Jeremaia 42:18 - Vakavakadewa Makawa

¹⁸ Ni sa kaya vakaoqo ko Jiova ni lewe vuqa, na nodra Kalou na Isireli; Me vaka sa sovaraki na noqu cudru kei na noqu lesa vei ira na kai Jerusalemi; ena sovaraki vakakina na noqu cudru vei kemudou, ni dou sa yaco ki Ijipita: ia dou na vatonaki, ka vakurabuitaki, ka vosavosacati, ka vakalialiai; ia dou na sega ni raica tale na yasana oqo.

Ai Vola Tabu (Vakadewa Makawa Vakavoutaki 2021)

¹⁸ “Ni sa kaya vakaoqo ko Jiova-ni-lewevuqa, na nodra Kalou na Isireli; Me vaka sa sovaraki na noqu cudru kei na noqu lesa vei ira na kai Jerusalemi; ena sovaraki vakakina na noqu cudru vei kemudou, ni dou sa yaco ki Ijipita. Ia dou na vatonaki, ka vakurabuitaki, ka vosavosacati, ka vakalialiai; ia dou na sega ni raica tale na yasana oqo.

AI VOLA TABU

¹⁸ Ni sa vosa vakaoqo ko Jiova ni lewe vuqa, na Kalou nei Isireli; Me vaka ni sa sovaraki na noqu cudru kei na noqu lesa vei ira na kai Jerusalemi; ena sovaraki vakakina na noqu cudru vei kemudou, ni dou sa yaco ki Ijipita: ia dou na rukaki, ka kidacalataki, ka vosavosacati, ka vakalialiai; ia dou na sega ni raica tale na yasana o qo.

Vakavakadewa Vou kei na iVola tale eso

¹⁸ A sa kaya o Jiova na nodra Kalou na Isireli, “Ena sovaraki na noqu cudru kei na noqu rarawa kevaka o ni na lako ki Ijipita, me vaka na kena sovaraki na noqu cudru kei na noqu rarawa vei ira na tamata mai Jerusalemi. Ena veivakurabuitaki na kemuni rarai; era na vakalialiai kemuni na tamata ka vakayagataka na yacamuni me vaka e dua na ka veivakamaduataki. O ni na sega tale ni raica na vanua oqo.”

Ai Vola Tabu Ena Vakavakadewa Vou

¹⁸ A sa kaya ko Jiova na nodra Kalou na Isireli, “Ena sovaraki na noqu cudru kei na noqu rarawa kevaka o ni na lako ki Ijipita, me vaka na kena sovaraki na noqu cudru kei na noqu rarawa vei ira na tamata mai Jerusalemi. Ena vakadomobula na kemuni i rairai; era na vakalialiai kemuni na tamata ka vakayagataka na yacamuni me vaka e dua na ka veivakamaduataki. O ni na sega tale ni raica na vanua oqo.”

Jeremaia 42:18 Iomraidhean Croise

2 Veigauna 34:25

ni ra sa biuti au, ka vakama na ka boi vinaka vei ira na kalou tani, me ra vakacudrui au e na cakacaka kecega ni ligadra; e na vuku ni ka oqo, ena sovaraki kina na noqu cudru ki na koro oqo, ka na sega ni bokoci.

Aisea 30:3

Ia na kaukauwa i Fero ena yaco me ka dou na madua kina, kei na vakararavi ki na yaloyalo i Ijipita me ka dou na rogo ca kina.

Aisea 65:15

Ia na yacamudou sa na tiko ga me sa cavuti ni sa ia na veivatonaki vei ira ka'u sa digitaka, ia na Turaga ko Jiova ena vakamatei iko, ka vakayacani ira na nona tamata e na dua na yaca tani:

Jeremaia 18:16

me ra vakavuna na kena vakalalataki na nodra vanua, ka me vakasiusiutaki ka sega ni mudu; ko ira kece era lako voli yani era na kidacalataka, ka kurea na uludra.

Jeremaia 22:27

Ia erau na sega ni lesu yani ki na vanua era sa domona tiko.

Jeremaia 23:40

ia ka'u na vakayacora vei kemudou na veivakalialiai sa sega ni mudu, kei na madua sa sega ni mudu, ena sega ni guileca.

Jeremaia 24:9

ia ka'u na soli ira me ra kau tani me ra ca kina, ki na veimatanitu kecega kei vuravura, me ra vakalialiai, ka vakaiboletaki, ka veiwalitaki, ka vosavosacati, e na veiyasana kecega ka'u na dui vakasevi ira kina:

Jeremaia 25:9

raica, au na talaki ka kauti ira kecega na veimataqali mai na mata ni tokalau, kei Nepukanesa na tui Papiloni na noqu tamata, sa kaya ko Jiova, ia ka'u na kauti ira vakaivalu mai ki na vanua oqo, kei na lewena, kei na veimatanitu kecega oqo sa tiko vakavolivolita, ia ka'u na vakarusai ira sara, ka cakavi ira me ra vakurabuitaki, ka vakasiusiutaki, ka me vanua rusa ka sega ni mudu.

Jeremaia 26:6

ka'u na qai cakava na vale oqo me vakataki Sailo, ia na koro oqo ka'u na cakava me ka e vosavosacati vei ira na veimatanitu e vuravura.

Jeremaia 29:18

Ia ka'u na vakacacani ira e nai seleiwau, kei na viakana, kei na mate dauveiveitauvi, ka soli ira me ra kau tani ki na veimatanitu e vuravura; me ra vosavosacati, ka vakurabuitaki, ka vakasiusiutaki, ka vakalialiai, e na veivanua kecega ka'u sa dui vakasevi ira kina:

Jeremaia 29:22

ia ko ira kece na Juta era vakabobulataki mai Papiloni, era na vatonaki rau, ka vaka, Me cakavi iko ko Jiova mo tautauvata kei Setekaia ka tautauvata kei Eapi, sa vakamai rau ko tui Papiloni e na bukawaqa;

Jeremaia 33:5

Era sa curu yani me veivaluti kei ira na kai Kalitia, ka me ra vakasinaita na veivale oqo e na yago ni tamata sa mate, ko ira ka'u sa vakamatea e na noqu cudru kei na noqu lesa, ka e na vuku ni nodra i valavala ca kecega ka'u sa vunia kina na mataqu mai na koro oqo.

Jeremaia 44:12

Ia ka'u na kauta na kena vo ni Juta, era sa gu sara me ra lako ki na vanua ko Ijipita me tiko vulagi kina, a ra na oti kece e na vanua ko Ijipita; ka bale e nai seleiwau kei na viakana: io ko ira na tamata wale kei ira talega na turaga era na mate e nai seleiwau kei na viakana: a ra na vatonaki, ka vakurabuitaki, ka vosavosacati, ka vakalialiai.

Jeremaia 44:22

Ia sa dredre ni vosota ko Jiova, e na vuku ni ca ni nomudou i valavala, kei na ka vakasisila dou sa cakava; ka sa lala kina na nomudou vanua, ka sa kurabuitaki, ka sa vosavosacati, ka sega e tiko kina, me vaka e na siga oqo.

Jeremaia 44:6

Ka sa sovaraki kina na noqu cudru kei na noqu lesa, a sa waqa e na veikoro vaka-Juta kei na sala ni koro ko Jerusalemi; ka sa rusa mai kina ka lala, me vaka e na siga oqo.

Jeremaia 44:8

ni dou sa vakacudrui au e na cakacaka ni ligamudou, ni dou sa vakama nai madrali boi vinaka vei ira na kalou tani e na vanua ko Ijipita, dou sa mai tiko kina, mo dou muduki kemudou tani, mo dou vosavosacati, ka vakalialiai e na veivanua kece e vuravura?

Jeremaia 6:11

Ia ka'u sa sinai kina e na cudru i Jiova: ka'u sa oca ni vosota: ka'u na sova yani vei ira na gone e taudaku, vei ira vata kei na nodra i soqosoqo na cauravou: ni na tauri vata na tagane kei na watina, na qase kei koya sa vuqa na nona siga.

Jeremaia 7:20

O koya sa kaya kina na Turaga ko Jiova; Raica, na noqu cudru, ia na noqu cudru waqawaqa ena sova yani ki na yasana oqo, ki na tamata, kei na manumanu, kei na kau ni vanua, kei na vuata ni vanua; ia ena kama, ka sega ni bokoci.

Lele i Jeremaia 2:4

Sa loqata ko koya na nona dakai me vaka e dua na meca: Sa tu mai ko koya ka sa dodo tu na ligana i matau me vaka e dua na dauvakacaca, A sa vakamatei ira kece era rairai vinaka e matada, Sa sovaraka na nona cudru me vaka na bukawaqa e na nona vale na goneyalewa ni Saioni:

Lele i Jeremaia 2:6

A sa vakacacana na nona vale me vaka sa dua na were, Sa vakarusa na nona vale ni soqosoqo tabu: Sa cakava ko Jiova na so levu kei na siga tabu me guileca mai Saioni, Ia ni sa katakata sara na nona cudru, sa beci rau na tui kei na bete.

Lele i Jeremaia 4:11

Sa vakayacora ko Jiova na nona cudru; sa sovaraka na nona cudru katakata, A sa vakawaqaca na buka mai Saioni, ka sa kania na kena yavu.

Isikeli 20:34

ia ka'u na kauti kemudou tani mai na veimataqali, ka vakasoqoni kemudou mai na veivanua dou sa dui vakasevi kina, e na ligaqu kaukauwa, kei na ligaqu sa dodo yani, kei na cudru sa sovaraki.

Isikeli 22:22

Me vaka sa vakawaicalataki na siliva e na loma ni lovo, dou na vakawaicalataki vakakina; ia dou na kila ni sai au ko Jiova ka sovaraka na noqu cudru vei kemudou.

Taniela 9:11

Ia ko ira kece na Isireli era sa talaidredre ga ki na nomuni vunau, ni ra sa gole tani, me ra kakua ni vakarorogo ki na nomuni vosa; o koya oqo sa sovaraki kina vei keimami na cudru kei na vosa ni bubului sa volai e na vunau i Mosese nai talatala ni Kalou, ni keimami sai valavala ca vua.

Taniela 9:27

Ia ena vakadeitaka ko koya na veiyalayalati kei ira e lewe vuqa ka me dua na kena wiki: ia e na veimama ni wiki, ena vakaotia ko koya nai soro kei nai madrali, ia e na taba ni tikina tabu ena tu kina na ka vakasisila sa dauveivakarusai, io, me yacova nai vakataotioti, ia na ka sa lesi ena sovaraki vua na dauveivakarusai.

Osea 7:16

Era lesu, ka segai vua sa Cecere sara: era sa vaka na dakai daulasu: ena bale e nai seleiwau ko ira na nodra turaga e na vuku ni cudru ni yamedra: a ka oqo era na vakalialiai kina e na vanua ko Ijipita.

Neumi 1:6

Ko cei me tiko rawa e na mata ni nona cudru? ia ko cei me vosota rawa ni sa waqawaqa na nona cudru? a nona cudru sa sovaraki yani me vaka na bukawaqa, ia na uluvatu sa talaraka sobu ko koya.

Sakaraia 8:13

Ia ena yaco, me vaka dou a vu ni veivakarusai vei ira na veimatanitu, oi kemudou na mataqali i Juta, kei na mataqali i Isireli; au na vakabulai kemudou, ka dou na yaco vaka talega kina, mo dou vu ni veivakalougatataki; dou kakua ni rere, me kaukauwa ga na ligamudou.

Tiko mai na Lekutu 5:27

Ia ni sa vagunuvi koya oti e na wai ko koya, ena qai yaco, kevaka sa vakadukadukalitaki ko koya, ka sa caka cala vua na watina, ena qai curumi koya na wai sai yacoyaco ni cudru, ka na gaga mai, ka na vuvuce kina na ketena, ka na vuca na sagana: ena qai daucavuti na yalewa ni sa veivatonaki vei ira na kai nona.

Vakatakila 14:10

ena gunuva ko koya na waini ni cudru ni Kalou, o koya sa sovaraki ka sega ni vakawai ki na bilo ni nona cudru; ena vakararawataki vakalevu talega e na bukawaqa kei na sulifure e na matadra na agilose yalosavasava, kei na mata ni Lami: