Jeremaia 36:4 - Vakavakadewa Makawa

⁴ Ia ko Jeremaia, sa kacivi Peruki na luve i Neraia: a sa vola ko Peruki ni sa tukuna tiko ko Jeremaia na vosa kecega i Jiova, sa vosataka vua, ki nai vola vivigi.

Ai Vola Tabu (Vakadewa Makawa Vakavoutaki 2021)

⁴ Ia ko Jeremaia, sa kacivi Baruki na luve i Neraia, a sa vola ko Baruki ni sa tukuna tiko ko Jeremaia na vosa kecega i Jiova, sa vosataka vua, ki nai vola vivigi.

AI VOLA TABU

⁴ Ia ko Jeremaia, sa kacivi Paruki na luve i Neriya: a sa vola ko Paruki mai na gusu i Jeremaia na vosa i Jiova kecega, sa vosataka vua, ki nai vola vivigi.

Vakavakadewa Vou kei na iVola tale eso

⁴ A mani kacivi Baruki yani na luve i Neria o Jeremaia, ka tukuna vua me vola ena i vola vivigi ni a cavuqaqataka tiko na vosa kece sara a tukuna vua o Jiova.

Ai Vola Tabu Ena Vakavakadewa Vou

⁴ A mani kacivi Baruki yani na luve i Neria o Jeremaia, ka tukuna vua me vola ena i vola vivigi ni a cavuqaqataka tiko na vosa kece sara a tukuna vua ko Jiova.

Jeremaia 36:4 Iomraidhean Croise

Aisea 30:8

Mo la'ki vola mada e matadra na ka oqo e na papa ni volavola, ka vola e nai vola me tu ka yacova na gauna emuri, me sega ni mudu rawa:

Aisea 8:1

A sa kaya vei au ko Jiova, Mo taura mada e dua na papa ni volavola levu, ka vola vakamacala kina E na vuku i Measalali-asi-pasi.

Jeremaia 25:13

Ia ka'u na vakayacora ki na vanua ko ya na noqu vosa kecega ka'u sa cavuta me yaco kina, io, na ka kecega sa volai e nai vola oqo, ka sa parofisaitaka ko Jeremaia me yacova na veimatanitu kecega.

Jeremaia 30:2

Sa kaya vakaoqo ko Jiova na nodra Kalou na Isireli, Mo vola e na dua nai vola me tu vei iko na vosa kecega ka'u sa tukuna oti vei iko.

Jeremaia 32:12

ka'u sa solia nai vola ni veivoli vei Peruki na luve i Neraia, na luve i Meesea, e na mata i Anameli na luve i tamaqu lailai, e na matadra talega era a mai vakadinadina era vola na yacadra e nai vola ni veivoli, e na matadra kece talega na Jiu era sa tiko e na lomanibai ni vale ni veivesu.

Jeremaia 36:14

Ia ko ira kece na turaga era sa talai Jiutai na luve i Necanaia, na luve i Selemaia, na luve i Kusi, vei Peruki, me kaya vua, Mo taura mada nai vola vivigi ko sa wilika maikina vei ira na tamata, ka lako ga mai. Ka sa taura ko Peruki na luve i Neraia nai vola vivigi, a sa lako mai vei ira.

Jeremaia 36:21

A sa talai Jiutai na tui me la'ki kauta mai nai vola vivigi: ka sa la'ki kauta mai ko koya mai na tiki ni vale nei Ilisama na vunivola. Ka sa wilika vua na tui ko Jiutai, vei ira kece talega na turaga era tu e na mata ni tui.

Jeremaia 36:23

Ia ni sa wilika oti ko Jiutai e tolu se va na tikina, sa seleva ko koya na tui e nai sele ni vunivola, ka biuta ki na bukawaqa e na miqa, ka me kama oti nai vola vivigi e na bukawaqa sa tu e na miqa.

Jeremaia 36:26

A sa kaya sara na tui vei iratou ko Jiramieli na luve i Ameleki, kei Siraia na luve i Asirieli, kei Selemaia na luve i Apitieli, me ra tauri Peruki na vunivola kei Jeremaia na parofita: ia sa vunitaki rau ko Jiova.

Jeremaia 36:27

Sa qai yaco vei Jeremaia na vosa i Jiova, ni sa vakama oti na tui nai vola vivigi kei na vosa i Jeremaia sa vola ko Peruki, ka vaka,

Jeremaia 36:28

Mo baci kauta tale vei iko e dua tale nai vola vivigi, ka vola kina na vosa kecega ka tu e nai vola vivigi eliu, oqori ka vakama ko Jioiakimi na tui Juta.

Jeremaia 36:32

Ia sa taura e dua tale nai vola vivigi ko Jeremaia, ka solia vei Peruki na vunivola, na luve i Neraia: ka sa vola kina ko koya mai na gusu i Jeremaia na vosa kecega ni vola sa vakama ko Jioiakimi na tui Juta e na bukawaqa: a sa vakaikuritaki e na vosa e vuqa sa vaka talega kina.

Jeremaia 36:6

ia mo lako ko iko, ka wilika mai nai vola vivigi, na vosa ka'u sa tukuna oti vei iko, io na vosa i Jiova vei ira na tamata e na vale i Jiova e na siga ni lolo: ia mo wilika talega vei ira na Juta kecega era sa lako mai na nodra veikoro.

Jeremaia 43:3

ia ko Peruki na luve i Neraia sa vakauqeti iko vakaca ga vei keimami, me soli keimami ki na ligadra na kai Kalitia, me ra vakamatei keimami, ka kauti keimami ki Papiloni.

Jeremaia 51:59

A vosa sa vakarota ko Jeremaia na parofita vei Siraia na luve i Neraia, na luve i Meesea, ni sa lako vata ko koya kei Setekaia na tui Juta ki Papiloni, e nai kava ni yabaki ni nona lewa. Ia ko Siraia oqo sa lewa na vale ni moce ni Tui.

Jeremaia 51:60

A sa vola ko Jeremaia e na dua nai vola, na ca kece ena yaco ki Papiloni, io na vosa kece oqo sa volai me yaco ki Papiloni.

Isikeli 2:9

Ia ni'u a vakaraica, raica, sa dua na liga sa dodo mai vei au; ka raica, sa tu kina e dua nai vola vivigi;

Taniela 7:1

E nai matai ni yabaki i Pelisasari na tui Papiloni sa tadra ko Taniela ka raica eso na raivotu e na nonai mocemoce: sa qai vola na tadra ko koya, ka tukuna na kenai lakolako.

Sakaraia 5:1

Au a qai ta cake tale, ka raica, sa dua nai vola vivigi sa vuka tiko.

Roma 16:22

Oi au ko Teritiu, ka vola nai vola oqo, au sa loloma yani vei kemudou e na Turaga.