Jeremaia 44:12 - Vakavakadewa Makawa

¹² Ia ka'u na kauta na kena vo ni Juta, era sa gu sara me ra lako ki na vanua ko Ijipita me tiko vulagi kina, a ra na oti kece e na vanua ko Ijipita; ka bale e nai seleiwau kei na viakana: io ko ira na tamata wale kei ira talega na turaga era na mate e nai seleiwau kei na viakana: a ra na vatonaki, ka vakurabuitaki, ka vosavosacati, ka vakalialiai.

Ai Vola Tabu (Vakadewa Makawa Vakavoutaki 2021)

¹² Ia ka'u na kauta na kena vo ni Juta, era sa gu sara me ra lako ki na vanua ko Ijipita me tiko vulagi kina, a ra na oti kece e na vanua ko Ijipita; ka bale e nai seleiwau kei na viakana. Io ko ira na tamata wale kei ira talega na turaga era na mate e nai seleiwau kei na viakana; a ra na vatonaki, ka vakurabuitaki, ka vosavosacati, ka vakalialiai.

AI VOLA TABU

¹² Ia kaʼu na kauta na vo ni Juta, era sa vaqara na matadra me lako ki na vanua ko Ijipita me tiko vulagi kikea, a ra na oti kece e na vanua ko Ijipita, ka bale; e nai selewau kei na viakana era na oti ga kina: o ira na kaisi kei ira talega na turaga era na mate e nai seleiwau kei na viakana: a ra na rukaki, ka kidacalataki, ka vosavosacati, ka vakalialiai.

Vakavakadewa Vou kei na iVola tale eso

¹² Ia o ira na vo-ni-bula e Juta era sa vinakata me ra lako ka la'ki tiko ki Ijipita, era na vakarusai kece. Era na mate taucoko sara; o ira era cecere kei ira na lolovira, ena i valu se ena viakana. Era na veivakidacalataki, era na dredrevaki mai vei ira na tamata ka vakayagataka na yacadra me yaca ni veivakamaduataki.

Ai Vola Tabu Ena Vakavakadewa Vou

¹² Ia o ira na vo-ni-bula e Juta era sa vinakata me ra lako ka la'ki tiko ki Ijipita, era na vakarusai kece. Era na mate taucoko sara; o ira era cecere kei ira na lolovira, ena i valu se ena viakana. Era na veivakidacalataki, era na dredrevaki mai vei ira na tamata ka vakayagataka na yacadra me yaca ni veivakamaduataki.

Jeremaia 44:12 Iomraidhean Croise

Aisea 1:28

Ia na nodra rusa na dautalaidredre kei ira nai valavala ca ena yaco vata ga, ia ko ira era sa biuti Jiova era na vakarusai.

Aisea 65:15

Ia na yacamudou sa na tiko ga me sa cavuti ni sa ia na veivatonaki vei ira ka'u sa digitaka, ia na Turaga ko Jiova ena vakamatei iko, ka vakayacani ira na nona tamata e na dua na yaca tani:

Jeremaia 16:4

Era na mate e na mate ca; era na sega ni tagicaki; era na sega talega ni bulu; era na vaka na de-ni-manumanu e dela ni soso: ena vakaoti ira sara nai seleiwau, kei na viakana; ia na yagodra ena kedra na manumanu vuka, kei na manumanu ni vanua.

Jeremaia 18:16

me ra vakavuna na kena vakalalataki na nodra vanua, ka me vakasiusiutaki ka sega ni mudu; ko ira kece era lako voli yani era na kidacalataka, ka kurea na uludra.

Jeremaia 24:9

ia ka'u na soli ira me ra kau tani me ra ca kina, ki na veimatanitu kecega kei vuravura, me ra vakalialiai, ka vakaiboletaki, ka veiwalitaki, ka vosavosacati, e na veiyasana kecega ka'u na dui vakasevi ira kina:

Jeremaia 26:6

ka'u na qai cakava na vale oqo me vakataki Sailo, ia na koro oqo ka'u na cakava me ka e vosavosacati vei ira na veimatanitu e vuravura.

Jeremaia 29:18

Ia ka'u na vakacacani ira e nai seleiwau, kei na viakana, kei na mate dauveiveitauvi, ka soli ira me ra kau tani ki na veimatanitu e vuravura; me ra vosavosacati, ka vakurabuitaki, ka vakasiusiutaki, ka vakalialiai, e na veivanua kecega ka'u sa dui vakasevi ira kina:

Jeremaia 29:22

ia ko ira kece na Juta era vakabobulataki mai Papiloni, era na vatonaki rau, ka vaka, Me cakavi iko ko Jiova mo tautauvata kei Setekaia ka tautauvata kei Eapi, sa vakamai rau ko tui Papiloni e na bukawaqa;

Jeremaia 42:1

Era sa qai toro mai na kapiteni kecega ni valu, kei Joenani na luve i Karea, kei Jisanaia na luve i Osaia, kei ira na tamata kecega, na tamata wale kei ira talega na turaga,

Jeremaia 42:22

Ia dou kila vinaka mada ni dou na mate e nai seleiwau, kei na viakana, kei na mate dauveiveitauvi, e na yasana dou sa via la'ki tiko vulagi kina.

Jeremaia 43:11

Ia ni sa lako mai ko koya, ena yavita na vanua ko Ijipita, ka soli ira sa lesi me mate me ra mate, kei ira sa lesi me ra vakabobulataki me ra vakabobulataki, kei ira era sa lesi me ra mate e nai seleiwau me ra mate ga kina.

Jeremaia 44:22

Ia sa dredre ni vosota ko Jiova, e na vuku ni ca ni nomudou i valavala, kei na ka vakasisila dou sa cakava; ka sa lala kina na nomudou vanua, ka sa kurabuitaki, ka sa vosavosacati, ka sega e tiko kina, me vaka e na siga oqo.

Osea 4:6

Era sa rusa ko ira na noqu tamata ni sa yali vei ira na vuku: ni ko sa biuta na vuku, au na biuti iko talega, mo kakua ni bete tiko vei au: ni ko sa guilecava na vunau ni nomu Kalou, koi au talega, ka'u na guilecavi ira na luvemu.

Osea 9:6

Ni ra sa lako tani mai na veivakacacani: ko Ijipita, ena kumuni ira: ko Memifise, ena buluti ira: a nodra i yau siliva ka domoni, ena taukena na salato: ena tiko e na nodra vale laca na soni.

Sakaraia 8:13

Ia ena yaco, me vaka dou a vu ni veivakarusai vei ira na veimatanitu, oi kemudou na mataqali i Juta, kei na mataqali i Isireli; au na vakabulai kemudou, ka dou na yaco vaka talega kina, mo dou vu ni veivakalougatataki; dou kakua ni rere, me kaukauwa ga na ligamudou.

Tiko mai na Lekutu 5:27

Ia ni sa vagunuvi koya oti e na wai ko koya, ena qai yaco, kevaka sa vakadukadukalitaki ko koya, ka sa caka cala vua na watina, ena qai curumi koya na wai sai yacoyaco ni cudru, ka na gaga mai, ka na vuvuce kina na ketena, ka na vuca na sagana: ena qai daucavuti na yalewa ni sa veivatonaki vei ira na kai nona.