Jeremaia 47:2 - Vakavakadewa Makawa

² Sa kaya vakaoqo ko Jiova; Raica, sa tubu cake na wai mai na mata ni tokalau, io sa na dua na dobui levu, ena luvuca na vanua, kei na ka kecega sa tu kina; na koro, kei ira era sa tiko kina: era na qai tagi na tamata, ka ra na qoqolou ko ira kecega na lewe ni vanua.

Ai Vola Tabu (Vakadewa Makawa Vakavoutaki 2021)

² “Sa kaya vakaoqo ko Jiova: Raica, sa tubu cake na wai mai na mata ni vualiku, io sa na dua na dobui levu; ena luvuca na vanua, kei na ka kecega sa tu kina, na koro kei ira era sa tiko kina. Era na qai tagi na tamata, ka ra na qoqolou ko ira kecega na lewe-ni-vanua.

AI VOLA TABU

² Sa vosa vakaoqo ko Jiova; Raica, na wai sa tubu cake mai na mata ni tokalau, ia ena dobui luvu, ena luvuca na vanua, kei na ka kecega sa tu kina; na koro, kei ira sa tiko kina: era na qai tagi na tamata, ka qoqolou kecega na lewe ni vanua.

Vakavakadewa Vou kei na iVola tale eso

² A sa kaya, “Raica, sa tubu cake na wai Mai na yasana vaka ki na vualiku, Ka sa coka mai me vaka e dua na uciwai sa waluvu. Ena luvuca na vuravura kei na ka kece sa tu kina, Na veikoro kei na tamata era bula kina. Era na tagica mai na tamata na veivuke, Ka ra na tagi na lewe ni vanua kecega ena rarawa.

Ai Vola Tabu Ena Vakavakadewa Vou

² A sa kaya, “Raica, sa tubu cake na wai Mai na yasana vaka ki na vualiku, Ka sa coka mai me vaka e dua na uciwai sa waluvu. Ena luvuca na vuravura kei na ka kece sa tu kina, Na veikoro kei na tamata era bula kina. Era na tagica mai na tamata na veivuke, Ka ra na tagi na lewe ni vanua kecega ena rarawa.

Jeremaia 47:2 Iomraidhean Croise

NA SAME 24:1

A nei Jiova ko vuravura, kei na ka kecega sa sinai kina; A veivanua kei ira era sa tiko kina.

NA SAME 50:12

Kevaka ka'u sa viakana, ka'u na sega ni tukuna vei iko: Ni sa noqu ko vuravura, kei na ka kecega sa sinai kina.

NA SAME 96:11

Me reki ko lomalagi, ka ladelade ko vuravura; Me vadugu na wasawasa, kei na ka kecega sa sinai kina.

NA SAME 98:7

Me vadugu mada na wasawasa, kei na ka e sinai kina; Ko vuravura, kei ira era tiko kina.

Aisea 14:31

Mo tagi, na matamata-ni-koro! mo qoqolou, na koro! ko iko, Filisitia taucoko, ko sa waicala sara: ni na lako mai na tokalau na kubou, ena sega e dua me tiko tani e na gauna sa lokuci.

Aisea 15:8

Ni sa volivolita nai yalayala kei Moapi na kena tagi; sa rogo na kena qoqolou ki Ekileimi ki Pieri-elimi talega.

Aisea 22:1

Na vosa ni parofisai kei na Buca ni Raivotu. A cava mada sa tauvi iko, ni ko sa cabe cake kece ki na dela ni veivale?

Aisea 28:17

Ia ka'u na tauca na lewa dodonu me dali i vakarau, kei na cakacaka dodonu me vatu i vakarau; ia na uca-cevata ena vakayalia sara nai vakaruru lasu; kei nai vunivuni, ena luvuci e na wai.

Aisea 59:19

Ko ira mai ra era na rerevaka na yaca i Jiova, kei ira mai nai cadracadra ni mata-ni-siga na nonai ukuuku: ni sa lako vakawaluvu mai na meca, ena vakaduria na Yalo i Jiova na kuila me tarovi koya.

Jeremaia 1:14

A sa kaya vei au ko Jiova, Mai na tokalau ena yaco e dua na ca kivei ira kecega na lewe ni vanua:

Jeremaia 46:12

Era sa rogoca ko ira na veivanua na nomu madua, ia na nomu qoqolou sa robota na vanua: ni rau sa veitarabe koi rau na qaqa, ka rau sa bale vata ruarua.

Jeremaia 46:13

A vosa sa tukuna ko Jiova vei Jeremaia na parofita, e na vuku ni nona lako mai ko Nepukanesa na tui Papiloni, me samuta na vanua ko Ijipita.

Jeremaia 46:20

Sa luve ni pulumokau matavinaka sara ko Ijipita, ia sa lako mai na lago veikata mai na mata ni tokalau, sa lako mai.

Jeremaia 46:24

Ena madua mai na goneyalewa ni Ijipita; ena soli ga ki na ligadra na tamata mai na mata ni tokalau.

Jeremaia 48:39

Na kena ramusu! era na qolouvaka; Na kena vuki vakanadaku ko Moapi, ni sa madua! ia ena yaco ko Moapi me ka e dredrevaki ka taqayataki vei ira kece era tiko vakavolivoliti koya.

Jeremaia 6:22

Sa kaya vakaoqo ko Jiova, Raica, e dua na mataqali sa lako mai na vanua mai na tokalau, ia e dua na matanitu levu ena vakaturi mai nai yalayala kei vuravura:

Jeremaia 8:16

Sa rogo mai Tani na kedra suru na nona ose: ni sa rogo mai na kedra suru na nona ose kaukauwa, sa sautaninini na vanua taucoko; ni ra sa lako ga mai, ka ra sa kania na vanua, kei na ka kecega sa tu kina; na koro, kei ira era tiko kina.

Taniela 11:22

Ia e na taba ni dobui era na uani tani kina e matana, ka kasere; kei koya talega na turaga ni veiyalayalati.

Neumi 1:8

Ia e na dobui levu ena vakaotia sara yani na kenai tikotiko, ia ena muri ira na nona meca na butobuto.

1 Korinica 10:26

ni sa nona na Turaga ko vuravura, kei na ka kecega sa sinai kina.

1 Korinica 10:28

Ia kevaka e dua sa kaya vei kemudou, Oqo sa vakacabori ki na veimatakau, dou kakua ni kania e na vuku i koya sa tukuna, e na vuku ni lewa-eloma talega:

Jemesa 5:1

Dou lako mai, oi kemudou na tamata vutuniyau, dou tagi ka qoqolou e na vuku ni nomudou ka rarawa ena yaco mai.

Vakatakila 17:1

A sa lako mai e dua vei iratou na agilose e le vitu sa taura na bilo e vitu, ka keirau veivosaki, ka kaya vei au, Lako mai ki ke; au na vakatakila vei iko na nona cudruvi na yalewa oqo sa dautagane vakalevu sa tiko e na bati ni wai levu:

Vakatakila 17:15

A sa kaya vei au ko koya, Na veiwai ko a raica, sa tiko kina na yalewa dautagane, oqori na veivanua kei na mataqali e vuqa, kei na veimatanitu, kei na duivosavosa.