Jeremaia 39:1 - Vakavakadewa Makawa

¹ E nai kaciwa ni yabaki i Setekaia na tui Juta, e nai katini ni vula, sa lako mai ko Nepukanesa na tui Papiloni kei na nonai valu kecega ki Jerusalemi, a ra sa buku na druadrua ni koro.

Ai Vola Tabu (Vakadewa Makawa Vakavoutaki 2021)

¹ E nai kaciwa ni yabaki i Setekaia na tui Juta, e nai katini ni vula, sa lako mai ko Nepukanesa na tui Papiloni kei na nona mataivalu kecega ki Jerusalemi, a ra sa buku na druadrua ni koro.

AI VOLA TABU

¹ E NAI kaciwa ni yabaki i Sitikiya na tui Juta, e nai katini ni vula, sa lako mai ko Nipukatiresari na tui Papiloni kei na nonai valu kecega ki Jerusalemi, a ra sa buku na druadrua ni koro.

Vakavakadewa Vou kei na iVola tale eso

¹ Ena i katini ni vula ni i kaciwa ni yabaki a tui kina o Setekaia e Juta a lako mai o Nepukanesa na tui Papiloni ka ravuti Jerusalemi.

Ai Vola Tabu Ena Vakavakadewa Vou

¹ Ena i katini ni vula ni i kaciwa ni yabaki a tui kina o Setekaia e Juta a lako mai o Nepukanesa na tui Papiloni ka ravuti Jerusalemi.

Jeremaia 39:1 Iomraidhean Croise

2 Veigauna 36:17

E na vuku ni ka oqo, sa kauta mai vei ira ko koya na nodra tui na kai Kalitia, o koya ka vakamatea e nai seleiwau na nodra cauravou e na nodra vale tabu, ka sega ni lomana na cauravou se na goneyalewa, na tagane qase se koya sa roko lako ni sa qase sara: sa soli ira kecega ki na ligana.

Jeremaia 32:1

A vosa sa yaco vei Jeremaia maivei Jiova e nai katini ni yabaki i Setekaia na tui Juta, oqori nai katinikawalu ni yabaki i Nepukanesa.

Jeremaia 34:1

E na gauna sa veivaluti kina kei Jerusalemi, kei na kena veikoro kece, ko Nepukanesa, na tui Papiloni, kei na nonai valu kecega, kei na veiqali kece ni nona matanitu e vuravura, kei ira kece na tamata, sa qai yaco vei Jeremaia e dua na vosa maivei Jiova, ka vaka,

Jeremaia 34:22

Raica, au na vakarota, sa kaya ko Jiova, ka vakalesui ira tale mai ki na koro oqo; ka ra na mai kaba, ka rawa, ka vakama e na bukawaqa; ia na veikoro vaka-Juta ka'u na vakalalataka, me sega e dua e tiko kina.

Jeremaia 42:18

Ni sa kaya vakaoqo ko Jiova ni lewe vuqa, na nodra Kalou na Isireli; Me vaka sa sovaraki na noqu cudru kei na noqu lesa vei ira na kai Jerusalemi; ena sovaraki vakakina na noqu cudru vei kemudou, ni dou sa yaco ki Ijipita: ia dou na vatonaki, ka vakurabuitaki, ka vosavosacati, ka vakalialiai; ia dou na sega ni raica tale na yasana oqo.

Jeremaia 52:1

Sa ruasagavulu ka dua na yabaki i Setekaia ni sa buli ko koya me tui, a sa yabaki tini ka dua na nona lewa tiko mai Jerusalemi. Ia na yaca i tinana ko Emutali, na luve i Jeremaia na kai Lipina.

Jeremaia 6:6

Sa vakaoqo na vosa i Jiova ni lewe vuqa, Dou taya sobu na kau, ka viri suva kei Jerusalemi: oqo na koro me cudruvi; sa caka e loma ni koro nai valavala vakasausa.

Isikeli 33:21

Ia e nai tinikarua ni yabaki ni neimami tiko vakabobula, e nai katini ni vula, e nai kalima ni siga ni vula, sa qai lako mai vei au e dua sa dro mai Jerusalemi, ka sa kaya, Sa samu na koro.

Isikeli 4:3

Mo kauta talega e dua na tavuteke, ka viritura me kena bai e na kemudrau maliwa kei na koro: ia mo vaqara kina na matamu, me na buku na druadrua ni koro, ia ko na qai kaba. Oqo nai vakatakilakila ki na mataqali i Isireli.

Isikeli 40:1

E nai karuasagavulu ka lima ni yabaki ni neimami tiko vakabobula, e nai vakatekivu ni yabaki, e nai katini ni siga ni vula, sa oti e katinikava na yabaki ni kena samu na koro, e na siga dina ko ya sa tiko vei au na liga i Jiova, ka sa kauti au ki kea.

Isikeli 5:2

e dua na kena wase mo qai vakama e na bukawaqa e na loma ni koro, ni sa oti na veibogi sa buku kina na druadrua: ia mo taura e dua na kena wase, ka taya vakavolivolita e nai sele: ia na kenai katolu ni kena wase mo veibiuyaka ki na mata ni cagi; ia ka'u na ucuna nai seleiwau me muri ira.

Sakaraia 8:19

Sa kaya vakaoqo ko Jiova ni lewe vuqa; A lolo e nai kava ni vula, kei na lolo e nai kalima, kei na lolo e nai kavitu, kei na lolo e nai katini ni vula, ena ka ni reki ga vei ira na mataqali i Juta, io, ena ka ni marau, ka so levu vinaka; ia mo dou vinakata ga na ka dina kei na veilomani.

Vakarua 28:36

Ena kauti kemuni ko Jiova, kei na nomuni tui ko ni na bulia me lewai kemuni, ki na dua na matanitu ko sa sega ni kila, koi kemuni, se ko ira na nomuni qase; ia ko ni na qarava maikina na kalou tani, na kau kei na vatu.