Jeremaia 4:2 - Vakavakadewa Makawa

² ia ko na ia na bubului ka vaka, Sa bula ko Jiova, ka ia e na lomadina, kei na yalododonu, kei na cakacaka dodonu; ia era na vosavakalougatataki ira e na vukuna ko ira na lewe ni veimatanitu, ko koya talega era na vakacaucautaka.

Ai Vola Tabu (Vakadewa Makawa Vakavoutaki 2021)

² ia ko na ia na bubului ka vaka, ‘Me vaka sa bula ko Jiova!’ ka ia e na lomadina, kei na yalododonu, kei na cakacaka dodonu, era na qai vosavakalougatataki ira e na vukuna ko ira na lewe ni veimatanitu, ko koya talega era na vakacaucautaka.”

AI VOLA TABU

² ia ko na ia na vosavavakini, Sa bula ko Jiova, ka ia e na lomadina, kei na yalododonu, kei na cakacaka dodonu; ia era na vosavakalougatataki ira e na vukuna ko ira na lewe ni veimatanitu, o koya talega era na vakacaucautaka.

Vakavakadewa Vou kei na iVola tale eso

² Sa na qai rawa mo ni vosa bubului ena yacaqu ena yalodina, dodonu ka savasava. Era na kerei au na veimatanitu kece me'u vakalougatataki ira, ka ra na vakacaucautaki au.”

Ai Vola Tabu Ena Vakavakadewa Vou

² Sa na qai rawa mo ni vosa bubului ena yacaqu ena yalodina, dodonu ka savasava. Era na kerei au na veimatanitu kece me'u vakalougatataki ira, ka ra na vakacaucautaki au.”

Jeremaia 4:2 Iomraidhean Croise

Vakatekivu 22:18

ena kalougata talega na veimatanitu kecega e vuravura e na nomu kawa; ni ko a vakarorogo ki domoqu.

1 Tui 3:6

A sa kaya ko Solomoni, O ni sa cakava vakalevu na loloma vua na nomuni tamata ko Tevita na tamaqu, me vaka sa lako ko koya e matamuni e na yalodina, kei nai valavala dodonu, kei na yalododonu vei kemuni; ia ko ni a cakava vua na loloma levu oqo, ni kemuni sa solia vua e dua na luvena, me tiko e nonai tikotiko vakaturaga, me vaka edaidai oqo.

NA SAME 72:17

Ena sega ni oti rawa na yacana: Ena tikotikoga na yacana ni sa tu na mata-ni-siga: Ka ra na vakalougatataki na tamata e na vukuna; Era na vosaveivakalougatataki koya na lewe ni veivanua kecega.

NA SAME 99:4

A sa kaukauwa na tui ka sa lomana na lewa dodonu; O ni sa vakataudeitaka na ka dodonu, O ni sa vakayacora na lewa kei na cakacaka dodonu e Jekope.

Aisea 45:23

Au a cavuti au ni'u sa bubului; sa lako yani mai na gusuqu daudina na vosa, ia ena sega ni lesu mai, Ena tekiduru vei au na duru ni tamata vakaaduaga, ena vakatusai au na yame ni tamata kecega.

Aisea 45:25

Era na vakadonui e na vuku i Jiova, ko ira kecega na kawa i Isireli ka lagilagi kina.

Aisea 65:16

Ia ko koya sa vosavakalougatataki koya e vuravura me vosavakalougatataki koya e na yaca ga ni Kalou dina; ko koya talega sa bubului e vuravura me bubului e na yaca ga ni Kalou dina; ka ni sa guileca na ka rarawa eliu, ka ni sa tabonaki talega mai na mataqu.

Jeremaia 10:10

ia ko Jiova ga na Kalou dina ko koya, na Kalou bula, kei na tui sa sega ni mudu: ni sa cudru ko koya, ena sautaninini ko vuravura, ia na veimatanitu ena sega ni vosota rawa na nona cudru.

Jeremaia 12:15

ia ena yaco, ni'u sa cavuti ira oti, ka'u na qai lesu mai, ka lomani ira tale, ka kauti ira tale mai, na tamata yadua ki na nona tikina, kei na tamata yadua ki na nona vanua.

Jeremaia 12:16

Ia kevaka era na gumatua ni vulica nai valavala ni noqu tamata, me ra bubului e na yacaqu, ka vaka, Sa bula ko Jiova; me vaka era sa dauvakavulici ira na noqu tamata me ra bubului vei Peali; era na qai vakataudeitaki e na kedra maliwa na noqu tamata:

Jeremaia 16:19

Kemuni Jiova, na noqu kaukauwa, kei na noqu koro ni valu, kei na noqu i vakaruru e na siga ni rarawa, era na lako mai kivei kemuni ko ira na veimatanitu mai na veiyalayala kei vuravura, ka ra na kaya, E dina, era sa taukena ko ira na neimami qase na ka lasu, kei na ka wale, kei na ka sa sega ni yaga.

Jeremaia 3:17

E na gauna ko ya era na vakatokai Jerusalemi mei tikotiko vakaturaga i Jiova; ka ra na soqoni vata kina na lewe ni veimatanitu kecega ki na yaca i Jiova ki Jerusalemi: ka ra na sega ni muria tale na kaukauwa ni lomadra ca.

Jeremaia 33:9

Ia ena yaco kina me noqu na yaca rogo sa marautaki, ka vakavinavinakataki, ka vakacaucautaki, e na veimatanitu kece e vuravura, era na rogoca na ka vinaka kece ka'u sa cakava vei ira: ka ra na rere ka sautaninini e na vuku ni ka vinaka kecega kei na kena tubu cake ka'u sa vakayacora kina.

Jeremaia 5:2

Ia ke ra sa kaya, Sa bula ko Jiova; ke ra sa bubului vakailasu ga.

Jeremaia 7:5

Ia kevaka dou sa vakavinakataka sara na nomudou i tovo kei na nomudou i valavala; kevaka dou sa ia na lewa dodonu e na vukudrau na tamata kei na kai nona;

Jeremaia 9:24

ia ko koya sa dokai koya me dokai koya e na ka oqo, ni sa yalomatua me kilai au, ni sai au ko Jiova ka dauia na yalololoma, kei na lewa kei na cakacaka dodonu, e vuravura: ni'u sa vinakata na ka oqo, sa kaya ko Jiova.

Osea 2:19

Ia ka'u na tauri iko mo watiqu ka sega ni mudu; io, ka'u na tauri iko mo noqu e na yalododonu, kei na lewa dodonu, kei na yalovinaka, kei na yalololoma.

Joeli 2:12

Ia oqo ga, sa kaya ko Jiova, mo dou lesu mai vei au e na vu ni yalomudou, ka dou lolo talega, ka me vakawai na matamudou ka ia na tagi yaso:

Sakaraia 8:8

ia ka'u na kauti ira mai, ka ra na tiko e loma i Jerusalemi: ka ra na vakabau me noqu tamata, ia koi au, ka'u na nodra Kalou, e na yalodina kei na yalododonu.

Malakai 1:11

Io, mai nai cadracadra ni mata-ni-siga ka yacova na kenai dromudromu ena vakalevulevui na yacaqu vei ira na lewe ni veivanua; ia e na veiyasana kecega ena vakacabori ki na yacaqu nai madrali boi vinaka, io, nai madrali savasava: ni na vakalevulevui na yacaqu vei ira na lewe ni veivanua, sa kaya ko Jiova ni lewe vuqa.

1 Korinica 1:31

me yaco kina na ka sa volai, O koya sa vosa doudou, me vosa doudou e na vuku ni Turaga.

2 Korinica 10:17

Ia ko koya sa vosa doudou, me vosa doudou e na vuku ni Turaga.

Kalatia 3:8

Ia nai Vola Tabu talega, ni sa kila makawa sa vakabauta sa dauvakadonui ira kina na veimatanitu tani na Kalou, sa vunautaka mada eliu vei Eparaama nai tukutuku-vinaka, Ena vakalougatataki na veivanua kecega e na vukumu.

Vakarua 10:20

Mo rerevaki Jiova na nomuni Kalou; mo ni qaravi koya, ka kabiti koya, ka bubului e na yacana.

Vakarua 4:30

Ni kemuni sa rarawa, ka sa yacovi kemuni na ka kecega oqo, e na siga maimuri, kevaka ko ni sa lesu mai vei Jiova na nomuni Kalou, ka sa talairawarawa ki na domona;

Vakarua 6:13

Mo ni rerevaki Jiova ga na nomuni Kalou, ka qaravi koya, ka cavuta na yacana ga ni kemuni sa bubului.

Filipai 3:3

Sai keda ga na veicili koi keda sa masu vakayalo vua na Kalou, ka rekitaki Karisito Jisu, ka sega ni vakararavi ki na yago.

Ruci 3:13

Mo tiko ga e na bogi oqo, ia e na mataka, kevaka ena cakava vei iko ko koya nai valavala ni veiwekani dina, sa vinaka; me cakava ga ko koya na cakacaka ni veiwekani: ia kevaka sa bese ni cakava vei iko na cakacaka ni veiwekani dina, me vaka sa bula ko Jiova, ka'u na cakava vei iko na cakacaka ni veiwekani: mo koto ga me sa mataka mai.

1 Samuela 20:3

A sa bubului tale ko Tevita, ka kaya, Sa kila vakaidina ko tamamu ni'u sa kune loloma vei iko: a sa kaya ko koya, Me kakua ni kila oqo ko Jonacani, de rarawa ko koya: ia me vaka sa dina ni bula ko Jiova, ka vaka sa bula na yalomu, sa vo ga me'u kalawa vakadua ga ka'u na qai mate.