Jeremaia 43:12 - Vakavakadewa Makawa

¹² Ia ka'u na vakawaqa na buka e na nodra bure na kalou ni Ijipita, ena vakamai ira ko koya, ka kauti ira vakabobula: ia ena tutuvitaki koya e na vanua ko Ijipita, me vaka sa tutuvitaki koya nai vakatawa ni sipi e na nonai tutuvi; ena lako tani talega maikina e na vakacegu.

Ai Vola Tabu (Vakadewa Makawa Vakavoutaki 2021)

¹² Ia ka'u na vakawaqa na buka e na nodra bure na kalou ni Ijipita, ena vakamai ira ko koya, ka kauti ira vakabobula. Ia ena tutuvitaki koya e na vanua ko Ijipita, me vaka sa tutuvitaki koya nai vakatawa ni sipi e na nona i tutuvi; ena lako tani talega mai kina e na vakacegu.

AI VOLA TABU

¹² Ia kaʼu na tutuvaka na buka e na nodra bure na kalou ni Ijipita, ena vakamai ira ko koya, ka kauti ira tani: ia ena tutuvitaki koya e na vanua ko Ijipita, me vaka ni sa tutuvitaki koya nai vakatawa ni sipi e na nonai tutuvi; ena lako tani talega maikina e na vinaka.

Vakavakadewa Vou kei na iVola tale eso

¹² Au na vakama na nodra veivale tabu na kalou ni Ijipita, ia kevaka e sega ni vakama na nodra matakau ceuceu sa na kauti ira vakabobula na tui Papiloni. Me vaka na nomu tomika cake na nona i sulu e dua na i vakatawanisipi ka ceburaka tani na manumanu duka lalai sa na taura vakakina na vanua o Ijipita na tui Papiloni, ka vakasavasavataka ka na qai lesu tale ena qaqa.

Ai Vola Tabu Ena Vakavakadewa Vou

¹² Au na vakama na nodra veivale tabu na kalou ni Ijipita, ia kevaka e sega ni vakama na nodra matakau ceuceu sa na kauti ira vakabobula na tui Papiloni. Me vaka na nomu tomika cake na nona i sulu e dua na i vakatawanisipi ka ceburaka tani na manumanu duka lalai sa na taura vakakina na vanua o Ijipita na tui Papiloni, ka vakasavasavataka ka na qai lesu tale ena qaqa.

Jeremaia 43:12 Iomraidhean Croise

2 Samuela 5:21

A ra sa biuta maikea na nodra matakau, ia sa kauta tani ko Tevita kei ira na nona tamata.

Esiteri 6:9

ia me soli nai sulu oqo kei na ose vua e dua sa uasivi sara vei ira na nona tamata vakaturaga na tui, me ra vakaisulutaka kina na tamata sa vinakata na tui me vakarokorokotaki, ka kauti koya voli e na salatu ni koro ni sa vodo tiko e na ose, ka kacivaka tiko e matana, Ena caka vakaoqo vua na tamata sa vinakata na tui me vakarokorokotaki.

Jope 40:10

Mo vakaiukuukutaki iko mada e na ka vakaturaga kei na vakarokoroko; Ka vakaisulutaki iko e nai ukuuku kei na lagilagi.

NA SAME 104:2

O ni sa vakaisulutaki kemuni e na rarama me vaka e nai sulu: O ni sa birika na lomalagi me vaka nai ubi levu:

NA SAME 132:16

Au na vakaisulutaki ira talega na nona bete e na bula: Era na kaikaila talega e na reki na nona tamata yalosavasava.

NA SAME 132:18

Au na vakaisulutaki ira na nona meca e na madua: Ia ena serau tu e na uluna na nonai sala.

Lako Yani 12:12

Ni'u na lako voli e na vanua ko Ijipita e na bogi ko ya, ka yavita na ulumatua kecega e na vanua ko Ijipita, na tamata kei na manumanu e yavai va; ia ka'u na cudruvi ira kecega na kalou ni Ijipita: sai au ko Jiova.

Aisea 19:1

Na vosa ni parofisai bibi kei Ijipita. Raica, sa vodo tu ko Jiova e na o totolo, ka sa lako mai ki Ijipita; a sa yavala na kalou lasu ni Ijipita e matana, ka sa waicala e lomana na yalo i Ijipita.

Aisea 21:9

ka raica, sa lako mai oqo e dua na mataivalu sa vodo tu, ka yayarua lako. A sa vosa mai ko koya, ka kaya, Sa bale, sa bale, ko Papiloni; ia na matakau ceuceu kece ni nona kalou sa basuraka sobu ki na qele ko koya.

Aisea 46:1

Sa cuva sobu ko Peli, sa vakalairoro ko Nipo; a kedrau matakau sa toka e na daku ni manumanu, kei na daku ni pulumokau; sa vakavodoki tu na nomudou i kaukau, sai colacola bibi ki na manumanu sa oca.

Aisea 46:2

Erau sa vakalairoro, erau sa cuva sobu vata; erau sa sega ni vakabula rawa nai colacola bibi, a rau sa kau vakabobula lako koi rau.

Aisea 49:18

mo ta cake ka veiraiyaki; ko ira kecega oqo, era sa soqoni vata mai, era sa lako mai vei iko. Me vaka na kena dina ni noqu bula, sa kaya ko Jiova ko ira kecega oqo ko na vakaisulutaki iko kina, me vaka na ka ni ukuuku, ka vauca vei iko, me vaka sa ia na yalewa sa qai vakawati.

Aisea 52:1

Mo yadra mai, mo yadra; vakaisulutaki iko e na nomu kaukauwa, Saioni; mo vakaisulutaki iko e na nomu i sulu vakaiukuuku, Jerusalemi, na koro tabu: ni na sega tale ni curumi iko ko ira na sega ni cili kei ira na dukadukali.

Aisea 59:17

ka sa sulumaka ko koya nai valavala dodonu me vaka nai sasabai, a sa vakaisala e nai sala ni veivakabulai; ka sa vakaisulutaki koya e nai sulu ni veisausaumi, ka sa tutuvitaki koya e na lomakatakata.

Aisea 61:10

Au na rekitaki Jiova vakaidina; na yaloqu ena rekitaki koya na noqu Kalou; ni sa vakasulumi au e nai sulu ni bula: ka vakaitutuvitaki au e nai tutuvi ni yalododonu, me vaka na tagane sa qai vakawati sa vakaisalataki koya e nai sala vakabete, ka vaka na yalewa sa qai vakawati sa vakaiukuukutaki koya e na nona ka talei.

Aisea 61:5

Ka ra na mai tiko na kai tani me ra vakania na nomudou qele ni sipi; ia na luvedra na vulagi era na cakava na nomudou were, ka samaka na nomudou veivaivaini.

Jeremaia 10:11

Mo dou kaya vei ira vakaoqo, A kalou, era sa sega ni bulia na lomalagi kei na vuravura, era na rusa tani yani mai na dela i vuravura, ka mai na ruku i lomalagi talega.

Jeremaia 10:15

Sa ka lasu ga oqori, na cakacaka dauveivakalialiai: e na gauna era cudruvi kina era na rusa.

Jeremaia 25:19

ko Fero na tui Ijipita, kei ira na nona tamata turaga, kei ira na kena turaga, kei ira kecega na nona tamata;

Jeremaia 43:13

Ena musuka talega na duru vatu i Peci-semesi, mai na vanua ko Ijipita; ia ena vakama ko koya na nodra bure kalou na kai Ijipita.

Jeremaia 46:25

Sa kaya ko Jiova ni lewe vuqa, na nodra Kalou na Isireli; Raica, au na cudruvi Amoni nei No, kei Fero, kei Ijipita, kei ira na nodra kalou, kei na nodra tui: io ko Fero kei ira kecega era vakararavi vua:

Jeremaia 48:7

Ni ko sa vakararavi ki na nomu cakacaka kei na nomu i yau, ko na vakabobulataki talega; ena lako tani ko Kimosi ni sa vakabobulataki: ko ira vata na nona bete kei ira na nona turaga.

Jeremaia 49:27

Ia ka'u na vakawaqaca na buka e na bai ni Tamasiko, ena katia na veivale vakaturaga mai Peni-etati.

Jeremaia 50:2

Dou tukuna e na veimatanitu, ka vakarogoya, ka vakarewataka na kuila; dou vakarogoya, kakua ni vunia; dou kaya, Sa kabai ko Papiloni, sa taqaya ko Peli, sa ramusu sara ko Merotaki; sa taqaya na nona kalou lasu, sa ramusu sara na nona matakau.

Jeremaia 51:44

Ia ka'u na cudruvi Peli mai Papiloni, ka kauta tani tale mai na gusuna na ka sa tiloma: ka ra na sega ni drodro vata tale vei koya na lewe ni veivanua: io na bai kei Papiloni ena bale.

Isikeli 29:11

Ena sega ni lako voli kina e dua na yava ni tamata, se dua na yava ni manumanu, ena sega talega ni tawa ka yabaki vasagavulu.

Isikeli 29:19

o koya oqo sa kaya kina na Turaga ko Jiova; Raica, au na solia vei Nepukanesa na tui Papiloni na vanua ko Ijipita me kenai sau; ia ena kauta ko koya na kena lewe vuqa, ka tokitaka na kenai toki ni valu, ka kovea na kenai yau; ia oqori sa na kedrai sau na nonai valu.

Isikeli 30:13

Sa kaya vakaoqo na Turaga ko Jiova; Au na vakarusa talega na matakau, ka muduka tani na nodra veika lasu mai Nofi: ia ena sega tale e dua na tui ni vanua ko Ijipita: au na vakatubura talega na rere e na vanua ko Ijipita.

Taniela 11:8

ia ena kauta talega vakabobula ko koya ki Ijipita na nodra kalou, kei na nodra turaga, ena kauta talega na nodra i yaya talei e siliva ka koula, ka na tiko ko koya ka na vuqa na nona yabaki ka lailai na nona yabaki na tui ni tokalau.

Sefanaia 2:11

Sa na daurerevaki vei ira ko Jiova, ni na vakawaletaki ira kecega na kalou kei vuravura; ka ra na dui cuva vua ko ira na tamata yadua mai na nona yasana, io, na lewe ni veiyanuyanu kecega e na veimatanitu.

Roma 13:12

Sa vakarau oti na bogi, a sa voleka na siga: o koya me da qai luvata tani nai valavala ni butobuto, ka me da vakaiyaragi tu e na rarama.

Efeso 4:24

ka mo dou vakaisulu e na tamata vou, o koya sa caka me vaka na Kalou e na yalododonu kei na yalosavasava ni dina.

Efeso 6:11

Dou vakaiyaragi e nai yaragi kecega ni Kalou mo dou tu dei rawa ka vorata nai lawaki ni tevoro.

Kolosa 3:12

O koya mo dou qai vakaisulu me vaka dou sa nona digitaki na Kalou, oi kemudou sa yalosavasava ka daulomani, e na yalo dauloloma, e na yalovinaka, e na yalomalumalumu, e na yalomalua, e na dauvosota vakadede:

Kolosa 3:14

Ia me liu e na ka kecega oqo na dauloloma, o koya sai vau vinaka sara.