Jeremaia 42:2 - Vakavakadewa Makawa

² a ra sa kaya vei Jeremaia na parofita, Me vinaka mada na neimami vakamamasu e matamu, ia mo masulaki keimami vei Jiova na nomu Kalou, io koi keimami kecega oqo sa vo tiko; (ni ko sa raici keimami ka lewe lailai sa vo vei ira na lewe vuqa:)

Ai Vola Tabu (Vakadewa Makawa Vakavoutaki 2021)

² a ra sa kaya vei Jeremaia na parofita, “Me vinaka mada na neimami vakamamasu e matamu, ia mo masulaki keimami vei Jiova na nomu Kalou—koi keimami kecega oqo sa vo tiko. Keimami sa lewe lailai ga sa vo vei ira na lewe vuqa, me vaka sa raica oqo na matamu.

AI VOLA TABU

² a ra sa kaya vei Jeremaia na parofita, Me donu mada na neimami vakamamasu e matamu, ia mo ia na veimasulaki e na vuku i keimami vei Jiova na nomu Kalou, io e na vuku i keimami kece o qo sa vo tiko; (ni keimami sa kena vo lailai ni lewe vuqa, me vaka ni sa raici keimami na matamu:)

Vakavakadewa Vou kei na iVola tale eso

² ka kaya vua, “Ni yalo vinaka mo ni vakayacora na ka keimami kerea. Mo masu mada vua na Kalou ena vuku i keimami. Ni masulaki keimami kece na vo-ni-bula sa tu oqo. Keimami a lewe levu, ia o sa rawa ni raica ni keimami sa qai vo ga oqo e lewe vica.

Ai Vola Tabu Ena Vakavakadewa Vou

² ka kaya vua, “Ni yalo vinaka mo ni vakayacora na ka keimami kerea. Mo masu mada vua na Kalou ena vuku i keimami. Ni masulaki keimami kece na vo-ni-bula sa tu oqo. Keimami a lewe levu, ia o sa rawa ni raica ni keimami sa qai vo ga oqo e lewe vica.

Jeremaia 42:2 Iomraidhean Croise

1 Tui 13:6

A sa vosa na tui, ka kaya vua na tamata ni Kalou, Mo vakamasuti Jiova mada na nomu Kalou, ka masulaki au, ka me'u loki tale mai vei au na ligaqu. A sa vakamasuti Jiova na tamata ni Kalou, a sa lokia tale vei koya na ligana na tui, ka sa yaco me vaka eliu.

NA SAME 119:170

Me lako cake kivei kemuni na noqu vakamamasu: Mo ni vakabulai au me vaka na nomuni vosa.

Lako Yani 8:28

A sa kaya ko Fero, Au na laivi kemudou mo dou lako me vakacaboi soro vei Jiova na nomudou Kalou e na lekutu: ia dou na kakua ga ni lako vakayawa: drau masulaki au.

Lako Yani 9:28

mo vakamasuti Jiova, me kakua tale na kurukuru maivei koya na Kalou, se na uca-cevata, ni sa qai levu; ia ka'u na qai laivi kemuni mo ni lako, ia kemuni na sega ni tiko tale.

Aisea 1:15

Ia ni dou sa dodoka mai na ligamudou, Ka'u na tabonaka na mataqu maivei kemudou: io, ni dou sa masu vakavuqa, ka'u na sega ni rogoca: a ligamudou sa lomoci e na dra.

Aisea 1:9

Kevaka sa sega ni lewa ko Jiova ni lewe vuqa me vo tiko e le vica vei keda, eda sa qai vakataki Sotoma, eda sa qai vakataki Komora.

Aisea 37:4

Ena rogoca beka ko Jiova na nomu Kalou na vosa kecega i Rapisake, ko koya sa tala mai ko tui Asiria na nona turaga me vosavakacacataka na Kalou bula: ka na sauma na vosa sa rogoca ko Jiova na nomu Kalou: o koya mo qai masu kina e na vukudra na lewe lailai era vo tiko.

Aisea 42:20

Sa levu na ka ko sa raica, ka sa sega ni ko vakasama kina; sa basu na daligana, ia ka sa sega ni rogoca ko koya.

Jeremaia 15:11

Sa kaya ko Jiova, E dina, na vo ni nomu bula ena vinaka ga; e dina, ka'u na vakauqeti ira na meca me ra caka vinaka vei iko e na gauna ni ca kei na gauna ni rarawa.

Jeremaia 2:27

ni ra kaya ki na kau, Ko iko na tamaqu; ki na vatu talega, Ko iko ko a vakasucumi au: ka ni ra sa vakanadaku vei au, ka sega ni vakanamata mai: ia e na gauna ni nodra rarawa era na kaya, Mo ni tu cake mai, ka vakabulai keimami.

Jeremaia 21:2

Mo tarogi Jiova mada e na vukuda, ni sa mai veivaluti kei keda ko Nepukatiresa na tui Papiloni, de sa na cakacaka beka mai vei keda ko Jiova me vaka na nona cakacaka vakurabui kecega, me sa lako tani mada ga kina vei keda ko koya.

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Jeremaia 37:20

Ia oqo mo ni rogoca mada, noqu turaga na tui: me vakabau mada na noqu vakamamasu; ka mo ni kakua ni vakasukai au tale ki na vale i Jonacani na vunivola, de'u mate kina.

Jeremaia 37:3

Ia ko Setekaia na tui sa talai Jiukali na luve i Selemaia kei Sefanaia na luve i Meesea na bete vei Jeremaia na parofita, me kaya, Mo masulaki keda mada vei Jiova na noda Kalou.

Jeremaia 38:14

A sa talaki ko Setekaia na tui, ka kauti Jeremaia na parofita vua ki nai katolu ni curucuru ki na vale i Jiova: a sa kaya vei Jeremaia ko koya na tui, Au na taroga vei iko e dua na ka; ka mo kakua ni vunia vei au e dua na ka.

Jeremaia 40:15

Ia ko Joenani na luve i Karea sa qai kaya lo vei Kitalaia e Misipa, Me'u lako mada, me'u vakamatei Isimeli na luve i Necanaia, ia ena sega ni kila e dua na tamata: a cava me vakamatei iko kina ko koya, me ra veiseyaki kina na kai Juta era sa soqoni mai vei iko, ka rusa na kena vo ni Juta?

Jeremaia 42:20

Ni dou sa sega ni lomadina, ni dou sa talai au vei Jiova na nomudou Kalou, ka kaya, Mo masulaki keimami vei Jiova na noda Kalou; ia na ka kece ena kaya ko Jiova na noda Kalou, mo tukuna vei keimami, ia keimami na qai cakava vakakina.

Lele i Jeremaia 1:1

Isa na kena tiko duadua na koro, ka oso e na tamata! Na kena yaco me tautauvata kei na yada! Ko koya ka levu cake vei ira na veimatanitu, ka marama e na veivanua, Sa qai yaco me koro qali!

Isikeli 12:16

Ia ka'u na vakavoca vei ira e lewe vica na tamata mai nai seleiwau, kei na dausiga, kei na mate dauveiveitauvi; me ra tukuna na nodra i valavala vakasisila kecega ki na veimatanitu era na dui yaco kina; ka ra na kila ni sai au ko Jiova.

Osea 8:10

Ia ke ra sa tautauri vei ira na veimatanitu eso, ka'u na qai vakasoqoni ira ka ra na rarawa vakalailai mada, e na vuku ni colacola bibi vua na nodra tui na turaga.

Vunau ni Soro 26:22

Ia ka'u na vakatala na manumanu tawa lasa ki na kemudou maliwa, a ra na butakoca na luvemudou, ka vakamatea na nomudou manumanu e yavai va, ka vakalewelailaitaki kemudou; ia ena sega ni lakovi na nomudou veisalatu.

Emosi 7:2

Ia ni ra sa kania oti na co ni vanua, au a qai kaya, Kemuni na Turaga Jiova, au masuti kemuni mo ni loloma mada mai, ena tu rawa vakaevei ko Jekope? ni sa lailai ko koya.

Maciu 24:22

Ia kevaka ena sega ni vakalekalekataki na gauna ko ya, ena sega na tamata me bula rawa: ia e na vukudra na digitaki ena vakalekalekataki na gauna ko ya.

Cakacaka 8:24

Sa qai vosa ko Saimoni, ka kaya, Drau masulaki au vua na Turaga, me kakua ni yaco vei au e dua na ka drau sa vosa kina.

Vakarua 28:62

Ia kemuni ka vo tiko ena lewe lailai, ia eliu kemuni sa vaka na veikalokalo ni lomalagi e na kemuni lewe vuqa; ni kemuni a bese ni vakarorogo ki na vosa i Jiova na nomuni Kalou.

Vakarua 28:63

Ia me vaka ka rekitaki kemuni eliu ko Jiova me caka vinaka vei kemuni, ka me vakalewevuqataki kemuni; ena qai reki vakakina ko Jiova me vakarusai kemuni, ka vakawabokotaki kemuni; ia kemuni na cavuraki tani mai na vanua ko ni sa lako kina mo ni taukena.

Vakarua 4:27

Ena vakasevi kemuni voli ko Jiova ki na veimatanitu, ia kemuni na le vica walega e vo e na kedra maliwa na veimatanitu sa kauti kemuni yani kina ko Jiova:

Jemesa 5:16

Dou dui veivakatusa na nomudou i valavala ca, ka veimasulaki, mo dou vakabulai kina. Sa yaga vakalevu na nona masu gumatua na tamata yalododonu.

1 Samuela 12:19

A ra sa kaya vei Samuela ko ira kecega na tamata, Mo masulaki keimami na nomu tamata vei Jiova na nomu Kalou, me keimami kakua ni mate: ni keimami sa kuria na neimami valavala ca kecega e na ca oqo, ni keimami sa kerea e dua na neimami tui.

1 Samuela 12:23

Ia koi au, me'u kakua sara ni cala vei Jiova ni ka'u sa cegu ni masulaki kemuni: ia ka'u na vakavulici kemuni e nai valavala vinaka ka dodonu:

1 Samuela 7:8

A sa kaya vei Samuela ko ira na Isireli, Mo kakua ni cegu ni tagi vei Jiova na noda Kalou e na vukuda, me vakabulai keda mai vei ira na kai Filisitia.