Jeremaia 38:4 - Vakavakadewa Makawa

⁴ A ra sa kaya vua na tui ko ira na turaga, Me vakamatei mada na tamata oqo: ni sa vakamalumalumutaka ko koya e na vosa oqo na ligadra na tamata i valu era sa vo e na koro oqo, kei na ligadra na tamata kecega: na tamata oqo sa sega ni segata na nodra vinaka na lewe ni vanua oqo, na nodra ca ga.

Ai Vola Tabu (Vakadewa Makawa Vakavoutaki 2021)

⁴ A ra sa kaya vua na tui ko ira na turaga, “Me vakamatei mada na tamata oqo, ni sa vakamalumalumutaka ko koya e na vosa oqo na ligadra na tamata i valu era sa vo e na koro oqo, kei na ligadra na tamata kecega. Na tamata oqo sa sega ni segata na nodra vinaka na lewe-ni-vanua oqo, na nodra ca ga.”

AI VOLA TABU

⁴ A ra sa kaya na turaga vua na tui, Me vakamatei mada na tamata o qo: ni sa vakamalumalumutaka vakaoqo ko koya na ligadra na tamatai valu era sa vo e na koro o qo, kei na ligadra na tamata kecega, ni sa cavuta vei ira na vosa vakaoqo: ni sa tamata o qo sa tawa qara na nodra vinaka na lewe ni vanua o qo, na nodra ca ga.

Vakavakadewa Vou kei na iVola tale eso

⁴ Ia era a qai kaya na vakailesilesi vua na tui, “Na tamata oqo sa dodonu me vakamatei. Sa vakarerei ira na sotia ena nona vosa tiko vakaoqo ka vakarerei ira kece talega sa vo tu ena koro oqo. Na tamata oqo sa sega ni via vukei ira na tamata, sa vakacacani ira ga.”

Ai Vola Tabu Ena Vakavakadewa Vou

⁴ Ia era a qai kaya na vakailesilesi vua na tui, “Na tamata oqo sa dodonu me vakamatei. Sa vakarerei ira na sotia ena nona vosa tiko vakaoqo ka vakarerei ira kece talega sa vo tu ena koro oqo. Na tamata oqo sa sega ni via vukei ira na tamata, sa vakacacani ira ga.”

Jeremaia 38:4 Iomraidhean Croise

1 Tui 21:20

A sa kaya vei Ilaija ko Eapi, O sa kunei au beka ko iko, na noqu meca? A sa kaya ko koya, Io, au sa kunei iko; ni ko sa volitaki iko mo caka ca e na mata i Jiova.

2 Veigauna 24:21

A ra sa buki kena vere, a ra sa vakaviriki koya e na vatu, e na rara ni vale i Jiova ni sa vakarota ko koya na tui.

Esera 4:12

Mo ni kila na tui, ni ra sa lako mai ki Jerusalemi, ko ira na Jiu era lako maivei kemuni vei keimami, a ra sa tara tiko na koro dauvere ka ca, ka ra sa viria na kena bai, ka veiuturitaka na kena yavu.

Niemaia 6:9

Ni ra sa via vakarerei keimami ko ira kece, ni ra kaya, Ena vakamalumalumutaki na ligadra e na cakacaka, me kakua ni caka. Ia oqo, kemuni na noqu Kalou, mo ni vakaukauwataka na ligaqu.

Lako Yani 5:4

A sa kaya vei rau na tui Ijipita, Koi kemudrau, ko Mosese kei Eroni, a cava drau sa tarovi ira kina na tamata e na nodra cakacaka? dou lako ki na nomudou i lesilesi.

Jeremaia 11:21

O koya oqo sa kaya kina ko Jiova e na vukudra na kai Anacoci, era sa segata me ra vakamatei iko, ka kaya, Mo kakua ni ia na parofisai e na yaca i Jiova, de ko mate e na liga i keimami;

Jeremaia 18:23

Io koi kemuni, Jiova, ko ni sa kila kece na nodra veretaki au me'u mate: mo ni kakua ni buluta na nodra caka cala, ia na nodra i valavala ca mo ni kakua ni bokoca tani mai na matamuni, ia me ra vakabalei sobu ga e matamuni; mo ni vakayacora vei ira e na gauna ni nomuni cudru.

Jeremaia 26:11

Era sa qai vosa ko ira na bete kei ira na parofita vei ira na turaga kei ira na tamata kecega, ka kaya, Sa dodonu me mate na tamata oqo; ni sa parofisaitaka na ca ki na koro oqo, me vaka dou sa rogoca e daligamudou.

Jeremaia 29:7

Ia dou gumatua me sautu na koro ka'u a lewa mo dou kau vakabobula kina, ka masulaka vei Jiova: ni sa sautu ko ya, dou na sautu talega:

Jeremaia 38:16

Sa qai bubului lo vei Jeremaia ko Setekaia na tui, ka kaya, Me vaka sa bula dina ko Jiova, ko koya sa cakava na yalodaru oqo, au na sega ni vakamatei iko, au na sega talega ni soli iko ki na ligadra na tamata oqo era segata me ra vakamatei iko.

Jeremaia 38:25

Ia kevaka era rogoca ko ira na turaga ni daru sa veivosaki kei iko, ka ra lako mai vei iko, ka kaya, Tukuna mada vei keitou na ka ko sa kaya vua na tui, kakua ni ko vunia vei keitou, ia keitou na sega ni vakamatei iko; ka mo tukuna talega na ka sa kaya vei iko na tui:

Jeremaia 43:3

ia ko Peruki na luve i Neraia sa vakauqeti iko vakaca ga vei keimami, me soli keimami ki na ligadra na kai Kalitia, me ra vakamatei keimami, ka kauti keimami ki Papiloni.

Isikeli 22:27

O ira na kena turaga era sa vaka na wolifa e dresulaka na kedra, me ra vakadavea na dra, me vakarusa na yalo, me ia na veikoveraki.

Emosi 7:10

Sa qai talaki ko Amasaia na bete mai Peceli vei Jeropoami na tui Isireli, ka kaya, Sa bukia na kemu vere ko Emosi e na kedra maliwa na mataqali i Isireli: sa sega ni vosota rawa na vanua na nona vosa kecega.

Luke 23:2

A ra sa vakatekivu me ra beitaka, a ra sa kaya, Keitou sa kunei koya oqo, ni sa vukici ira vakatani na vanua, sa vakatabuya na soli vakacavacava vei Sisa a sa kaya ni sa Karisito na Tui ko koya.

Cakacaka 16:20

ka kauti rau ki na mataveilewai, ka kaya, Oi rau na tamata la oqo, erau kai Jutia, erau sa vakidroataka na noda koro,

Cakacaka 17:6

Ia ni ra sa sega ni kunei iratou, era sa yarataki Jesoni kei ira na veiwekani eso vei ira na turaga ni koro, ka kaci, O iratou oqo eratou sa vukici vuravura me ca, eratou sa tadu talega mai kike;

Cakacaka 24:5

Ni keitou sa kunea na tamata la oqo e dauveivakacalai, a sa dauvakatubu ca ko koya vei ira kecega na Jiu e vuravura, a sa liu vei ira nai tokani ni kai Nasareci:

Cakacaka 28:22

ia keitou sa via rogoci iko se cava ko sa nanuma: ni keitou sa kila sa vosavakacacataki na lotu tani oqo e na veivanua kecega.