Jeremaia 4:10 - Vakavakadewa Makawa

¹⁰ Au a qai kaya, Ulei, na Turaga ko Jiova! e dina ko ni sa vakacalai ira vakalevu na tamata oqo, kei Jerusalemi, ni ko a kaya, Dou na tiko vakacegu; ia ka sa lau ki na vu ni yalodra nai seleiwau.

Ai Vola Tabu (Vakadewa Makawa Vakavoutaki 2021)

¹⁰ Au a qai kaya, “Ulei, na Turaga ko Jiova! E dina sara ni ko ni sa vakacalai ira vakalevu na tamata oqo kei Jerusalemi, ni ko ni a kaya, ‘Dou na tiko vakacegu’, ia ka sa lau tu ki na vu ni domodra nai seleiwau!”

AI VOLA TABU

¹⁰ Au a qai kaya, Ule, Turaga Jiova! e dina ko sa vakacalai ira vakalevu na tamata o qo, kei Jerusalemi, ni ko a kaya, Dou na tiko vakacegu; ia ka sa lau ki na vu ni yalo nai seleiwau.

Vakavakadewa Vou kei na iVola tale eso

¹⁰ Ia au a qai kaya, “Kemuni na Turaga na Kalou! O ni sa vakacalai ira vakalevu na lewe i Jerusalemi. O ni a kaya ni na yaco na sautu, ia oqo sa tu e dua na i seleiwau e domodra.

Ai Vola Tabu Ena Vakavakadewa Vou

¹⁰ Ia au a qai kaya, “Kemuni na Turaga na Kalou! O ni sa vakacalai ira vakalevu na lewe i Jerusalemi. O ni a kaya ni na yaco na sautu, ia oqo sa tu e dua na i seleiwau e domodra.

Jeremaia 4:10 Iomraidhean Croise

Lako Yani 5:22

A sa lesu vei Jiova ko Mosese, ka sa kaya, Kemuni na Turaga, a cava ko ni sa vakararawataki ira kina na tamata oqo? a cava ko ni a talai au kina?

Lako Yani 9:14

Ni'u na tala e na gauna oqo na noqu mate veiveitauvi kecega ki na yalomu, vei ira talega era qaravi iko, kei ira na nomu tamata; mo kila kina ni sa sega e dua me tautauvata kei au e vuravura taucoko.

Aisea 30:10

Era kaya vei ira na rairai, Dou kakua ni raica tiko; vei ira talega na parofita, Dou kakua ni vunautaka na ka dodonu e na vuku i keimami, vunau vakamalumalumu vei keimami, raica ga na ka lasu:

Aisea 37:35

Ia ka'u na vakaruruga na koro oqo me'u vakabula e na vukuqu, e na vuku talega i Tevita na noqu i talatala.

Aisea 63:17

A cava ko ni sa vakasesei keimami tani kina, Jiova, mai na nomuni sala, ka vakaukauwataka na yalo i keimami me kakua ni rerevaki kemuni? Mo ni lesu mai e na vukudra na nomuni tamata, na veimataqali era sa nomuni votavota:

Jeremaia 1:6

Au a qai kaya, Isa, noqu Turaga Jiova! raica, ka'u sa sega ni kila vosa: ni'u sa gone ga koi au.

Jeremaia 23:17

Era sa kaya tikoga vei ira era beci au, Sa kaya ko Jiova, Ena yaco ga na vakacegu vei kemudou, ia vei ira kece era muria na kaukauwa ni lomadra era sa kaya, Ena sega na ca me yacovi kemudou:

Jeremaia 32:17

Kemuni na Turaga ko Jiova! ko ni sa bulia na lomalagi kei vuravura e na nomuni kaukauwa levu kei na ligamuni e dodo yani, ka sa sega ni dredre vei kemuni e dua na ka:

Jeremaia 4:18

A nomu i valavala kei na nomu cakacaka sa vakayacora na ka oqo vei iko; oqo na nomu caka ca ga, ka sa gaga sara, sa lau sara ki na vu ni yalomu.

Jeremaia 5:12

Era sa lasutaki Jiova, ka kaya, Sa sega ni ko koya; ena sega ni yacovi keda e dua na ca; eda na sega ni kunea nai seleiwau se na viakana:

Jeremaia 6:14

ka ra sa vakamavotaka vakaca ga na nona mavoa na goneyalewa ni noqu tamata, ni ra kaya, Dou vakacegu; dou vakacegu; ni sa sega na vakacegu.

Jeremaia 8:11

ka ra sa vakamavotaka vakaca ga na nona mavoa na goneyalewa ni noqu tamata, ni ra kaya, Dou vakacegu, dou vakacegu; ni sa sega na vakacegu.

Lele i Jeremaia 2:21

Era davo no e na qele e na sala ni koro ko ira na gone kei na qase: Ko ira na noqu goneyalewa kei ira na noqu cauravou, era sa bale e nai seleiwau; Ko ni sa vakamatei ira e na siga ni nomuni cudru; Ko ni sa vakamatea, ka sega ni lomana.

Isikeli 11:13

Ia ni'u sa parofisai tiko, sa qai ciba ko Pilataia na luve i Pinaia. Au sa qai bale vakatoboicu, ka tagi vakadomoilevu, ka kaya, Isa le, noqu Turaga Jiova! ko ni na qai vakaotia sara na kedra vo na Isireli?

Roma 1:24

O koya sa biuti ira kina na Kalou me ra qeleqelewa e na dodomo ni yalodra, me ra vakavelavelataka kina na yagodra vakai ira:

Roma 1:26

O koya sa biuti ira kina na Kalou me ra muria na dodomo vakasisila; ni ra sa vakaisosomitaka ko ira na nodra yalewa nai valavala sa lesi e na dua tani e sega ni lesi:

Roma 1:28

Ia ni ra sa sega ni vinakata me ra kila tiko na Kalou, sa biuti ira na Kalou me ra lomavakatani, me ra kitaka na veika e sega ni kilikili kei ira;