Jeremaia 42:4 - Vakavakadewa Makawa

⁴ Sa qai kaya vei ira ko Jeremaia na parofita, Au sa rogoci kemudou; raica, au na vakamasuti Jiova na nomudou Kalou me vaka na nomudou vosa; ia ka'u na tukuna yani vei kemudou na ka kecega ena kaya mai ko Jiova vei kemudou; au na sega ni vunia e dua na ka maivei kemudou.

Ai Vola Tabu (Vakadewa Makawa Vakavoutaki 2021)

⁴ Sa qai kaya vei ira ko Jeremaia na parofita, “Au sa rogoci kemudou; raica, au na vakamasuti Jiova na nomudou Kalou me vaka na nomudou vosa; ia ka'u na tukuna yani vei kemudou na ka kecega ena kaya mai ko Jiova vei kemudou; au na sega ni vunia e dua na ka mai vei kemudou.”

AI VOLA TABU

⁴ A sa kaya vei ira ko Jeremaia na parofita, Au sa rogoci kemudou; raica, au na masuti Jiova na nomudou Kalou me vaka na nomudou vosa; ia ena yaco, na ka kece ena kaya mai ko Jiova vei kemudou, kaʼu na tukuna ga vei kemudou; au na sega ni maninitaka e dua na ka maivei kemudou.

Vakavakadewa Vou kei na iVola tale eso

⁴ Ia a qai kaya vei ira o Jeremaia na parofita, “Sa vinaka, au sa na masu vei Jiova na noda Kalou me vaka o ni kerea, ka'u na mai tukuna vei kemuni na ka kece sara e kaya. Au na sega ni vunia e dua na ka vei kemuni.”

Ai Vola Tabu Ena Vakavakadewa Vou

⁴ Ia a qai kaya vei ira o Jeremaia na parofita, “Sa vinaka, au sa na masu vei Jiova na noda Kalou me vaka o ni kerea, ka'u na mai tukuna vei kemuni na ka kece sara e kaya. Au na sega ni vunia e dua na ka vei kemuni.”

Jeremaia 42:4 Iomraidhean Croise

NA SAME 40:10

Au a sega ni vunia e lomaqu na nomuni veivakadonui; Au a tukuna ga na nomuni dina kei na nomuni veivakabulai: Au a sega ni vunia na nomuni yalololoma kei na nomuni dina maivei ira nai soqosoqo levu.

Lako Yani 8:29

A sa kaya ko Mosese, Raica, ka'u sa lako tani vei kemuni, ia ka'u na vakamasuti Jiova me lako tani na yavusa lago vei Fero, vei ira era qaravi koya, kei ira na nona tamata, e na mataka: ia me kakua ni lasu tale ko Fero, ni sa sega ni laivi ira na tamata me ra la'ki vakacaboi soro vei Jiova.

Jeremaia 23:28

A parofita sa tu vua e dua na tadra, me tukuna ga na nona tadra; ia ko koya sa tu vua na noqu vosa, me tukuna dina ga na noqu vosa. E tautauvata li na qana kei na witi? sa kaya ko Jiova.

Jeremaia 23:35

Sa vaka ga oqo mo dou dui kaya vua na kai nona, vua talega na tacina, A cava sa kaya ko Jiova? ia, A cava sa vosataka ko Jiova?

Jeremaia 26:2

Sa kaya ko Jiova; Mo tu e na rara vakabai ni vale i Jiova, ka vosataka ki na veikoro kecega e Juta, era sa lako mai me ra soro e na vale i Jiova, na vosa kecega ka'u sa vakarota vei iko mo vosataka vei ira; kakua ni ko vunia e dua na vosa:

Isikeli 2:7

Ia mo tukuna ga vei ira na noqu vosa, se ra na vakarorogo, se ra na kakua: ni ra sa dautalaidredre vakalevu.

Cakacaka 20:20

ni ka’u a sega ni rere me’u kua kina ni tukuna e dua na ka sa yaga vei kemudou, ka’u vakavulici kemudou, ni dou sa soqoni vata, e na veivale talega,

Cakacaka 20:27

ni’u sa sega ni rere ni tukuna vei kemudou na loma ni Kalou taucoko.

Roma 10:1

O kemudou na veiwekani, au sa gadreva e na vu ni yaloqu, au sa masu talega vua na Kalou e na vukudra na Isireli, me ra bula.

1 Samuela 12:23

Ia koi au, me'u kakua sara ni cala vei Jiova ni ka'u sa cegu ni masulaki kemuni: ia ka'u na vakavulici kemuni e nai valavala vinaka ka dodonu: