Jeremaia 5:17 - Vakavakadewa Makawa

¹⁷ era na kania na lewe ni nomu veiwere, kei na nomu madrai, na kedra na luvemu tagane kei na luvemu yalewa: era na kania na nomu qele ni sipi kei na nomu qele ni pulumokau: era na kania na nomu vaini kei na nomu lolo; era na samuta sara e nai seleiwau na nomu veikoro sa vakabai ko a vakararavi kina.

Ai Vola Tabu (Vakadewa Makawa Vakavoutaki 2021)

¹⁷ Era na kania na lewe ni nomu veiwere, kei na nomu madrai, na kedra na luvemu tagane kei na luvemu yalewa; era na kania na nomu qele ni sipi kei na nomu qele ni bulumakau; era na kania na nomu vaini kei na nomu lolo; era na samuta sara e nai seleiwau na nomu veikoro sa vakabai ko a vakararavi kina.”

AI VOLA TABU

¹⁷ era na kania na lewo ni nomu veiwere, kei na nomu madrai, na kedra na luvemu tagane kei na luvemu alewa: era na kania na nomu sipi kei na nomu karavau: era na kania na nomu vaini kei na nomu lolo: era na vaka-dravudravuataka na nomu veikoro kaukauwa, a ya ko a vakararavi kina, e nai seleiwau.

Vakavakadewa Vou kei na iVola tale eso

¹⁷ Era na kania na nomuni teitei kei na kemuni; ra na vakamatei na luvemuni tagane kei na yalewa; ra na vakamatea na nomuni sipi kei na bulumakau ka vakarusa na nomuni veivaini kei na veivunilolo; na nomuni veikoro turaga vakabai vakaukauwa o ni nuitaka era na vakarusa na nodra mataivalu.

Ai Vola Tabu Ena Vakavakadewa Vou

¹⁷ Era na kania na nomuni i teitei kei na kemuni; era na vakamatei na luvemuni tagane kei na yalewa; era na vakamatea na nomuni sipi kei na bulumakau ka vakarusa na nomuni veivaini kei na veivunilolo; na nomuni veikoro turaga vakabai kaukauwa o ni nuitaka era na vakarusa na nodra mataivalu.

Jeremaia 5:17 Iomraidhean Croise

Aisea 62:8

Sa bubului ko Jiova e na ligana i matau kei na ligana kaukauwa, Ka'u na sega sara ni solia tale na nomu sila me kedra na nomu meca, ia ko ira na kai tani era na sega sara ni gunuva na memu waini, o koya ko sa oca kina:

Aisea 62:9

ko ira ga era sa kumuna era na kania, ka vakavinavinaka vei Jiova; kei ira era sa binia era na gunuva e na noqu lomanibai tabu.

Aisea 65:22

era na sega ni tara, ka tiko kina na tamata tani, era na sega ni tea, ka kania na tamata tani: ia me vaka na kena dede e dua na kau ena vakakina na nodra gauna na noqu tamata, ia era na rekitaka vakadede na cakacaka ni ligadra ko ira na tamata ka'u sa digitaka.

Jeremaia 1:15

ni'u na kacivi ira kece na veimataqali ni veimatanitu mai na tokalau, sa kaya ko Jiova; a ra na lako mai, ka ra na dui vakatura na nodra i tikotiko vakaturaga e na matamata-ni-koro mai Jerusalemi, kei na kena bai kecega e vakavolivolita, kei na veikoro vaka-Juta kecega:

Jeremaia 25:37

ka sa vagalutaki nai tikotiko ni sautu e na vuku ni cudru waqawaqa i Jiova:

Jeremaia 4:26

Au a vakararai, ka sa lekutu na veiwere bulabula, ia na kena veikoro kecega sa basubasuki sobu e na mata i Jiova, e na mata ni nona cudru waqawaqa.

Jeremaia 4:7

Sa lako cake mai na kena veikau e dua na laioni, io sa lako tu mai ko koya sa dauvakacacana na veimatanitu; sa lako yani mai na nona yasana me vakalalataka na nomu vanua; na nomu veikoro ena vakalalataki, me sega e dua e tiko kina.

Jeremaia 5:18

Ia e na veisiga ko ya, ka'u na sega ni vakaoti kemudou sara, sa kaya ko Jiova.

Jeremaia 50:17

Ko Isireli na sipi dauvakasavi; ko ira na laioni era sa vakasavi koya: sa liu ko tui Asiria ka sa kani koya; a sa muri ko Nepukanesa na tui Papiloni oqo ka sa musuka na suina.

Jeremaia 50:7

Ko ira kece sa kunei ira, era sa kani ira ga: ia na nodra meca era sa kaya, Keimami sa sega ni cala! ni ra sai valavala ca vei Jiova, nai tikotiko ni lewa dodonu, io, vei Jiova o koya era a vakararavi kina ko ira na nodra qase.

Jeremaia 8:13

Ni'u na sa veti ira, ka'u na veti ira sara, sa kaya ko Jiova: ena sega kina na vua ni vaini, se na vua ni lolo, ena malai talega na drauna: ia na ka ka'u a solia vei ira ena takali tani vei ira.

Jeremaia 8:16

Sa rogo mai Tani na kedra suru na nona ose: ni sa rogo mai na kedra suru na nona ose kaukauwa, sa sautaninini na vanua taucoko; ni ra sa lako ga mai, ka ra sa kania na vanua, kei na ka kecega sa tu kina; na koro, kei ira era tiko kina.

Lele i Jeremaia 2:12

Era sa kaya vei ira na tinadra, Sa evei na sila kei na waini? Ni ra sa matabuto mai me vaka e dua sa vuetaki e na sala ni koro, Ni sa sova yani na nodra bula ki na lomasere i tinadra.

Lele i Jeremaia 2:2

Sa tiloma kecega ko koya na Turaga na nodra i tikotiko na Jekope, ka sega ni lomana: Sa talaraka sobu ko koya e na nona cudru na bai ni valu ni goneyalewa ni Juta; Sa biuta sobu ki na qele: Sa vakacacana na matanitu kei ira na kena turaga.

Isikeli 36:4

o koya oqo, koi kemudou na veiulu-ni-vanua ni Isireli, dou rogoca kina na vosa ni Turaga ko Jiova; Sa kaya vakaoqo na Turaga ko Jiova ki na ulu-ni-vanua, kei na ulu-ni-koro, ki na uciwai, kei na veibuca, ki na veitikina lala kei na veikoro sa biu, oqori ka vakacacani, ka sa ka ni veivakalialiai vei ira na kena vo ni veimatanitu sa tiko vakavolivoliti kemudou;

Osea 2:12

Au na vakacacana talega na nona veivaini, kei na nona veilolo, sa kaya kina ko koya, Sa qau i soli oqo era solia vei au ko ira na noqu i tau: ia ka'u na cakava ga me veikau; ena kania talega na manumanu ni vanua.

Osea 8:14

Ia ko ira na Isireli, era sa guilecavi Koya ka Buli ira, ka ra sa tara bure kalou; kei ira na Juta, era sa vakavuqataka na koro vakabai: ia ka'u na biuta kina na bukawaqa ki na nodra veikoro, ka'u na vakama talega na nodra vale vakaturaga.

Joeli 2:3

Sa kana voli e matadra na bukawaqa; e dakudra talega, sa caudre tu na yameyame ni bukawaqa: sa vaka na were ko Iteni na vanua e matadra, ia e dakudra, sa veikau lala sara; ena sega talega e bula rawa maikina.

Vunau ni Soro 26:16

au na qai kitaka na ka oqo vei kemudou; au na vakayacora na domobula, na lila balavu, kei na katakata, me tauvi kemudou, me kania na matamudou, ka vakararawataka na lomamudou: ia ena sega ni yaga ni dou sa kaburaka na nomudou sila, ni ra na kania na nomudou meca.

Sefanaia 3:6

Au sa muduka laivi na veimatanitu: sa vakacacani na nodra veivale ni valu; au a vakalalataka na sala ni nodra koro, me sega e dua e lakova: sa rusa na nodra veikoro, sa sega ga na lewena, sa sega e tiko kina.

Malakai 1:4

Ni ra kaya ko ira na Itomi, Eda sa vakadravudravuataki, ia eda na la'ki tara tale na veikoro lala; sa kaya vakaoqo ko Jiova ni lewe vuqa, Era na tara, ia koi au, ka'u na talaraka sobu; ka ra na vakatokai, Na vanua dauca, kei, Na mataqali sa na cudruva tikoga ko Jiova ka sega ni mudu.

Vakarua 28:33

Era na kania na vuata ni nomuni vanua, kei na nomuni cakacaka kecega, e dua na matanitu ko sa sega ni kila; ia ko ni na vakasaurarataki ga ka butuqaqi tikoga: