Jeremaia 4:7 - Vakavakadewa Makawa

⁷ Sa lako cake mai na kena veikau e dua na laioni, io sa lako tu mai ko koya sa dauvakacacana na veimatanitu; sa lako yani mai na nona yasana me vakalalataka na nomu vanua; na nomu veikoro ena vakalalataki, me sega e dua e tiko kina.

Ai Vola Tabu (Vakadewa Makawa Vakavoutaki 2021)

⁷ Sa lako cake mai na nona i vunivuni e dua na laione, io sa lako tu mai ko koya sa dauvakacacana na veimatanitu; sa lako yani mai na nona yasana me vakalalataka na nomu vanua; na nomu veikoro ena vakalalataki, me sega e dua e tiko kina.

AI VOLA TABU

⁷ Sa lako cake mai na laioni mai na nona veikau, ia ko koya sa dauvakacacana na veimatanitu sa lako tu mai; sa lako cake mai na nona yasana me vakalalataka na nomu vanua; na nomu veikoro ena vakalalataki, me sega e tiko kina.

Vakavakadewa Vou kei na iVola tale eso

⁷ Sa curu mai e dua na laioni Mai na nona i vunivuni; Sa lako mai na dauveivakarusai ni veimatanitu. Sa biuta mai na nona vanua, Me vakarusai Juta vakadua. Ena biu tu me rusa tu na veikoro e Juta, Ka na sega e dua me tawani ira.

Ai Vola Tabu Ena Vakavakadewa Vou

⁷ Sa curu mai e dua na laioni Mai na nona i vunivuni; Sa lako mai na dauveivakarusai ni veimatanitu. Sa biuta mai na nona vanua, Me vakarusai Juta vakadua. Ena biu tu me rusa tu na veikoro e Juta, Ka na sega e dua me tawani ira.

Jeremaia 4:7 Iomraidhean Croise

2 Tui 24:1

E na nona gauna sa lako cake ko Nepukanesa na tui Papiloni, a sa qali vua ko Jioiakimi ka yabaki tolu: sa qai vuki ko koya, ka talaidredre vua.

2 Tui 25:1

Ia e na kenai kaciwa ni yabaki ni nona lewa, e na kenai katini ni vula, e na kenai katini ni siga ni vula, sa lako mai me kabai Jerusalemi ko Nepukanesa, na tui Papiloni, o koya kei ira kece na nonai valu, a ra sa la'ki tiko vakaivalu maikina; ka tara na veivale ni valu me vakavolivolita.

Aisea 1:7

A nomudou vanua sa lala; a nomudou veikoro sa kama e na bukawaqa; ko ira na kai tani era sa kania na nomudou veiwere e na matamudou, a sa lala didi me vaka ni sa dauvukica ko ira na kai tani.

Aisea 5:9

Sa kaya tiko e na daligaqu ko Jiova ni lewe vuqa, E dina ena lala mai na veivale e vuqa, na veivale lelevu ka vinaka, ka me sega e tiko kina.

Aisea 6:11

Au a qai kaya, Kemuni na Turaga, Me cava na kena dede? A sa kaya ko koya, Me lala mada na veikoro me sega na lewena, kei na veivale me sega na tamata e tiko kina, kei na vanua me lala didi,

Jeremaia 2:15

a luve ni laioni era sa tagici koya, era sa tabalaka na domodra, ka vakalalataka na nona vanua: na nona veikoro sa kama, sa sega e tiko kina.

Jeremaia 22:6

Ni sa kaya vakaoqo ko Jiova ki na vale i tui Juta; Ko iko ko sa vakataki Kiliati na ulu i Lepanoni vei au: ia ka'u na lewai iko mo veikau ga, ka mo veikoro sa sega ni tawa.

Jeremaia 22:7

Ia ka'u na lesia eso na kemu dauvakacaca, era sa dui vakaiyaragi: ka ra na taya sobu na nomu sitari vinaka, ka biuta ki na bukawaqa.

Jeremaia 25:38

sa biuta laivi ko koya, me vaka na laioni, na nonai kotokoto: ni sa rusa na nodra vanua e na vuku ni nona yalokatakata na dauvakacaca, e na vuku talega ni nona cudru waqawaqa.

Jeremaia 25:9

raica, au na talaki ka kauti ira kecega na veimataqali mai na mata ni tokalau, kei Nepukanesa na tui Papiloni na noqu tamata, sa kaya ko Jiova, ia ka'u na kauti ira vakaivalu mai ki na vanua oqo, kei na lewena, kei na veimatanitu kecega oqo sa tiko vakavolivolita, ia ka'u na vakarusai ira sara, ka cakavi ira me ra vakurabuitaki, ka vakasiusiutaki, ka me vanua rusa ka sega ni mudu.

Jeremaia 26:9

A cava ko sa ia kina na parofisai e na yaca i Jiova, ka vaka, Ena vakataki Sailo na vale oqo, ia na koro oqo ena lala me sega e tiko kina? A ra sa soqoni vata vakaca vei Jeremaia ko ira na tamata kecega e na vale i Jiova.

Jeremaia 27:8

Ia na vanua kei na matanitu ena bese ni qaravi Nepukanesa na tui Papiloni, ka bese ni vakataqara ki domodra nai vua i tui Papiloni, io na vanua ko ya ka'u na cudruva, sa kaya ko Jiova, e nai seleiwau, kei na viakana, kei na mate dauveiveitauvi, ka me'u vakaoti ira mada e na ligana.

Jeremaia 33:10

Sa kaya vakaoqo ko Jiova; Ena rogoci tale e na yasana oqo, dou sa kaya kina, Sa lala ga ka sega kina na tamata se na manumanu, io e na veikoro vaka-Juta, kei na sala ni koro ko Jerusalemi, sa lala tu ga, ka sega kina na tamata, se na manumanu,

Jeremaia 34:22

Raica, au na vakarota, sa kaya ko Jiova, ka vakalesui ira tale mai ki na koro oqo; ka ra na mai kaba, ka rawa, ka vakama e na bukawaqa; ia na veikoro vaka-Juta ka'u na vakalalataka, me sega e dua e tiko kina.

Jeremaia 4:29

Ena dro na lewe ni koro taucoko e na vuku ni domodra era vodo ose kei na domodra era vakadakai; era na lako ki loma ni veikau, ka kaba cake ki na vatu: ena biu na veikoro kecega, ka na sega e dua na tamata me tiko kina.

Jeremaia 44:2

Sa kaya vakaoqo ko Jiova ni lewe vuqa, na Kalou ni Isireli; Koi kemudou, dou sa raica na ca kece ka'u sa vakayacora ki Jerusalemi, kei na veikoro vaka-Juta kecega; ka raica, sa lala e na siga edaidai, sa sega e tiko kina,

Jeremaia 46:18

Me vaka na dina ni noqu bula, sa kaya na Tui, ko Jiova ni lewa vuqa na yacana, Ni sa vakataki Tepori ni sa tu dina e na maliwa ni veiulu-ni-vanua, ka vakataki Kameli ni sa tu dina e na bati ni waitui, ena lako dina ga mai ko koya.

Jeremaia 49:19

Raica, ena lako cake mai ko koya, me vaka na laioni mai na Joritani ni sa vuabale, ki nai tikotiko i koya sa kaukauwa: ia ka'u na sauriva walega ka vakasevi koya me dro tani maikina: ia ko cei na tamata digitaki me'u lesia me kena turaga? ko cei me sa tautauvata kei au? se ko cei me na lokuca vei au na kena gauna? se ko cei nai vakatawa ko ya ena mai tu e mataqu?

Jeremaia 5:6

O koya oqo ena vakamatei ira e dua na laioni mai veikau, na wolifa ni lekutu ena vakacacani ira, e dua na lepate ena yadrava na nodra veikoro: ko ira kecega era sa lako ki nai bili era na basuraki: ni sa ka levu na nodra talaidredre, ka sa tubu tiko na nodra dauvuki.

Jeremaia 50:17

Ko Isireli na sipi dauvakasavi; ko ira na laioni era sa vakasavi koya: sa liu ko tui Asiria ka sa kani koya; a sa muri ko Nepukanesa na tui Papiloni oqo ka sa musuka na suina.

Jeremaia 50:44

Raica, ena lako cake mai ko koya, me vaka na laioni mai na Joritani ni sa vuabale, ki nai tikotiko i koya sa kaukauwa: ia ka'u na sauriva walega ka vakasevi ira me ra dro tani maikina: ia ko cei na tamata digitaki me'u lesia me kena turaga? ko cei me sa tautauvata kei au? se ko cei me na lokuca vei au na kena gauna? se ko cei nai vakatawa ko ya ena mai tu e mataqu?

Jeremaia 8:16

Sa rogo mai Tani na kedra suru na nona ose: ni sa rogo mai na kedra suru na nona ose kaukauwa, sa sautaninini na vanua taucoko; ni ra sa lako ga mai, ka ra sa kania na vanua, kei na ka kecega sa tu kina; na koro, kei ira era tiko kina.

Jeremaia 9:11

Ia ka'u na qisi Jerusalemi me koro rusa, me qara ni gata lelevu; ia na veikoro vaka-Juta ka'u na vakalalataka, me sega e tiko kina.

Isikeli 12:20

Ia ena lala mai na veikoro sa tawa, ka na rusa na vanua; ia dou na kila ni sai au ko Jiova.

Isikeli 21:31

Ia ka'u na sovaraka vei iko na noqu cudru, ka'u na uvuci iko e na bukawaqa ni noqu cudru, ka soli iko ki na ligadra na dauvakacaca, era daukila na veivakarusai.

Isikeli 32:2

Ko iko na luve ni tamata, mo taurivaka na lele e na vuku i Fero na tui Ijipita, ka kaya vua, O sa tautauvata kei na dua na laioni kaukauwa ki na veimatanitu, ka vaka e dua na tavuto mai na wasawasa: ia ko a lako vata mai kei na nomu uciwai, ka sa vakayavalata na wai e na yavamu, ka vuvuta na nodra uciwai.

Taniela 5:19

ia e na vuku ni ka vakaturaga ka solia vua ko koya, era sa rere kina ka sautaninini vua ko ira kece na tamata, kei na veivanua, kei na dui vosavosa: ko ira sa lewa kina me ra mate era sa vakamatei; kei ira sa lewa kina ko koya me ra bula era sa vakabulai; kei ira sa lomana kina sa vakalevulevuya; kei ira sa lomana kina sa vakasivoya.

Taniela 7:4

A kenai matai sa vaka na laioni, a sa vakatabana vakaikeli: au a raica tiko ni sa vuti mai na lawe ni tabana, a sa vakaduri cake mai na qele, ka sa vakatudonutaki e na yavana me vaka na tamata, ka sa soli vua na yalo ni tamata.

Vunau ni Soro 26:31

Ia ka'u na vakalalataka na nomudou veikoro, ka vakarusa na nomudou veivale tabu, ka'u na sega ni boica na nomudou i madrali boi vinaka.

Vunau ni Soro 26:33

Ia ka'u na vakasesei kemudou ki na veimatanitu, ka ucuna nai seleiwau me muri kemudou: ia na nomudou vanua ena lekutu wale, ka na lala na nomudou veikoro.