Jeremaia 4:13 - Vakavakadewa Makawa

¹³ Raica, ena lako mai ko koya me vaka na o, ka vaka na covulaca na nona qiqi-ni-valu: sa totolo na nona ose ka bera na ikeli. Ulei koi keda! ni da sa vakarusai.

Ai Vola Tabu (Vakadewa Makawa Vakavoutaki 2021)

¹³ Raica! Sa lako mai ko koya me vaka na o, ka vaka na covulaca na nona qiqi-ni-valu; sa totolo na nona ose ka bera na ikeli— ulei koi keda, ni da sa vakarusai!

AI VOLA TABU

¹³ Raica, ena lako mai ko koya me vaka na o, ka vaka na covulaca na nona vale-vodoki: sa totolo na nona ose ka bera na ikeli. Ule koi keda! ni da sa vakarusai.

Vakavakadewa Vou kei na iVola tale eso

¹³ Raica, era sa lako mai na meca me vaka na veio; ka sa vaka na covulaca na nona qiqinivalu; na nona ose era totolo cake mai na ikeli. Eda sa rusa! Eda sa leqa!

Ai Vola Tabu Ena Vakavakadewa Vou

¹³ Raica, era sa lako mai na meca me vaka na veio; ka sa vaka na covulaca na nona qiqinivalu; na nona ose era totolo cake mai na ikeli. Eda sa rusa! Eda sa leqa!

Jeremaia 4:13 Iomraidhean Croise

2 Samuela 1:23

Ko Saula kei Jonacani, erau sa veilomani ka dauveivinakati ni rau sa bula, Ka rau sa sega ni tawase ni rau sa mate: Erau a vakatotolo, ka berabera na ikeli, Erau a kaukauwa, ka malumalumu na laioni.

Aisea 13:5

Era sa lako mai na vanua yawa, mai na vu ni lomalagi, io ko Jiova, kei nai yaragi ni nona cudru levu, me vakarusa na vanua taucoko.

Aisea 19:1

Na vosa ni parofisai bibi kei Ijipita. Raica, sa vodo tu ko Jiova e na o totolo, ka sa lako mai ki Ijipita; a sa yavala na kalou lasu ni Ijipita e matana, ka sa waicala e lomana na yalo i Ijipita.

Aisea 3:8

Ni sa rusa ko Jerusalemi, ka sa ca ko Juta: ni sa dua tani na nodra vosa kei na nodra i valavala vei Jiova, me vakararawataka na matana vakaiukuuku.

Aisea 5:28

Sa gata na nodra gasau, ka sa loka tu na nodra dakai titi kecega, a ququ ni nodra ose sa nanumi ni sa vaka na qiwa, kei na yava ni nodra qiqi-ni-valu sa vaka na covulaca:

Aisea 66:15

Ni na lako dina mai ko Jiova e na bukawaqa, ena vaka talega na covulaca na nona qiqi-ni-valu, me ia na nona veisausaumi e na cudru katakata, kei na nona veivunauci e na yameyame ni bukawaqa. Na bukawaqa, kei nai seleiwau, sa na ia kina na veilewai kei ira na tamata kecega, ko Jiova:

Jeremaia 10:19

Ulei na noqu mavoa! sa ka rarawa na noqu yaviti: ia koi au ka'u a kaya, E dina sa ka ni veivakararawataki oqo, ia ka'u na vosota ga.

Jeremaia 4:12

io sa dua na cagi kaukauwa mai na veiyasana ko ya, ena lako mai vei au: ia koi au talega ka'u na qai tukuna na lewa vei ira.

Jeremaia 4:31

Ni'u sa rogoca e dua na domo sa vaka na domo ni yalewa sa taratara, ka vaka na yaluma i koya sa vakasucuma na nona ulumatua, na domo ni goneyalewa ni Saioni, ni sa tagicaki koya ga, ni sa dodoka na ligana, ka kaya, Ulei koi au oqo! ni sa luvu na yaloqu e na vukudra na daulaba!

Jeremaia 46:18

Me vaka na dina ni noqu bula, sa kaya na Tui, ko Jiova ni lewa vuqa na yacana, Ni sa vakataki Tepori ni sa tu dina e na maliwa ni veiulu-ni-vanua, ka vakataki Kameli ni sa tu dina e na bati ni waitui, ena lako dina ga mai ko koya.

Jeremaia 48:40

Ni sa kaya vakaoqo ko Jiova; Raica, ena vuka mai ko koya me vaka na ikeli, ka vakatetaba mai me ca ko Moapi.

Jeremaia 49:22

Raica, ena vuka cake mai ko koya me vaka na ikeli, ka vakatetaba mai me ca ko Posira: ia na lomadra na qaqa ni Itomi e na siga ko ya ena vaka na loma ni yalewa ni sa taratara.

Jeremaia 6:23

era na lukuta na dakai kei na moto; era sa yalokaukauwa, ka sega ni kila na loloma; a domodra ena vadugu me vaka na wasawasa; era sa vodo ose, ka lautuva me vaka na tamata me ia nai valu kivei iko, na goneyalewa ni Saioni.

Jeremaia 9:19

Ni sa dua na domo ni tagi sa rogo mai Saioni, sa kaya, Ulei na noda vakacacani! eda sa madua vakalevu, ni da sa vakalaiva na vanua, ni sa biuti keda tani na nodai tikotiko.

Lele i Jeremaia 4:19

Era sa totolo ko ira era vakasavi keda ka bera na ikeli ka vuka voli e cake Era sa cicimuri keda e na ulu-ni-vanua; era sa lawavaki keda mai veikau.

Isikeli 26:10

Ni sa levu na nona ose ena kuvuci iko taucoko na nodra kuvu-ni-soso: e na vuku ni domo ni valu sa vodo ose, kei na qiqi-ni-yaya, kei na qiqi-ni-valu, ena yavala kina na nomu bai, ni sa curu ko koya ki na nomu matamata-ni-koro, me vaka ni sa curumi na koro sa kabasu.

Isikeli 38:9

Ko na cabe mai me vaka na cava, ko na lako cake mai me vaka na o, mo dou ubia na vanua, ko iko, kei na nomu mataivalu kecega, ia koi kemudou vata kei na veimataqali e vuqa.

Taniela 11:40

Ia e na gauna ni kenai vakataotioti ena mai cumu vua ko koya na tui ni ceva: ia na tui ni tokalau ena cici vua me vaka na covulaca, o koya, kei na qiqi-ni-valu, kei na tamata sa vodo ose, kei na waqa e vuqa; ia ena curuma na vanua eso, ka luvuca, ka lako basika yani.

Taniela 7:4

A kenai matai sa vaka na laioni, a sa vakatabana vakaikeli: au a raica tiko ni sa vuti mai na lawe ni tabana, a sa vakaduri cake mai na qele, ka sa vakatudonutaki e na yavana me vaka na tamata, ka sa soli vua na yalo ni tamata.

Osea 8:1

Me toka ki na gusumu na davui, ka kaya, Ena lako mai ko koya, me vaka na ikeli, ki na vale i Jiova, ni ra sa vakacataka na noqu veiyalayalati, ka ra sa talaidredre ki na noqu vunau.

Maika 2:4

E na siga ko ya ena taurivaki na kemudoui bole, ka lelevaki kemudou e na lele vakaloloma, ka vaka, Eda sa vakacacani vakaidina: a nodra i votavota na kai noqu sa volitaka ko koya: sa kauta tani vei au ko koya! sa vota kina ko koya na noda veiwere vua na dauvuki.

Neumi 1:3

Sa daubera ni cudru ko Jiova, ka sa levu na nona kaukauwa, ia ena sega sara ni vakadonui ira na tamata ca: sa dua na sala i Jiova e na covulaca kei na cava, ia sa kena kuvu-ni-soso ni yavana na o.

Apakuki 1:8

Sa totolo na nodra ose ka bera na lepate; ka gu ni daukata vakalevu cake e na wolifa ni bogi: sa kabuacara na nodra i valu e vodo ose, io, era na lako vakayawa mai ko ira na nodra i valu era vodo ose; era sa vuka me vaka na ikeli sa kusakusa yani me kana.

Sakaraia 6:1

Au a ta cake tale, ka vakaraica, ka sa va na qiqi-ni-valu sa lako mai na tadrua ni ulu-ni-vanua e rua: ia na ulu-ni-vanua sa ulu-ni-vanua parasa.

Maciu 24:30

ena qai rairai mai nai vakatakilakila ni Luve ni tamata mai lomalagi; ena qai tagi na mataqali vakaaduaga e vuravura, era na qai raica na Luve ni tamata ni sa lako mai ena veio mai lomalagi e na kaukauwa kei nai ukuuku levu.

Vakarua 28:49

Ena kauta mai ko Jiova e dua na matanitu mai na vanua yawa me vala kei kemuni, io mai nai yalayala kei vuravura, me vaka na vuka ni ikeli; a matanitu ko ni sa sega ni kila na kena vosa;

Vakatakila 1:7

Raica, sa lako mai ko koya e na o: ka na raici koya na matada kecega, ko ira talega era a suaki koya: ena tagi sara e na vukuna na veimataqali kecega e vuravura. Me vaka ga oqo. Emeni.