Jeremaia 4:19 - Vakavakadewa Makawa

¹⁹ Na ketequ, na ketequ! sa sautaribariba na vu ni lomaqu; sa kudrukudru na yaloqu e lomaqu; au sa sega ni galu rawa, ni ko sa rogoca, na yaloqu, na rorogo ni davui, na kaila ni valu.

Ai Vola Tabu (Vakadewa Makawa Vakavoutaki 2021)

¹⁹ Na ketequ, na ketequ! Sa sautaribariba na vu ni lomaqu! Sa kudrukudru na yaloqu e lomaqu; au sa sega ni galu rawa; ni ko sa rogoca, na yaloqu, na rorogo ni davui, na kaila ni valu.

AI VOLA TABU

¹⁹ Na ketequ, na ketequ! sa sautaribariba na vu ni lomaqu; sa kudrukudru na yaloqu e lomaqu; au sa sega ni galu rawa, ni ko sa rogoca, yaloqu, na domo ni davui, na kaila ni valu.

Vakavakadewa Vou kei na iVola tale eso

¹⁹ “Ulei! au sega ni tukuna rawa Na rarawa ni yaloqu. Sa vavadugudugu vakaukauwa sara ga kina na utoqu! Au sa sega ni rawa ni galu; Au sa rogoca na domo ni davui Kei na cibi ni valu.

Ai Vola Tabu Ena Vakavakadewa Vou

¹⁹ “Ulei! au sega ni tukuna rawa Na rarawa ni yaloqu. Sa vavadugudugu vakaukauwa sara ga kina na utoqu! Au sa sega ni rawa ni galu; Au sa rogoca na domo ni davui Kei na cibi ni valu.

Jeremaia 4:19 Iomraidhean Croise

Vakatekivu 49:6

Na yaloqu, mo kakua ni bose vata kei rau; Me kakua ni tiko vata kei na nodraui soqosoqo: na noqu lagilagi, Ni rau a vakamatea na tamata E na nodrau cudru, ka tularuataka na pulumokau e na nodrau lomaqa:

2 Tui 4:19

A sa kaya vei tamana, Isa! Na uluqu, na uluqu! A sa kaya ko koya vua na cauravou, Mo kauti koya mada vei tinana.

2 Tui 8:11

A sa vakaraici koya matua sara vakadede ka qai madua; a sa tagi ko koya na tamata ni Kalou.

NA SAME 103:1

Mo vakavinavinaka vei Jiova, na yaloqu; Io na ka kecega sa tu e lomaqu me vakavinavinaka ki na yacana tabu.

NA SAME 116:7

Mo lesu tale ki na nomu i vakavakacegu, na yaloqu: Ni sa caka vinaka sara vei iko ko Jiova.

NA SAME 119:136

Na uciwai sa dave mai na mataqu, Ni ra sa sega ni vakabauta na nomuni vunau.

NA SAME 119:53

Sa tauvi au na rise ni kete, E na vukudra nai valavala ca era sa biuta na nomuni vunau.

NA SAME 146:1

Dou ia vei Jiova na vakavinavinaka. Mo vakavinavinaka vei Jiova, na yaloqu.

NA SAME 16:2

Au a kaya vei Jiova, Koi kemuni ga na noqu Turaga: Na noqu vinaka sa vu ga maivei kemuni.

Aisea 15:5

Sa tagi na lomaqu e na vuku i Moapi; era sa dro ki Soa nai se, me vaka na luve ni pulumokau sa yabaki tolu: era sa tagi lako ni ra sa cabe ki Luici; io e na sala ki Oroneimi era tabalaka na tagi ni veivakarusai.

Aisea 16:11

O koya oqo ena rorogo kina na ketequ me vaka na api e na vuku i Moapi, kei na lomaqu e na vuku i Kiri-ereseci.

Aisea 21:3

O koya sa yaluma kina na toloqu; sa tauvi au na rarawa, me vaka na yaluma vua na yalewa sa taratara; ni'u sa rogoca, ka'u sa sautaribariba kina; ni'u sa raica, ka'u sa taqaya.

Aisea 21:4

Sa sese na yaloqu, sa kidaci au na rere; a bogi ni noqu marau sa vukica ko koya me'u rise kete kina.

Aisea 22:4

O koya ka'u a kaya kina, Dou rai tani vei au; ena ka rarawa na noqu tagi; dou kakua ni gu me vakacegui au, e na vuku ni kena vakacacani na goneyalewa ni noqu tamata.

Jeremaia 13:17

Ia kevaka dou na sega ni rogoca, ena tagi na yaloqu e na tikina vuni e na vuku ni nomudou viavialevu; ena tagi vakalevu na mataqu, ia ena dave maikina na wai, ni sa vakabobulataki na qele ni sipi i Jiova.

Jeremaia 20:9

Au a qai kaya, Au na sega ni cavuti koya, se vosa tale e na yacana. Ia na nona vosa, sa tu e lomaqu me vaka na bukawaqa, sa sogo tu e na suiqu, ia ka'u sa oca ni'u kinoca, ka sega ni'u rawata.

Jeremaia 23:9

E na vukudra na parofita sa ramusu kina na yaloqu e lomaqu; sa yavavala na suiqu kecega; au sa vaka na tamata sa mateni, ka vaka na tamata sa rawai koya na waini, e na vuku i Jiova, e na vuku talega ni nona vosa tabu.

Jeremaia 4:21

A cava na kena dede me'u raica tiko na kuila, ka rogoca tiko na rorogo ni davui?

Jeremaia 4:5

Dou tukuna mai Juta, ka vakarogorogoya mai Jerusalemi; ka kaya, Dou uvuca na davui e na vanua: dou kaci yani, dou soqoni vata, ka kaya, Dou soqoni vata mai, me da la'ki curuma na veikoro vakabai.

Jeremaia 42:14

ka kaya, E segai; keimami na lako ga ki na vanua ko Ijipita keimami na sega ni raica kina nai valu, se rogoca na domo ni davui, se keimami mate e na via kana, io keimami na la'ki tiko ga ki kea:

Jeremaia 49:2

O koya oqo, raica, ena yaco na siga, sa kaya ko Jiova, ka'u na vakarogoya kina mai Rapa na nodra koro na Amoni e dua na kaila ni valu; ia ena yaco oqori me koro rusa ka lala, ia na luvena yalewa era na kama e na bukawaqa: ia ko Isireli, ena qai taukei vei ira era sai taukei vua eliu, sa kaya ko Jiova.

Jeremaia 50:22

A ue ni valu kei na veivakarusai levu sa rorogo e na vanua.

Jeremaia 6:24

Keitou sa rogoca na kenai rogorogo: sa malumalumu mai na liga i keitou: sa tauvi keitou na rarawa, kei na yaluma me vaka na yalewa sa taratara.

Jeremaia 8:18

Ni'u sa via vakacegui au mai na ka rarawa, sa malumalumu ga na yaloqu e lomaqu.

Jeremaia 8:21

E na vuku ni nona mavoa na goneyalewa ni noqu tamata ka'u sa mavoa; au sa vakaveveku mata mai; au sa kidacala sara mai.

Jeremaia 9:1

Me sa wai mada na uluqu, kei nai vurevure ni wai na mataqu, me'u tagi kina e na siga kei na bogi e na vukudra na nona vuetaki na goneyalewa ni noqu tamata!

Jeremaia 9:10

E na vuku ni veiulu-ni-vanua ka'u na ia na tagi kei na qoqolou, kei na lele e na vuku ni veikoro ni veikau, ni sa kama, me sega e dua e lakova; ena sega ni rogoci kina na tagi ni manumanu; a manumanu vuka kei na manumanu ni vanua sa dro; sa ra yali.

Lele i Jeremaia 1:16

E na vuku ni ka oqo ka'u sa tagi kina; mai na mataqu, io mai na mataqu sa dave sobu na wai, Ni sa yawa vei au ko koya na dauveivakacegui me na vakabulabulataka na yaloqu: Era sa luveniyali ko ira na luvequ, ni sa gumatua na meca.

Lele i Jeremaia 1:20

Mo ni rai mai, Jiova; ni'u sa vuturi; sa rise na bati ni ketequ; Sa saumaki na yaloqu e lomaqu; ni'u sa talaidredre vakaca sara: E tautuba, sa vakayali ira na tamata nai seleiwau; E vale, sa vaka sa tiko kina ko mate.

Lele i Jeremaia 2:11

Sa malumalumu na mataqu ni sa vakawai, sa rise na bati ni ketequ, Sa sova ki na qele na yatequ, e na vuku ni nona rusa na goneyalewa ni kai noqu; Ni ra sa matabuto mai e na sala ni koro ko ira na gone lalai kei na gone sa sucu tiko.

Taniela 4:19

Ia ko Taniela, na yacana ko Pelitisasari, sa qai kidacala tiko ka dua na tiki-ni-siga, ia sa kidroa ko koya e na nanuma ni lomana. Sa qai kaya na tui vei Pelitisasari, mo kakua ni kidroa e na tadra, se na kenai balebale. Sa vosa ko Pelitisasari, ka kaya, Noqu turaga, me yacovi ira sa cati kemuni na tadra oqo, kei na kenai balebale, vei ira na nomuni meca.

Taniela 7:15

Ia koi au ko Taniela sa qai rarawa na yaloqu e na yagoqu, ia sa vakidroataki au na raivotu oqo.

Taniela 7:28

Sa vaka tu oqo na kenai tinitini ni ka ko ya. Ia koi au ko Taniela, sa vakidroataki au vakalevu sara na nanuma ni lomaqu, ka sa dua tani mai vei au na mataqu: ia ka'u a maroroya ga e lomaqu.

Taniela 8:27

Ia koi au ko Taniela, ka'u a ciba, ka qai tauvi mate bogi vica; ka oti, ka'u sa tu cake, ka cakava na nona cakacaka na tui; ia ka'u a kidacalataka na raivotu, ka sa sega e dua e macala vua.

Emosi 3:6

Me na uvuci li na davui e loma ni koro, ka sega ni rere kina na tamata? me dua li na ca e na koro, me na sega ni vakayacora ko Jiova?

Apakuki 3:16

Au a rogoca, ka rise na bati ni ketequ; Ni sa rogo mai, sa yavala kina na tebenigusuqu: Sa curu ki na suiqu na vuca, ka'u a sautaninini tu e yavaqu: Ia ka'u na vakacegu ga e na siga ni rarawa, Ni sa lako cake mai ko koya vei ira na lewe ni vanua ena mai kabai ira ko koya.

Tiko mai na Lekutu 10:9

Ia kevaka dou sa ia nai valu e na nomudou vanua kei ira na meca era sa vakasaurarataki kemudou, dou na qai uvuca vakaivalu na davui ruarua; ia ena qai nanumi kemudou ko Jiova na nomudou Kalou, ia dou na vakabulai maivei ira na nomudou meca.

Roma 10:1

O kemudou na veiwekani, au sa gadreva e na vu ni yaloqu, au sa masu talega vua na Kalou e na vukudra na Isireli, me ra bula.

1 Korinica 14:8

Ia kevaka ena rorogo na davui-ni-valu ka sega ni kilai na kena rorogo, o cei ena vakarautaki koya me laki valu?

Kalatia 4:19

Na luvequ lalai, oi kemudou kau sa taratara tale kina, me buli mada na Karisito e na lomamudou!

Dauveilewai 5:21

Sa daveni ira yani na uciwai ko Kisoni, Na uciwai makawa ko ya, na uciwai ko Kisoni. O iko na yaloqu, ko sa buturaka sobu na kaukauwa.