Jeremaia 37:3 - Vakavakadewa Makawa

³ Ia ko Setekaia na tui sa talai Jiukali na luve i Selemaia kei Sefanaia na luve i Meesea na bete vei Jeremaia na parofita, me kaya, Mo masulaki keda mada vei Jiova na noda Kalou.

Ai Vola Tabu (Vakadewa Makawa Vakavoutaki 2021)

³ Ia ko Setekaia na tui sa talai Jiukali na luve i Selemaia kei Sefanaia na luve i Meesea na bete vei Jeremaia na parofita, me kaya, “Mo masulaki keda mada vei Jiova na noda Kalou.”

AI VOLA TABU

³ Ia ko Sitikiya na tui sa talai Yiukali na luve i Selemiya kei Sifaniya na luve i Meeseya na bote vei Jeremaia na parofita, me kaya, Mo masulaki keda mada vei Jiova na noda Kalou.

Vakavakadewa Vou kei na iVola tale eso

³ Ia a mani talai rau o Jiukali na luve i Selemaia, kei Sefanaia na luve i Maseia na bete o Setekaia me rau lako vei Jeremaia na parofita ka kaya vua, “Ni yalo vinaka mo ni masulaki keimami vei Jiova na Kalou.”

Ai Vola Tabu Ena Vakavakadewa Vou

³ Ia a mani talai rau o Jiukali na luve i Selemaia, kei Sefanaia na luve i Maseia na bete o Setekaia me rau lako vei Jeremaia na parofita ka kaya vua, “Ni yalo vinaka mo ni masulaki keimami vei Jiova na Kalou.”

Jeremaia 37:3 Iomraidhean Croise

1 Tui 13:6

A sa vosa na tui, ka kaya vua na tamata ni Kalou, Mo vakamasuti Jiova mada na nomu Kalou, ka masulaki au, ka me'u loki tale mai vei au na ligaqu. A sa vakamasuti Jiova na tamata ni Kalou, a sa lokia tale vei koya na ligana na tui, ka sa yaco me vaka eliu.

Lako Yani 10:17

ia mo lomani au vakadua ga oqo mo kakua mada ni cudruvi au e na noqu i valavala ca, ia drau masuti Jiova na nomudrau Kalou, me kauta tani vei au na mate ca ga oqo.

Lako Yani 8:28

A sa kaya ko Fero, Au na laivi kemudou mo dou lako me vakacaboi soro vei Jiova na nomudou Kalou e na lekutu: ia dou na kakua ga ni lako vakayawa: drau masulaki au.

Lako Yani 8:8

Sa qai kacivi Mosese kei Eroni ko Fero, ka kaya, Drau vakamasuti Jiova me kauta tani vei au na boto, vei ira talega na noqu tamata; au na qai laivi ira na tamata me ra la'ki vakacaboi soro vei Jiova.

Lako Yani 9:28

mo vakamasuti Jiova, me kakua tale na kurukuru maivei koya na Kalou, se na uca-cevata, ni sa qai levu; ia ka'u na qai laivi kemuni mo ni lako, ia kemuni na sega ni tiko tale.

Jeremaia 15:11

Sa kaya ko Jiova, E dina, na vo ni nomu bula ena vinaka ga; e dina, ka'u na vakauqeti ira na meca me ra caka vinaka vei iko e na gauna ni ca kei na gauna ni rarawa.

Jeremaia 2:27

ni ra kaya ki na kau, Ko iko na tamaqu; ki na vatu talega, Ko iko ko a vakasucumi au: ka ni ra sa vakanadaku vei au, ka sega ni vakanamata mai: ia e na gauna ni nodra rarawa era na kaya, Mo ni tu cake mai, ka vakabulai keimami.

Jeremaia 29:21

Sa kaya vakaoqo ko Jiova ni lewe vuqa, na Kalou ni Isireli, e vuku i Eapi na luve i Kolaia, kei Setekaia na luve i Meesea, erau sa parofisaitaka na lasu vei kemudou e na yacaqu: Raica, au na soli rau ki na liga i Nepukanesa na tui Papiloni; ena vakamatei rau ko koya e na matamudou,

Jeremaia 29:25

Sa kaya vakaoqo ko Jiova ni lewe vuqa, na Kalou ni Isireli, ka vaka, Ko iko, ni ko sa vakauta e na yacamu ga nai vola vei ira kece na tamata mai Jerusalemi, vei Sefanaia talega na luve i Meesea na bete, kei ira kecega na bete, ka kaya,

Jeremaia 37:17

sa qai talaki ko Setekaia na tui, ka kauti koya tani maikina: a sa tarogi koya lo ko koya na tui e na nona vale, ka vaka, Sa dua li na vosa maivei Jiova? Ka sa kaya ko Jeremaia, Sa dua: ka sa vaka, Ko na soli ki na liga i tui Papiloni.

Jeremaia 37:7

Sa kaya vakaoqo ko Jiova, na Kalou ni Isireli; Dou vosa vakaoqo vei tui Juta, ko koya ka talai kemudou vei au me mai tarogi au; Raica, nai valu i Fero ka lako mai me vukei kemudou, ena lako tale ki Ijipita ki na nodra vanua.

Jeremaia 38:1

Ia ko Sefataia na luve i Matani, kei Kitalaia na luve i Pasuri, kei Jukali na luve i Selemaia, kei Pasuri na luve i Malikaia, eratou sa rogoca na vosa sa tukuna ko Jeremaia vei ira kece na tamata, ka vaka,

Jeremaia 42:1

Era sa qai toro mai na kapiteni kecega ni valu, kei Joenani na luve i Karea, kei Jisanaia na luve i Osaia, kei ira na tamata kecega, na tamata wale kei ira talega na turaga,

Jeremaia 42:20

Ni dou sa sega ni lomadina, ni dou sa talai au vei Jiova na nomudou Kalou, ka kaya, Mo masulaki keimami vei Jiova na noda Kalou; ia na ka kece ena kaya ko Jiova na noda Kalou, mo tukuna vei keimami, ia keimami na qai cakava vakakina.

Jeremaia 52:24

Ia na kapiteni ni valu i vakatawa sa kauti Siraia na bete levu, kei Sefanaia nai karua ni bete, kei iratou tolutolu nai vakatawa ni katuba:

Tiko mai na Lekutu 21:7

A ra sa lako mai vei Mosese na tamata, ka kaya, Keimami sa cala, ni keimami sa vosavakacacataki Jiova, kei iko; mo masuti Jiova me kauta tani vei keimami na gata. A sa masulaki ira ko Mosese.

Cakacaka 8:24

Sa qai vosa ko Saimoni, ka kaya, Drau masulaki au vua na Turaga, me kakua ni yaco vei au e dua na ka drau sa vosa kina.

1 Samuela 12:19

A ra sa kaya vei Samuela ko ira kecega na tamata, Mo masulaki keimami na nomu tamata vei Jiova na nomu Kalou, me keimami kakua ni mate: ni keimami sa kuria na neimami valavala ca kecega e na ca oqo, ni keimami sa kerea e dua na neimami tui.