Jeremaia 49:1 - Vakavakadewa Makawa

¹ E na vuku i Amoni, sa taro vakaoqo ko Jiova; Sa sega beka eso na luvena tagane ko Isireli? sa sega beka e dua na nonai sosomi? a cava sa tauri Kata kina vakaitaukei ko Milikomi, ia ka cava era tiko kina e na kena veikoro ko ira na nona tamata?

Ai Vola Tabu (Vakadewa Makawa Vakavoutaki 2021)

¹ A veika me baleti ira na Amoni. Sa taro vakaoqo ko Jiova: “Sa sega beka eso na luvena tagane ko Isireli? Sa sega beka e dua na kena i sosomi? A cava sa tauri Kata kina vakaitaukei ko Milikomi, ia ka cava era tiko kina e na kena veikoro ko ira na nona tamata?

AI VOLA TABU

¹ A KEDRA na luve i Amoni, sa vosa vakaoqo ko Jiova; Sa sega beka o so na luvena tagane ko Isireli? sa sega beka e dua vua me taravi koya? a cava sa taukeni Kata kina ko Milikomi, ia na nona tamata, a cava era tikora kina na nona veikoro?

Vakavakadewa Vou kei na iVola tale eso

¹ Oqo na ka a tukuna na Turaga o Jiova me baleti ira na Amoni, “Sa e vei o ira na Isireli? Sa sega beka ni dua me taqomaka na nodra vanua? A cava era laivi ira kina na tamata era qaravi Moloke me ra taura ka tiko ena vanua ni mataqali i Kata?

Ai Vola Tabu Ena Vakavakadewa Vou

¹ Oqo na ka a tukuna na Turaga ko Jiova me baleti ira na Amoni, “Sa e vei o ira na Isireli? Sa sega beka ni dua me taqomaka na nodra vanua? A cava era laivi ira kina na tamata era qaravi Moloke me ra taura ka tiko ena vanua ni mataqali i Kata?

Jeremaia 49:1 Iomraidhean Croise

Vakatekivu 19:38

Ia ko koya ka gone, sa vakasucu talega ka tagane, a sa vakayacani koya ko Peniami: ko koya na tamadra na luve i Amoni era bula e na gauna oqo.

2 Tui 10:33

mai na Joritani ka vaka ki na tu-i-cake, na vanua taucoko ko Kiliati, ko ira na Kata, kei ira na Rupeni, kei ira na Manasa, mai Aroeri, o koya sa voleka ki na uciwai ko Erinoni, io ko Kiliati kei Pasani.

2 Tui 24:2

A sa vakauqeta ko Jiova na veimataivalu ni kai Kalitia, kei na veimataivalu ni kai Siria, kei na veimataivalu na kai Moapi, kei na veimataivalu ni luve i Amoni, a sa talai ira me ra vala kei ira na Juta me vakarusai ira, me vaka na vosa i Jiova, ka vosataka ko koya e na gusudra na nonai talatala na parofita.

2 Veigauna 20:1

Sa oti oqo, era sa lako mai ko ira na luve i Moapi, kei ira na luve i Amoni, ka so tani vei ira na Amoni, me ra veivala kei Jiosafati.

2 Veigauna 20:23

Ni ra sa tu cake ko ira na luve i Amoni kei ira na Moapi me mokuti ira na kai ulu-ni-vanua ko Sia, me vakamatea ka vakarusa sara: ia ni ra sa vakaoti ira na kai ulu-ni-vanua ko Sia, era sa veivuke kecega me ia na veivakamatei vakataki ira.

Niemaia 2:19

Ia ni ratou sa rogoca ko Sanipalati na kai Oroneimi, kei Topaia na dauveiqaravi na luve i Amoni, kei Kesemi na kai Arepea, eratou sa dredre ka vakalialiai keda, ka beci keda, ka kaya, a cava na ka oqo dou sa kitaka? dou na talaidredre beka vua na tui?

Niemaia 4:7

Ia ni ra sa rogoca ko Sanipalati, kei Topaia, kei ira na kai Arepea, kei ira na Amoni, kei ira na kai Asitoti, ni sa veiuturi na bai kei Jerusalemi, ka sa vakatekivu me viri vinaka, na tikina ka basuki; era sa qai cudru vakalevu,

NA SAME 83:7

Kei Kipali, kei Amoni, kei Amaleki; Na kai Filisitia kei ira na kai Taia;

NA SAME 9:6

Ko iko na meca, sa mudu sara na veivakarusai: Ko ni a vaqeavutaka na veikoro; Sa takali vata kei ira na nodra vakananumi.

Jeremaia 12:14

Sa kaya vakaoqo ko Jiova vei ira kecega na tamata ca era tiko volekati au, a ra tara nai votavota, ka'u a solia vei ira na Isireli na noqu tamata me ra taukena; Raica, ka'u na cavuti ira tani mai na nodra vanua, ia na mataqali i Juta ka'u na cavuta mai na kedra maliwa:

Jeremaia 25:21

ko Itomi, kei Moapi, kei ira na luve i Amoni,

Jeremaia 25:9

raica, au na talaki ka kauti ira kecega na veimataqali mai na mata ni tokalau, kei Nepukanesa na tui Papiloni na noqu tamata, sa kaya ko Jiova, ia ka'u na kauti ira vakaivalu mai ki na vanua oqo, kei na lewena, kei na veimatanitu kecega oqo sa tiko vakavolivolita, ia ka'u na vakarusai ira sara, ka cakavi ira me ra vakurabuitaki, ka vakasiusiutaki, ka me vanua rusa ka sega ni mudu.

Jeremaia 27:3

ka vakauta vei iratou na tui Itomi, kei na tui Moapi, kei na nodra tui na luve i Amoni, kei tui Taia, kei tui Saitoni, e na ligadra na mata eratou sa lako mai ki Jerusalemi vei Setekaia na tui Juta;

Jeremaia 48:1

A ka sa baleti Moapi, sa vosa kina vakaoqo ko Jiova ni lewe vuqa, na Kalou ni Isireli; Ena ca ko Nipo! ni sa vakacacani: sa madua ko Kiri-aceimi sa kabai ka rawa: sa madua ko Misikapi ka waicala.

Jeremaia 49:23

E na vuku i Tamasiko. Sa taqaya mai ko Emaci, kei Apati: ni ra sa rogoca e dua nai rogorogo ca: sa waicala na lomadra; sa vaka na domobula mai na wasawasa; sa sega ni cegu rawa.

Jeremaia 49:28

E na vuku i Kitari, kei na veimatanitu ni Asori, oqori ena yavita ko Nepukanesa na tui Papiloni, sa kaya vakaoqo ko Jiova; Dou cavu tu, dou lako cake ki Kitari, ka vakacacani ira na kai na tu-i-cake.

Jeremaia 49:7

E na vuku i Itomi, sa taro vakaoqo ko Jiova ni lewe vuqa; Sa sega tale beka na vuku mai Temani? sa yali beka nai vakavuvuli vua na yalomatua? sa takali beka na nodra vuku?

Isikeli 21:25

Ia ko iko, na turaga ni Isireli na tamata be ka ca, ka sa yaco na kemu siga, me tini kina na caka cala,

Isikeli 25:1

A sa baci yaco tale vei au na vosa i Jiova, ka vaka,

Sefanaia 1:5

kei ira era sa soro e na dela ni veivale ki na kalokalo ni lomalagi; kei ira era sa soro ka bubului vei Jiova, ka bubului vei Malikami;

Tiko mai na Lekutu 1:24

Vei ira na kawa i Kata, e na nodra i tubutubu, e na nodra veimataqali, kei na veivuvale ni nodra qase, vaka nai wiliwili ni yacadra yadua, ko ira sa ruasagavulu na nodra yabaki ka toro cake, o ira kecega sa yaga e nai valu;

Vakarua 2:19

ia ni ko sa donui ira na luve i Amoni, mo kakua ni vakararawataki ira, se sagai ira: ni'u na sega ni solia vei iko e dua na tiki ni nodra vanua na luve i Amoni mo taukena: ni'u sa solia oti vei ira na luve i Loti me ra taukena.

Vakarua 23:3

Na kawa i Amoni se na kawa i Moapi era na sega ni curu ki nai soqosoqo i Jiova; ia me yacova nai katini ni nodra i tabatamata, ena tabu ni ra curu ki nai soqosoqo i Jiova ka tawa mudu:

Vakarua 23:4

ni ra sega ni kauta na madrai kei na wai, ka la'ki tavaki kemuni e na sala, ni kemuni a lako tani mai Ijipita; ka ni ra voli Pelami na luve i Piori na kai Picori mai Mesopotemia, me vatonaki kemuni.