Jeremaia 4:1 - Vakavakadewa Makawa

¹ Kevaka ko na lesu mai, na Isireli, sa kaya ko Jiova, mo lesu mai vei au: ia kevaka ko na biuta tani na nomu ka vakasisila e mataqu, ko na qai sega ni lako tani:

Ai Vola Tabu (Vakadewa Makawa Vakavoutaki 2021)

¹ “Kevaka ko na lesu mai, na Isireli, sa kaya ko Jiova, mo lesu mai vei au. Ia kevaka ko na biuta tani na nomu ka vakasisila e mataqu, ko na qai sega ni lako tani,

AI VOLA TABU

¹ KEVAKA ko na lesu mai, Isireli, sa kaya ko Jiova, mo lesu mai vei au: ia kevaka ko na biuta tani na nomu ka vakasisila e mataqu, o na qai sega ni lako tani:

Vakavakadewa Vou kei na iVola tale eso

¹ Kemuni na Isireli, kevaka o ni lesu mai, ni lesu mai vei au,” sa kaya o Jiova. “Ni biuti ira laivi na matakau vakasisila, mo ni lesu mai ka yalodina vei au,

Ai Vola Tabu Ena Vakavakadewa Vou

¹ Kemuni na Isireli, kevaka o ni lesu mai, ni lesu mai vei au,” sa kaya ko Jiova. “Ni biuti ira laivi na matakau vakasisila, mo ni lesu mai ka yalodina vei au,

Jeremaia 4:1 Iomraidhean Croise

Vakatekivu 35:2

A sa kaya ko Jekope vei ira na nona lewe-ni-vale, kei ira kecega era tiko kaya, Dou biuta tani na kalou ni kai tani sa tiko kei kemudou, dou savasava talega, ka vakaisulu e nai sulu tani:

2 Tui 23:13

Ia sa vaqeleqelewataka na tui na veitikina cecere sa tu e na mata i Jerusalemi, ki nai matau ni ulu-ni-vanua ni veivakacalai ka cakava ko Solomoni na tui Isireli vei Asetoreci, na nodra ka vakasisila na kai Saitoni, vei Kimosi talega, na nodra ka vakasisila na Moapi, kei Milikomi, na nodra ka vakasisila na luve i Amoni.

2 Tui 23:24

Ia ko ira era sa daucurumi, kei ira era sa dauveinita, kei na veimatakau, kei na veika vakasisila era sa soro kina, kei na ka vakasisila kecega sa kune e na vanua nei Juta kei Jerusalemi, sa kauta tani ko Josaia, me vakataudeitaka kina na vosa ni vunau sa volai e nai vola sa kunea ko Ilikaia na bete e na vale i Jiova.

2 Veigauna 15:8

Ia ni sa rogoca ko Esa na vosa oqo, kei na parofisai i Oteti na parofita, sa yalodoudou mai, a sa biuta tani na matakau vakasisila mai na vanua taucoko i Juta kei Penijamini, mai na veikoro talega sa rawa ko koya mai na ulu-ni-vanua ko Ifireimi, ka sa vakavinavinakataka tale nai cabocabo-ni-soro i Jiova, oqori ka tu e na mata ni varada i Jiova.

2 Veigauna 33:8

Ia ka'u na sega talega ni kauta tani na yavadra na Isireli mai na vanua au a lesia me nodra na nomudou qase, kevaka era na nanuma ga ka cakava na ka kecega au sa vakarota vei ira, me vaka na vunau taucoko, kei nai lesilesi, kei nai valavala ni soro, sa tukuna ko Mosese.

2 Veigauna 34:33

A sa kauta tani ko Josaia na ka vakasisila kecega mai na nodra vanua kecega na Isireli, ka vakauqeti ira kecega era sa tiko e Isireli me ra qarava, io, me ra qaravi Jiova na nodra Kalou. Ka ra sa sega ni lako tani me ra kakua ni muri Jiova, na Kalou ni nodra qase, e na nona gauna kecega.

Aisea 31:6

Dou lesu mai vei koya era sa vuki tani vakalevu kina na Isireli.

Jeremaia 15:19

O koya oqo sa kaya kina ko Jiova, Kevaka ko na saumaki mai, ka'u na qai vakayacori iko tale, mo mai tu ga e mataqu: ia kevaka ko na wasea tani na ka talei mai na ka sa sega ni yaga, ko na qai vaka ga na gusuqu: me ra saumaki mai vei iko ko ira; ia ko iko mo kakua ni saumaki vei ira.

Jeremaia 15:4

Ia ka'u na soli ira me ra veikauyaki ki na veimatanitu kecega e vuravura, e na vuku i Manasa na luve i Esekaia na tui Juta, e na vuku ni ka sa cakava e Jerusalemi.

Jeremaia 18:11

Ia oqo, mo vosa vei ira na Juta, kei na lewe i Jerusalemi, ka kaya, Sa kaya vakaoqo ko Jiova; Raica, au sa tulia na ca kivei kemudou, ia ka'u sa vakananuma e dua na lewa e na vukumudou: dou dui lesu mada mai na nomudou i tovo ca, ka vakavinakataka na nomudou i tovo kei na nomudou i valavala.

Jeremaia 24:9

ia ka'u na soli ira me ra kau tani me ra ca kina, ki na veimatanitu kecega kei vuravura, me ra vakalialiai, ka vakaiboletaki, ka veiwalitaki, ka vosavosacati, e na veiyasana kecega ka'u na dui vakasevi ira kina:

Jeremaia 25:5

Era daukaya, Dou dui lesu yadua edaidai mai na nonai tovo ca, kei na ca ni nonai valavala, ka tiko ga e na vanua sa solia ko Jiova vei kemudou kei ira na nomudou qase me sega ni mudu:

Jeremaia 3:1

Sa kainaki, Kevaka e dua na tagane sa biuta na watina, a sa lako tani vua, ka sa yaco me nona na tagane tani, ena lesu tale beka vua ko koya na tagane? ena sega beka ni vakadukadukalitaki sara kina na vanua ko ya? ia ko iko ko sa cala kei ira e lewe vuqa; ia mo lesu ga vei au, sa kaya ko Jiova.

Jeremaia 3:12

Mo la'ki tukuna na vosa oqo vaka ki na tokalau, ka kaya, Dou lesu mai, na Isireli sa dauvuki, sa kaya ko Jiova; ka'u na qai sega ni vakatauca na noqu cudru vei kemudou: ni'u sa yalololoma, sa kaya ko Jiova, ka'u na sega ni vakadedetaka tikoga na noqu cudru me sega ni mudu.

Jeremaia 3:14

Dou lesu mai, na gone dauvuki, sa kaya ko Jiova; ni'u sa veiwatini kei kemudou: ka'u na qai kauti kemudou, e dua mai na dua na koro, ka rua mai na dua na mataqali, ia ka'u na kauti kemudou mai ki Saioni:

Jeremaia 3:22

Dou lesu mai, na gone sa dauvuki, ka'u na buluta na nomudou dauvuki. Mo ni raica, keimami sa lako mai vei kemuni; ni sai kemuni ko Jiova na neimami Kalou.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 36:3

Era na rogoca beka ko ira na mataqali i Juta na ca kecega ka'u sa nakita me'u cakava vei ira; me ra dui lesu kina ko ira yadua mai na nona sala ca; ia me'u bokoca kina na nodra caka cala kei na nodra i valavala ca.

Jeremaia 4:4

Dou cilivi kemudou mo dou nei Jiova, ka kauta tani na vuso ni yalomudou, koi kemudou na kai Juta kei na lewe i Jerusalemi: de lako yani me vaka na bukawaqa na noqu cudru, ka waqa me sega e dua e bokoca rawa, e na vuku ni kena ca ni nomudou i valavala.

Jeremaia 7:3

Sa kaya vakaoqo ko Jiova ni lewe vuqa, na Kalou ni Isireli, Dou cakava me vinaka na nomudou i tovo kei na nomudou i valavala, ka'u na qai lesia mo dou tiko ga e na yasana oqo:

Jeremaia 7:5

Ia kevaka dou sa vakavinakataka sara na nomudou i tovo kei na nomudou i valavala; kevaka dou sa ia na lewa dodonu e na vukudrau na tamata kei na kai nona;

Jeremaia 7:7

ka'u na qai lewa mo dou tiko ga e na yasana oqo, e na vanua ka'u a solia vei ira na nomudou qase, me sega ni mudu.

Isikeli 11:18

A ra na yaco yani ki kea, ka kauta tani maikina na kena ka velavela kecega, kei na kena ka vakasisila kecega.

Isikeli 18:13

ka solia nai yau me saumi vakatawadodonu, ka sa taura ga na kenai kere: ena bula li ko koya? ena sega ni bula: sa cakava na ka vakasisila kecega oqo; ena mate vakaidina ko koya: ena baleti koya ga na nona mate.

Isikeli 43:9

Ia me ra biuta tani mada na nodra dauyalewa, kei na yago mate ni nodra tui, me yawa vei au, ka'u na qai tiko vata kei ira ka sega ni mudu.

Osea 14:1

Ko iko na Isireli, mo lesu mada vei Jiova na nomu Kalou; ni ko sa bale e na nomu caka cala.

Osea 2:2

Dou ia na veilewai kaya na tinamudou, dou ia na veilewai: ni sa sega ni watiqu ko koya, koi au talega, ka'u sa sega ni watina: me biuta laivi ko koya na nona dautagane, kei na nona veibutakoci mai na maliwa ni sucuna;

Osea 7:16

Era lesu, ka segai vua sa Cecere sara: era sa vaka na dakai daulasu: ena bale e nai seleiwau ko ira na nodra turaga e na vuku ni cudru ni yamedra: a ka oqo era na vakalialiai kina e na vanua ko Ijipita.

Joeli 2:12

Ia oqo ga, sa kaya ko Jiova, mo dou lesu mai vei au e na vu ni yalomudou, ka dou lolo talega, ka me vakawai na matamudou ka ia na tagi yaso:

Sakaraia 1:4

Dou kakua ni vakataki ira na nomudou qase, ka kaci kina ko ira na parofita eliu, ka vaka Sa kaya vakaoqo ko Jiova ni lewe vuqa; Dou lesu mada mai na nomudou i tovo ca, kei na nomudou i valavala ca: ia era a sega ga ni rogoca, se vakarorogo vei au, sa kaya ko Jiova.

Vakarua 27:15

Me cudruvi na tamata sa cakava e dua na matakau ceuceu se na matakau sa vakawaicalataki, na ka vakasisila vei Jiova, na cakacaka ni matai, ka vakaduria e na tikina vuni. A ra na vosa na tamata kecega, ka vakaemeni.

Vakarua 4:30

Ni kemuni sa rarawa, ka sa yacovi kemuni na ka kecega oqo, e na siga maimuri, kevaka ko ni sa lesu mai vei Jiova na nomuni Kalou, ka sa talairawarawa ki na domona;

Josua 24:14

Ia oqo, mo ni rerevaki Jiova, ka qaravi koya e na yalododonu ka vakaidina: ka biuta tani na veikalou era qarava na nomuni qase mai tai kadua ni Uciwai, mai Ijipita talega; ia mo ni qaravi Jiova.

Dauveilewai 10:16

A ra sa biuta tani na nodra kalou na kai tani mai na kedra maliwa, ka qaravi Jiova: a sa bitaki na yalona e na vuku ni nodra rarawa na Isireli.

1 Samuela 7:3

A sa vosa vei ira kecega na mataqali i Isireli ko Samuela, ka kaya, Kevaka kemuni sa saumaki vei Jiova e na yalomuni taucoko, mo ni biuta na nodra kalou na kai tani kei Aseteroci mai na kemuni maliwa, ka vakarautaka na yalomuni vei Jiova, ka qaravi koya duaduaga; ena qai vakabulai kemuni ko koya mai na ligadra na kai Filisitia.