Jeremaia 4:31 - Vakavakadewa Makawa

³¹ Ni'u sa rogoca e dua na domo sa vaka na domo ni yalewa sa taratara, ka vaka na yaluma i koya sa vakasucuma na nona ulumatua, na domo ni goneyalewa ni Saioni, ni sa tagicaki koya ga, ni sa dodoka na ligana, ka kaya, Ulei koi au oqo! ni sa luvu na yaloqu e na vukudra na daulaba!

Ai Vola Tabu (Vakadewa Makawa Vakavoutaki 2021)

³¹ Ni'u sa rogoca e dua na domo sa vaka na domo ni yalewa sa taratara, ka vaka na yaluma i koya sa vakasucuma na nona ulumatua, na domo ni goneyalewa ni Saioni, ni sa tagicaki koya ga, ni sa dodoka na ligana, ka kaya, “Ulei koi au oqo, ni sa luvu na yaloqu e na vukudra na daulaba!”

AI VOLA TABU

³¹ Ni sa vaka na domo ni alewa sa taratara kaʼu sa rogoca, ka vaka na yaluma i koya sa vakasucuma na nona ulumatua, na domona na gonealewa ni Saioni, ni sa tagicaki koya vakai koya, ni sa dodoka na ligana, ka kaya, Ule koi au o qo! ni sa oca na yaloqu e na vukudra na daulaba!

Vakavakadewa Vou kei na iVola tale eso

³¹ Au rogoca e dua na tagi, E vaka e dua na yalewa sa taratara, E dua na vutugu E vaka e dua na yalewa E vakasucuma na nona ulumatua. A domo ni tagi i Jerusalemi Ena nona cegu oca, Ka dodoka yani na ligana Ka kaya, “Au sa vakarusai! Era sa lako mai Me ra vakamatei au!”

Ai Vola Tabu Ena Vakavakadewa Vou

³¹ Au rogoca e dua na tagi, E vaka e dua na yalewa sa taratara, E dua na vutugu E vaka e dua na yalewa E vakasucuma na nona ulumatua. A domo ni tagi i Jerusalemi Ena nona cegu oca, Ka dodoka yani na ligana Ka kaya, “Au sa vakarusai! Era sa lako mai Me ra vakamatei au!”

Jeremaia 4:31 Iomraidhean Croise

Vakatekivu 27:46

A sa kaya vei Aisake ko Repeka, Sa ka rarawa na noqu bula e na vukudra na goneyalewa i Eci: kevaka sa vakawati ko Jekope kei na dua vei ira na goneyalewa i Eci, sa vakataki ira na goneyalewa ni vanua oqo, a cava na kena yaga vei au na noqu bula?

Jope 10:1

Sa ka ni oca ki na lomaqu na noqu bula; Au na soli au me'u didi walega; Au na vosa ga e na rarawa ni yaloqu;

NA SAME 120:5

Ulei koi au! ni ka'u sa tiko vulagi kei ira na Meseki, Ni'u sa tiko e na maliwa ni veivale i Kitari!

Aisea 1:15

Ia ni dou sa dodoka mai na ligamudou, Ka'u na tabonaka na mataqu maivei kemudou: io, ni dou sa masu vakavuqa, ka'u na sega ni rogoca: a ligamudou sa lomoci e na dra.

Aisea 13:8

A ra na sautaninini; na yaluma kei na rarawa ena tauvi ira; era na yaluma me vaka na yalewa sa taratara; era na dui kidacala e dua vua e dua; ia na matadra ena vaka na yameyame ni buka.

Aisea 21:3

O koya sa yaluma kina na toloqu; sa tauvi au na rarawa, me vaka na yaluma vua na yalewa sa taratara; ni'u sa rogoca, ka'u sa sautaribariba kina; ni'u sa raica, ka'u sa taqaya.

Aisea 26:17

Me vaka na yalewa bukete e voleka ni vakasucu, sa yaluma, ka qoqolou ni sa taratara tiko; keimami a vakakina e matamuni, Jiova.

Aisea 42:14

Sa dede na noqu tiko lo; au a tiko ga, ka'u a dautarovi au: ia oqo, ka'u na qoqolou me vaka na yalewa sa taratara; ka'u na vakarusa ka tiloma sara:

Aisea 6:5

Au a qai kaya, Isa koi au! ni'u sa ca; ni'u sa tamata tebenigusu qeleqelewa, au sa tiko talega kei ira na tamata tebenigusu qeleqelewa: ni sa raica na Tui ko Jiova ni lewe vuqa na mataqu.

Jeremaia 10:19

Ulei na noqu mavoa! sa ka rarawa na noqu yaviti: ia koi au ka'u a kaya, E dina sa ka ni veivakararawataki oqo, ia ka'u na vosota ga.

Jeremaia 13:21

A cava ko na qai kaya ni sa cudruvi iko ko koya? ni sai iko ga ka vakavulici ira me ra nomu turaga, ka me ra liu: ena sega beka ni tauvi iko na rarawa, me vaka na yalewa sa taratara?

Jeremaia 14:18

Kevaka ka'u sa lako yani ki na were, raica, era sa koto no ko ira na vuetaki e nai seleiwau! kevaka ka'u sa curu yani ki na koro, raica, era sa koto no ko ira na mate e na viakana! io, ko ira vata na parofita kei na bete era sa lako voli ga ki na dua na vanua era sa sega ni kila.

Jeremaia 15:18

A cava sa sega ni mudu kina na noqu rarawa, kei na noqu mavoa me sega ni bula rawa, ka sa sega ni via bula? ko ni na vaka dina sara beka e dua na daulasu vei au, ka vaka na wai sa yali ga?

Jeremaia 18:21

O koya mo ni solia kina na luvedra me ra viakana, ka vakadavea na kedra dra e na kaukauwa ni seleiwau; ia me yali vei ira na watidra na luvedra, ka me ra yada talega; ka me ra vakamatei na nodra tagane; ia na nodra cauravou, me ra mate e nai seleiwau e nai valu.

Jeremaia 22:23

Ko iko ka tiko mai Lepanoni, ka cakava na nomu i sova e na sitari, ko na ka lomani dina sara ni sa yacovi iko na rarawa, na yaluma me vaka na yalewa sa taratara!

Jeremaia 30:6

Dou veitarogi mada, ka vakaraica se dua na tagane sa taratara? a cava ka'u sa raica kina na tamata yadua ni sa dui toka na ligana e tolona, me vaka na yalewa sa taratara, ka sa matacea mai na matadra kecega?

Jeremaia 45:2

Sa vosa vakaoqo ko Jiova, na nodra Kalou na Isireli, vei iko, Peruki:

Jeremaia 48:41

Sa kabai na veikoro, ia na bai ni valu kaukauwa sa rawa sara, ia na yalodra na qaqa ni Moapi e na siga ko ya ena vaka na yalo ni yalewa sa taratara.

Jeremaia 49:22

Raica, ena vuka cake mai ko koya me vaka na ikeli, ka vakatetaba mai me ca ko Posira: ia na lomadra na qaqa ni Itomi e na siga ko ya ena vaka na loma ni yalewa ni sa taratara.

Jeremaia 49:24

Sa malumalumu mai ko Tamasiko, sa vuki yani me dro, ia na rere sa tauvi koya: ia na yaluma kei na rarawa sa manati koya, me vaka na yalewa sa taratara.

Jeremaia 50:43

Sa rogoca ko tui Papiloni na kedrai rogorogo, a sa malumalumu mai na ligana: sa kani koya na rarawa, kei na yaluma, me vaka na yalewa sa taratara.

Jeremaia 6:2

Au sa vakatauvatani koya na goneyalewa ni Saioni kei na dua na yalewa matavinaka ka tabusiga;

Lele i Jeremaia 1:17

Sa dodoka yani na ligana ko Saioni, a sa sega e dua me vakaceguya; Sa vakarota ko Jiova e na vuku i Jekope, me ra vakavolivoliti koya ko ira na nona meca: Sa tautauvata ko Jerusalemi kei na dua na ka velavela e na kedra maliwa.

Lele i Jeremaia 1:20

Mo ni rai mai, Jiova; ni'u sa vuturi; sa rise na bati ni ketequ; Sa saumaki na yaloqu e lomaqu; ni'u sa talaidredre vakaca sara: E tautuba, sa vakayali ira na tamata nai seleiwau; E vale, sa vaka sa tiko kina ko mate.

Lele i Jeremaia 2:21

Era davo no e na qele e na sala ni koro ko ira na gone kei na qase: Ko ira na noqu goneyalewa kei ira na noqu cauravou, era sa bale e nai seleiwau; Ko ni sa vakamatei ira e na siga ni nomuni cudru; Ko ni sa vakamatea, ka sega ni lomana.

Osea 13:13

A rarawa ni yalewa ni sa taratara ena yacovi koya: sa gone lialia ko koya, ke sega, ke sa sega ni tiko vakadede e na tikina e basuki maikina na gone.

Maika 4:10

Mo yaluma mada, mo vakasucu, ko iko na goneyalewa ni Saioni, me vaka na yalewa sa taratara: ni ko na qai lako tani e na koro, ia ko na la'ki tiko mai vanua, io, ko na yaco sara ki Papiloni; ia ko na vakabulai kina; io, ena vakabulai iko talega maikea ko Jiova, mai na ligadra na nomu meca.

Maika 4:9

A cava tale ko sa tagi vakadomoilevu kina? sa sega li na nomu tui? ko ira na nomu daubose era sa yali beka? ka ni sa tauvi iko na rarawa me vaka na yalewa sa taratara?

Maika 7:1

Isa koi au! ni'u sa vaka na tamata ni sa kumuni oti na vuata e na vula i katakata, ka vaka na tamata ni sa tomitomiki oti na vua-ni-vaini: sa sega nai soso vua ni vaini me'u kania: se na lolo taumada, ko ya sa gadreva tiko na yaloqu.

Maciu 21:5

Tukuna vua sa toka mai Saioni, Raica, sa lako mai vei iko na nomu Tui, Sa yalomalua, a sa vodoka e dua na asa, Kei na luve ni asa.

1 Korinica 9:16

Ia kevaka kau sa vunautaka nai tukutuku-vinaka, sa sega na ka meu dokai au kina: ni kau sa vakasaurarataki; io sa ca sara vei au, kevaka kau sa sega ni vunautaka nai tukutuku-vinaka!

1 Cesalonaika 5:3

Ni ra kaya tiko, Sa mai vakacegu ka tiko vinaka; ena qai yaco vakidacala vei ira na rusa, me vaka na yaluma vua na yalewa sa bukete; a ra na sega ni dro tani rawa.