Jeremaia 4:24 - Vakavakadewa Makawa

²⁴ Au a raica na veiulu-ni-vanua, ka raica, era sa sautaninini, a sa yavavala na veiulu-ni-koro kecega me vaka na ka walega.

Ai Vola Tabu (Vakadewa Makawa Vakavoutaki 2021)

²⁴ Au a raica na veiulunivanua, ka raica, era sa sautaninini, a sa yavavala na veiulu-ni-koro kecega me vaka na ka walega.

AI VOLA TABU

²⁴ Au a raica na veiulu-ni-vanua, ka, raica, sa sautaninini, a sa yavavala vakamamada na veiulu-ni-koro kecega.

Vakavakadewa Vou kei na iVola tale eso

²⁴ Au rai yani ki na veiulunivanua, Ka raica ni ra sa yavavala Ka ra veitosoyaki na veidelana.

Ai Vola Tabu Ena Vakavakadewa Vou

²⁴ Au rai yani ki na veiulunivanua, Ka raica ni ra sa yavavala Ka ra veitosoyaki na veidelana.

Jeremaia 4:24 Iomraidhean Croise

1 Tui 19:11

A sa kaya ko koya, Mo curu yani, ka la'ki tu e na dela ni ulu-ni-vanua e na mata i Jiova. Ka raica, sa lako voli ko Jiova, a sa dua na cagi levu ka kaukauwa sa sea na veiulu-ni-vanua, a sa vorolaka na veiuluvatu e na mata i Jiova; ia sa segai e na cagi ko Jiova: ni sa oti na cagi, sa qai tavuki na vanua; ia sa segai e na tavuki ni vanua ko Jiova;

NA SAME 18:7

Sa qai yavala ko vuravura, ka sa sautaninini Sa yavavala talega na yavu ni veiulu-ni-vanua, Sa yavala ni sa cudru ko koya.

NA SAME 77:18

A domo ni nomuni kurukuru sa rogo e na covulaca: Sa vakararamataki vuravura na livaliva: Sa sautaninini ka tavuki ko vuravura.

NA SAME 97:4

Sa vakararamataki vuravura na nona livaliva: Sa raica ko vuravura, ka sautaninini.

Lako Yani 19:18

A sa kubou na ulu-ni-vanua taucoko ko Saineai, ni sa lako sobu ki delana ko Jiova e na bukawaqa: ka sa lako cake na kena kubou me vaka na kubou ni lovo levu, a sa yavavala vakalevu na ulu-ni-vanua taucoko.

Aisea 13:13

Ia ka'u na vakayavalataki lomalagi, ko vuravura talega ena tavuki tani mai na kena yasana, e na cudru levu i Jiova ni lewe vuqa, kei na siga ni nona cudru waqawaqa.

Aisea 24:20

Sa yatayata ko vuravura me vaka na daumateni, ka sa tautauwalili me vaka nai mocemoce lilili: ia sa bitaki koya na kena talaidredre; ena bale, ka sega ni tu cake tale.

Aisea 5:25

O koya oqo sa waqa kina na cudru i Jiova vei ira na nona tamata, ka sa dodoka yani na ligana vei ira, ka cudruvi ira: ka sa sautaninini na ulu-ni-vanua, ia na yagodra ka mate no sa vaka na soqosoqo e loma ni saqata ni koro. Ia ni sa caka kece oqo sa sega ni mudu kina na nona cudru, sa dodo tikoga na ligana.

Jeremaia 10:10

ia ko Jiova ga na Kalou dina ko koya, na Kalou bula, kei na tui sa sega ni mudu: ni sa cudru ko koya, ena sautaninini ko vuravura, ia na veimatanitu ena sega ni vosota rawa na nona cudru.

Jeremaia 8:16

Sa rogo mai Tani na kedra suru na nona ose: ni sa rogo mai na kedra suru na nona ose kaukauwa, sa sautaninini na vanua taucoko; ni ra sa lako ga mai, ka ra sa kania na vanua, kei na ka kecega sa tu kina; na koro, kei ira era tiko kina.

Jeremaia 9:10

E na vuku ni veiulu-ni-vanua ka'u na ia na tagi kei na qoqolou, kei na lele e na vuku ni veikoro ni veikau, ni sa kama, me sega e dua e lakova; ena sega ni rogoci kina na tagi ni manumanu; a manumanu vuka kei na manumanu ni vanua sa dro; sa ra yali.

Isikeli 38:20

ia ena yavavala e mataqu na ika ni waitui, kei manumanu vuka, kei na manumanu ni vanua, kei na ka kecega sa qasi voli e na qele, kei na tamata kecega sa tiko e dela i vuravura, ena talaraki sobu talega na veiulu-ni-vanua, ka lutu mai na uluvatu, ia na bai kecega ena bale ki na soso.

Maika 1:4

Ena waicala talega na veiulu-ni-vanua e rukuna, ia na veibuca ena wase rua, me vaka na drega ni vola e na mata ni bukawaqa, ka vaka na savu ni wai mai na ulu ni vanua.

Apakuki 3:10

Sa raici kemuni na veiulu-ni-vanua, ka sa sautaninini; Sa vuabale mai na dobui; Sa tabalaka na domona na wasa titobu, Sa dodoka ki cake na ligana.

Apakuki 3:6

Sa tu ko koya, ka vakarauti vuravura; Sa vakararai ko koya, ka sa dui vakasevi ira na veimatanitu; A sa duibiubiuti na veiulu-ni-vanua makawa, Ka sa cuva sobu na veiulu-ni-koro ka tu mailiu: Sa tawa mudu na nona cakacaka.

Vakatakila 6:14

A sa lako tani yani na lomalagi me vaka nai vola balavu sa vivigi vata; a sa kau tani mai na nodra i tutu na ulu-ni-vanua kecega kei na yanuyanu kecega.