Jeremaia 49:3 - Vakavakadewa Makawa

³ Mo qoqolou, ko iko Esiponi, ni sa vakacacani ko Ai: dou tagi, na goneyalewa ni Rapa, sulumaki kemudou e nai sulu taga; dou tagi ka yaso ka veiciciyaki mai na bai ni koro; ni na kau vakabobula tani ko Milikomi, ko ira vata talega na kena bete kei ira na kena turaga.

Ai Vola Tabu (Vakadewa Makawa Vakavoutaki 2021)

³ “Mo qoqolou, ko iko Esiponi, ni sa vakacacani ko Ai! Dou tagi, na goneyalewa ni Rapa! Sulumaki kemudou e nai sulu taga, dou tagi ka yaso ka veiciciyaki mai na bai ni koro; ni na kau vakabobula tani ko Milikomi, ko ira vata talega na kena bete kei ira na kena turaga.

AI VOLA TABU

³ Mo qoqolou, Esiponi, ni sa vakacacani ko Ai: dou tagi, na gonealewa ni Rapa, vauci kemudou e nai sulu taqarotu; dou tagi ka yaso ka veiciciyaki mai na bai ni koro; ni sai Milikomi ena kauti vakabobula tani, o ira vata talega na nona bete kei ira na kena turaga.

Vakavakadewa Vou kei na iVola tale eso

³ Kemuni na kai Esiponi, ni tagi sara e cake! Sa vakarusai na nomuni koro. Kemuni na yalewa mai Rapa ni tagi. Ni daramaka na i sulu taga ka tagi. Ni veiciciyaki ena veilecayaki. Na nomuni kalou o Moloke ena kau vakabobula kei ira na nona bete kei na nona turaga.

Ai Vola Tabu Ena Vakavakadewa Vou

³ Kemuni na kai Esiponi, ni tagi sara e cake! Sa vakarusai na nomuni koro. Kemuni na yalewa mai Rapa ni tagi. Ni daramaka na i sulu taga ka tagi. Ni veiciciyaki ena veilecayaki. Na nomuni kalou o Moloke ena kau vakabobula kei ira na nona bete kei na nona turaga.

Jeremaia 49:3 Iomraidhean Croise

2 Samuela 11:1

Ia ni sa oti na yabaki, ka sa yaco na gauna era sa daulako yani kina ki nai valu ko ira na tui, sa talai Joapi ko Tevita, kei ira vata kaya na nona tamata, kei ira kecega na Isireli; a ra sa vakacacani ira na luve i Amoni, ka buku na druadrua mai Rapa; a sa tiko ga mai Jerusalemi ko Tevita.

1 Tui 11:33

ni ra sa biuti au ko ira, ka soro vei Asetoreci na nodra kalouyalewa na kai Saitoni, kei Kimosi na nodra kalou na Moapi, kei Milikomi na nodra kalou na luve i Amoni; a ra sa sega ni muria na noqu sala, me ra cakava na ka e dodonu vei au, kei na noqu i lesilesi, kei na noqu lewa, me vakataki Tevita na tamana.

1 Tui 11:5

Ni sa muri Asetoreci ko Solomoni na nodra kalou yalewa na kai Saitoni, ka muri Milikomi na nodra ka vakasisila na luve i Amoni.

2 Tui 23:13

Ia sa vaqeleqelewataka na tui na veitikina cecere sa tu e na mata i Jerusalemi, ki nai matau ni ulu-ni-vanua ni veivakacalai ka cakava ko Solomoni na tui Isireli vei Asetoreci, na nodra ka vakasisila na kai Saitoni, vei Kimosi talega, na nodra ka vakasisila na Moapi, kei Milikomi, na nodra ka vakasisila na luve i Amoni.

Esera 2:28

O ira na kai Peceli kei Ai, e le rua na drau ka ruasagavulu ka tolu.

Aisea 13:6

Dou qoqolou; ni sa voleka na siga i Jiova; ena yaco me vaka na veivakarusai maivei Koya na Kaukauwa.

Aisea 14:31

Mo tagi, na matamata-ni-koro! mo qoqolou, na koro! ko iko, Filisitia taucoko, ko sa waicala sara: ni na lako mai na tokalau na kubou, ena sega e dua me tiko tani e na gauna sa lokuci.

Aisea 15:2

Era sa cabe cake ki na bure kalou, ki Taiponi talega ki na veiyasana cecere, me tagi: e dela i Nipo kei Metipa sa tagi ka yaso ko Moapi: sa tasi na uludra kecega, sa tasi laivi na kumidra kecega.

Aisea 16:7

O koya oqo ena tagicaki Moapi kina ko Moapi, era na tagi kecega: dou na tagi dula ni sa rusa ko Kiri-ereseci; ni sa yaviti sara:

Aisea 23:1

Na vosa ni parofisai bibi kei Taia. Dou qoqolou, na waqa ni Tasisi, ni sa vakalalataki; sa sega na vale, sa sega e dua me curu kina: sa tukuni vei ira mai na vanua ko Kitimi.

Aisea 23:6

Dou lako ki tai kadua ki Tasisi; dou qoqolou, na lewe ni yanuyanu.

Jeremaia 4:8

E na vuku ni ka oqo dou vauca vei kemudou nai sulu taga, dou tagi ka qoqolou: ni sa sega ni suka tani vei keda na cudru waqawaqa i Jiova.

Jeremaia 46:25

Sa kaya ko Jiova ni lewe vuqa, na nodra Kalou na Isireli; Raica, au na cudruvi Amoni nei No, kei Fero, kei Ijipita, kei ira na nodra kalou, kei na nodra tui: io ko Fero kei ira kecega era vakararavi vua:

Jeremaia 48:2

Ena sega tale ni vakacaucautaki ko Moapi: sa naki ca vua ko Esiponi, ka kaya, Me da mai la'ki muduka tani me kakua ni matanitu. Ko iko talega, Matimeni, ko na vagalui; ena cicimuri iko nai seleiwau.

Jeremaia 48:20

Sa madua ko Moapi; ni sa basuki sobu: qoqolou ka tagi; tukuna yani ki Erinoni, ni sa vakacacani ko Moapi,

Jeremaia 48:37

Ia ena tasi kece na uludra; kei na kumidra kece, ena koti; na ligadra kece, ena tava tu; ka ra na vakaisulu e nai sulu taga.

Jeremaia 48:7

Ni ko sa vakararavi ki na nomu cakacaka kei na nomu i yau, ko na vakabobulataki talega; ena lako tani ko Kimosi ni sa vakabobulataki: ko ira vata na nona bete kei ira na nona turaga.

Jeremaia 49:1

E na vuku i Amoni, sa taro vakaoqo ko Jiova; Sa sega beka eso na luvena tagane ko Isireli? sa sega beka e dua na nonai sosomi? a cava sa tauri Kata kina vakaitaukei ko Milikomi, ia ka cava era tiko kina e na kena veikoro ko ira na nona tamata?

Jeremaia 51:8

Sa vakasauri na kena bale ko Papiloni, ka sa rusa: dou qolouvaki koya; ia dou kauta na mena wai ni vutu, de sa na bula beka kina.

Jeremaia 6:26

Ko iko, na goneyalewa ni noqu tamata, vauci iko e nai sulu taga, ka qiqi e na dravusa: mo ia na tagi, me vaka e dua sa tagicaka na luvena e dua bau ga, na tagi rarawa sara: ni na vakidacala na nona lako mai vei keda na dauvakacaca.

Emosi 1:15

ena vakabobulataki talega na nodra tui, o koya vata kei na nona tamata turaga, sa kaya ko Jiova.

Sefanaia 1:5

kei ira era sa soro e na dela ni veivale ki na kalokalo ni lomalagi; kei ira era sa soro ka bubului vei Jiova, ka bubului vei Malikami;

Jemesa 5:1

Dou lako mai, oi kemudou na tamata vutuniyau, dou tagi ka qoqolou e na vuku ni nomudou ka rarawa ena yaco mai.

Josua 7:2

A sa tala na tamata eso ko Josua mai Jeriko ki Ai, o koya sa voleka ki Peci-aveni, mai na tu-i-cake ki Peceli, a sa vosa vei ira, ka kaya, Dou lako cake, ka rai vanua. A ra lako cake na tamata ka yamata ki Ai.

Josua 8:1

A sa kaya vei Josua ko Jiova, Mo kakua ni rere, se yalolailai: mo kauti ira na tamata i valu kecega, ka cavu tu, mo lako cake ki Ai: raica, au sa soli tui Ai ki na ligamu, kei ira na nona tamata, kei na nona koro, kei na nona vanua:

Josua 8:28

A sa vakamai Ai ko Josua, ka cakava me suva wale tu ka tawa mudu; io ka yacova na siga oqo.