Jeremaia 44:8 - Vakavakadewa Makawa

⁸ ni dou sa vakacudrui au e na cakacaka ni ligamudou, ni dou sa vakama nai madrali boi vinaka vei ira na kalou tani e na vanua ko Ijipita, dou sa mai tiko kina, mo dou muduki kemudou tani, mo dou vosavosacati, ka vakalialiai e na veivanua kece e vuravura?

Ai Vola Tabu (Vakadewa Makawa Vakavoutaki 2021)

⁸ ni dou sa vakacudrui au e na cakacaka ni ligamudou, ni dou sa vakama nai madrali boi vinaka vei ira na kalou tani e na vanua ko Ijipita, dou sa mai tiko kina, mo dou muduki kemudou tani, mo dou vosavosacati, ka vakalialiai e na veivanua kece e vuravura?

AI VOLA TABU

⁸ ni dou sa vakacudrui au e na cakacaka ni ligamudou, ni dou sa vakacaudreva nai madrali boi vinaka vei ira na kalou tani e na vanua ko Ijipita, a ya dou sa mai tiko kina, me kemudou muduki kemudou tani, mo dou vosavosacati, ka vakalialiai e na veivanua kece e vuravura?

Vakavakadewa Vou kei na iVola tale eso

⁸ A cava o ni vakacudrui au kina ena nomuni matakau kei na nomuni vakacaboisoro ki na veikalou tani ena vanua oqo o Ijipita, na vanua o ni sa mai tiko kina oqo? O ni cakava na ka oqo mo ni vakarusai kemuni kina, ia me ra dredrevaki kemuni kina na veimatanitu, ka vakayagataka na yacamuni me yaca ni veivakamaduataki?

Ai Vola Tabu Ena Vakavakadewa Vou

⁸ A cava o ni vakacudrui au kina ena nomuni matakau kei na nomuni vakacaboisoro ki na veikalou tani ena vanua oqo o Ijipita, na vanua o ni sa mai tiko kina oqo? O ni cakava na ka oqo mo ni vakarusai kemuni kina, ia me ra dredrevaki kemuni kina na veimatanitu, ka vakayagataka na yacamuni me yaca ni veivakamaduataki?

Jeremaia 44:8 Iomraidhean Croise

2 Veigauna 7:20

au na qai cavuivuvutaki ira mai na vanua au a solia vei ira; ia na vale oqo, ka'u sa vakatabuya oti ki na yacaqu, au na biuta tani e mataqu, ia ka'u na cakava me vakaibole ca ka me vakasiusiutaki e na veimatanitu kecega.

Aisea 19:1

Na vosa ni parofisai bibi kei Ijipita. Raica, sa vodo tu ko Jiova e na o totolo, ka sa lako mai ki Ijipita; a sa yavala na kalou lasu ni Ijipita e matana, ka sa waicala e lomana na yalo i Ijipita.

Aisea 3:8

Ni sa rusa ko Jerusalemi, ka sa ca ko Juta: ni sa dua tani na nodra vosa kei na nodra i valavala vei Jiova, me vakararawataka na matana vakaiukuuku.

Aisea 65:15

Ia na yacamudou sa na tiko ga me sa cavuti ni sa ia na veivatonaki vei ira ka'u sa digitaka, ia na Turaga ko Jiova ena vakamatei iko, ka vakayacani ira na nona tamata e na dua na yaca tani:

Jeremaia 11:12

Ena qai lako na veikoro i Juta kei na kai Jerusalemi, ka tagi vei ira na kalou era vakama kina na ka boi vinaka: ia era na sega sara ni vakabulai ira e na gauna ni nodra rarawa.

Jeremaia 11:17

Ia ko Jiova ni lewe vuqa ko koya ka tei iko, sa kaya me yacovi iko na ca, e na vuku ni nodra ca na mataqali i Isireli kei na mataqali i Juta, o koya era sa cakava vei ira me vakacudrui au, ni ra sa vakama na ka boi vinaka vei Peali.

Jeremaia 18:16

me ra vakavuna na kena vakalalataki na nodra vanua, ka me vakasiusiutaki ka sega ni mudu; ko ira kece era lako voli yani era na kidacalataka, ka kurea na uludra.

Jeremaia 24:9

ia ka'u na soli ira me ra kau tani me ra ca kina, ki na veimatanitu kecega kei vuravura, me ra vakalialiai, ka vakaiboletaki, ka veiwalitaki, ka vosavosacati, e na veiyasana kecega ka'u na dui vakasevi ira kina:

Jeremaia 26:6

ka'u na qai cakava na vale oqo me vakataki Sailo, ia na koro oqo ka'u na cakava me ka e vosavosacati vei ira na veimatanitu e vuravura.

Jeremaia 29:18

Ia ka'u na vakacacani ira e nai seleiwau, kei na viakana, kei na mate dauveiveitauvi, ka soli ira me ra kau tani ki na veimatanitu e vuravura; me ra vosavosacati, ka vakurabuitaki, ka vakasiusiutaki, ka vakalialiai, e na veivanua kecega ka'u sa dui vakasevi ira kina:

Jeremaia 32:30

Ni ra sa cakava tikoga na ka ca e mataqu ko ira na Isireli kei ira na Juta mai na gauna era sa gone kina: ni ra sa vakacudrui au tikoga e na cakacaka ni ligadra ko ira na Isireli, sa kaya ko Jiova.

Jeremaia 42:18

Ni sa kaya vakaoqo ko Jiova ni lewe vuqa, na nodra Kalou na Isireli; Me vaka sa sovaraki na noqu cudru kei na noqu lesa vei ira na kai Jerusalemi; ena sovaraki vakakina na noqu cudru vei kemudou, ni dou sa yaco ki Ijipita: ia dou na vatonaki, ka vakurabuitaki, ka vosavosacati, ka vakalialiai; ia dou na sega ni raica tale na yasana oqo.

Jeremaia 44:12

Ia ka'u na kauta na kena vo ni Juta, era sa gu sara me ra lako ki na vanua ko Ijipita me tiko vulagi kina, a ra na oti kece e na vanua ko Ijipita; ka bale e nai seleiwau kei na viakana: io ko ira na tamata wale kei ira talega na turaga era na mate e nai seleiwau kei na viakana: a ra na vatonaki, ka vakurabuitaki, ka vosavosacati, ka vakalialiai.

Jeremaia 44:3

e na vuku ni nodra ca era sa cakava me vakacudrui au, ni ra sa la'ki vakama nai madrali boi vinaka, ka me ra qaravi ira na kalou tani, era sa sega ni kila, ko ira, se koi kemudou, se ko ira na nomudou qase.

Jeremaia 44:7

O koya oqo sa qai kaya kina ko Jiova, na Kalou ni lewe vuqa, na Kalou ni Isireli; A cava dou sa cakava kina na ca levu oqo ki na yalomudou, me muduka tani kina vei kemudou na tagane kei na yalewa, na gone lalai kei ira sa sucu tiko, mai Juta, ka me kakua e vo vei kemudou;

Jeremaia 7:9

Mo dou butako li, ka laba, ka ia na veibutakoci, ka bubului vakailasu, ka vakama na ka boi vinaka vei Peali, ka muria na kalou tani dou sa sega ni kila;

Isikeli 33:11

Mo kaya vei ira, Me vaka na dina ni noqu bula, sa kaya na Turaga ko Jiova, au sa sega ni vinakata me mate na tamata ca; au vinakata ga me lesu mai na tamata ca mai na nonai tovo, ka me bula: dou lesu mai, dou lesu mai mai na nomudou i tovo ca; e na vuku ni cava dou sa via mate kina, koi kemudou na mataqali i Isireli?

Isikeli 9:6

dou vakamatei ira sara ga na qase, kei na cauravou: na goneyalewa, kei na gone lalai, kei na yalewa talega, ia dou kakua ni toro yani vua e dua na tamata sa volai tu; ka mo dou vakatekivu mada e na noqu vale tabu. E ratou sa qai vakatekivu ka ia vei ira na tamata qase era tu e na mata ni vale.

Osea 4:13

Era sa daucakai soro e dela ni veiulu-ni-vanua, ka ra sa dauvakama nai madrali boi vinaka e na veiulu-ni-koro kei na ruku ni oki kei na ivi kei na paini, ni sa vinaka na kena rugurugua: o koya oqo era na ia kina na dautagane ko ira na luvemudou yalewa, kei ira na vugomudou na veibutakoci.

Apakuki 1:16

O koya oqo sa soro kina ko koya ki na nona lawa, ka vakama nai madrali boi vinaka ki na nona lawa ni yavi; ni sa ka oqo sa uro kina na nonai votavota, ka vinaka na kena kakana.

Vakarua 32:25

Ai seleiwau e tautuba, Kei na rere levu eloma, Ena vakamatea na cauravou kei na goneyalewa, Na gone sa sucu tiko, kei na tamata e sika na uluna.

Iperiu 3:16

Ia ko cei ko ira era a vakacudruya ni ra sa rogoca oti? ko ira kecega era sa lako vata kei Mosese mai Ijipita se segai?