Jeremaia 41:1 - Vakavakadewa Makawa

¹ Ia e nai kavitu ni vula, sa qai lako mai ko Isimeli na luve i Necanaia na luve i Ilisama, e na kawa ni tui, kei ira na nona tamata turaga na tui, kei ira vata kaya e lewe tini na tamata kivei Kitalaia na luve i Eaikami ki Misipa; ka ra sa kana madrai vata mai Misipa.

Ai Vola Tabu (Vakadewa Makawa Vakavoutaki 2021)

¹ Ia e nai kavitu ni vula, sa qai lako mai ko Isimeli na luve i Necanaia na luve i Ilisama, e na kawa ni tui, kei ira na nona tamata turaga na tui, kei ira vata kaya e lewe tini na tamata kivei Kitalaia na luve i Eaikami ki Misipa; ka ra sa kana madrai vata mai Misipa.

AI VOLA TABU

¹ A SA yaco e nai kavitu ni vula, sa qai lako mai ko Isimeeli na luve i Nicaniya na luve i Ilisama, e na kawa ni tui, kei ira na kena turaga na tui, io ko ira vata na tamata e lewe tini, vei Kitaliya na luve i Eiikami ki Misipa; a ra sa kania vata maikea na madrai mai Misipa.

Vakavakadewa Vou kei na iVola tale eso

¹ Ena i kavitu ni vula, a qai lako ki Misipa o Isimeli na luve i Necanaia na makubui Elisama, e dua na kawa ni tui, vata kei na lewe tini na tamata me ratou raici Ketalaia. Ena gauna era kana vata kece tiko kina mai Misipa,

Ai Vola Tabu Ena Vakavakadewa Vou

¹ Ena i kavitu ni vula, a qai lako ki Misipa o Isimeli na luve i Necanaia na makubui Elisama, e dua na kawa ni tui, vata kei na lewe tini na tamata me ratou raici Ketalaia. Ena gauna era kana vata kece tiko kina mai Misipa,

Jeremaia 41:1 Iomraidhean Croise

2 Samuela 3:27

Ia ni sa lesu mai ki Epironi ko Apineri, sa kauti koya vakatikitiki ki na matamata-ni-koro ko Joapi, me vosa lo vua, a sa cokai koya maikea e na ketena, ai sau ni dra i Asaeli na tacina, a sa mate kina ko koya.

2 Tui 11:1

Ia ko Acalaia na tina i Easaia ni sa raica, sa mate na luvena, sa ia ko koya, ka vakawabokotaka kecega na kawa ni tui.

2 Tui 25:22

Ia ko ira na tamata era vo tiko e na vanua ko Juta, o ira ka laiva ko Nepukanesa na tui Papiloni, sa lesi Kitalaia na luve i Eaikami na luve i Safani ko koya, me turaga vei ira.

2 Tui 25:25

Ia e na kenai kavitu ni vula sa lako ko Isimeli na luve i Necanaia na luve i Ilisama, e dua vei ira na kawa ni tui, kei iratou vata kaya e lewe tini na tamata, a ratou sa mokuti Kitalaia, a sa mate kina, kei ira talega na kai Juta kei ira na kai Kalitia era tiko vata kaya mai Misipa.

2 Veigauna 22:10

Ia ni sa raica ko Acalaia na tina i Easaia ni sa mate na luvena, sa ia ko koya ka vakamatea kecega na kawa ni tui e na nodra mataqali na Juta.

NA SAME 109:5

Era sa caka ca vei au mei sau ni ka vinaka, Ka ra cati au mei sau ni noqu loloma.

NA SAME 41:9

Io, ko koya sa noqu i tau vakaidina, au vakararavi vua, o koya sa kania na noqu madrai, Sa laqeti au e na bukubuku ni yavana.

Vosavakaibalebale 13:10

A yaloviavialevu ga sa tubu kina na veileti: Ia ko ira sa vakavulici vinaka sa nodra ga na vuku.

Vosavakaibalebale 27:4

Sa lecava na loloma na daucudru, ka sa vaka na waluvu na cudru waqawaqa; Ia ko cei me tiko rawa e na mata i koya na dauvuvu?

Jeremaia 36:12

sa lako sobu ko koya ki na vale ni tui, ki na nona tikina na vunivola: ka raica, sa tiko maikea ko ira kece na turaga, ko Ilisama na vunivola, kei Tilaia na luve i Semaia, kei Elinecani na luve i Akipori, kei Kimaraia na luve i Safani, kei Setekaia na luve i Enanaia, kei ira kece na turaga.

Jeremaia 36:20

Ka ra sa la'ki curu yani vua na tui ki na lomanibai, ia nai vola vivigi era sa maroroya e na tiki ni vale e cake nei Ilisama na vunivola, a ra sa tukuna e daligana na tui na vosa kecega oqori.

Jeremaia 39:14

io era sa talaki, ka kauti Jeremaia mai na lomanibai ni vale ni veivesu, ka soli koya vei Kitalaia na luve i Eaikami, na luve i Safani, me kauti koya ki na nona vale: ka sa tiko vata ga ko koya kei ira na tamata.

Jeremaia 40:13

Ia ko Joenani na luve i Karea, kei ira kece na kapiteni ni valu mai colo, era sa lako mai kivei Kitalaia ki Misipa,

Jeremaia 40:5

Ia ni sa sega ni lako ko koya, sa kaya vua, Ia mo lesu tale yani vei Kitalaia na luve i Eaikami na luve i Safani, ko koya sa lesia ko tui Papiloni me lewa na veikoro vaka-Juta, mo dou tiko vata kaya kei ira na tamata: se dua na tikina tani ko vinakata mo lako kina, mo lako ga kina. A sa solia vua na kapiteni ni valu i vakatawa e dua na kakana kei nai solisoli, ka vakatalai koya yani.

Jeremaia 40:6

A sa lako yani ko Jeremaia vei Kitalaia na luve i Eaikami ki Misipa; ka sa tiko vata kaya kei ira na tamata era vo tiko e na vanua.

Jeremaia 40:7

Ia ni ra sa rogoca ko ira kece na kapiteni ni valu era tiko e vanua, kei na nodra tamata, ni sa lesi Kitalaia na luve i Eaikami ko tui Papiloni me lewa na vanua, ka sa soli ira na tagane, kei na yalewa, kei na gone, kei ira eso na dravudravua ni vanua, era sa sega ni kau tani ki Papiloni, me vakaraica ko koya;

Jeremaia 40:8

era sa qai lako mai vei Kitalaia ki Misipa, io ko Isimeli na luve i Necanaia, kei Joenani kei Jonacani koi rau na luve i Karea, kei Siraia na luve i Tanumeci, kei iratou na luve i Efei na kai Nitofa, kei Jisanaia na luvena e dua na luve i Meeka, ko ira vata kei na nodra tamata.

Isikeli 17:13

ka sa kauta e dua vei ira na kawa ni tui, ka ia na veiyalayalati kaya, ka sa vakabubuluitaki koya: ka sa kauti ira talega na qaqa ni vanua:

Joni 13:18

Au sa sega ni vosataki kemudou kecega: au sa kilai ira kau sa digitaka; ia me vakayacori kina nai Vola Tabu, O koya keirau sa kana madrai vata kaya, sa leqeti au e nai bukubuku-ni-yavana.