Jeremaia 38:2 - Vakavakadewa Makawa

² Sa kaya ko Jiova, Ko koya sa tiko e na koro oqo ena mate ga e nai seleiwau, kei na viakana, kei na mate dauveiveitauvi: ia ko koya sa lako yani vei ira na kai Kalitia ena bula; ia na nona bula ena nonai toki ni valu, ena bula ga ko koya.

Ai Vola Tabu (Vakadewa Makawa Vakavoutaki 2021)

² “Sa kaya ko Jiova, Ko koya sa tiko e na koro oqo ena mate ga e nai seleiwau, kei na viakana, kei na mate dauveiveitauvi; ia ko koya sa lako yani vei ira na kai Kalitia ena bula; ia na nona bula ena nona i toki-ni-valu, ena bula ga ko koya.

AI VOLA TABU

² Sa vosa vakaoqo ko Jiova,

Vakavakadewa Vou kei na iVola tale eso

² E a tukuna vei ira ni a kaya na Turaga o Jiova. Na tamata yadua ena tiko ga ena koro oqo ena mate ena i valu, viakana, se ena mate ca. Ia, o koya ena lako yani ka soli koya vei ira na kai Papiloni ena sega ni vakamatei, ena drotaka wale ga na nona bula ka na vakabulai.”

Ai Vola Tabu Ena Vakavakadewa Vou

² E a tukuna vei ira ni a kaya na Turaga ko Jiova. Na tamata yadua ena tiko ga ena koro oqo ena mate ena i valu, viakana, se ena mate ca. Ia, o koya ena lako yani ka soli koya vei ira na kai Papiloni ena sega ni vakamatei, ena drotaka wale ga na nona bula ka na vakabulai.”

Jeremaia 38:2 Iomraidhean Croise

Jeremaia 21:4

Sa kaya vakaoqo ko Jiova na Kalou ni Isireli; Raica, au na vakalesuya tani nai yaragi ni valu e na ligamudou, dou sa veivaluti kina kei tui Papiloni, kei ira na kai Kalitia, era mai kabai kemudou mai daku ni bai, ia ka'u na vakasoqoni ira mai ki loma ni koro oqo.

Jeremaia 24:8

Ia me vaka na lolo ca, sa sega ni laukana rawa ni sa ca ga; sa vosa dina vakaoqo ko Jiova: Ena vakakina ka'u na soli Setekaia na tui Juta, kei ira na kena turaga, kei na kedra vo ni Jerusalemi, era tiko e na vanua oqo, kei ira sa tiko mai na vanua ko Ijipita:

Jeremaia 27:11

Ia na veimatanitu sa vakataqara ki domodra nai vua i tui Papiloni, me ra qaravi koya, ka'u na laivi ira ga me ra tiko e na nodra vanua, sa kaya ko Jiova; ka ra na wereca, ka tikotiko ga kina.

Jeremaia 27:13

A cava dou sa via mate kina, ko iko, kei ira na nomu tamata, e nai seleiwau, kei na viakana, kei na mate dauveiveitauvi, me vaka na ka sa tukuna ko Jiova ena yaco ki na matanitu sa bese ni qaravi tui Papiloni?

Jeremaia 29:16

o koya oqo sa kaya ko Jiova e na vuku ni tui sa tiko e nai tikotiko i Tevita, e na vukudra kece talega na tamata era tiko e na koro oqo, kei na wekamudou era sa sega ni lako tani vata kei kemudou:

Jeremaia 29:18

Ia ka'u na vakacacani ira e nai seleiwau, kei na viakana, kei na mate dauveiveitauvi, ka soli ira me ra kau tani ki na veimatanitu e vuravura; me ra vosavosacati, ka vakurabuitaki, ka vakasiusiutaki, ka vakalialiai, e na veivanua kecega ka'u sa dui vakasevi ira kina:

Jeremaia 34:17

O koya oqo sa kaya kina ko Jiova; Koi kemudou, dou sa sega ni vakarorogo vei au, mo dou dui tukuna yadua na veisereki vua na wekana, kei na tamata yadua vua na kai nona: raica, au sa tukuna vei kemudou na veisereki, sa kaya ko Jiova, ki nai seleiwau, kei na mate dauveiveitauvi, kei na viakana, ia ka'u na soli kemudou mo dou kau tani ki na veimatanitu kece e vuravura.

Jeremaia 39:18

ni'u na vakabulai iko vakaidina, ia ko na sega ni bale e nai seleiwau, ia na nomu bula ga ena nomu i toki ni valu: ni ko sa vakararavi vei au, sa kaya ko Jiova.

Jeremaia 42:17

Ia ena yaco vakakina vei ira kece na tamata era sa gu sara me ra lako ki Ijipita me tiko kina, era na mate ga e nai seleiwau, kei na viakana, kei na mate veiveitauvi: ena sega talega e dua vei ira me vo se me dro tani mai na ca ka'u na vakayacora vei ira.

Jeremaia 42:22

Ia dou kila vinaka mada ni dou na mate e nai seleiwau, kei na viakana, kei na mate dauveiveitauvi, e na yasana dou sa via la'ki tiko vulagi kina.

Jeremaia 44:13

Ni'u na cudruvi ira sa tiko e na vanua ko Ijipita, me vaka ka'u a cudruvi Jerusalemi, e nai seleiwau, kei na viakana, kei na mate dauveiveitauvi:

Jeremaia 45:5

Ia ko iko ko sa dauqara beka eso na ka levu me nomu? mo kakua ni dauqara: raica, au na vakayacora na ca vei ira na tamata kecega, sa kaya ko Jiova: ia ka'u na solia vei iko na nomu bula me nomu i toki ni valu e na veiyasana kecega ko sa lako voli kina.

Isikeli 14:21

Ni sa kaya vakaoqo na Turaga ko Jiova; Io ka vakabeka evei na kena levu cake ni ka'u sa vakauta ki Jerusalemi na noqu ka rarawa kava, nai seleiwau, kei na viakana, kei na manumanu ca, kei na mate dauveiveitauvi, me'u muduka tani maikina na tamata kei na manumanu?

Isikeli 6:11

Sa kaya vakaoqo na Turaga ko Jiova; Mo lali dibi e na ligamu, ka vakabutubutu e na yavamu, ka kaya, Ulei na nodra i valavala vakasisila kece na mataqali i Isireli! ni ra na bale e nai seleiwau, kei na dausiga, kei na mate dauveiveitauvi.

Isikeli 7:15

Ai seleiwau, sa tu ga mai taudaku, kei na mate dauveiveitauvi kei na dausiga, sa tu mai vale: o koya sa tiko mai na were ena mate e nai seleiwau; o koya talega sa tiko mai na koro, ena kani koya na dausiga kei na mate dauveiveitauvi.