Jeremaia 48:11 - Vakavakadewa Makawa

¹¹ Sa dautiko vakacegu ko Moapi mai na gauna sa gone kina, a sa dautiko wale e na kena soko, a sa sega ni veisovayaki mai na saqa ki na saqa, ia sa sega na gauna sa kau tani kina vakabobula: o koya oqo sa to ga vua na kena velavela, ia na kenai boiboi sa sega ni dua tani mai.

Ai Vola Tabu (Vakadewa Makawa Vakavoutaki 2021)

¹¹ “Sa dautiko vakacegu ko Moapi mai na gauna sa gone kina, a sa dautiko wale e na kena soko, a sa sega ni veisovayaki mai na saqa ki na saqa, ka sa sega na gauna me kau tani kina vakabobula; o koya oqo sai koyakoya tikoga na kenai kanakana, kei na kenai boi sa sega ni veisau.

AI VOLA TABU

¹¹ Sa dautiko vakacegu ko Moapi mai na gauna sa gone kina, a sa dautiko wale e na kena soko, a sa sega ni veisovayaki mai na saqa ki na saqa, ia e na veivakabobulataki e sa sega ni lako tani yani kina: o koya o qo sa tiko ga vua na kena velavela, ia na kenai boiboi sa sega ni dua tani mai.

Vakavakadewa Vou kei na iVola tale eso

¹¹ A sa kaya na Turaga o Jiova, “E dau galala tu ga o Moapi ka sega ni bau kau vakabobula. O Moapi e vaka na waini sa vo tu ka sega ni yavalati; ka sega ni bau sova mai na dua na saqa ki na dua tale na saqa. Na kena i gunugunu sa sega ni vakacacani, e daumaka tu ga ka sega ni bau veisau.

Ai Vola Tabu Ena Vakavakadewa Vou

¹¹ A sa kaya na Turaga ko Jiova, E dau galala tu ga o Moapi ka sega ni bau kau vakabobula. O Moapi e vaka na waini sa vo tu ka sega ni yavalati; ka sega ni bau sova mai na dua na saqa ki na dua tale na saqa. Na kena i gunugunu sa sega ni vakacacani, e daumaka tu ga ka sega ni bau veisau.

Jeremaia 48:11 Iomraidhean Croise

NA SAME 123:4

Sa osooso vakalevu na yalo i keimami E na nodra dauveivakalialiai era sa tiko vakacegu, Kei na nodra be na viavialevu.

NA SAME 55:19

Ena vakarorogo na Kalou, ka vakararawataki ira, Io, ko koya ka tiko mailiu sara. Sela. Ni sa sega na veivukiyaki vei ira, Era sega kina ni rerevaka na Kalou.

Vosavakaibalebale 1:32

Sa nodra lesu tani na yalowai era na mate kina, Kei na nodra sautu na lialia era na rusa kina.

Aisea 16:6

Eda sa rogoca oti na viavialevu i Moapi; ko koya sa viavialevu sara: io na nona yalolevu, kei na nona dokadokai koya, kei na nona daucudru: ia na nona bolebole ena sega ni dina.

Aisea 24:3

Ena vakalalataki sara na vanua, ka vakacacani sara: ni sa cavuta na vosa oqo ko Jiova.

Aisea 25:6

Ia e na ulu-ni-vanua oqo ena cakava ko Jiova ni lewe vuqa vei ira na veimatanitu kecega, e dua na magiti e na ka e uro, na magiti ni waini makawa, e na ka e uro ka vakautona, e na waini makawa ka makare sara.

Jeremaia 22:21

Au a vosa vei iko ni ko sa tiko vinaka; ia ko sa kaya, Au na sega ni rogoca. Sa vakaoqo na nomu i valavala ni ko sa gone ka yacova na siga oqo, ni ko sa sega ni rogoca na domoqu.

Jeremaia 48:12

O koya oqo raica, ena yaco na gauna, sa kaya ko Jiova, ka'u na talai ira kina vua na daukiliva na saqa era na kilivi koya, ka ra na sovadiva dina sara na nona saqa, ka vorolaka na nodra tavaya.

Jeremaia 48:29

Eda sa rogoca oti na viavialevu i Moapi, ni sa viavialevu sara na nona yalolevu, kei na nona viaviaturaga, kei na nona dokadokai koya, kei na nona yaloqaciqacia.

Jeremaia 51:34

Sa kani au, sa vakacacani au ko Nepukanesa na tui Papiloni, sa cakavi au me'u bilo maca, sa tilomi au me vaka na gata levu, sa vakamamautaka na ketena e na noqu kakana vinaka, ka sa biuti au tani.

Neumi 2:10

Sa lala, sa lala didi, sa lala didi sara: ia na yalodra sa waicala, ka sa dui veiyaviti na durudra, sa yaluma kece sara talega na tolodra, ia sa ceacea sara na matadra kecega.

Neumi 2:2

Ni sa vakasuka mai ko Jiova na nodra lagilagi na Jekope, me vaka na nodra lagilagi na Isireli: ni ra a vakacacani ira ko ira na dauvakacaca, ka ra sa vakarusa na taba ni nodra vaini.

Sefanaia 1:12

Ia ena yaco e na gauna ko ya, ka'u na kauta eso na cina ka qara voli e Jerusalemi, ka cudruvi ira na tamata era vaka na waini sa cevata tu e na kena soko, era kaya e lomadra, Ena sega ni cakava na ka vinaka ko Jiova, ena sega talega ni cakava na ka ca.

Sakaraia 1:15

ia ka'u sa rarawa dina vei ira na veimatanitu era tiko vakacegu wale: ni'u a rarawa vakalailai ga koi au, ia ko ira era sa vakabibitaka na ca.