Jeremaia 34:3 - Vakavakadewa Makawa

³ ia ko iko, ko na sega ni dro tani rawa mai na ligana, ko na tauri vakaidina ga, ka soli ki ligana; ia drau na veirai mata kei tui Papiloni, ka veivosaki sara kaya e na gusumudrau, ia ko na yaco ga ki Papiloni.

Ai Vola Tabu (Vakadewa Makawa Vakavoutaki 2021)

³ Ia ko iko, ko na sega ni dro tani rawa mai na ligana, ko na tauri vakaidina ga, ka soli ki ligana; ia drau na veirai mata kei tui Papiloni, ka veivosaki sara kaya e na gusumudrau, ia ko na yaco ga ki Papiloni.’

AI VOLA TABU

³ ia ko iko, ko na tawa dro rawa tani mai na ligana, o na tauri vakaidina ga, ka soli ki ligana; ia na matamu, ena raica na mata i tui Papiloni, kei na gusuna, ena vosa ki na gusumu, ia ko na yaco ga ki Papiloni.

Vakavakadewa Vou kei na iVola tale eso

³ O na sega ni dro tani rawa mai vua. O na vesu ka soli ki na ligana. O na raica sara na matana o na veivosaki kaya; ia o na qai kau ki Papiloni.

Ai Vola Tabu Ena Vakavakadewa Vou

³ O na sega ni dro tani rawa mai vua. O na vesu ka soli ki na ligana. O na raica sara na matana o na veivosaki kaya; ia o na qai kau ki Papiloni.

Jeremaia 34:3 Iomraidhean Croise

Jeremaia 21:7

ni sa oti oqori, sa kaya ko Jiova, ka'u na soli Setekaia na tui Juta, kei ira na nona tamata, kei ira na lewe ni vanua, kei ira sa vo e na koro oqo mai na mate dauveiveitauvi, kei nai seleiwau, kei na viakana, ki na liga i Nepukatiresa na tui Papiloni, kei na ligadra na nodra meca, kei na ligadra era sagai ira me ra vakamatea: ia ena yaviti ira ko koya e nai seleiwau; ena sega ni vosoti ira, ena sega talega ni yalovinaka, se yalololoma.

Jeremaia 27:22

Sa na kau ga ki Papiloni, ka na tu ga maikea ka yacova na siga ka'u na talevi ira kina, sa kaya ko Jiova; ka'u na qai kauti ira cake mai, ka vakasuka tale ki na yasana oqo.

Jeremaia 32:28

O koya oqo sa kaya ko Jiova; Raica, au na solia na koro oqo ki na ligadra na kai Kalitia, kei na liga i Nepukanesa na tui Papiloni, ia ena rawa ko koya:

Jeremaia 32:3

Ni sa sogolati koya kina ko Setekaia na tui Juta, ka sa kaya, A cava ko sa ia kina na parofisai, ka vaka, Sa kaya vakaoqo ko Jiova, Raica, au na solia na koro oqo ki na liga i tui Papiloni, ka na rawa talega ko koya;

Jeremaia 32:4

ia ko Setekaia na tui Juta ena sega ni dro tani rawa mai na ligadra na kai Kalitia, ena soli dina ga ki na liga i tui Papiloni, ka rau na veivosaki vata kaya e na matanavotu, na matana talega ena raica na matana;

Jeremaia 34:21

Ia ko Setekaia na tui Juta kei ira na nona tamata turaga, ka'u na solia ki na ligadra na nodra meca, kei na ligadra era segata me ra vakamatea, io ki na ligadra na tamata i valu i tui Papiloni, era a lako tani vei kemudou.

Jeremaia 34:4

Ia mo rogoca na vosa i Jiova, ko iko Setekaia na tui Juta, Sa kaya vakaoqo ko Jiova e na vukumu, Ko na sega ni mate e nai seleiwau:

Jeremaia 37:17

sa qai talaki ko Setekaia na tui, ka kauti koya tani maikina: a sa tarogi koya lo ko koya na tui e na nona vale, ka vaka, Sa dua li na vosa maivei Jiova? Ka sa kaya ko Jeremaia, Sa dua: ka sa vaka, Ko na soli ki na liga i tui Papiloni.

Jeremaia 38:18

ia kevaka ko ni na sega ni lako yani vei ira na tamata turaga nei tui Papiloni, ena qai soli na koro oqo ki na ligadra na kai Kalitia, ka ra na vakama e na bukawaqa, ia koi kemuni ena sega ni dro tani rawa mai na ligadra.

Jeremaia 38:23

Ia era na kauti ira kece na watimuni kei na luvemuni, vei ira na kai Kalitia: koi kemuni talega, ko ni na sega ni dro tani rawa mai na ligadra, ia ena tauri kemuni talega ko tui Papiloni: ia na koro oqo, ko ni na vakavuna na kena vakamai e na bukawaqa.

Isikeli 12:13

Ia ka'u na tevuka vua na noqu lawa, ena coriti talega e na noqu i cori: ia ka'u na kauti koya ki Papiloni ki na nodra vanua na kai Kalitia; ena mate maikea ko koya, ia ena sega ga ni raica.

Isikeli 17:15

ia sa vuki tani vua ko koya ni sa talai ira na nona mata ki Ijipita, me ra solia vua na ose ka lewe vuqa talega na tamata. Sa na vakayacori li ko koya? sa na bula beka ko koya sa cakava na ka vakaoqo? Se me vakacacataka li na veiyalayalati, ka bula ga?

Isikeli 17:16

Sa kaya na Turaga ko Jiova, me vaka na dina ni noqu bula, e na yasana dina ga ni tui ka buli koya me tui, ka sa beca na nona bubului, ka sa vakacacana na nona veiyalayalati, ni sa tiko ko koya e na loma i Papiloni ena mate ga.

Isikeli 21:25

Ia ko iko, na turaga ni Isireli na tamata be ka ca, ka sa yaco na kemu siga, me tini kina na caka cala,