Jeremaia 44:10 - Vakavakadewa Makawa

¹⁰ Era sa sega ni yalomalumalumu mai ka yacova na siga oqo, era sa sega talega ni rere, se muria na noqu vunau, se na noqu i lesilesi, ka'u sa solia vei kemudou kei ira na nomudou qase.

Ai Vola Tabu (Vakadewa Makawa Vakavoutaki 2021)

¹⁰ Era sa sega ni yalomalumalumu mai ka yacova na siga oqo, era sa sega talega ni rere, se muria na noqu vunau, se na noqu i lesilesi, ka'u sa solia vei kemudou kei ira na nomudou qase.

AI VOLA TABU

¹⁰ Era sa tawa yalomalumalumu mai ka yacova na siga o qo, era sa tawa rere, se muria na noqu vunau, se na noqui lesilesi, kaʼu sa tauca e na matamudou kei na matadra na nomudou qase.

Vakavakadewa Vou kei na iVola tale eso

¹⁰ Ia me yacova mai na siga edaidai o ni sa sega ni via yalo malumalumu. O ni sega ni rerevaki au se muria na noqu i vakaro kei na noqu i vunau au a solia vei kemuni kei ira na nomuni qase.

Ai Vola Tabu Ena Vakavakadewa Vou

¹⁰ Ia me yacova mai na siga edaidai o ni sa sega ni via yalo malumalumu. O ni sega ni rerevaki au se muria na noqu i vakaro kei na noqu i vunau au a solia vei kemuni kei ira na nomuni qase.

Jeremaia 44:10 Iomraidhean Croise

1 Tui 21:29

O sa raica, se segai, ni sa vakamalumalumutaki koya vei au ko Eapi? ia ni sa vakamalumalumutaki koya vei au, ka'u na sega ni vakayacora na ca e na nona gauna; e na gauna ga ni luvena ka'u na vakayacora na ca vei ira na nona mataqali.

2 Tui 22:19

Ni sa malumalumu na yalomu, ka ko sa vakamalumalumutaki iko e na mata i Jiova, ni ko a rogoca na ka ka'u a kaya e na vuku ni tikina oqo, e na vukudra talega era tiko kina, ka me ra vakarusai, ka vatonaki me ra ca, ni ko sa dresulaka talega na nomu i sulu, ka tagi e mataqu; au sa vakarogoci iko talega koi au, sa kaya ko Jiova:

2 Veigauna 32:26

Ia sa vakamalumalumutaki koya ko Esekaia e na vuku ni viavialevu ni yalona, ko koya, kei ira na kai Jerusalemi, ka sa sega ni yaco kina kivei ira na cudru i Jiova e na gauna i Esekaia.

2 Veigauna 33:12

Ia ni sa rarawa ko koya, sa vakamasuti Jiova na nona Kalou, ka vakamalumalumutaki koya vakalevu e na mata ni nodra Kalou na nona qase.

2 Veigauna 33:19

A nona masu talega, kei na nona vakarogoci, kei na nonai valavala ca kecega, kei na nona caka cala, kei na veiyasana sa tara kina ko koya na veitikina cecere, ka vakaduria kina na kalouyalewa ni veikau kei na matakau ceuceu, ni sa bera ni vakamalumalumutaki koya; raica, sa volai vata kei na nodra vosa na rairai.

2 Veigauna 34:27

Ni sa malumalumu na lomamu, ia ko a vakamalumalumutaki iko e na mata ni Kalou, ni ko a rogoca na nona vosa ka baleta na koro oqo, kei ira na lewena, ka sa vakamalumalumutaki iko e mataqu, ka dresulaka na nomu i sulu, ka tagi e mataqu; au sa qai rogoci iko talega, sa kaya ko Jiova.

NA SAME 34:18

Sa voleka ko Jiova vei ira sa ramusu na yalodra; Ka sa vakabulai ira sa dasila na lomadra.

NA SAME 51:17

Ai soro vua na Kalou na yalo sa raramusumusu; A yalo sa ramusu, ka bibivoro, ko ni na sega ni cata, na Kalou.

NA SAME 78:10

Era sega ni vakabauta na veiyalayalati kei na Kalou, Ka ra bese ni muria na nona vunau;

Lako Yani 10:3

A rau a la'ki curu vei Fero ko Mosese kei Eroni, a rau sa kaya vua, Sa vosa vakaoqo ko Jiova na nodra Kalou na Iperiu, A cava na kena dede ni ko sa bese tiko ni vakamalumalumutaki iko vei au? mo laivi ira na noqu tamata me ra lako, me ra qaravi au:

Lako Yani 9:17

Ia ko sa vakalevulevui iko tiko li vei ira na noqu tamata, mo kakua ni laivi ira me ra lako?

Lako Yani 9:30

ia koi kemuni kei ira na nomuni tamata, au sa kila sa bera tiko na nomuni rerevaki Jiova na Kalou.

Vosavakaibalebale 14:16

O koya sa vuku sa rere, ka sa lako tani mai na ca: Ia na lialia sa cudru, ka sa via qaqa.

Vosavakaibalebale 16:6

E na yalololoma kei na dina sa sava tani kina na caka cala: Ia e na rerevaki Jiova ga sa ra dro tani kina na tamata mai na ca.

Vosavakaibalebale 28:14

Sa kalougata na tamata sa rere tikoga: Ia ko koya sa vakaukauwataka na yalona ena yacovi koya na ca.

Vosavakaibalebale 8:13

Oqo na rerevaki Jiova me cata na ka ca: Na qaciqacia, kei na viavialevu, kei na sala ca, Kei na gusu vosaveve, ka'u sa cata.

Aisea 42:24

Ko cei sa soli ira na Jekope me tokitaki, kei ira na Isireli kivei ira na daubutako? Ko Jiova, o koya eda sai valavala ca vua, se segai? ka ni ra sa bese ni muria na nona sala, ka ra sa sega ni talairawarawa ki na nona vunau:

Aisea 57:15

Ni sa kaya vakaoqo ko Koya sa cecere ka levu, ka sa tikotiko ga e na gauna tawa mudu, na yacana ko Koya ka Yalosavasava; Au sa tiko e na tikina cecere ka tabu, kei koya talega sa ramusu ka malumalumu na yalona, me vakabula na yalo i koya sa yalomalumalumu, ka vakabula na lomadra sa bibivoro.

Aisea 66:2

Ia na ka kecega oqo sa bulia na ligaqu, ka sa tu mai na ka kecega oqo, sa kaya ko Jiova: ia na tamata oqo ka'u na goleva, io ko koya sa yalomalumalumu ka ramusu na yalona, ka sa rerevaka na noqu vosa.

Jeremaia 10:7

ko cei me na sega ni rerevaki kemuni na Tui ni veimatanitu? ni sa kilikili kei kemuni: io vei ira kece na vuku e na veivanua, kei na nodra veimatanitu kecega, sa sega e dua me vakataki kemuni.

Jeremaia 26:4

Ia mo kaya vei ira, Sa kaya vakaoqo ko Jiova: Kevaka dou na bese ni vakarorogo vei au, ka sega ni muria na noqu vunau, ka'u sa vakarota vei kemudou,

Jeremaia 32:23

ka ra sa mai curu kina, ka taukena; ia era sa sega ni vakarorogo ki na nomuni vosa, era sa sega talega ni muria na nomuni vunau; era sa sega ni cakava e dua na ka ko ni sa vakarota vei ira me ra cakava: ia ko ni sa vakayacora kina vei ira na ca kecega oqo:

Jeremaia 36:24

A ra sa sega ni rere, se dresulaka na nodra i sulu, se ko koya na tui, se dua vei ira na nona talai era rogoca na vosa oqo.

Jeremaia 44:23

Ia ni dou sa vakama nai madrali boi vinaka, ka dou sai valavala ca vei Jiova, ka sa sega ni vakarorogo ki na vosa i Jiova, ka sa sega ni muria na nona vunau, kei na nonai lesilesi, kei na nonai tukutuku, sa qai yacovi kemudou kina na ca oqo, me vaka e na siga edaidai.

Jeremaia 5:3

Kemuni Jiova, sa sega beka ni qara ki na ka dina na matamuni? ko ni sa cudruvi ira, ka ra sa sega ni rarawa; ko ni sa vakarusai ira, ka ra sa bese ni vakavulici: era sa vaqaqataka na matadra ka sa malumalumu na vatu; era sa bese ni lesu mai.

Jeremaia 6:15

Era sa madua beka ni ra sa kitaka na ka vakasisila? e segai, era sa sega sara ni madua vakalailai, sa sega sara talega ni ra mata madua rawa: o koya oqo era na bale vata kina kei ira sa bale: e na gauna ka'u na cudruvi ira kina era na vakabalei sobu, sa kaya ko Jiova.

Jeremaia 8:12

Era sa madua beka ni ra sa kitaka na ka vakasisila? e segai, era sa sega sara ni madua, ka sa sega sara talega ni ra mata madua rawa: o koya oqo era na bale vata kina kei ira era sa bale: e na gauna ka'u na cudruvi ira kina, era na vakabalei sobu, sa kaya ko Jiova.

Isikeli 9:4

a sa kaya vua ko Jiova, Mo lako voli yani e na loma ni koro, e na loma i Jerusalemi, ka vola nai vakatakilakila e na yadredra na tamata era sa vutugu ka qoqolou e na vuku ni ka vakasisila kecega sa caka e na loma ni koro.

Malakai 4:2

Ia ena cadra mai vei kemudou sa rerevaka na yacaqu na Mata-ni-Siga ni yalo dodonu, ia na veivakabulai ena kauta lako e na tabana; ka dou na lako yani ka tubu cake me vaka na luve ni pulumokau e na loma ni bai.

Maciu 27:54

Ia na turaga ni valu, kei ira sa tiko vata kaya me vakatawai Jisu, ni ra sa raica na tavuki ni vanua, kei na veika sa yaco, era sa rere vakalevu, ka kaya, E dina ga sa Luve ni Kalou ko koya oqo.

Luke 23:40

A sa vosa na kenai karua, ka vunauci koya, ka kaya, O sa sega beka ni rerevaka na Kalou, ni ko sa lewai mo mate vakakina?

Roma 11:20

E dina; sa musuki laivi ko ira ni ra sa sega ni vakabuta, ia ko iko ko sa tu dei ga ni ko sa vakabauta. Kakua ni yalolevu, mo rere ga.

1 Pita 5:6

O koya oqo mo dou qai vakamalumalumutaki kemudou e ruku ni liga kaukauwa ni Kalou, me vakalevulevui kemudou cake ko koya e na gauna sa lokuci:

Vakatakila 15:4

O cei me sega ni rerevaki kemuni, na Turaga, ka vakarokorokotaka na yacamuni? ni sai kemuni ga sa yalosavasava: ko ira kecega na veivanua era na lako mai ka cuva e matamuni; ni sa vakatakilai mai na nomuni cakacaka dodonu.