Jeremaia 49:16 - Vakavakadewa Makawa

¹⁶ A nomu ka rerevaki sa vakacalai iko, kei na viavialevu ni lomamu, ko iko sa tiko e na qara ni uluvatu, ka sa taura na tikina cecere ni ulu-ni-koro: kevaka ko sa cakava na nomu sova, me cecere vaka na nona na ikeli, ka'u na kauti iko sobu ga maikina, sa kaya ko Jiova.

Ai Vola Tabu (Vakadewa Makawa Vakavoutaki 2021)

¹⁶ A nomu ka rerevaki sa vakacalai iko, kei na viavialevu ni lomamu, ko iko sa tiko e na qara ni uluvatu, ka sa taura na tikina cecere ni ulu-ni-koro, E dina ga ni ko sa cakava na nomu sova me cecere vaka na nona na ikeli, ka'u na kauti iko sobu ga mai kina, sa kaya ko Jiova.

AI VOLA TABU

¹⁶ A nomu rerevaki sa vakacalai iko, na viavialevu ni lomamu, o iko sa tiko e na qara ni uluvatu, ka sa taura na tikina cecere ni ulu-ni-koro: kevaka ko sa cakava me cecere, me vaka na ikeli, na nomui roro, kaʼu na kauti iko sobu ga maikina, sa kaya ko Jiova.

Vakavakadewa Vou kei na iVola tale eso

¹⁶ Na nomuni viavialevu sa vakacalai kemuni. Sa sega ni dua e rerevaki kemuni vakalevu me vaka o ni nanuma. O ni vakaitikotiko e veibarinisavu ena dela ni ulunivanua cecere, ia e dina ga ni o ni tiko ena vanua cecere me vaka na ikeli, ena biuti kemuni mai na Turaga ki ra,’ a kaya o Jiova.”

Ai Vola Tabu Ena Vakavakadewa Vou

¹⁶ Na nomuni viavialevu sa vakacalai kemuni. Sa sega ni dua e rerevaki kemuni vakalevu me vaka o ni nanuma. O ni vakaitikotiko e veibarinisavu ena dela ni ulunivanua cecere, ia e dina ga ni o ni tiko ena vanua cecere me vaka na ikeli, ena biuti kemuni mai na Turaga ki ra,’ a kaya ko Jiova.”

Jeremaia 49:16 Iomraidhean Croise

2 Tui 14:7

Sa mokuti ira na Itomi ko koya e na buca ni masima e le tini na udolu, ka tauri Sila e nai valu, ka vakatoka na yacana ko Jokicieli, ka yacova na siga oqo.

Jope 39:27

Sa vuka cake beka na ikeli ni ko sa vakarota kina, Ka cakava maicake na nona tavata?

Vosavakaibalebale 16:18

Sa liu na viavialevu, ia sa muri na rusa, A sa liu na yaloviavialevu ia sa muri na bale.

Vosavakaibalebale 18:21

A mate kei na bula sa rawa e na yame ni tamata: Ia ko koya sa vinakata sa na kania na vuana.

Vosavakaibalebale 29:23

A nona viavialevu na tamata ena vakasivoi kina: Ia ko koya sa yalomalumalumu ena dokai tiko.

Sere i Solomoni 2:14

O iko noqu ruve, ka sa tiko e na qara ni uluvatu, e na yasana vuni ni cabecabe, Me'u raica mada na matamu, me'u rogoca mada na domomu; Ni ko sa domo vinaka, ka vatukai vinaka na matamu.

Aisea 10:14

Ia na ligaqu, sa taura na nodra i yau na veimatanitu me vaka na sova ni yaloka; me vaka e dua sa kumuna na yaloka sa biu tu, ka'u sa kumuni vuravura taucoko; a sa sega e dua sa vakayavalata na tabana, se dalaga, se tagi.

Aisea 2:21

me la'ki curu ki na qara vatu, kei na gusu ni uluvatu, e na vuku ni nona rerevaki Jiova, kei na nonai ukuuku vakaturaga, ni sa qai tu cake ko koya me vakayavalati vuravura vakalevu.

Aisea 49:25

Ia sa kaya vakaoqo ko Jiova. Ena kovei ga ko ira na bobula mai vua sa qaqa, ka kaliraki nai toki ni valu mai vua sa rerevaki; ka'u na vala kei ira era veivala kei iko, ka vakabulai ira na luvemu:

Jeremaia 48:14

Dou sa kaya vakacava, Keimami sa kaukauwa ka tamata qaqa e nai valu?

Jeremaia 49:15

Ia raica, ka'u na vakalailaitaki iko vei ira na veivanua, mo beci vei ira na tamata.

Jeremaia 50:29

Kacivi ira mai ki Papiloni era dauvanavana: koi kemudou kece sa yavia na dakai, dou mai buku na kena lawa; me kakua e dro bula: dou sauma vua me vaka na nona cakacaka; me vaka na ka kece sa cakava, dou cakava vakakina vua: ni sa yaloviavialevu vei Jiova ko Koya, io vei koya na Yalosavasava ni Isireli.

Jeremaia 51:53

Kevaka ena cabe cake ki lomalagi ko Papiloni, ia kevaka ena vakaukauwataka na nona tikina cecere sa kaukauwa tu, ena lako ga yani vua maivei au ko ira na dauvakacaca, sa kaya ko Jiova.

Emosi 9:2

Ke ra kelia ki bulu, sa na kauti ira cake maikina na ligaqu; ia ke ra kaba cake ki lomalagi, ka'u na kauti ira sobu maikina.

Apakuki 2:9

Ena ca ko koya sa rawata vakaca nai yau me nodra na nona mataqali, me tauyavutaka ki cake na nona sova, me maroroi kina ko koya mai na kaukauwa ni ca!

Malakai 1:3

ia ko Iso, ka'u a cata, ka cakava na nona ulu-ni-vanua me lala sara, kei na nonai votavota me nodra na koli kila ni veikau.