakadomoqataki ira ga, me ra kakua ni vakarorogo, se me ra vakavulici.

Jeremaia 19:15

Sa kaya vakaoqo ko Jiova ni lewe vuqa, na Kalou ni Isireli; Raica, au na vakayacora ki na koro oqo kei na kena veikoro kecega na ca kecega ka'u a vosa kina e na vukuna, ni ra sa vakadomoqataki ira, me ra kakua ni rogoca na noqu vosa.

Jeremaia 2:30

Sa sega ni yaga na noqu cudruvi ira na luvemudou; era sa sega ni vakavulici kina: a nomudou i seleiwau sa kani ira na nomudou parofita, me vaka na laioni e dauveivakamatei.

Jeremaia 3:3

Sa bureitaki kina na uca, a sa sega kina na uca taumuri; ia na yadremu sa vaka na yadrena na yalewa dautagane, ko sa bese ni madua.

Jeremaia 32:19

sa uasivi e na vuku, ka kaukauwa e na cakacaka: ia na matamuni sa raica tiko na nodra i valavala kecega na luve ni tamata, mo ni solia vei ira yadua me vaka na nonai valavala, ka vaka na vua ni nonai valavala:

Jeremaia 35:13

Sa kaya vakaoqo ko Jiova ni lewe vuqa, na Kalou ni Isireli; mo la'ki kaya vei ira na Juta kei na lewe i Jerusalemi, Dou na bese li ni vakavulici mo dou vakarorogo ki na noqu vosa? sa kaya ko Jiova.

Jeremaia 44:10

Era sa sega ni yalomalumalumu mai ka yacova na siga oqo, era sa sega talega ni rere, se muria na noqu vunau, se na noqu i lesilesi, ka'u sa solia vei kemudou kei ira na nomudou qase.

Jeremaia 7:26

ia era sa sega ni vakarorogo vei au, se vakatu daligadra, era vakadomoqataki ira ga: era sivi ira na nodra qase e na caka ca.

Jeremaia 7:28

Ia mo kaya vei ira, Oqo na matanitu sa sega ni vakarorogo ki na vosa i Jiova na nodra Kalou, ka ra bese ni vakavulici: sa oti na vosa dina, ka sa mudu mai na gusudra.

Jeremaia 8:5

A cava beka era sa qai vuki tani kina na kai Jerusalemi oqo e na dauvuki sa sega ni mudu? era taura matua na ka lasu, era bese ni lesu mai.

Isikeli 2:4

Ni ra sa gone vosalevu ka yalokaukauwa. Au sa talai iko vei ira; ia mo kaya vei ira, Sa kaya vakaoqo na Turaga ko Jiova.

Isikeli 24:13

Sa ka velavela na nomu dukadukali: ni ka'u a vakasavasavataki iko, ia ko a bese ga ni savasava, ko na sega kina ni vakasavasavataki tale mai na nomu dukadukali, ka'u na vakayacora mada vei iko na noqu cudru.

Taniela 9:13

Me vaka na ka sa volai e na vunau i Mosese, sa yacovi keimami na ca kece oqo: ia keimami a sega ga ni ia na neimami masumasu e na mata i Jiova na neimami Kalou, ka me keimami lesu tani mai na neimami caka cala, ka kila sara na nomuni vunau dina.

Vunau ni Soro 26:23

Ia kevaka dou sa bese tiko ni vakavinakataki mai vei au, ni sa yaco na veika oqo, ka sai valavala vakatani tiko vei au;

Emosi 4:10

Au a tala vei kemudou na mate dauveiveitauvi vaka-Ijipita; au a vakamatei ira na nomudou cauravou e nai seleiwau, ko ira vata kei na nomudou ose ka vakabobulataki; io, ka'u a vakuvuya cake na boi ca ni nomudou i tikotiko vakaivalu ki na ucumudou: ia dou a sega ga ni lesu vei au, sa kaya ko Jiova.

Emosi 4:11

Au a vukica eso vei kemudou, me vaka ka vukici Sotoma kei Komora na Kalou, ia dou a vaka na tiki ni buka sa kaliraki mai na bukawaqa: ia dou a sega ga ni lesu vei au, sa kaya ko Jiova.

Emosi 4:6

Ia koi au talega, ka'u a solia me savasava na batimudou, e na nomudou veikoro kecega, io, mo dou viakana mai e na nomudou veiyasana kecega: ia dou a sega ga ni lesu vei au, sa kaya ko Jiova.

Emosi 4:8

a sa se ki na dua ga na koro e rua se tolu na koro, me ra gunu wai; a ra sa sega ni mamau kina: ia dou a sega ga ni lesu vei au, sa kaya ko Jiova.

Emosi 4:9

Au a cudruvi kemudou e na cagi todra kei na bokata: ni sa levu mai na nomudou veiwere, kei na nomudou veiwere-ni-vaini, kei na nomudou veilolo, kei na nomudou veiolive, sa kania ga na vodre dauquru: ia dou a sega ni lesu vei au, sa kaya ko Jiova.

Sefanaia 3:7

Au a kaya, Ko na rerevaki au ga, ko na vakavulici; me kakua kina ni muduki tani na nodra i tikotiko, me vaka na ka kece ka'u a lesia me yaco vua: e na mataka ga era souta, era sa cakava kecega na nodra cakacaka me ca.

Roma 2:2

Ia eda sa kila sa dina na lewa ni Kalou vei ira era sa kitaka na veika vakaoqo.

Iperiu 12:9

Ia sa daucudruvi keda na tamada vakayago, ia eda a daudoka: ena sega li ni levu cake sara na noda talairawarawa vei koya na Tama ni yaloda, ka da na bula kina?