Jeremaia 5:10 - Vakavakadewa Makawa

¹⁰ Dou kaba cake ki na kena bai, ka ia na veivakarusai; ia mo dou kakua ga ni vakaotia sara: biuta tani na kena bai ni valu; ni sa sega ni nei Jiova na ka ko ya.

Ai Vola Tabu (Vakadewa Makawa Vakavoutaki 2021)

¹⁰ “Dou kaba cake ki na kena bai, ka ia na veivakarusai; ia mo dou kakua ga ni vakaotia sara. Biuta tani na kena bai ni valu, ni sa sega ni nei Jiova na ka ko ya.

AI VOLA TABU

¹⁰ Dou cabe cake ki na kena bai, ka ia na veivakarusai; ia me kakua ga ni vakaotia sara: biuta tani na kena bai ni valu; ni sa sega ni nei Jiova na ka ko ya.

Vakavakadewa Vou kei na iVola tale eso

¹⁰ Au na vakaroti ira Me ra musulaka sobu na nodra vaini, Ia me ra kakua ni vakarusai ira vakadua. Au na tukuna me ra musuka laivi na veitabana, Baleta ni ra sa sega ni noqu.

Ai Vola Tabu Ena Vakavakadewa Vou

¹⁰ Au na vakaroti ira Me ra musulaka sobu na nodra vaini, Ia me ra kakua ni vakarusai ira vakadua. Au na tukuna me ra musuka laivi na veitabana, Baleta ni ra sa sega ni noqu.

Jeremaia 5:10 Iomraidhean Croise

2 Veigauna 12:4

A sa rawa na veikoro vakabai sa nei Juta, ka lako ki Jerusalemi.

2 Veigauna 36:17

E na vuku ni ka oqo, sa kauta mai vei ira ko koya na nodra tui na kai Kalitia, o koya ka vakamatea e nai seleiwau na nodra cauravou e na nodra vale tabu, ka sega ni lomana na cauravou se na goneyalewa, na tagane qase se koya sa roko lako ni sa qase sara: sa soli ira kecega ki na ligana.

Jeremaia 2:21

Ia koi au ka'u a tei iko mo vaini vinaka ga, mo kau dinadina sara; ia ko sa qai vuki vakaevei mo kau ca ni vaini tani vei au?

Jeremaia 25:9

raica, au na talaki ka kauti ira kecega na veimataqali mai na mata ni tokalau, kei Nepukanesa na tui Papiloni na noqu tamata, sa kaya ko Jiova, ia ka'u na kauti ira vakaivalu mai ki na vanua oqo, kei na lewena, kei na veimatanitu kecega oqo sa tiko vakavolivolita, ia ka'u na vakarusai ira sara, ka cakavi ira me ra vakurabuitaki, ka vakasiusiutaki, ka me vanua rusa ka sega ni mudu.

Jeremaia 30:11

Ni'u sa tiko kei iko, sa kaya ko Jiova, me'u vakabulai iko: ni'u na vakaotia sara na veimatanitu kecega ka'u sa vakasevi iko kina, ia ko iko, ka'u na sega ni vakaotia sara: ka'u na vakanakuitataki iko vakavinaka ga, ni ko na sega ni dro bula sara.

Jeremaia 39:8

Ia ko ira na kai Kalitia era sa vakama e na bukawaqa na vale ni tui, kei na nodra vale na tamata, ka ra sa basuka sobu na bai kei Jerusalemi.

Jeremaia 4:27

Ni sa kaya vakaoqo ko Jiova, Ena lala na vanua taucoko; ia ka'u na sega ni vakaotia sara.

Jeremaia 46:28

Mo kakua ni rere, ko iko Jekope na noqu tamata, sa kaya ko Jiova; ni'u sa tiko vata kei iko: ni'u na vakaotia sara na veimatanitu kecega ka'u sa vakasevi iko kina, ia ko iko, ka'u na sega ni vakaotia sara: ka'u na vakanakuitataki iko vakavinaka ga, ni ko na sega ni dro bula sara.

Jeremaia 5:11

Sa cakacaka vakailasu sara vei au na mataqali i Isireli kei na mataqali i Juta, sa kaya ko Jiova.

Jeremaia 5:18

Ia e na veisiga ko ya, ka'u na sega ni vakaoti kemudou sara, sa kaya ko Jiova.

Jeremaia 5:9

Me'u sega beka ni sauma na veika oqo? sa kaya ko Jiova: ia me'u sa sega beka ni cudruvi ira na matanitu sa vakaoqo?

Isikeli 12:16

Ia ka'u na vakavoca vei ira e lewe vica na tamata mai nai seleiwau, kei na dausiga, kei na mate dauveiveitauvi; me ra tukuna na nodra i valavala vakasisila kecega ki na veimatanitu era na dui yaco kina; ka ra na kila ni sai au ko Jiova.

Isikeli 14:17

Kevaka ka'u na vakayacora ki na vanua nai seleiwau, ka kaya, Nai seleiwau, mo lako voli yani ki na loma ni vanua; ka me'u muduka tani maikina na tamata kei na manumanu:

Osea 1:9

A sa kaya ko Koya, Mo vakayacani koya ko Lo-ami: ni dou sa sega ni noqu tamata, ia koi au ka'u sa sega talega ni nomudou Kalou.

Emosi 9:8

Raica, sa wanonova tiko na matanitu ca ko ya na mata ni Turaga ko Jiova, ka'u na vakarusa tani talega mai na dela i vuravura, ia ka'u na sega ni vakarusa sara na mataqali i Jekope, sa kaya ko Jiova.

Maciu 22:7

Ni sa qai rogoca na tui, sa cudru ko koya; a sa talai ira na nonai valu, ka vakawabokotaki ira na daulaba ko ya, ka visa na nodra koro.