Jeremaia 5:24 - Vakavakadewa Makawa

²⁴ A ra sa sega ni kaya e lomadra, Me da rerevaki Jiova mada na noda Kalou, o koya sa solia mai na uca, na uca taumada kei na uca taumuri, e na kena gauna: o koya sa lesia na vula i kelikeli ka vakadeitaka vei keda:

Ai Vola Tabu (Vakadewa Makawa Vakavoutaki 2021)

²⁴ A ra sa sega ni kaya e lomadra, ‘Me da rerevaki Jiova mada na noda Kalou, o koya sa solia mai na uca e na kena gauna, na uca taumada kei na uca taumuri, o koya sa lesia na vula i kelikeli ka vakadeitaka vei keda.’

AI VOLA TABU

²⁴ A ra sa sega ni kaya e na lomadra, Me da rerevaki Jiova mada na noda Kalou, sa solia mai na uca, na uca taumada kei na uca taumuri, e na kena gauna: na vula i kelikeli e lesi sa maroroya vei keda ko koya:

Vakavakadewa Vou kei na iVola tale eso

²⁴ Era sega ni dau kaya ena lomadra, ‘Me da sa rerevaki na noda Kalou, o koya sa solia mai na uca ena kena gauna, na uca ni vula i laulau kei na vula i tubutubu ka sa dau taqomaka tiko na macawa ni gauna ni tatamusuki.

Ai Vola Tabu Ena Vakavakadewa Vou

²⁴ Era sega ni dau kaya ena lomadra, ‘Me da rerevaki Jiova na noda Kalou, o koya sa solia mai na uca ena kena gauna, na uca ni vula i laulau kei na vula i tubutubu ka sa dau taqomaka tiko na macawa ni gauna ni tatamusuki.

Jeremaia 5:24 Iomraidhean Croise

Vakatekivu 8:22

ni sa tiko ko vuravura, ena sega ni mudu na vula i teitei kei na vula i kelikeli, kei na liliwa kei na katakata, kei na vula i katakata kei na vula i liliwa, kei na siga kei na bogi.

1 Tui 17:1

A sa kaya vei Eapi ko Ilaija na kai Tisipa, e dua vei ira na kai Kiliati, Me vaka sa bula ko Jiova na nodra Kalou na Isireli, o koya ka'u sa tu e matana, ena sega ni lutu na tegu se tau na uca e na veiyabaki oqo, ena yaco ga me vaka na noqu vosa.

Jope 29:23

Era sa waraki au me vaka era waraka na uca; Ka ra sa dalaga sara me vaka ki na uca sa tau emuri.

Jope 38:37

Ko cei sa wilika rawa na o kei lomalagi e na nona vuku? Se ko cei ka livia rawa na wai mai na tavaya kei lomalagi,

Jope 5:10

Ko koya sa vakatauca na uca ki vuravura, Ka sa solia na wai ki na veiwere:

NA SAME 147:8

O koya sa tabonaka na lomalagi e na o, O koya sa vakarautaka na uca me tau ki vuravura, O koya sa vakatubura na co e na veiulu-ni-vanua.

NA SAME 65:9

O ni sa talevi vuravura, ka sa vakasuasuataka: O ni sa vakavutuniyautaka E na uciwai ni Kalou, Ko ya sa sinai tu kina na wai; O ni sa solia vei ira na sila, ni kemuni sa vakarautaka oti na vanua.

Aisea 64:7

ka sa sega e dua sa masuta na yacamuni, se uqeti koya me tauri kemuni: ni kemuni sa tabonaka na matamuni maivei keimami, ka sa vakawaicalataki keimami e na neimami valavala ca.

Jeremaia 10:13

ni sa tabalaka na domona, sa levu na rorogo ni wai mai lomalagi, a sa vakuvuya cake ko koya na kabukabu mai na vu-ni-lagi; sa cakava na livaliva kei na uca, ka sa kauta mai na cagi mai na nona lololo.

Jeremaia 14:22

Sa dua beka na nodra ka lasu na veimatanitu me vakatauca rawa na uca? se sa solia rawa beka na uca ko lomalagi? sai kemuni duaduaga, Jiova, na neimami kalou se segai? o koya keimami na vakararavi kina vei kemuni; ni sai kemuni ga sa cakava na ka kece oqo.

Jeremaia 2:19

Ena kemu kuita na nomu ca, ia na nomu vuki tani ena vunauci iko: mo kila ga ka raica ni sa ka ca ka ka gaga na nomu biuti Jiova na nomu Kalou, ni sa sega talega vei iko na rerevaki au, sa kaya na Turaga ko Jiova ni lewe vuqa.

Jeremaia 3:3

Sa bureitaki kina na uca, a sa sega kina na uca taumuri; ia na yadremu sa vaka na yadrena na yalewa dautagane, ko sa bese ni madua.

Jeremaia 5:22

dou sa sega beka ni rerevaki au? sa kaya ko Jiova: dou na sega beka ni sautaninini e mataqu, ka'u sa yalana na waitui e na nuku me sa sega ni sivia e na dua nai lesilesi e sega ni mudu: ia ke sa vakauaua, ke sa sega ni gumatua rawa; ke sa vadugu, ke sa sega ni sivia mai?

Jeremaia 50:5

Era na taroga na sala ki Saioni, ni ra vakanamata kina, ka kaya, Me da mai la'ki ia na veiyalayalati kei Jiova e na veiyalayalati e sega ni mudu ka na sega ni guileca.

Osea 3:5

ka oti, era na qai lesu mai na Isireli, ka qaravi Jiova na nodra Kalou, kei Tevita na nodra tui; ka ra na rerevaki Jiova kei na nona loloma e na gauna maimuri.

Osea 6:1

Me da mai lesu vei Jiova: ni sa ia na veidresulaki, ka sa na vakabulai keda talega ko koya; sa ia oti na veiyaviti, ia ena vauca talega ko koya na noda mavoa.

Joeli 2:23

Ia koi kemudou nai taukei mai Saioni, dou marau, ka rekitaki Jiova na nomudou Kalou: ni sa solia vakavinaka vei kemudou na uca taumada, io, ena vakatauca vei kemudou na uca, na uca taumada kei na uca taumuri me vaka eliu:

Emosi 4:7

Ia koi au talega, ka'u a bureitaka vei kemudou na uca, ni sa vo e tolu na vula ka me qai cava na yabaki: ia ka'u a vakatauca na uca ki na dua na koro, ka sega ni vakatauca ki na dua tale na koro: e dua na tikina sa tau kina na uca, ia na tikina e sega ni tau kina sa malai:

Sakaraia 10:1

Dou kerea vei Jiova na uca e na vula ni uca emuri; sa cakava na livaliva, ko Jiova, ia ena solia vei ira na uca tau bi, kei na co ki na tamata yadua e na vanua veico.

Maciu 5:45

mo dou luvena na Tamamudou sa tiko mai lomalagi; ni sa vakacabea ko koya na nona mata-ni-siga vei ira na tamata ca kei ira na tamata vinaka, a sa vakatauca mai na uca vei ira na tamata yalododonu, kei ira na tamata tawa yalododonu.

Cakacaka 14:17

Ia ka sega ga ni laiva me sega na nonai vakatakilakila, ni sa caka vinaka tiko ko koya, a sa solia mai vei keda na uca mai lomalagi, kei na yabaki e levu kina na vuata, a sa vakamamautaka na lomada e na kakana kei na marau.

Vakarua 28:12

Ena dolava vei kemuni ko Jiova na nona lololo vinaka, na lomalagi, me vakatauca na uca ki na nomuni vanua e na vula e dodonu, ka me vakalougatataka na cakacaka kecega ni ligamuni: ka ko ni na soli ka me talevaki ki na matanitu e vuqa, ia kemuni ena sega ni kere ka.

Jemesa 5:7

O koya ga oqo, na veiwekani, mo dou qai vosota, me yaco mada na nona lako mai na Turaga. Raica, nai vakatau-ni-were sa waraka na vua ni qele e talei, a sa wawa vakadede, me rawata mada na uca sa liu, kei na uca sa muri.

Vakatakila 11:6

Erau sa rawata me sogoti lomalagi, me kakua ni tau na uca e na gauna erau sa vunau kina: erau sa rawata talega me vukica na wai kece me dra, me rau yaviti vuravura talega e na mate ca kece, me vaka na nodrau veitalia.