Jeremaia 4:4 - Vakavakadewa Makawa

⁴ Dou cilivi kemudou mo dou nei Jiova, ka kauta tani na vuso ni yalomudou, koi kemudou na kai Juta kei na lewe i Jerusalemi: de lako yani me vaka na bukawaqa na noqu cudru, ka waqa me sega e dua e bokoca rawa, e na vuku ni kena ca ni nomudou i valavala.

Ai Vola Tabu (Vakadewa Makawa Vakavoutaki 2021)

⁴ Dou cilivi kemudou mo dou nei Jiova, ka kauta tani na vuso ni yalomudou, koi kemudou na kai Juta kei na lewe i Jerusalemi, de lako yani me vaka na bukawaqa na noqu cudru, ka waqa me sega e dua e bokoca rawa, e na vuku ni kena ca ni nomudou i valavala.”

AI VOLA TABU

⁴ Dou cilivi kemudou me nei Jiova, ka kauta tani na vuso ni yalomudou, oi kemudou na kai Juta kei na lewe ni Jerusalemi: de lako yani me vaka na buka na noqu cudru, ka waqa me sega e dua e bokoca, e na vuku ni kena ca ni nomudoui valavala.

Vakavakadewa Vou kei na iVola tale eso

⁴ Kemuni na tamata mai Juta kei Jerusalemi, ni maroroya na nomuni veiyalayalati kei au, na nomuni Kalou ka vakacabora na yalomuni vei au. De na qai waqa noqu cudru me vaka na buka; me baleta na veika ca o ni sa cakava, ena kama ka na sega e dua me bokoca rawa.

Ai Vola Tabu Ena Vakavakadewa Vou

⁴ Kemuni na tamata mai Juta kei Jerusalemi, ni maroroya na nomuni veiyalayalati kei au, na nomuni Kalou ka vakacabora na yalomuni vei au. De na qai waqa noqu cudru me vaka na buka; me baleta na veika ca o ni sa cakava, ena kama ka na sega e dua me bokoca rawa.

Jeremaia 4:4 Iomraidhean Croise

2 Veigauna 34:25

ni ra sa biuti au, ka vakama na ka boi vinaka vei ira na kalou tani, me ra vakacudrui au e na cakacaka kecega ni ligadra; e na vuku ni ka oqo, ena sovaraki kina na noqu cudru ki na koro oqo, ka na sega ni bokoci.

Aisea 10:17

Ia na nodra rarama na Isireli ena yaco me bukawaqa, kei Koya na nona Yalosavasava me yameyame ni bukawaqa: ena waqa ga ka vakayavuna na nona kau votovotoa kei na nona soni e na siga e dua bauga.

Aisea 30:33

Ni sa vakarautaki mailiu ko Tofeci: io, sa vakarautaki oqori me nona na tui; sa cakava me titobu ka rabailevu; a kenai binibini bukawaqa kei na buka droka sa levu; ai cegu i Jiova me vaka na sulifure sa dave tu, ena tutuvaka.

Aisea 51:17

Mo yadra, mo yadra mai, tu cake, Jerusalemi, ko sa gunuva mai na liga i Jiova na bilo ni nona cudru katakata, ko sa gunuva na kena soko e na bilo e dauveivakamateni, ka lobaka.

Jeremaia 15:14

ia ka'u na vakauti kemudou kei na nomudou meca ki na vanua dou sa sega ni kila: ni sa dua na buka sa tutuvaki e na noqu cudru, ena kati kemudou.

Jeremaia 21:12

koi kemudou na mataqali i Tevita, sa kaya vakaoqo ko Jiova: Dou ia na lewa dodonu e na mataka, ka vakabulai koya sa vakacacani mai na liga i koya sa vakacacana, de lako yani, na noqu cudru me vaka na bukawaqa, ka sa waqa tiko, me sega e dua e bokoca, e na vuku ni kena ca na nomudou i valavala.

Jeremaia 21:5

Ia ka'u na veivala kei kemudou koi au e na ligaqu sa dodo yani, kei na ligaqu kaukauwa, io e na cudru, kei na lesa, kei na cudru levu.

Jeremaia 23:19

Raica, na covulaca rerevaki i Jiova sa lako yani, io na covulaca rarawa: ena lutu vakararawa sara ki na uludra na tamata ca:

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Jeremaia 44:22

Ia sa dredre ni vosota ko Jiova, e na vuku ni ca ni nomudou i valavala, kei na ka vakasisila dou sa cakava; ka sa lala kina na nomudou vanua, ka sa kurabuitaki, ka sa vosavosacati, ka sega e tiko kina, me vaka e na siga oqo.

Jeremaia 9:25

Sa kaya ko Jiova, Raica, ena yaco mai na gauna ka'u na cudruvi ira kece kina era sa cili kei ira sa sega ni cili;

Jeremaia 9:26

ko Ijipita, kei Juta, kei Itomi, kei na kawa i Amoni, kei Moapi, kei ira kece mai na veiyalayala, era sa tiko ga mai na veikau: ni ra sa sega ni cili ko ira na veimatanitu kecega oqori, ia na mataqali kece ni Isireli sa sega ni cili na yalodra.

Lele i Jeremaia 4:11

Sa vakayacora ko Jiova na nona cudru; sa sovaraka na nona cudru katakata, A sa vakawaqaca na buka mai Saioni, ka sa kania na kena yavu.

Isikeli 16:38

Ia ka'u na lewai iko me vaka era lewai ko ira era dautagane ka vakadave dra; ka'u na vakayacora vei iko na dra ni cudru kei na vuvu:

Isikeli 18:31

Dou biuta tani vei kemudou na nomudou i valavala ca kecega, dou sa daucala kina; ka vakavouya na lomamudou kei na yalomudou: a cava dou via mate kina oi kemudou na mataqali i Isireli?

Isikeli 20:33

Me vaka na dina ni noqu bula, sa kaya na Turaga ko Jiova, e dina kau na lewai kemudou e na liga kaukauwa, kei na liga sa dodo yani, kei na cudru sa sovaraki:

Isikeli 21:17

Ia koi au talega, ka'u na tavia vata na ligaqu, ka vakaotia mai na noqu cudru: koi au ko Jiova ka'u sa cavuta.

Isikeli 24:13

Sa ka velavela na nomu dukadukali: ni ka'u a vakasavasavataki iko, ia ko a bese ga ni savasava, ko na sega kina ni vakasavasavataki tale mai na nomu dukadukali, ka'u na vakayacora mada vei iko na noqu cudru.

Isikeli 24:8

me na vakatubura kina na cudru me ia na veicudruvi; au sa tauca na kena dra e na dela ni vatu, me kakua kina ni tabonaki.

Isikeli 44:7

ni dou a kauti ira mai na kai tani, sa sega ni cilivi na yalodra, ka sega ni cilivi na yagodra, me mai tiko e na noqu tikina tabu, me vakacacana, io na noqu vale, ni dou a vakacabora tiko na noqu madrai, kei na uro kei na dra, ka ra sa vakacacataka na noqu veiyalayalati e na vuku ni nomudou i valavala vakasisila kecega.

Isikeli 6:12

O koya sa tiko vakayawa, ena mate e na mate dauveiveitauvi; kei koya sa tiko voleka, ena bale e nai seleiwau; kei koya sa vo tiko ni sa buku na druadrua ni koro, ena mate e na dausiga: au na vakayacora vakaoqo na noqu cudru vei ira.

Isikeli 8:18

O koya oqo ka'u na cakacaka kina e na cudru: ena sega ni vosovoso na mataqu, au na sega talega ni yalololoma: ia ke ra tagi vakadomoilevu e na daligaqu, ka'u na sega ni rogoci ira.

Vunau ni Soro 26:28

ka'u na qai valavala vakatani vei kemudou e na cudru rerevaki; ia koi au, ka'u na cudruvi kemudou vakavitu tale, e na vuku ni nomudou i valavala ca:

Vunau ni Soro 26:41

ni'u sai valavala vakatani talega vei ira, ka kauti ira ki na vanua ni nodra meca; kevaka sa qai malumalumu mai na lomadra sa sega ni cilivi, a ra sa qai vakadonuya nai sau ni nodra i valavala ca:

Emosi 5:6

Dou golevi Jiova, mo dou bula; de kida ko koya me vaka na bukawaqa ki na mataqali i Josefa, ka sa kama voli, ka sega e dua mai Peceli me bokoca.

Sefanaia 2:2

ni sa bera ni yaco dina na ka sa lesi; ni sa bera ni oti yani na siga me vaka na qa ni sila; ka ni sa bera ni yacovi kemudou na cudru waqawaqa i Jiova, ni sa bera ni yacovi kemudou na siga ni cudru i Jiova.

Roma 2:25

Ni sa dina sa yaga na veicili, kevaka ko sa talairawarawa ki na vunau: ia kevaka ko sa talaidredre ki na vunau, sa yaco kina na nomu cili me tawa cili.

Vakarua 10:16

Ia mo ni ciliva na vuso ni yalomuni, ka mo ni kakua ni vakadomoqataki kemuni tiko.

Vakarua 30:6

Ena ciliva talega na yalomuni ko Jiova na nomuni Kalou, kei na yalodra na nomuni kawa, mo ni lomani Jiova kina na nomuni Kalou e na lomamuni taucoko, kei na yalomuni taucoko, mo ni bula kina.

Vakarua 32:22

Ni sa vakawaqaci na buka e na noqu cudru, Ena kama talega me yacova na ca-vuni era, Ka kania na vuravura kei na vuana, Ka vakamai ira na vu ni veiulu-ni-vanua.

Kolosa 2:11

ia dou sa cilivi talega vua e na veicili sa sega ni caka e na liga, ni dou sa luvata nai valavala ca ni yago e na veicili sa caka e na vuku i Karisito,