Jeremaia 36:3 - Vakavakadewa Makawa

³ Era na rogoca beka ko ira na mataqali i Juta na ca kecega ka'u sa nakita me'u cakava vei ira; me ra dui lesu kina ko ira yadua mai na nona sala ca; ia me'u bokoca kina na nodra caka cala kei na nodra i valavala ca.

Ai Vola Tabu (Vakadewa Makawa Vakavoutaki 2021)

³ Era na rogoca beka ko ira na lewe-ni-vuvale i Juta na ca kecega ka'u sa nakita me'u cakava vei ira; me ra dui lesu kina ko ira yadua mai na nona sala ca; ia me'u vosota kina na nodra caka cala kei na nodra i valavala ca.”

AI VOLA TABU

³ Era na rogoca beka ko ira na mataqali i Juta na ca kecega kaʼu sa nakita me cakava vei ira; me ra dui lesu yadua mai na nona sala ca; ia meʼu kakua kina ni cudruva na nodra caka cala kei na nodrai valavala ca.

Vakavakadewa Vou kei na iVola tale eso

³ De ra na rogoca na lewe i Juta na veivakarusai kece au nakita me'u vakayacora vei ira era na qai gole tani kece mai na nodra i tovo ca. Ia au na qai vosoti ira mai na nodra caka cala kei na nodra i valavala ca.”

Ai Vola Tabu Ena Vakavakadewa Vou

³ De ra na rogoca na lewe i Juta na veivakarusai kece au nakita me'u vakayacora vei ira era na qai gole tani kece mai na nodra i tovo ca. Ia au na qai vosoti ira mai na nodra caka cala kei na nodra i valavala ca.”

Jeremaia 36:3 Iomraidhean Croise

Niemaia 1:9

ia kevaka dou na lesu mai vei au, ka vakabauta na noqu i vakaro, ka cakava; kevaka sa vakasevi tani eso vei kemudou ki nai yalayala kei vuravura, au na vakasoqoni ira mai kina, ka kauti ira ki na yasana ka'u sa digitaka me vakatikora kina na yacaqu.

NA SAME 139:24

Ka raica se sa dua nai tovo ca vei au, Ka tuberi au e na sala ni bula tawa mudu.

Aisea 6:10

Mo vakabibitaka na yalodra na tamata oqo, ka vakadidivarataka na daligadra, ka vakabobotaka na matadra; de ra rai e matadra, ka rogo e na daligadra, ka kila e na lomadra, ka saumaki mai, ka ra vakabulai.

Jeremaia 18:11

Ia oqo, mo vosa vei ira na Juta, kei na lewe i Jerusalemi, ka kaya, Sa kaya vakaoqo ko Jiova; Raica, au sa tulia na ca kivei kemudou, ia ka'u sa vakananuma e dua na lewa e na vukumudou: dou dui lesu mada mai na nomudou i tovo ca, ka vakavinakataka na nomudou i tovo kei na nomudou i valavala.

Jeremaia 18:8

kevaka ena lesu na vanua ko ya mai na nodra ca, ka'u a lewa me ra ca kina, ka'u na qai veivutunitaka na ca ka'u a nanuma me'u cakava vei ira.

Jeremaia 23:14

Ia ka'u sa kunea talega na ka vakasisila vei ira na parofita ni Jerusalemi: era sa ia na dauyalewa ka muria na ka lasu: era sa totaki ira na daucaka ca, me sega kina e dua sa lesu mai na nona ca: era sa tautauvata kecega vei au ko ira oqo kei ira na kai Sotoma, kei ira na lewe ni koro oqo era sa tautauvata kei Komora.

Jeremaia 24:7

ia ka'u na solia vei ira na yalo me ra kilai au kina, ni sai au ko Jiova: ia era na yaco me ra noqu tamata, ka'u na yaco me'u nodra Kalou: ni ra na lesu mai vei au e na lomadra dina.

Jeremaia 26:3

era na vakarorogo beka, ka lesu na tamata yadua mai na nonai tovo ca, me'u veivutunitaka na ca, ka'u sa nakita me'u cakava vei ira ni sa ca na nodra i valavala.

Jeremaia 35:15

Au a talai ira talega vei kemudou na noqu i talatala kecega na parofita, ka sou e na mataka me'u tala, ka kaya, Dou dui lesu mada na tamata yadua mai na nona sala ca, ka dou ia mada me vinaka na nomudou i valavala, ia dou kakua ni muria na kalou tani me qaravi ira, dou na qai tiko ga e na vanua ka'u sa solia vei kemudou kei ira na nomudou qase: ia dou sa sega ga ni vakatu daligamudou, se vakarorogo vei au.

Jeremaia 36:7

Era na via vakamamasu beka e na mata i Jiova, ka dui lesu yadua mai na nona sala ca: ni sa levu na cudru kei na lesa sa cavuta ko Jiova me yaco vei ira na tamata oqo.

Isikeli 12:3

Ia ko iko, na luve ni tamata, mo vakarautaka na nomu i yaya ni toki, ka toki tani e matadra e na siga: ia mo toki tani e matadra mai na nomu tikina ki na tikina tani: era mataqali dautalaidredre, ia de ra na vakanananu beka ga.

Isikeli 18:23

Me'u vinakata vakalailai na nona mate na tamata ca, sa kaya na Turaga ko Jiova: au sega beka ni vinakata cake ni sa saumaki ko koya mai na nona sala ca, ka me bula?

Sefanaia 2:3

Dou vakasaqarai Jiova, oi kemudou kece sa yalomalumalumu e na vanua, oi kemudou sa cakava na nona lewa; dou qara mada na yalododonu, vakasaqara na yalomalumalumu: dou na vuni beka kina e na siga ni cudru i Jiova.

Maciu 13:15

Ni sa uro mai na lomadra na tamata oqo, A sa didivara na daligadra, A sa bobo na matadra; De dua na siga ena rai na matadra, Ka rogo na daligadra, Ka kila na lomadra, A ra saumaki mai, Ia kau na vakabulai ira.

Marika 4:12

me ra raica tiko, ka sega ni kila; ka me ra rogoca tiko, ka lecava tu; de dua na siga era saumaki mai kina, ka me bokoci na nodrai valavala ca.

Luke 20:13

Sa qai kaya nai taukei ni were-ni-vaini, A cava me’u kitaka? au na tala na noqu gone ni toko: era na dokai koya beka ni ra sa raica.

Cakacaka 26:18

mo laki basuka na matadra, me ra saumaki mai na butobuto ki na rarama, mai na kaukauwa talega nei Setani ki vua na Kalou me ra kakua ni cudruvi e nai valavala ca, me rai taukei vata talega emuri kei ira era yalosavasava, ni ra sa vakabauti au.

Cakacaka 26:20

ia ka’u sa tukuna mada eliu vei ira mai Tamasiko, kei Jerusalemi, kei na yasayasa kece vaka-Jutia, vei ira talega na veimatanitu tani, me ra veivutuni ka saumaki mai kivua na Kalou, ka kitaka nai valavala e kilikili kei na veivutuni.

Cakacaka 28:27

Ni sa uro mai na lomadra na tamata oqo, A sa didivara na daligadra, A sa bobo na matadra; De dua na siga ena rai na matadra, Ka rogo na daligadra, Ka kila na lomadra, A ra saumaki mai, Ia ka’u na vakabulai ira.

Cakacaka 3:19

O koya mo dou qai veivutuni ka saumaki mai, me bokoci kina na nomudoui valavala ca, me yaco kina na gauna ni vakacegu mai na mata ni Turaga;

Vakarua 30:2

ka sa lesu mai kina vei Jiova na nomuni Kalou, ka talairawarawa ki na nona vosa, me vaka na ka kecega ka'u sa vakarota vei kemuni edaidai, koi kemuni kei ira na luvemuni, e na lomamuni taucoko, kei na yalomuni taucoko;

Vakarua 30:8

Ia ko ni na lesu ka vakarorogo ki na vosa i Jiova, ka cakava na nonai vakaro kecega ka'u sa vakarota vei kemuni edaidai.

Vakarua 5:29

Ke sa tiko mada vei ira na yalo vakaoqo, me ra rerevaki au, ka vakabauta tikoga na noqu vunau kecega, me yaco kina vei ira na ka vinaka, kei na nodra kawa talega ka sega ni mudu!

2 Pita 3:9

Sa sega ni berabera na Turaga ni vakayacora na nona vosa ni yalayala, me vaka era sa nanuma na tamata eso sa berabera: sa vosoti keda ga vakadede, ni sa sega ni vinakata me rusa e dua, me yacova ga na veivutuni ko ira kecega na tamata.

1 Samuela 7:3

A sa vosa vei ira kecega na mataqali i Isireli ko Samuela, ka kaya, Kevaka kemuni sa saumaki vei Jiova e na yalomuni taucoko, mo ni biuta na nodra kalou na kai tani kei Aseteroci mai na kemuni maliwa, ka vakarautaka na yalomuni vei Jiova, ka qaravi koya duaduaga; ena qai vakabulai kemuni ko koya mai na ligadra na kai Filisitia.